§28.23.1ὅτι κατὰ τὰς αὐτὰς ἡμέρας κατέπλευσαν ἐκ Ῥόδου πρέσβεις εἰς τὴν Ἀλεξάνδρειαν ἐπὶ τὰς διαλύσεις οἱ περὶ Πράξωνα καὶ μετʼ οὐ πολὺ παρῆσαν εἰς τὴν παρεμβολὴν πρὸς Ἀντίοχον.
같은 시기에, 프락손이 이끄는 로도스의 사절들이 화해를 주선하기 위해 알렉산드리아로 배를 타고 들어왔으며, 얼마 지나지 않아 안티오코스의 진영으로 찾아온 일.
§28.23.2γενομένης δὲ τῆς ἐντεύξεως, πολλοὺς διετίθεντο λόγους, τήν τε τῆς ἰδίας πατρίδος εὔνοιαν προφερόμενοι πρὸς ἀμφοτέρας τὰς βασιλείας καὶ τὴν αὐτῶν τῶν βασιλέων ἀναγκαιότητα πρὸς ἀλλήλους καὶ τὸ συμφέρον ἑκατέροις ἐκ τῆς διαλύσεως.
회견이 열리자 그들은 양쪽 왕국에 대한 조국의 호의를 제시하고, 왕들 간의 긴밀한 친족 관계와 화해를 통해 양측이 얻을 이익을 언급하며 많은 말을 늘어놓았다.
§28.23.3ὁ δὲ βασιλεὺς ἔτι λέγοντα τὸν πρεσβευτὴν ἐπιτεμὼν οὐκ ἔφη προσδεῖσθαι πολλῶν λόγων.
그러나 왕은 사절이 아직 말하는 도중에 말을 끊고, 많은 말이 필요하지 않다고 했다.
§28.23.4τὴν μὲν γὰρ βασιλείαν εἶναι Πτολεμαίου τοῦ πρεσβυτέρου, πρὸς δὲ τοῦτον καὶ διαλελύσθαι πάλαι καὶ φίλους ὑπάρχειν, καὶ νῦν βουλομένων τῶν ἐν τῇ πόλει κατάγειν τοῦτον μὴ κωλύειν Ἀντίοχον.
즉, 왕위는 연장자 프톨레마이오스의 것이며, 자신은 그와 이미 오래전에 화해하고 우호적인 관계에 있으며, 이제 시내의 사람들이 그를 복위시키기를 원하니 안티오코스는 이를 막지 않겠다는 것이었다.
§28.23.5καὶ δὴ πεποίηκεν.
그리고 실제로 그는 그렇게 했다.