§3.112.1τῇ δʼ ἐχομένῃ περὶ παρασκευὴν καὶ θεραπείαν παρήγγειλε γίνεσθαι πᾶσι.
이튿날 한니발은 모두에게 준비와 휴식에 전념할 것을 명령했다.
τῇ δʼ ἑξῆς παρὰ τὸν ποταμὸν ἐξέταττε τὰ στρατόπεδα καὶ δῆλος ἦν μάχεσθαι σπεύδων τοῖς ὑπεναντίοις.
그 다음날 그는 강을 따라 군대를 정렬시켰고, 적들과 싸우기를 열망하고 있음이 분명해 보였다.
§3.112.2ὁ δὲ Λεύκιος δυσαρεστούμενος μὲν τοῖς τόποις, ὁρῶν δʼ ὅτι ταχέως ἀναγκασθήσονται μεταστρατοπεδεύειν οἱ Καρχηδόνιοι διὰ τὸν πορισμὸν τῶν ἐπιτηδείων, εἶχε τὴν ἡσυχίαν, ἀσφαλισάμενος ταῖς ἐφεδρείαις τὰς παρεμβολάς.
루키우스는 그 지형이 마음에 들지 않았지만, 카르타고인들이 보급품 조달 문제로 인해 조만간 진영을 옮길 수밖에 없을 것임을 간파하고, 예비대로 진영을 보강하며 대기 상태를 유지했다.
§3.112.3Ἀννίβας δὲ χρόνον ἱκανὸν μείνας, οὐδενὸς ἀντεξιόντος, τὴν μὲν λοιπὴν δύναμιν αὖθις εἰς χάρακα κατέστησεν, τοὺς δὲ Νομάδας ἐπαφῆκε τοῖς ὑδρευομένοις ἀπὸ τῆς ἐλάττονος παρεμβολῆς.
한니발은 충분한 시간 동안 기다렸으나 아무도 맞서 나오지 않자, 남은 병력을 다시 성채 안으로 들여보내고, 누미디아인들을 풀어 소진영에서 물을 길어오는 자들을 공격하게 했다.
§3.112.4τῶν δὲ Νομάδων ἕως πρὸς αὐτὸν τὸν χάρακα προσπιπτόντων καὶ διακωλυόντων τὴν ὑδρείαν, ὅ τε Γάιος ἔτι μᾶλλον ἐπὶ τούτοις παρωξύνετο, τά τε πλήθη πρὸς τὸν κίνδυνον ὁρμὴν εἶχεν καὶ δυσχερῶς ἔφερε τὰς ὑπερθέσεις.
누미디아인들이 소진영의 성채 바로 앞까지 들이닥쳐 물 긷는 것을 방해하자, 가이우스는 이에 더욱 격분하였고, 군사들 역시 전투에 대한 열의로 들끓어 지연되는 것을 참기 힘들어했다.
§3.112.5βαρύτατος γὰρ δὴ πᾶσιν ἀνθρώποις ὁ τοῦ μέλλειν γίνεται χρόνος·
실로 모든 사람에게 기다림의 시간은 가장 견디기 힘든 법이다.
ὅταν δʼ ἅπαξ κριθῇ, ὅ,τι ἂν ᾖ πάσχειν πάντων τῶν δοκούντων εἶναι δεινῶν ὑπομενετέον.
그러나 일단 결정이 내려지면, 겪어야 할 일이 무엇이든 간에 두렵게 여겨지는 모든 일을 견뎌내야만 한다.
§3.112.6εἰς δὲ τὴν Ῥώμην προσπεπτωκότος ὅτι παραστρατοπεδεύουσιν ἀλλήλοις καὶ συμπλοκαὶ γίνονται τῶν προκινδυνευόντων ἀνʼ ἑκάστην ἡμέραν, ὀρθὴ καὶ περίφοβος ἦν ἡ πόλις,
한편 로마에는 양군이 서로 이웃하여 진을 치고 매일 선발대 간의 교전이 벌어지고 있다는 소식이 전해졌고, 도시는 긴장과 공포에 휩싸였다.
§3.112.7δεδιότων μὲν τῶν πολλῶν τὸ μέλλον διὰ τὸ πολλάκις ἤδη προηττῆσθαι, προορωμένων δὲ καὶ προλαμβανόντων τὰ συμβησόμενα ταῖς ἐννοίαις, ἐὰν σφάλλωνται τοῖς ὅλοις.
대다수의 사람들은 이미 여러 차례 패배를 겪었기에 앞날을 두려워했고, 만일 전면적인 패배를 당할 경우 어떤 일이 일어날지 마음속으로 내다보고 예견하고 있었기 때문이다.
§3.112.8πάντα δʼ ἦν τὰ παρʼ αὐτοῖς λόγια πᾶσι τότε διὰ στόματος, σημείων δὲ καὶ τεράτων πᾶν μὲν ἱερόν, πᾶσα δʼ ἦν οἰκία πλήρης, ἐξ ὧν εὐχαὶ καὶ θυσίαι καὶ θεῶν ἱκετηρίαι καὶ δεήσεις ἐπεῖχον τὴν πόλιν.
당시 그들 사이에서는 온갖 신탁이 모든 이의 입에 오르내렸고, 모든 신전과 모든 민가는 징조와 이적으로 가득 찼으니, 이로 인해 신들에 대한 기도와 제사, 탄원과 간구가 도시를 뒤덮었다.
§3.112.9δεινοὶ γὰρ ἐν ταῖς περιστάσεσι Ῥωμαῖοι καὶ θεοὺς ἐξιλάσασθαι καὶ ἀνθρώπους καὶ μηδὲν ἀπρεπὲς μηδʼ ἀγεννὲς ἐν τοῖς τοιούτοις καιροῖς ἡγεῖσθαι τῶν περὶ ταῦτα συντελουμένων.
실로 로마인들은 위기 상황에서 신들과 인간을 모두 달래는 데 매우 기민하며, 이러한 시기에 이를 위해 행해지는 일 중 어떤 것도 어울리지 않거나 명예롭지 못한 것으로 여기지 않기 때문이다.