§22.10.1μετὰ δὲ ταῦτα, τῆς πανηγύρεως ἀκμαζούσης, ἦλθε Κόιντος Καικίλιος ἐκ Μακεδονίας, ἀνακάμπτων ἀπὸ τῆς πρεσβείας ἧς ἐπρέσβευσε πρὸς Φίλιππον.
이 일들이 있은 후에, 축제가 한창일 때 퀸투스 카이킬리우스가 필리포스에게 보낸 사절단 임무를 마치고 돌아오는 길에 마케도니아에서 왔다.
§22.10.2καὶ συναγαγόντος Ἀρισταίνου τοῦ στρατηγοῦ τὰς ἀρχὰς εἰς τὴν τῶν Ἀργείων πόλιν, εἰσελθὼν ὁ Κόιντος ἐμέμφετο, φάσκων αὐτοὺς βαρύτερον καὶ πικρότερον τοῦ δέοντος κεχρῆσθαι τοῖς Λακεδαιμονίοις, καὶ παρεκάλει διὰ πλειόνων διορθώσασθαι τὴν προγεγενημένην ἄγνοιαν.
그리고 장군 아리스테노스가 아르고스 시에 관리들을 소집하자, 퀸투스가 들어와 그들을 비난하며, 그들이 라케다이몬인들을 필요 이상으로 가혹하고 모질게 대했다고 주장하고, 이미 일어난 잘못을 시정할 것을 여러 말로 촉구했다.
§22.10.3ὁ μὲν οὖν Ἀρίσταινος εἶχε τὴν ἡσυχίαν, δῆλος ὢν ἐξ αὐτοῦ τοῦ σιωπᾶν ὅτι δυσαρεστεῖται τοῖς ᾠκονομημένοις καὶ συνευδοκεῖ τοῖς ὑπὸ Καικιλίου λεγομένοις·
그리하여 아리스테노스는 침묵을 지켰는데, 그 침묵 자체로부터 그가 이미 처리된 일들에 불만을 품고 있으며 카이킬리우스가 말하는 바에 동조하고 있음이 분명히 드러났다.
§22.10.4ὁ δὲ Διοφάνης ὁ Μεγαλοπολίτης, ἄνθρωπος στρατιωτικώτερος ἢ πολιτικώτερος, ἀναστὰς οὐχ οἷον ἀπελογήθη τι περὶ τῶν Ἀχαιῶν, ἀλλὰ καὶ προσυπέδειξε τῷ Καικιλίῳ διὰ τὴν πρὸς τὸν Φιλοποίμενα παρατριβὴν ἕτερον ἔγκλημα κατὰ τῶν Ἀχαιῶν.
그러나 메갈로폴리스의 디오파네스는 정치가라기보다는 군인에 가까운 인물이었는데, 일어서서 아카이아인들을 위해 변명하기는커녕 필로포이멘과의 갈등 때문에 아카이아인들에 대한 또 다른 비난거리를 카이킬리우스에게 추가로 제시했다.
§22.10.5ἔφη γὰρ οὐ μόνον τὰ κατὰ Λακεδαίμονα κεχειρίσθαι κακῶς, ἀλλὰ καὶ τὰ κατὰ Μεσσήνην·
그가 라케다이몬의 일뿐만 아니라 메세네의 일도 잘못 처리되었다고 말했기 때문이다.
§22.10.6ἦσαν δὲ περὶ τῶν φυγαδικῶν τοῖς Μεσσηνίοις ἀντιρρήσεις τινὲς πρὸς ἀλλήλους περὶ τὸ τοῦ Τίτου διάγραμμα καὶ τὴν τοῦ Φιλοποίμενος διόρθωσιν.
망명객들을 둘러싸고 메세네인들 사이에는 티투스의 포고령과 필로포이멘의 시정안을 두고 몇 가지 갈등이 있었기 때문이다.
§22.10.7ὅθεν ὁ Καικίλιος, δοκῶν ἔχειν καὶ τῶν Ἀχαιῶν αὐτῶν τινας ὁμογνώμονας, μᾶλλον ἠγανάκτει τῷ μὴ κατακολουθεῖν ἑτοίμως τοῖς ὑπʼ αὐτοῦ παρακαλουμένοις τοὺς συνεληλυθότας.
그리하여 카이킬리우스는 아카이아인들 자신들 중에도 일부 동조자가 있다고 믿고, 소집된 이들이 자신의 촉구에 쉽게 따르려 하지 않는 것에 더욱 분개했다.
