§3.111.1Ἀννίβας δὲ κατὰ τὸν αὐτὸν καιρὸν θεωρῶν ὅτι καλεῖ τὰ πράγματα μάχεσθαι καὶ συμβάλλειν τοῖς πολεμίοις, εὐλαβούμενος δὲ μὴ διατέτραπται τὸ πλῆθος ἐκ τοῦ προγεγονότος ἐλαττώματος, κρίνας προσδεῖσθαι παρακλήσεως τὸν καιρὸν συνῆγε τοὺς πολλούς.
한니발은 이와 같은 시기에 정세가 전투를 벌여 적과 맞설 것을 요구하고 있음을 보았으나, 이전의 패배로 인해 군사들이 낙담해 있지 않을까 우려하여, 지금이 격려가 필요한 때라고 판단하고 군사들을 소집했다.
§3.111.2ἁθροισθέντων δέ, περιβλέψαι κελεύσας πάντας εἰς τοὺς πέριξ τόπους, ἤρετο τί μεῖζον εὔξασθαι τοῖς θεοῖς κατὰ τοὺς παρόντας ἐδύναντο καιρούς, δοθείσης αὐτοῖς ἐξουσίας, τοῦ παρὰ πολὺ τῶν πολεμίων ἱπποκρατοῦντας ἐν τοιούτοις τόποις διακριθῆναι περὶ τῶν ὅλων.
그들이 모이자, 한니발은 모두에게 주변 지역을 둘러보게 한 뒤, 만약 자신들에게 선택의 기회가 주어진다면, 기병에서 적을 훨씬 압도하는 상황에서 이러한 장소에서 대세를 결정짓는 것보다 신들에게 더 크게 바랄 수 있는 것이 있겠느냐고 물었다.
§3.111.3πάντων δὲ τὸ ῥηθὲν ἐπισημηναμένων διὰ τὴν ἐνάργειαν ‘τούτου τοιγαροῦν’ ἔφη ‘πρῶτον μὲν τοῖς θεοῖς ἔχετε χάριν·
그 명백함 때문에 모두가 이 말에 찬동하자, 그는 말했다. "그러므로 첫째로 신들에게 감사하라.
ἐκεῖνοι γὰρ ἡμῖν συγκατασκευάζοντες τὴν νίκην εἰς τοιούτους τόπους ἤχασι τοὺς ἐχθρούς·
그분들이 우리에게 승리를 마련해 주시며 적들을 이러한 장소로 인도하셨기 때문이다.
§3.111.4δεύτερον δʼ ἡμῖν, ὅτι καὶ μάχεσθαι τοὺς πολεμίους συνηναγκάσαμεν·
둘째로는 우리에게 감사하라. 우리가 적들에게 전투를 강제했기 때문이다.
οὐ γὰρ ἔτι δύνανται τοῦτο διαφυγεῖν· καὶ μάχεσθαι προφανῶς ἐν τοῖς ἡμετέροις προτερήμασι.
적들은 이제 이를 피할 수 없으며, 우리의 우세가 명백한 곳에서 싸워야만 한다.
§3.111.5τὸ δὲ παρακαλεῖν ὑμᾶς νῦν διὰ πλειόνων εὐθαρσεῖς καὶ προθύμους εἶναι πρὸς τὸν κίνδυνον οὐδαμῶς μοι δοκεῖ καθήκειν.
이제 너희에게 장황하게 설교하여 위험에 맞서 용기와 열의를 가지라고 권하는 것은 내게 전혀 필요하지 않은 일로 여겨진다.
§3.111.6ὅτε μὲν γὰρ ἀπείρως διέκεισθε τῆς πρὸς Ῥωμαίους μάχης, ἔδει τοῦτο ποιεῖν, καὶ μεθʼ ὑποδειγμάτων ἐγὼ πρὸς ὑμᾶς πολλοὺς διεθέμην λόγους·
너희가 로마인들과의 전투에 경험이 없었을 때는 그렇게 해야만 했고, 나 또한 실례를 들어 너희에게 많은 말을 들려주었다.
