§3.51.1οὗ συμβάντος καὶ τῆς ἡμέρας ἐπιγενομένης, οἱ βάρβαροι συνθεασάμενοι τὸ γεγονὸς τὰς μὲν ἀρχὰς ἀπέστησαν τῆς ἐπιβολῆς·
이 일이 일어나고 날이 밝자, 야만인들은 일어난 일을 목격하고 처음에는 공격을 보류했다.
§3.51.2μετὰ δὲ ταῦτα θεωροῦντες τὸ τῶν ὑποζυγίων πλῆθος καὶ τοὺς ἱππεῖς δυσχερῶς ἐκμηρυομένους καὶ μακρῶς τὰς δυσχωρίας, ἐξεκλήθησαν ὑπὸ τοῦ συμβαίνοντος ἐξάπτεσθαι τῆς πορείας.
그러나 그 후 짐승 떼와 기병들이 험로에서 어렵사리 한 줄로 길게 늘어서서 나아가는 것을 보고, 그 상황에 이끌려 행군 대열을 공격하기 시작했다.
§3.51.3τούτου δὲ γενομένου, καὶ κατὰ πλείω μέρη προσπεσόντων τῶν βαρβάρων, οὐχ οὕτως ὑπὸ τῶν ἀνδρῶν ὡς ὑπὸ τῶν τόπων πολὺς ἐγίνετο φθόρος τῶν Καρχηδονίων, καὶ μάλιστα τῶν ἵππων καὶ τῶν ὑποζυγίων.
이 일이 일어나고 야만인들이 여러 곳에서 습격하자, 카르타고군에는 적군에 의해서라기보다 지형에 의해 큰 피해가 발생했으며, 특히 말과 짐승들에게서 그러했다.
§3.51.4οὔσης γὰρ οὐ μόνον στενῆς καὶ τραχείας τῆς προσβολῆς ἀλλὰ καὶ κρημνώδους, ἀπὸ παντὸς κινήματος καὶ πάσης ταραχῆς ἐφέρετο κατὰ τῶν κρημνῶν ὁμόσε τοῖς φορτίοις πολλὰ τῶν ὑποζυγίων.
오르막길이 좁고 험할 뿐만 아니라 절벽으로 이루어져 있었기 때문에, 작은 움직임이나 혼란에도 많은 짐승들이 짐과 함께 절벽 아래로 떨어졌기 때문이다.
§3.51.5καὶ μάλιστα τὴν τοιαύτην ταραχὴν ἐποίουν οἱ τραυματιζόμενοι τῶν ἵππων·
그리고 특히 그러한 혼란을 일으킨 것은 상처를 입은 말들이었다.
τούτων γὰρ οἱ μὲν ἀντίοι συμπίπτοντες τοῖς ὑποζυγίοις, ὁπότε διαπτοηθεῖεν ἐκ τῆς πληγῆς, οἱ δὲ κατὰ τὴν εἰς τοὔμπροσθεν ὁρμὴν ἐξωθοῦντες πᾶν τὸ παραπῖπτον ἐν ταῖς δυσχωρίαις, μεγάλην ἀπειργάζοντο ταραχήν.
그들 중 일부는 상처 때문에 겁에 질릴 때마다 짐승들과 정면으로 부딪쳤고, 다른 일부는 앞으로 돌진하는 기세로 험로에서 곁에 있는 모든 것을 밀쳐내어 큰 혼란을 야기했기 때문이다.
§3.51.6εἰς ἃ βλέπων Ἀννίβας καὶ συλλογιζόμενος ὡς οὐδὲ τοῖς διαφυγοῦσι τὸν κίνδυνον ἔστι σωτηρία τοῦ σκευοφόρου διαφθαρέντος, ἀναλαβὼν τοὺς προκατασχόντας τὴν νύκτα τὰς ὑπερβολὰς ὥρμησε παραβοηθήσων τοῖς τῇ πορείᾳ προλαβοῦσιν.
한니발은 이를 보고 수송 부대가 전멸하면 위험을 피한 자들에게도 생존의 길이 없다고 판단하여, 밤사이에 고갯길을 미리 점거하고 있던 자들을 이끌고 행군에서 앞서가던 자들을 지원하기 위해 급히 나아갔다.
