§23.1.1ὅτι κατὰ τὴν ἐνάτην καὶ τετταρακοστὴν ὀλυμπιάδα πρὸς ταῖς ἑκατὸν εἰς τὴν Ῥώμην ἡθροίσθησαν πρεσβειῶν πλῆθος ἀπὸ τῆς Ἑλλάδος, ὅσον οὐ ταχέως πρότερον. §23.1.2τοῦ γὰρ Φιλίππου συγκλεισθέντος εἰς τὴν κατὰ τὸ σύμβολον δικαιοδοσίαν πρὸς τοὺς ἀστυγείτονας, καὶ τῶν Ῥωμαίων γνωσθέντων ὅτι προσδέχονται τὰς κατὰ Φιλίππου κατηγορίας καὶ πρόνοιαν ποιοῦνται τῆς ἀσφαλείας τῶν πρὸς αὐτὸν ἀμφισβητούντων, §23.1.3ἅπαντες οἱ παρακείμενοι τῇ Μακεδονίᾳ παρῆσαν, οἱ μὲν κατʼ ἰδίαν, οἱ δὲ κατὰ πόλιν, οἱ δὲ κατὰ τὰς ἐθνικὰς συστάσεις, ἐγκαλοῦντες τῷ Φιλίππῳ. §23.1.4σὺν δὲ τούτοις οἱ παρʼ Εὐμένους ἧκον ἅμʼ Ἀθηναίῳ τῷ τοῦ βασιλέως ἀδελφῷ, κατηγορήσοντες αὐτοῦ περί τε τῶν ἐπὶ Θρᾴκης πόλεων καὶ περὶ τῆς ἀποσταλείσης Προυσίᾳ βοηθείας. §23.1.5ἧκε δὲ καὶ Δημήτριος ὁ τοῦ Φιλίππου πρὸς πάντας τούτους ἀπολογησόμενος, ἔχων Ἀπελλῆν καὶ Φιλοκλῆ μεθʼ αὑτοῦ, τοὺς τότε δοκοῦντας εἶναι πρώτους φίλους τοῦ βασιλέως. §23.1.6παρῆσαν δὲ καὶ παρὰ Λακεδαιμονίων πρέσβεις, ἀφʼ ἑκάστου γένους τῶν ἐν τῇ πόλει. §23.1.7πρῶτον μὲν οὖν ἡ σύγκλητος εἰσεκαλέσατο τὸν Ἀθήναιον καὶ δεξαμένη τὸν στέφανον, ὃν ἐκόμιζεν ἀπὸ μυρίων καὶ πεντακισχιλίων χρυσῶν, ἐπῄνεσέ τε μεγαλομερῶς τὸν Εὐμένη καὶ τοὺς ἀδελφοὺς διὰ τῆς ἀποκρίσεως καὶ παρεκάλεσε μένειν ἐπὶ τῆς αὐτῆς αἱρέσεως. §23.1.8ἐπὶ δὲ τούτῳ τὸν Δημήτριον εἰσαγαγόντες οἱ στρατηγοὶ παρεκαλέσαντο τοὺς κατηγοροῦντας τοῦ Φιλίππου πάντας καὶ παρῆγον κατὰ μίαν πρεσβείαν. §23.1.9οὐσῶν δὲ τῶν πρεσβειῶν πολλῶν, καὶ τῆς εἰσόδου τούτων γενομένης ἐπὶ τρεῖς ἡμέρας, εἰς ἀπορίαν ἐνέπιπτεν ἡ σύγκλητος περὶ τοῦ πῶς δεῖ χειρισθῆναι τὰ κατὰ μέρος. §23.1.10παρά τε γὰρ Θετταλῶν καὶ κατὰ κοινὸν ἧκον καὶ κατʼ ἰδίαν ἀφʼ ἑκάστης πόλεως πρεσβευταί, παρά τε Περραιβῶν, ὁμοίως δὲ καὶ παρʼ Ἀθαμάνων καὶ παρʼ Ἠπειρωτῶν καὶ παρʼ Ἰλλυριῶν· §23.1.11ὧν οἱ μὲν περὶ χώρας, οἱ δὲ περὶ σωμάτων, οἱ δὲ περὶ θρεμμάτων ἧκον ἀμφισβητοῦντες, ἔνιοι δὲ περὶ συμβολαίων καὶ τῶν εἰς αὑτοὺς ἀδικημάτων, §23.1.12τινὲς μὲν οὐ φάσκοντες δύνασθαι τυχεῖν τοῦ δικαίου κατὰ τὸ σύμβολον διὰ τὸ τὸν Φίλιππον ἐκκόπτειν τὴν δικαιοδοσίαν, τινὲς δʼ ἐγκαλοῦντες τοῖς κρίμασιν ὡς παραβεβραβευμένοι, διαφθείραντος τοῦ Φιλίππου τοὺς δικαστάς. §23.1.13καθόλου δὲ ποικίλη τις ἦν ἀκρισία καὶ δυσχώρητος ἐκ τῶν κατηγορουμένων.
