§28.7.1τούτων δὴ νεωστὶ γεγονότων καὶ προδιειληφότων τῶν περὶ τὸν Ἄρχωνα διότι δεῖ συμπράττειν Ῥωμαίοις καὶ τοῖς τούτων φίλοις, τυχικῶς πως συνέβη τὸν Ἄτταλον πρὸς ἑτοίμους ὄντας ποιήσασθαι τοὺς λόγους.
이러한 일들이 최근에 일어났고, 아르콘 일행은 로마인들과 그들의 동맹국들에 협력해야 한다고 이미 선결해 두고 있었기 때문에, 아탈로스가 이미 준비가 되어 있는 자들을 상대로 교섭을 벌이게 된 것은 어떤 면에서 행운이었다.
§28.7.2διὸ καὶ προθύμως αὐτῷ κατανεύσαντες ὑπέσχοντο συμπράξειν ὑπὲρ τῶν παρακαλουμένων.
그리하여 그들은 기꺼이 그에게 동의하며, 요청받은 사안들에 대해 협력하겠다고 약속했다.
§28.7.3τοῦ δʼ Ἀττάλου πέμψαντος πρεσβευτάς, καὶ παραγενομένων τούτων εἰς τὴν πρώτην ἀγορὰν καὶ διαλεγομένων τοῖς Ἀχαιοῖς περὶ τοῦ τὰς τιμὰς ἀποκατασταθῆναι τῷ βασιλεῖ καὶ παρακαλούντων ποιῆσαι τοῦτο διὰ τῆς Ἀττάλου χάριτος, §28.7.4ὁ μὲν ὄχλος ἄδηλος ἦν ἐπὶ τίνος ὑπάρχει γνώμης, πρὸς δὲ τὴν ἀντιλογίαν ἀνίσταντο πολλοὶ καὶ διὰ πολλὰς αἰτίας.
그리고 아탈로스가 사절단을 파견하여, 그들이 첫 번째 민회에 도착해 아카이아인들과 왕의 명예를 회복하는 것에 관해 대화하고, 아탈로스의 호의를 통해 이 일을 행해줄 것을 간청했을 때, 민중은 자신들이 어떤 의견을 가지고 있는지 명확히 밝히지 않았으나, 많은 이들이 여러 가지 이유로 반대 의견을 개진하기 위해 일어섰다.
§28.7.5οἱ μὲν γὰρ ἐξ ἀρχῆς αἴτιοι γενόμενοι τῆς ἀναιρέσεως τῶν τιμῶν βεβαιοῦν ἐβούλοντο τὴν αὑτῶν γνώμην· οἱ δʼ ἐκ τῶν κατʼ ἰδίαν ἐγκλημάτων ὑπέλαβον καιρὸν ἔχειν ἀμύνεσθαι τὸν βασιλέα· τινὲς δὲ διὰ τὸν πρὸς τοὺς συμπράττοντας φθόνον ἐφιλοτιμοῦντο μὴ κρατῆσαι τὸν Ἄτταλον τῆς ἐπιβολῆς.
왜냐하면 애초에 명예를 박탈한 원인이 되었던 자들은 자신들의 결정을 정당화하고자 했고, 사적인 원한이 있는 자들은 왕에게 복수할 기회라고 생각했으며, 협력자들에 대한 시기심 때문에 아탈로스가 뜻을 이루지 못하도록 애쓰는 자들도 있었기 때문이다.
ὁ δʼ Ἄρχων ἀνέστη μὲν βοηθήσων τοῖς πρεσβευταῖς·
한편, 아르콘은 사절들을 돕기 위해 일어섰다.
§28.7.6ἐκάλει γὰρ τὰ πράγματα τὴν τοῦ στρατηγοῦ γνώμην.
사태는 동맹장군의 의견 표명을 요구하고 있었기 때문이다.
βραχέα δʼ εἰπὼν ἀνεχώρησε,
그러나 그는 짧은 말을 마친 뒤 물러났다.
§28.7.7διευλαβηθεὶς μὴ δόξῃ κέρδους τινὸς ἕνεκεν συμβουλεύειν διὰ τὸ πλῆθος ἱκανὸν χρημάτων εἰς τὴν ἀρχὴν δεδαπανηκέναι.
직책을 얻기 위해 상당한 자금을 소비했었기 때문에, 어떤 사리사욕을 위해 권고하고 있는 것으로 보일까 봐 극히 조심했던 것이다.
§28.7.8πολλῆς δʼ οὔσης ἀπορίας ὁ Πολύβιος ἀναστὰς ἐποιήσατο μὲν καὶ πλείονας λόγους, μάλιστα δὲ προσέδραμε πρὸς τὴν τῶν πολλῶν γνώμην, ὑποδείξας τὸ γεγονὸς ἐξ ἀρχῆς ψήφισμα τῶν Ἀχαιῶν ὑπὲρ τῶν τιμῶν, ἐν ᾧ γεγραμμένον ἦν ὅτι δεῖ τὰς ἀπρεπεῖς ἀρθῆναι τιμὰς καὶ τὰς παρανόμους, οὐ μὰ Δίʼ ἁπάσας.