§3.111.7ὅτε δὲ κατὰ τὸ συνεχὲς τρισὶ μάχαις τηλικαύταις ἐξ ὁμολογουμένου νενικήκατε Ῥωμαίους, ποῖος ἂν ἔτι λόγος ὑμῖν ἰσχυρότερον παραστήσαι θάρσος αὐτῶν τῶν ἔργων;
그러나 너희가 연이어 세 차례의 이토록 큰 전투에서 누구나 인정하듯이 로마인들을 물리친 지금, 어떤 말이 그 사실 자체보다 너희에게 더 강력한 확신을 심어줄 수 있겠는가?
§3.111.8διὰ μὲν οὖν τῶν πρὸ τοῦ κινδύνων κεκρατήκατε τῆς χώρας καὶ τῶν ἐκ ταύτης ἀγαθῶν κατὰ τὰς ἡμετέρας ἐπαγγελίας, ἀψευστούντων ἡμῶν ἐν πᾶσι τοῖς πρὸς ὑμᾶς εἰρημένοις·
실제로 이전의 위험들을 통해 너희는 우리의 약속대로 지방과 그곳의 재물들을 손에 넣었고, 우리가 너희에게 한 모든 말에 거짓이 없었음을 증명했다.
ὁ δὲ νῦν ἀγὼν ἐνέστηκεν περὶ τῶν πόλεων καὶ τῶν ἐν αὐταῖς ἀγαθῶν.
그리고 지금 마주한 싸움은 도시들과 그 안의 재물들을 둘러싸고 일어난 것이다.
§3.111.9οὗ κρατήσαντες κύριοι μὲν ἔσεσθε παραχρῆμα πάσης Ἰταλίας, ἀπαλλαγέντες δὲ τῶν νῦν πόνων, γενόμενοι συμπάσης ἐγκρατεῖς τῆς Ῥωμαίων εὐδαιμονίας, ἡγεμόνες ἅμα καὶ δεσπόται πάντων γενήσεσθε διὰ ταύτης τῆς μάχης.
이 싸움에서 이기면 너희는 즉시 온 이탈리아의 주인이 될 것이며, 지금의 고난에서 벗어나 로마의 모든 번영을 차지하게 되어, 이 한 번의 전투로 모든 것의 지도자이자 지배자가 될 것이다.
§3.111.10διόπερ οὐκέτι λόγων ἀλλʼ ἔργων ἐστὶν ἡ χρεία·
그러므로 이제 필요한 것은 말이 아니라 행동이다.
θεῶν γὰρ βουλομένων ὅσον οὔπω βεβαιώσειν ὑμῖν πέπεισμαι τὰς ἐπαγγελίας. §3.111.11’ ταῦτα δὲ καὶ τούτοις παραπλήσια διαλεχθείς, προθύμως αὐτὸν ἐπισημαινομένου τοῦ πλήθους, ἐπαινέσας καὶ δεξάμενος αὐτῶν τὴν ὁρμὴν ἀφῆκε καὶ παραχρῆμα κατεστρατοπέδευσε, ποιούμενος τὸν χάρακα παρὰ τὴν αὐτὴν πλευρὰν τοῦ ποταμοῦ τῇ μείζονι στρατοπεδείᾳ τῶν ὑπεναντίων.
신들이 원하시는 한 머지않아 너희에 대한 약속이 이루어질 것임을 나는 확신한다." 이와 같고 또 이와 유사한 말로 연설을 마친 후, 군사들이 열렬히 호응하자 한니발은 그들의 기세를 칭찬하며 받아들이고 해산시켰다. 그리고 즉시 진영을 구축하였는데, 강 이쪽 편이자 적들의 대진영과 같은 쪽에 성채를 세웠다.