§3.50.1Ἀννίβας δʼ ἐν ἡμέραις δέκα πορευθεὶς παρὰ τὸν ποταμὸν εἰς ὀκτακοσίους σταδίους ἤρξατο τῆς πρὸς τὰς Ἄλπεις ἀναβολῆς, καὶ συνέβη μεγίστοις αὐτὸν περιπεσεῖν κινδύνοις.
한니발은 열흘 동안 강을 따라 팔백 스타디온을 행군하여 알프스산을 오르기 시작했는데, 이때 극심한 위험에 처하게 되었다。
§3.50.2ἕως μὲν γὰρ ἐν τοῖς ἐπιπέδοις ἦσαν, ἀπείχοντο πάντες αὐτῶν οἱ κατὰ μέρος ἡγεμόνες τῶν Ἀλλοβρίγων, τὰ μὲν τοὺς ἱππεῖς δεδιότες, τὰ δὲ τοὺς παραπέμποντας βαρβάρους· ἐπειδὴ δʼ ἐκεῖνοι μὲν εἰς τὴν οἰκείαν ἀπηλλάγησαν, §3.50.3οἱ δὲ περὶ τὸν Ἀννίβαν ἤρξαντο προάγειν εἰς τὰς δυσχωρίας, τότε συναθροίσαντες οἱ τῶν Ἀλλοβρίγων ἡγεμόνες ἱκανόν τι πλῆθος προκατελάβοντο τοὺς εὐκαίρους τόπους, διʼ ὧν ἔδει τοὺς περὶ τὸν Ἀννίβαν κατʼ ἀνάγκην ποιεῖσθαι τὴν ἀναβολήν.
그들이 평지에 머무는 동안에는 알로브로게스족의 각지 지도자들이 한편으로는 기병을 두려워하고 다른 한편으로는 그들을 호송하는 야만인들을 두려워하여 모두 그들에게 손대기를 삼갔다。그러나 후자가 자신들의 영토로 돌아가고, 한니발의 군세가 험로로 나아가기 시작하자, 알로브로게스족의 지도자들은 충분한 수의 군세를 모아, 한니발의 군세가 필연적으로 거쳐 올라가야만 하는 요충지들을 미리 점거하였다。
§3.50.4εἰ μὲν οὖν ἔκρυψαν τὴν ἐπίνοιαν, ὁλοσχερῶς ἂν διέφθειραν τὸ στράτευμα τῶν Καρχηδονίων· νῦν δὲ καταφανεῖς γενόμενοι μεγάλα μὲν καὶ τοὺς περὶ Ἀννίβαν ἔβλαψαν, οὐκ ἐλάττω δʼ ἑαυτούς.
그리하여 만약 그들이 자신들의 의도를 숨겼더라면 카르타고 군대를 완전히 전멸시켰을 것이다。그러나 실제로는 의도가 드러나는 바람에, 한니발의 군세에 큰 피해를 입혔을 뿐만 아니라 자신들에게도 그에 못지않은 피해를 입혔다。
§3.50.5γνοὺς γὰρ ὁ στρατηγὸς τῶν Καρχηδονίων ὅτι προκατέχουσιν οἱ βάρβαροι τοὺς εὐκαίρους τόπους, αὐτὸς μὲν καταστρατοπεδεύσας πρὸς ταῖς ὑπερβολαῖς ἐπέμενε, §3.50.6προέπεμψε δέ τινας τῶν καθηγουμένων αὐτοῖς Γαλατῶν χάριν τοῦ κατασκέψασθαι τὴν τῶν ὑπεναντίων ἐπίνοιαν καὶ τὴν ὅλην ὑπόθεσιν.
카르타고군의 장군은 야만인들이 요충지들을 미리 점거하고 있다는 것을 알고는, 스스로 고갯길 근처에 진을 치고 그곳에 머물렀으며, 적들의 의도와 전체 상황을 정탐하기 위해 자신들의 길잡이 역할을 하던 갈리아인들 중 몇 명을 먼저 파견하였다。
§3.50.7ὧν πραξάντων τὸ συνταχθέν, ἐπιγνοὺς ὁ στρατηγὸς ὅτι τὰς μὲν ἡμέρας ἐπιμελῶς παρευτακτοῦσι καὶ τηροῦσι τοὺς τόπους οἱ πολέμιοι, τὰς δὲ νύκτας εἴς τινα παρακειμένην πόλιν ἀπαλλάττονται, πρὸς ταύτην τὴν ὑπόθεσιν ἁρμοζόμενος συνεστήσατο πρᾶξιν τοιαύτην.
이들이 명령을 수행하자, 장군은 적들이 낮 동안에는 주의 깊게 질서를 유지하며 그곳을 지키지만 밤이 되면 인근의 어떤 도시로 퇴각한다는 것을 파악하고, 이 상황에 맞추어 다음과 같은 작전을 세웠다。
§3.50.8ἀναλαβὼν τὴν δύναμιν προῆγεν ἐμφανῶς καὶ συνεγγίσας ταῖς δυσχωρίαις οὐ μακρὰν τῶν πολεμίων κατεστρατοπέδευσε. τῆς δὲ νυκτὸς ἐπιγενομένης, συντάξας τὰ πυρὰ καίειν, τὸ μὲν πλεῖον μέρος τῆς δυνάμεως αὐτοῦ κατέλιπε, τοὺς δʼ ἐπιτηδειοτάτους εὐζώνους ποιήσας διῆλθε τὰ στενὰ τὴν νύκτα καὶ κατέσχε τοὺς ὑπὸ τῶν πολεμίων προκαταληφθέντας τόπους, ἀποκεχωρηκότων τῶν βαρβάρων κατὰ τὴν συνήθειαν εἰς τὴν πόλιν.
그는 군대를 거느리고 공공연히 전진하여 험로에 가까워진 뒤 적과 멀지 않은 곳에 진을 쳤다。그리고 밤이 되자 모닥불을 피우도록 명령하고, 자신의 군세 중 대부분은 그곳에 남겨둔 채 가장 적합한 경장병들을 이끌고 밤중에 협곡을 통과하여, 야만인들이 관례에 따라 도시로 퇴각한 사이에 적들이 미리 점거하고 있던 곳들을 확보하였다。