크나큰 난관 속에서 폴리비오스가 일어나 더욱 상세한 연설을 행하며, 무엇보다도 대중의 마음에 다가갔다. 그는 명예에 관한 아카이아인의 당초 결의를 제시했는데, 거기에는 품위에 맞지 않고 불법적인 명예는 박탈되어야 한다고 쓰여 있었지, 결코 전부 다는 아니었다는 점을 지적했다.
§28.7.9τοὺς δὲ περὶ Σωσιγένη καὶ Διοπείθη, δικαστὰς [Ῥοδίους] ὑπάρχοντας κατʼ ἐκεῖνον τὸν καιρὸν καὶ διαφερομένους ἔκ τινων ἰδίων πρὸς τὸν Εὐμένη, λαβομένους ἔφη τῆς ἀφορμῆς ταύτης πάσας ἀνατετροφέναι τὰς τιμὰς τοῦ βασιλέως·
그리고 당시 재판관이었으며 사적인 일로 에우메네스왕과 대립하고 있던 소시게네스와 디오페이테스 일행이, 이 빌미를 붙잡아 왕의 모든 명예를 뒤엎어버린 것이라고 말했다.
§28.7.10καὶ τοῦτο πεποιηκέναι παρὰ τὸ τῶν Ἀχαιῶν δόγμα καὶ παρὰ τὴν δοθεῖσαν αὐτοῖς ἐξουσίαν, καὶ τὸ μέγιστον, παρὰ τὸ δίκαιον καὶ τὸ καλῶς ἔχον.
또한 그들이 아카이아인의 결의에 반하고, 자신들에게 부여된 권한에 반하며, 무엇보다도 정의와 적절함에 반하여 이를 행했다고 말했다.
§28.7.11οὐ γὰρ ὡς ἠδικημένους τι τοὺς Ἀχαιοὺς βουλεύσασθαι τὰς τιμὰς αἴρειν τὰς Εὐμένους, ἀλλὰ μείζους αὐτοῦ ζητοῦντος τῶν εὐεργεσιῶν, τούτῳ προσκόψαντας ψηφίσασθαι τὸ πλεονάζον παρελεῖν.
아카이아인들은 에우메네스로부터 어떤 부당한 대우를 받았기 때문에 그의 명예를 박탈하기로 결의한 것이 아니라, 그가 자신이 베푼 은혜 이상의 것을 요구하자 이에 반발하여 과도한 부분을 제거하기로 의결한 것이었기 때문이다.
§28.7.12διόπερ ἔφη δεῖν, καθάπερ οἱ δικασταὶ τὴν ἰδίαν ἔχθραν ἐπίπροσθεν ποιήσαντες τοῦ τῶν Ἀχαιῶν εὐσχήμονος ἀνέτρεψαν πάσας τὰς τιμάς, οὕτω τοὺς Ἀχαιοὺς κυριώτατον ἡγησαμένους τὸ σφίσι καθῆκον καὶ πρέπον διορθώσασθαι τὴν τῶν δικαστῶν ἁμαρτίαν καὶ καθόλου τὴν πρὸς τὸν Εὐμένη γεγενημένην ἀλογίαν, §28.7.13ἄλλως τε καὶ μέλλοντας μὴ μόνον ἐπʼ αὐτὸν τὸν βασιλέα τὴν χάριν ἀπερείδεσθαι ταύτην, ἔτι δὲ μᾶλλον εἰς τὸν ἀδελφὸν Ἄτταλον.
그러므로 그는 다음과 같이 말했다. 저 재판관들이 아카이아인의 체면보다 자신들의 사적인 원한을 앞세워 모든 명예를 뒤엎었듯이, 아카이아인들 역시 자신들의 의무와 걸맞은 바를 가장 우선으로 삼아 재판관들의 잘못과 에우메네스에 대해 저질러진 온갖 불합리함을 시정해야 한다고, 하물며 그들이 이 호의를 단지 왕 자신에게만 베풀려 하는 것이 아니라, 그보다도 그의 동생 아탈로스에게 베풀려 하는 것이니 더욱 그러해야 한다고 했다.
§28.7.14τοῦ δὲ πλήθους εὐδοκήσαντος τοῖς λεγομένοις, ἐγράφη δόγμα προστάττον τοῖς ἄρχουσι πάσας ἀποκαταστῆσαι τὰς Εὐμένους τοῦ βασιλέως τιμάς, πλὴν εἴ τινες ἀπρεπές τι περιέχουσι τῷ κοινῷ τῶν Ἀχαιῶν ἢ παράνομον.
대중이 그 말에 동조했기 때문에, 아카이아 공동체에 불합당하거나 불법적인 것이 포함되어 있는 경우를 제외하고는, 에우메네스 왕의 모든 명예를 복구하도록 정무관들에게 명령하는 결의안이 작성되었다.
§28.7.15τοῦτον μὲν δὴ τὸν τρόπον καὶ κατὰ τοῦτον τὸν καιρὸν Ἄτταλος διωρθώσατο τὴν γενομένην ἀλογίαν περὶ τὰς ὑπαρχούσας Εὐμένει τἀδελφῷ τιμὰς κατὰ τὴν Πελοπόννησον. —
이러한 방식으로, 또한 이때에, 아탈로스는 펠로폰네소스에서 형 에우메네스에게 주어져 있던 명예에 관해 발생했던 불합리함을 바로잡았다.