§22.10.8τοῦ δὲ Φιλοποίμενος καὶ Λυκόρτα, σὺν δὲ τούτοις Ἄρχωνος, πολλοὺς καὶ ποικίλους διαθεμένων λόγους ὑπὲρ τοῦ καλῶς μὲν διῳκῆσθαι τὰ κατὰ τὴν Σπάρτην καὶ συμφερόντως αὐτοῖς μάλιστα τοῖς Λακεδαιμονίοις, ἀδύνατον δʼ εἶναι τὸ κινῆσαί τι τῶν ὑποκειμένων ἄνευ τοῦ παραβῆναι καὶ τὰ πρὸς τοὺς ἀνθρώπους δίκαια καὶ τὰ πρὸς τοὺς θεοὺς ὅσια, §22.10.9μένειν ἔδοξε τοῖς παροῦσιν ἐπὶ τῶν ὑποκειμένων καὶ ταύτην δοῦναι τῷ πρεσβευτῇ τὴν ἀπόκρισιν.
하지만 필로포이멘과 리코르타스, 그리고 이들과 더불어 아르콘이 스파르타의 일들이 잘 처리되었으며 라케다이몬인들 자신에게도 가장 이롭게 관리되었다는 점, 그리고 확립된 결정 사항들 중 어느 것도 인간에 대한 정의와 신들에 대한 경외를 거스르지 않고서는 변경하는 것이 불가능하다는 점을 옹호하며 수많은 다양한 연설을 펼쳤기 때문에, 참석한 이들은 기왕의 결정 사항들을 고수하기로 결의하고 사절에게 이러한 답변을 주기 로 했다.
§22.10.10ὁ δὲ Καικίλιος ὁρῶν τὴν τούτων προαίρεσιν, ἠξίου τοὺς πολλοὺς αὑτῷ συναγαγεῖν εἰς ἐκκλησίαν.
카이킬리우스는 이들의 결의를 보고, 자신을 위해 대중을 민회에 소집해 줄 것을 요구했다.
§22.10.11οἱ δὲ τῶν Ἀχαιῶν ἄρχοντες ἐκέλευον αὐτὸν δεῖξαι τὰς ἐντολάς, ἃς εἶχε παρὰ τῆς συγκλήτου περὶ τούτων.
그러나 아카이아인의 관리들은 그에게 이 사안들에 관해 원로원으로부터 받은 지시 사항들을 보여줄 것을 요구했다.
τοῦ δὲ παρασιωπῶντος, οὐκ ἔφασαν αὐτῷ συνάξειν τὴν ἐκκλησίαν·
그가 이에 대해 침묵을 지키자, 그들은 그를 위해 민회를 소집하지 않겠다고 말했다.
§22.10.12τοὺς γὰρ νόμους οὐκ ἐᾶν, ἐὰν μὴ φέρῃ τις ἔγγραπτα παρὰ τῆς συγκλήτου, περὶ ὧν οἴεται δεῖν συνάγειν.
원로원으로부터 서면 지시서를 가져오지 않는 한, 소집해야 한다고 생각하는 사안에 대해 소집하는 것을 법이 허락하지 않기 때문이라는 것이었다.
§22.10.13ὁ δὲ Καικίλιος ἐπὶ τοσοῦτον ὠργίσθη διὰ τὸ μηθὲν αὐτῷ συγχωρεῖσθαι τῶν ἀξιουμένων, ὥστʼ οὐδὲ τὴν ἀπόκρισιν ἠβουλήθη δέξασθαι παρὰ τῶν ἀρχόντων, ἀλλʼ ἀναπόκριτος ἀπῆλθεν.
카이킬리우스는 자신의 요구 사항이 단 하나도 승인되지 않은 것에 크게 분노한 나머지, 관리들의 답변조차 받으려 하지 않고 아무런 답변도 얻지 못한 채 떠나버렸다.
§22.10.14οἱ δʼ Ἀχαιοὶ τὴν αἰτίαν ἀνέφερον καὶ τῆς πρότερον παρουσίας ἅμα τῆς Μάρκου τοῦ Φολουίου καὶ τῆς τότε τῶν περὶ τὸν Καικίλιον ἐπὶ τὸν Ἀρίσταινον καὶ τὸν Διοφάνην, ὡς τούτους ἀντισπασαμένους διὰ τὴν ἀντιπολιτείαν τὴν πρὸς τὸν Φιλοποίμενα·
그러나 아카이아인들은 예전 마르쿠스 풀비우스의 방문과 이번 카이킬리우스 일행의 방문 모두에 대한 책임을 아리스테노스와 디오파네스에게 돌렸는데, 이들이 필로포이멘에 대한 정치적 대립 때문에 자신들을 분쟁 속으로 끌어들였다는 이유에서였다.
§22.10.15καί τις ἦν ὑποψία τῶν πολλῶν πρὸς τοὺς προειρημένους ἄνδρας.
그리고 대중 사이에는 앞서 언급한 인물들에 대한 일종의 의심이 있었다.
καὶ τὰ μὲν κατὰ Πελοπόννησον ἐν τούτοις ἦν.
펠로폰네소스의 상황은 이러한 상태에 있었다.