§3.15.1οἱ δὲ Ζακανθαῖοι συνεχῶς ἔπεμπον εἰς τὴν Ῥώμην, ἅμα μὲν ἀγωνιῶντες περὶ σφῶν καὶ προορώμενοι τὸ μέλλον, ἅμα δὲ βουλόμενοι μὴ λανθάνειν Ῥωμαίους τὴν γινομένην εὔροιαν Καρχηδονίοις τῶν κατʼ Ἰβηρίαν πραγμάτων.
한편, 사군툼 사람들은 한편으로는 자신들의 처지를 염려하여 미래를 내다보고, 다른 한편으로는 이베리아에서 카르타고인들의 사정이 순조롭게 진행되는 것을 로마인들이 모르는 채로 넘어가게 하지 않기를 바라며, 끊임없이 로마로 사절을 보냈다.
§3.15.2Ῥωμαῖοι δὲ πλεονάκις αὐτῶν παρακηκοότες τότε πρεσβευτὰς ἐξαπέστειλαν τοὺς ἐπισκεψομένους ὑπὲρ τῶν προσπιπτόντων.
로마인들은 그동안 그들의 말을 여러 번 흘려들었으나, 그때에 이르러서야 전해오는 정보에 대해 조사하기 위해 사절단을 파견했다.
§3.15.3Ἀννίβας δὲ κατὰ τοὺς αὐτοὺς καιροὺς πεποιημένος ὑφʼ αὑτὸν οὓς προέθετο παρῆν αὖθις μετὰ τῶν δυνάμεων παραχειμάσων εἰς Καινὴν πόλιν, ἥτις ὡσανεὶ πρόσχημα καὶ βασίλειον ἦν Καρχηδονίων ἐν τοῖς κατὰ τὴν Ἰβηρίαν τόποις.
같은 시기, 한니발은 자신이 의도했던 자들을 복속시킨 후, 겨울을 나기 위해 군대를 이끌고 다시 '신도시'로 돌아와 있었다. 이 도시는 이베리아 지역에서 카르타고인들의 일종의 거점이자 중심지였다.
§3.15.4καταλαβὼν δὲ τὴν παρὰ τῶν Ῥωμαίων πρεσβείαν καὶ δοὺς αὑτὸν εἰς ἔντευξιν διήκουε περὶ τῶν ἐνεστώτων.
그는 로마에서 온 사절단을 맞이하여 회담에 응했고, 현재 직면한 문제들에 대해 자세히 경청했다.
§3.15.5Ῥωμαῖοι μὲν οὖν διεμαρτύροντο Ζακανθαίων ἀπέχεσθαι — κεῖσθαι γὰρ αὐτοὺς ἐν τῇ σφετέρᾳ πίστει — καὶ τὸν Ἴβηρα ποταμὸν μὴ διαβαίνειν κατὰ τὰς ἐπʼ Ἀσδρούβου γενομένας ὁμολογίας.
그리하여 로마인들은 사군툼 사람들에게 손을 대지 말 것—그들은 로마의 보호 아래 있기 때문이다—과, 하스드루발 시절에 맺어진 협정에 따라 에브로 강을 건너지 말 것을 강력히 요구했다.
§3.15.6ὁ δʼ Ἀννίβας, ἅτε νέος μὲν ὤν, πλήρης δὲ πολεμικῆς ὁρμῆς, ἐπιτυχὴς δʼ ἐν ταῖς ἐπιβολαῖς, πάλαι δὲ παρωρμημένος πρὸς τὴν κατὰ Ῥωμαίων ἔχθραν, §3.15.7πρὸς μὲν ἐκείνους, ὡς κηδόμενος Ζακανθαίων, ἐνεκάλει Ῥωμαίοις διότι μικροῖς ἔμπροσθεν χρόνοις, στασιαζόντων αὐτῶν, λαβόντες τὴν ἐπιτροπὴν [εἰς τὸ διαλῦσαι] ἀδίκως ἐπανέλοιντό τινας τῶν προεστώτων·
그러나 한니발은 젊고 투지에 가득 차 있었으며, 자신의 기도에서 연이어 성공을 거두었고, 오래전부터 로마인에 대한 적개심으로 고취되어 있었기 때문에, 로마인들을 향해서는 마치 사군툼 사람들을 염려하는 것처럼 꾸미며, 얼마 전 그들이 내분을 겪을 때 중재 임무를 맡고서도 부당하게 지도자 중 일부를 처형했다며 비난했다.