§3.51.7οὗ γενομένου πολλοὶ μὲν τῶν πολεμίων ἀπώλλυντο διὰ τὸ ποιεῖσθαι τὴν ἔφοδον ἐξ ὑπερδεξίων τὸν Ἀννίβαν, οὐκ ἐλάττους δὲ καὶ τῶν ἰδίων·
이 일이 일어나자 한니발이 높은 지대에서 공격을 가했기 때문에 적들 중 많은 이들이 목숨을 잃었으나, 아군 역시 그에 못지않게 많은 이들이 목숨을 잃었다.
§3.51.8ὁ γὰρ κατὰ τὴν πορείαν θόρυβος ἐξ ἀμφοῖν ηὔξετο διὰ τὴν τῶν προειρημένων κραυγὴν καὶ συμπλοκήν.
앞서 언급한 자들의 비명 소리와 뒤엉킴으로 인해 양측 모두에서 행군 도중의 소란이 커졌기 때문이다.
§3.51.9ἐπεὶ δὲ τοὺς μὲν πλείστους τῶν Ἀλλοβρίγων ἀπέκτεινε, τοὺς δὲ λοιποὺς τρεψάμενος ἠνάγκασε φυγεῖν εἰς τὴν οἰκείαν, τότε δὴ τὸ μὲν ἔτι περιλειπόμενον πλῆθος τῶν ὑποζυγίων καὶ τῶν ἵππων μόλις καὶ ταλαιπώρως διήνυε τὰς δυσχωρίας,
그러나 그가 알로브로게스족의 대부분을 죽이고 남은 자들을 패퇴시켜 자신들의 영토로 도망치게 하자, 그제야 아직 남아 있던 많은 짐승들과 말들이 간신히 고통스럽게 험로를 통과했다.
§3.51.10αὐτὸς δὲ συναθροίσας ὅσους ἠδύνατο πλείστους ἐκ τοῦ κινδύνου προσέβαλε πρὸς τὴν πόλιν, ἐξ ἧς ἐποιήσαντο τὴν ὁρμὴν οἱ πολέμιοι.
그 자신은 그 위험 속에서 가능한 한 많은 이들을 모아, 적들이 출격해 온 도시를 향해 공격을 개시했다.
§3.51.11καταλαβὼν δὲ σχεδὸν ἔρημον διὰ τὸ πάντας ἐκκληθῆναι πρὸς τὰς ὠφελείας ἐγκρατὴς ἐγένετο τῆς πόλεως.
모두가 전리품을 바라고 유인되어 나갔기 때문에 거의 텅 빈 도시를 발견한 그는 도시를 장악했다.
ἐκ δὲ τούτου πολλὰ συνέβη τῶν χρησίμων αὐτῷ πρός τε τὸ παρὸν καὶ πρὸς τὸ μέλλον.
이로 인해 현재와 미래 모두에 걸쳐 그에게 유익한 일들이 많이 일어났다.
§3.51.12παραυτίκα μὲν γὰρ ἐκομίσατο πλῆθος ἵππων καὶ ὑποζυγίων καὶ τῶν ἅμα τούτοις ἑαλωκότων ἀνδρῶν, εἰς δὲ τὸ μέλλον ἔσχε μὲν καὶ σίτου καὶ θρεμμάτων ἐπὶ δυεῖν καὶ τρισὶν ἡμέραις εὐπορίαν,
즉시 그는 수많은 말과 짐승들, 그리고 이와 함께 사로잡혔던 사람들을 되찾았고, 미래를 위해서는 이틀 혹은 사흘 동안 쓸 곡물과 가축의 풍족한 예비분을 확보했다.
§3.51.13τὸ δὲ συνέχον, φόβον ἐνειργάσατο τοῖς ἑξῆς πρὸς τὸ μὴ τολμᾶν αὐτῷ ῥᾳδίως ἐγχειρεῖν μηδένα τῶν παρακειμένων ταῖς ἀναβολαῖς.
가장 결정적인 것은, 그 후에 나타날 자들에게 두려움을 심어주어 고갯길 근처에 거주하는 자들 중 누구도 쉽게 그에게 손대려 하지 못하게 만든 점이었다.