§28.3.1ὅτι Αὖλος κατὰ τοῦτον τὸν χρόνον ἀντιστράτηγος ὢν καὶ παραχειμάζων ἐν Θετταλίᾳ μετὰ τῶν δυνάμεων ἐξέπεμψε πρεσβευτὰς εἰς τοὺς κατὰ τὴν Ἑλλάδα τόπους Γάιον Ποπίλιον καὶ Γνάιον Ὀκτάουιον· §28.3.2οἳ πρῶτον μὲν εἰς Θήβας ἐλθόντες ἐπῄνεσαν καὶ παρεκάλεσαν τοὺς Θηβαίους διαφυλάττειν τὴν πρὸς Ῥωμαίους εὔνοιαν. §28.3.3ἑξῆς δὲ τούτοις ἐπιπορευόμενοι τὰς ἐν Πελοποννήσῳ πόλεις ἐπιδεικνύειν ἐπειρῶντο τοῖς ἀνθρώποις τὴν τῆς συγκλήτου πρᾳότητα καὶ φιλανθρωπίαν, προφερόμενοι τὰ δόγματα τὰ μικρῷ πρότερον ῥηθέντα, §28.3.4ἅμα δὲ διὰ τῶν λόγων παρενέφαινον ὡς εἰδότες τοὺς ἐν ἑκάσταις τῶν πόλεων παρὰ τὸ δέον ἀναχωροῦντας, ὡσαύτως δὲ καὶ τοὺς προπίπτοντας. §28.3.5καὶ δῆλοι πᾶσιν ἦσαν δυσαρεστούμενοι τοῖς ἀναχωροῦσιν οὐχ ἧττον ἢ τοῖς ἐκφανῶς ἀντιπράττουσιν. §28.3.6ἐξ ὧν τοὺς πολλοὺς εἰς ἐπίστασιν καὶ διαπόρησιν ἦγον ὑπὲρ τοῦ τί ποτʼ ἂν ἢ λέγοντες ἢ πράττοντες εὐστοχοῖεν τῶν παρεστώτων καιρῶν. §28.3.7οἱ δὲ περὶ τὸν Γάιον, συναχθείσης τῆς τῶν Ἀχαιῶν ἐκκλησίας, ἐλέγοντο μὲν βεβουλεῦσθαι κατηγορήσειν τῶν περὶ τὸν Λυκόρταν καὶ τὸν Ἄρχωνα καὶ Πολύβιον, §28.3.8καὶ παραδείξειν ἀλλοτρίους ὑπάρχοντας τῆς. τῶν Ῥωμαίων αἱρέσεως καὶ τὴν ἡσυχίαν ἄγοντας κατὰ τὸ παρόν, οὐ φύσει τοιούτους ὄντας, ἀλλὰ παρατηροῦντας τὰ συμβαίνοντα καὶ τοῖς καιροῖς ἐφεδρεύοντας. §28.3.9οὐ μὴν ἐθάρρησαν τοῦτο ποιῆσαι διὰ τὸ μηδεμίαν εὔλογον ἀφορμὴν ἔχειν κατὰ τῶν προειρημένων ἀνδρῶν. §28.3.10διὸ συναχθείσης αὐτοῖς τῆς βουλῆς εἰς Αἴγιον, ἀσπαστικήν τε καὶ παρακλητικὴν ποιησάμενοι τὴν πρὸς τοὺς Ἀχαιοὺς ἔντευξιν ἀπέπλευσαν εἰς τὴν Αἰτωλίαν.
이 시기에 아울루스는 대행집정관으로서 군대와 함께 테살리아에서 겨울을 나고 있었는데, 그리스 각지로 사절인 가이우스 포필리우스와 그나이우스 옥타비우스를 파견했다는 것. 그들은 먼저 테베에 도착하여 테베인들을 칭찬하고, 로마인들에 대한 호의를 계속 유지하라고 권고했다. 그 뒤 그들은 펠로폰네소스의 도시들을 차례로 방문하면서, 조금 전에 언급된 결의안들을 제시하며 원로원의 관대함과 자애로움을 사람들에게 보여주려고 노력했다. 동시에 그들은 말 속에서 각 도시에서 의무를 저버리고 물러나 있는 자들과 마찬가지로 무모하게 앞장서는 자들을 자신들이 알고 있다는 듯이 은근히 내비쳤다. 그리고 그들이 공공연히 반대하는 자들 못지않게 물러나 있는 자들에게도 불만을 품고 있음이 모두에게 분명해졌다. 이로 인해 많은 이들이 주의 깊게 성찰하며 혼란에 빠졌고, 현재의 정국에 적절히 대처하기 위해 도대체 무엇을 말하거나 행해야 할지 고심하게 되었다. 아카이아인들의 민회가 소집되었을 때, 가이우스 일행은 리코르타스와 아르콘, 폴리비우스 일행을 고발하기로 결정했다는 소문이 돌았다. 또한 그들이 로마인의 방침에 냉담하며 현재는 침묵을 지키고 있으나, 그것이 본성에서 우러나온 것이 아니라 사태의 추이를 관찰하며 기회를 엿보고 있는 것임을 증명하려 했다고 한다. 하지만 그들은 앞서 말한 인물들에 대해 어떤 합리적인 빌미도 가지고 있지 않았기 때문에 감히 그렇게 실행하지 못했다. 그리하여 아이기온에서 그들을 위한 평의회가 소집되었을 때, 아카이아인들을 향해 친근하고도 권고하는 투의 회견을 마친 뒤, 그들은 아이톨리아로 출항했다.