§3.118.1Βραβευθείσης δὲ τῆς μάχης τὸν προειρημένον τρόπον, ἀκόλουθον εἰλήφει τὰ ὅλα κρίσιν τοῖς ὑπʼ ἀμφοτέρων προσδοκωμένοις.
전투가 앞서 언급한 방식으로 결정이 나자, 전반적인 정세는 양측이 예상했던 바에 상응하는 결정적인 국면을 맞이하게 되었다.
§3.118.2Καρχηδόνιοι μὲν γὰρ διὰ τῆς πράξεως ταύτης παραχρῆμα τῆς μὲν λοιπῆς παραλίας σχεδὸν πάσης ἦσαν ἐγκρατεῖς·
카르타고인들은 이 성과를 통해 즉시 나머지 해안 지방 거의 전부를 자신들의 지배하에 두었기 때문이다.
§3.118.3Ταραντῖνοί τε γὰρ εὐθέως ἐνεχείριζον αὑτούς, Ἀργυριππανοὶ δὲ καὶ Καπυανῶν τινες ἐκάλουν τὸν Ἀννίβαν, οἱ δὲ λοιποὶ πάντες ἀπέβλεπον ἤδη τότε πρὸς Καρχηδονίους·
타렌툼인들은 즉시 자신들을 내맡겼고, 아르기리파인들과 카푸아인들의 일부는 한니발을 불러들였으며, 나머지 모두도 이미 그때 카르타고인들을 바라보고 있었다.
§3.118.4μεγάλας δʼ εἶχον ἐλπίδας ἐξ ἐφόδου καὶ τῆς Ῥώμης αὐτῆς ἔσεσθαι κύριοι·
또한 그들은 기습을 통해 로마 시 자체마저 손에 넣을 수 있으리라는 커다란 희망을 품고 있었다.
§3.118.5Ῥωμαῖοί γε μὴν τὴν Ἰταλιωτῶν δυναστείαν παραχρῆμα διὰ τὴν ἧτταν ἀπεγνώκεισαν, ἐν μεγάλοις δὲ φόβοις καὶ κινδύνοις ἦσαν περί τε σφῶν αὐτῶν καὶ περὶ τοῦ τῆς πατρίδος ἐδάφους, ὅσον οὔπω προσδοκῶντες ἥξειν αὐτὸν τὸν Ἀννίβαν.
반면 로마인들은 패배로 인해 즉시 이탈리아인들에 대한 지배권을 단념하였으며, 한니발 자신이 당장이라도 들이닥칠 것을 예상하면서 자신들의 안위와 조국의 국토에 대해 커다란 공포와 위험 속에 처해 있었다.
§3.118.6καὶ γὰρ ὥσπερ ἐπιμετρούσης καὶ συνεπαγωνιζομένης τοῖς γεγονόσι τῆς τύχης, συνέβη μετʼ ὀλίγας ἡμέρας, τοῦ φόβου κατέχοντος τὴν πόλιν, καὶ τὸν εἰς τὴν Γαλατίαν στρατηγὸν ἀποσταλέντʼ εἰς ἐνέδραν ἐμπεσόντα παραδόξως ἄρδην ὑπὸ τῶν Κελτῶν διαφθαρῆναι μετὰ τῆς δυνάμεως.
더욱이 마치 운명이 이미 일어난 사건들에 재앙을 얹어 몰아붙이기라도 하듯이, 온 도시에 공포가 감돌던 며칠 뒤, 갈리아로 파견되었던 장군이 매복에 걸려 뜻밖에도 그의 군대와 함께 켈트인들에게 완전히 전멸당하는 일이 발생했다.
§3.118.7οὐ μὴν ἥ γε σύγκλητος οὐδὲν ἀπέλειπε τῶν ἐνδεχομένων, ἀλλὰ παρεκάλει μὲν τοὺς πολλούς, ἠσφαλίζετο δὲ τὰ κατὰ τὴν πόλιν, ἐβουλεύετο δὲ περὶ τῶν ἐνεστώτων ἀνδρωδῶς.
그럼에도 불구하고 원로원은 가능한 모든 조치를 빠짐없이 취하였으니, 대중을 격려하고 시내의 방비를 굳건히 하며 당면한 일들에 대해 용기 있게 의논하였다.
τοῦτο δʼ ἐγένετο φανερὸν ἐκ τῶν μετὰ ταῦτα συμβάντων·
이 점은 그 후에 일어난 일들을 통해 명백해졌다.
§3.118.8ὁμολογουμένως γὰρ Ῥωμαίων ἡττηθέντων τότε καὶ παραχωρησάντων τῆς ἐν τοῖς ὅπλοις ἀρετῆς, §3.118.9τῇ τοῦ πολιτεύματος ἰδιότητι καὶ τῷ βουλεύεσθαι καλῶς οὐ μόνον ἀνεκτήσαντο τὴν τῆς Ἰταλίας δυναστείαν, νικήσαντες μετὰ ταῦτα Καρχηδονίους, ἀλλὰ καὶ τῆς οἰκουμένης ἁπάσης ἐγκρατεῖς ἐγένοντο μετʼ ὀλίγους χρόνους.
당시 로마인들이 패배하여 무력상의 무용에서는 뒤처졌다는 점은 누구나 인정하는 바였으나, 그들 국정 체제의 특수성과 훌륭한 의사결정 덕분에, 그들은 그 후 카르타고인들을 격퇴하여 이탈리아에 대한 지배권을 되찾았을 뿐만 아니라, 얼마 지나지 않아 전 세계의 지배자가 되었기 때문이다.
§3.118.10διόπερ ἡμεῖς ταύτην μὲν τὴν βύβλον ἐπὶ τούτων τῶν ἔργων καταστρέψομεν, ἃ περιέλαβεν Ἰβηρικῶν καὶ τῶν Ἰταλικῶν ἡ τετταρακοστὴ πρὸς ταῖς ἑκατὸν ὀλυμπιάσι δηλώσαντες·
그러므로 우리는 백사십 번째 올림피아드에 포함된 이베리아와 이탈리아의 사건들을 밝힌 뒤, 이 행적들을 끝으로 이 책을 마무리 지을 것이다.
§3.118.11ὅταν δὲ τὰς Ἑλληνικὰς πράξεις τὰς κατὰ τὴν αὐτὴν ὀλυμπιάδα γενομένας διεξιόντες ἐπιστῶμεν τοῖς καιροῖς τούτοις, τότʼ ἤδη προθέμενοι ψιλῶς τὸν ὑπὲρ αὐτῆς τῆς Ῥωμαίων πολιτείας ποιησόμεθα λόγον,
그리고 같은 올림피아드 동안에 일어난 그리스의 사건들을 상술하며 이 시기에 이르게 될 때, 그때 비로소 로마의 국정 체제 자체에 관한 논의를 단독 주제로 삼아 전개할 것이다.
§3.118.12νομίζοντες οὐ μόνον πρὸς τὴν τῆς ἱστορίας σύνταξιν οἰκείαν εἶναι τὴν περὶ αὐτῆς ἐξήγησιν. ἀλλὰ καὶ πρὸς τὰς τῶν πολιτευμάτων διορθώσεις καὶ κατασκευὰς μεγάλα συμβάλλεσθαι τοῖς φιλομαθοῦσι καὶ πραγματικοῖς τῶν ἀνδρῶν.
우리는 국정에 관한 설명이 역사의 서술 체계에 적합할 뿐만 아니라, 배움을 구하고 실무에 종사하는 이들에게 국정 체제의 개혁과 구축에 있어서도 커다란 보탬이 된다고 믿기 때문이다.