§28.2.1ὅτι κατὰ τοὺς καιροὺς τούτους ἦλθον καὶ παρὰ Ῥοδίων πρέσβεις, ἤδη τῆς θερείας ληγούσης, Ἁγησίλοχος καὶ Νικαγόρας καὶ Νίκανδρος,
이 시기에 이미 여름이 끝나갈 무렵, 로도스인들에게서도 사절단으로 하게실로코스, 니카고라스, 니칸드로스가 왔다는 것.
§28.2.2τήν τε φιλίαν ἀνανεωσόμενοι καὶ σίτου θέλοντες ἐξαγωγὴν λαβεῖν, ἅμα δὲ καὶ περὶ τῶν διαβολῶν ἀπολογησόμενοι τῶν λεγομένων κατὰ τῆς πόλεως.
그들은 우호 관계를 갱신하고 곡물의 수출 허가를 받기를 바랐으며, 동시에 국가에 대해 나도는 중상모략에 대해 변명하고자 왔다.
§28.2.3ἐκφανέστατα γὰρ ἐδόκουν στασιάζειν [ἐν τῇ Ῥόδῳ] οἱ μὲν περὶ τὸν Ἀγαθάγητον καὶ Φιλόφρονα καὶ Ῥοδοφῶντα καὶ Θεαίδητον, ἀπερειδόμενοι πάσας τὰς ἐλπίδας ἐπὶ Ῥωμαίους, οἱ δὲ περὶ τὸν Δείνωνα καὶ Πολυάρατον ἐπὶ Περσέα καὶ Μακεδόνας.
왜냐하면 아가타게토스, 필로프론, 로도폰, 테아이데토스 일행은 모든 희망을 로마인들에게 걸고, 데이논과 폴리아라토스 일행은 페르세우스와 마케도니아인들에게 걸어, [로도스에서] 아주 명백하게 파당 싸움을 벌이고 있는 것처럼 보였기 때문이다.
§28.2.4ἐξ ὧν πλεονάκις ἐν τοῖς ἐκείνων πράγμασιν ἀντιρρήσεως γινομένης, καὶ διελκομένων τῶν διαβουλίων, ἐλάμβανον ἀφορμὰς οἱ βουλόμενοι λογοποιεῖν κατὰ τῆς πόλεως.
이로 인해 그들의 국사에서 자주 논쟁이 일어나고 심의가 지체되자, 국가에 대해 헛소문을 퍼뜨리고자 하는 자들이 빌미를 얻게 되었다.
§28.2.5οὐ μὴν ἥ γε σύγκλητος τότε προσεποιήθη τούτων οὐδέν, καίπερ σαφῶς εἰδυῖα τὰ γενόμενα παρʼ αὐτοῖς·
하지만 원로원은 그들 사이에 일어난 일을 분명히 알고 있었음에도 당시 이 일들에 대해 전혀 모르는 척하였다.
σίτου δʼ ἔδωκε δέκα μυριάδας μεδίμνων ἐξάγειν ἐκ Σικελίας.
그리고 시칠리아로부터 10만 메딤노스의 곡물을 수출하도록 허락해 주었다.
§28.2.6ταῦτα μὲν οὖν ἡ σύγκλητος ἐχρημάτισεν ἰδίᾳ τοῖς Ῥοδίων πρεσβευταῖς, §28.2.7ἀκολούθως δὲ καὶ τοῖς ἄλλοις ἅπασιν ἀπήντησε τοῖς ἀπὸ τῆς Ἑλλάδος παραγεγονόσι, τηροῦσιν τὴν αὐτὴν ὑπόθεσιν.
이처럼 원로원은 로도스 사절들과 개별적으로 이 일들을 처리하였고, 마찬가지로 동일한 입장을 유지하고 있던, 그리스로부터 온 다른 모든 이들에게도 대응했다.
§28.2.8καὶ τὰ μὲν κατὰ τὴν Ἰταλίαν ἐν τούτοις ἦν.
그리고 이탈리아의 정세는 이와 같은 상태였다.