οὓς οὐ περιόψεσθαι παρεσπονδημένους· πάτριον γὰρ εἶναι Καρχηδονίοις τὸ μηδένα τῶν ἀδικουμένων περιορᾶν·
그리고 조약이 어겨진 채 부당한 대우를 받은 그들을 그냥 내버려 두지 않을 것이니, 억울한 일을 당한 사람을 아무도 방치하지 않는 것이 카르타고인들의 조상 대대로 내려온 전통이기 때문이라고 주장했다.
§3.15.8πρὸς δὲ Καρχηδονίους διεπέμπετο, πυνθανόμενος τί δεῖ ποιεῖν, ὅτι Ζακανθαῖοι πιστεύοντες τῇ Ῥωμαίων συμμαχίᾳ τινὰς τῶν ὑφʼ αὑτοὺς ταττομένων ἀδικοῦσι.
한편 카르타고 본국에는 사절을 보내, 사군툼 사람들이 로마와의 동맹을 믿고서 자신들의 지배를 받는 이들 중 일부를 부당하게 괴롭히고 있으니 어떻게 해야 할지를 물었다.
§3.15.9καθόλου δʼ ἦν πλήρης ἀλογίας καὶ θυμοῦ βιαίου·
전반적으로 그는 이성을 잃고 맹렬한 분노에 가득 차 있었다.
διὸ καὶ ταῖς μὲν ἀληθιναῖς αἰτίαις οὐκ ἐχρῆτο, κατέφευγε δʼ εἰς προφάσεις ἀλόγους· ἅπερ εἰώθασι ποιεῖν οἱ διὰ τὰς προεγκαθημένας αὐτοῖς ὁρμὰς ὀλιγωροῦντες τοῦ καθήκοντος.
그리하여 그는 진짜 원인은 입에 담지 않고 불합리한 핑계로 도피했는데, 이는 마음에 도사린 충동 때문에 의무를 소홀히 하는 자들이 흔히 저지르는 짓이었다.
§3.15.10πόσῳ γὰρ ἦν ἄμεινον οἴεσθαι δεῖν Ῥωμαίους ἀποδοῦναι σφίσι Σαρδόνα καὶ τοὺς ἐπιταχθέντας ἅμα ταύτῃ φόρους, οὓς τοῖς καιροῖς συνεπιθέμενοι πρότερον ἀδίκως παρʼ αὐτῶν ἔλαβον· εἰ δὲ μή, φάναι πολεμήσειν;
로마인들이 예전에 기회를 틈타 카르타고인들로부터 부당하게 빼앗아 갔던 사르데냐와 그와 함께 부과된 공납금을 돌려주어야 한다고 주장하고, 그렇지 않으면 전쟁을 선포하겠다고 말하는 편이 얼마나 더 나았겠는가?
§3.15.11νῦν δὲ τὴν μὲν οὖσαν αἰτίαν ἀληθινὴν παρασιωπῶν, τὴν δʼ οὐχ ὑπάρχουσαν περὶ Ζακανθαίων πλάττων, οὐ μόνον ἀλόγως, ἔτι δὲ μᾶλλον ἀδίκως κατάρχειν ἐδόκει τοῦ πολέμου.
그러나 실제로 그는 엄연히 존재하는 진짜 원인은 덮어두고 사군툼 사람들에 대한 없는 이유를 지어냄으로써, 불합리할 뿐만 아니라 한층 더 불의하게 전쟁을 시작하는 것처럼 보였다.
§3.15.12οἱ δὲ τῶν Ῥωμαίων πρέσβεις, ὅτι μὲν εἴη πολεμητέον σαφῶς εἰδότες, ἀπέπλευσαν εἰς Καρχηδόνα, τὰ παραπλήσια θέλοντες ἐπιμαρτύρασθαι κἀκείνους·
로마의 사절들은 전쟁을 피할 수 없음을 명백히 깨닫고, 그들에게도 비슷한 요구를 하여 증인으로 삼고자 카르타고로 항해해 떠났다.
§3.15.13οὐ μὴν ἐν Ἰταλίᾳ γε πολεμήσειν ἤλπισαν, ἀλλʼ ἐν Ἰβηρίᾳ, χρήσεσθαι δὲ πρὸς τὸν πόλεμον ὁρμητηρίῳ τῇ Ζακανθαίων πόλει.
실로 그들은 이탈리아가 아니라 이베리아에서 전쟁을 치르게 될 것이며, 사군툼 도시를 전쟁의 기지로 삼아 사용할 것으로 기대했다.