제149회 올림피아드 때에 그리스로부터 로마로 이전에는 유례가 없을 정도로 많은 사절단이 모여들었다는 것. 필리포스가 이웃 나라들과의 조약에 따른 재판 관할권에 구속되게 되고, 로마인들이 필리포스에 대한 고발을 수용하며 그와 갈등하는 이들의 안전을 보장하고 있음이 알려졌기 때문에, 마케도니아와 인접한 모든 이들이 어떤 이는 개인으로서, 어떤 이는 도시로서, 어떤 이는 부족 연합의 이름으로 필리포스를 고발하기 위해 찾아왔다. 이들과 함께 에우메네스 측의 사절단도 왕의 아우 아테나이오스와 함께 와서, 트라키아의 도시들에 관한 일과 프루시아스에게 보낸 원조에 대해 그를 고발하고자 했다. 필리포스의 아들 데메트리오스도 이 모든 이들에 맞서 변명하기 위해 찾아왔는데, 당시 왕의 가장 가까운 ‘친구’들로 여겨지던 아펠레스와 필로클레스를 대동하고 있었다. 라케다이몬(스파르타)인들로부터도 사절단이 왔는데, 도시 내의 각 정파를 대표하는 이들이었다. 그리하여 먼저 원조는 아테나이오스를 불러들였고, 그가 가져온 1만 5천 금화 가치의 금관을 수락한 뒤, 답변을 통해 에우메네스와 그의 형제들을 후하게 칭찬하고 동일한 노선을 유지할 것을 권고했다. 그 뒤에 집정관들은 데메트리오스를 데려온 뒤 필리포스를 고발하는 모든 이들을 소환하여 한 사절단씩 차례로 나아가게 했다. 사절단이 워낙 많았고 그들의 배알이 사흘 동안 이어졌기에, 원조는 세부 사항들을 어떻게 처리해야 할지 곤경에 처했다. 테살리아인들로부터는 공동체 차원에서도 왔고 각 도시별로 개별적으로도 사절들이 왔으며, 페라이보이인들로부터도 왔고, 마찬가지로 아타마니아인, 에페이로스인, 일리리아인들로부터도 왔기 때문이다. 이들 중 어떤 이들은 영토에 관해, 어떤 이들은 인신에 관해, 어떤 이들은 가축에 관해 다투러 왔고, 일부는 계약과 자신들에게 가해진 불의에 관해 다투러 왔다. 어떤 이들은 필리포스가 사법 절차를 방해하고 있어 조약에 따른 정의를 실현할 수 없다고 주장했고, 다른 이들은 필리포스가 재판관들을 매수했기 때문에 불공정하게 판결을 받았다며 판결을 고발했다. 대체로 고발 내용들로부터 비롯된 혼란은 매우 복잡하고 해결하기 어려운 것이었다.