§21.46.1ὅτι κατὰ τὴν Ἀπάμειαν οἵ τε δέκα καὶ Γνάιος ὁ στρατηγὸς τῶν Ῥωμαίων, διακούσαντες πάντων τῶν ἀπηντηκότων, τοῖς μὲν περὶ χώρας ἢ χρημάτων ἤ τινος ἑτέρου διαφερομένοις πόλεις ἀπέδωκαν ὁμολογουμένας ἀμφοτέροις, ἐν αἷς διακριθήσονται περὶ τῶν ἀμφισβητουμένων· τὴν δὲ περὶ τῶν ὅλων ἐποιήσαντο διάληψιν τοιαύτην.
아파메이아에서 열 명의 사절과 로마인의 장군 그나이우스는 찾아온 모든 이들의 말을 경청한 후, 영토나 재산 혹은 다른 어떤 일로 분쟁 중인 이들에게는 양측이 합의한 도시, 즉 그곳에서 계쟁 사항에 대해 재판을 받게 될 도시를 지정해 주었으며, 전체적인 결정은 다음과 같이 내렸다.
§21.46.2ὅσαι μὲν τῶν αὐτονόμων πόλεων πρότερον ὑπετέλουν Ἀντιόχῳ φόρον, τότε δὲ διεφύλαξαν τὴν πρὸς Ῥωμαίους πίστιν, ταύτας μὲν ἀπέλυσαν τῶν φόρων· ὅσαι δʼ Ἀττάλῳ σύνταξιν ἐτέλουν, ταύταις ἐπέταξαν τὸν αὐτὸν Εὐμένει διδόναι φόρον.
자치 도시들 중 이전에 안티오코스에게 조공을 바쳤으나 그때 로마인들에게 충성을 지킨 도시들은 조공을 면제해 주었고, 아탈로스에게 분담금을 내던 도시들에는 동일한 조공을 에우메네스에게 바치도록 명령했다.
§21.46.3εἰ δέ τινες ἀποστᾶσαι τῆς Ῥωμαίων φιλίας Ἀντιόχῳ συνεπολέμουν, ταύτας ἐκέλευσαν Εὐμένει διδόναι τοὺς Ἀντιόχῳ διατεταγμένους φόρους.
만일 로마인들과의 우호 관계를 저버리고 안티오코스와 함께 싸운 이들이 있다면, 이들에게는 안티오코스에게 규정되어 있던 조공을 에우메네스에게 바치도록 명령했다.
§21.46.4Κολοφωνίους δὲ τοὺς τὸ Νότιον οἰκοῦντας καὶ Κυμαίους καὶ Μυλασεῖς ἀφορολογήτους ἀφῆκαν,
노티온에 거주하는 콜로폰인들과 퀴메인들, 그리고 밀라사인들은 면세로 해주었다.
§21.46.5Κλαζομενίοις δὲ καὶ δωρεὰν προσέθηκαν τὴν Δρυμοῦσσαν καλουμένην νῆσον, Μιλησίοις δὲ τὴν ἱερὰν χώραν ἀποκατέστησαν, ἧς διὰ τοὺς πολέμους πρότερον ἐξεχώρησαν.
클라조메나이인들에게는 드리무사라 불리는 섬을 무상으로 더해주었고, 밀레토스인들에게는 이전에 전쟁 때문에 떠나야 했던 성스러운 영토를 반환해 주었다.
§21.46.6Χίους δὲ καὶ Σμυρναίους, ἔτι δʼ Ἐρυθραίους, ἔν τε τοῖς ἄλλοις προῆγον καὶ χώραν προσένειμαν, ἧς ἕκαστοι κατὰ τὸ παρὸν ἐπεθύμουν καὶ σφίσι καθήκειν ὑπελάμβανον, ἐντρεπόμενοι τὴν εὔνοιαν καὶ σπουδήν, ἣν παρέσχηντο κατὰ τὸν πόλεμον αὐτοῖς.
키오스인들과 스미르나인들, 나아가 에리트라이인들을 다른 여러 면에서도 우대하였고, 전쟁 중에 그들이 로마인들에게 보여준 호의와 열성을 고려하여, 각자가 현재 원하고 자신들에게 속하는 것이 마땅하다고 생각한 영토를 나누어 주었다.
§21.46.7ἀπέδωκαν δὲ καὶ Φωκαιεῦσι τὸ πάτριον πολίτευμα καὶ τὴν χώραν, ἣν καὶ πρότερον εἶχον.
포카이아인들에게도 조상의 헌법과 이전에 그들이 소유하고 있던 영토를 돌려주었다.
§21.46.8μετὰ δὲ ταῦτα Ῥοδίοις ἐχρημάτισαν, διδόντες Λυκίαν καὶ Καρίας τὰ μέχρι Μαιάνδρου ποταμοῦ πλὴν Τελμεσσοῦ.
이후에 로도스인들에게 회답을 주며, 리키아와 텔메소스 외의 마이안드로스강까지의 카리아 지역을 수여했다.
§21.46.9περὶ δὲ τοῦ βασιλέως Εὐμένους καὶ τῶν ἀδελφῶν ἔν τε ταῖς πρὸς Ἀντίοχον συνθήκαις τὴν ἐνδεχομένην πρόνοιαν ἐποιήσαντο καὶ τότε τῆς μὲν Εὐρώπης αὐτῷ προσέθηκαν Χερρόνησον καὶ Λυσιμάχειαν καὶ τὰ προσοροῦντα τούτοις ἐρύματα καὶ χώραν, ἧς Ἀντίοχος ἐπῆρχεν·
에우메네스 왕과 그의 형제들에 관해서는 안티오코스와의 조약에서 가능한 배려를 해두었으며, 그때 유럽에서는 헤르소네소스와 리시마케이아, 그리고 이것들에 접한 보루들과 안티오코스가 지배하던 영토를 그에게 더해주었다.
§21.46.10τῆς δʼ Ἀσίας Φρυγίαν τὴν ἐφʼ Ἑλλησπόντου, Φρυγίαν τὴν μεγάλην, Μυσούς, οὓς Προυσίας πρότερον αὐτοῦ παρεσπάσατο, Λυκαονίαν, Μιλυάδα, Λυδίαν, Τράλλεις, Ἔφεσον, Τελμεσσόν.
아시아에서는 헬레스폰토스 인근의 프리기아, 대프리기아, 이전에 프루시아스가 그로부터 빼앗아 갔던 미시아인들의 영토, 리카오니아, 밀리아스, 리디아, 트랄레이스, 에페소스, 텔메소스를 더해주었다.
§21.46.11ταύτας μὲν οὖν ἔδωκαν Εὐμένει τὰς δωρεάς· περὶ δὲ τῆς Παμφυλίας, Εὐμένους μὲν εἶναι φάσκοντος αὐτὴν ἐπὶ τάδε τοῦ Ταύρου, τῶν δὲ παρʼ Ἀντιόχου πρεσβευτῶν ἐπέκεινα, διαπορήσαντες ἀνέθεντο περὶ τούτων εἰς τὴν σύγκλητον.
그리하여 이 선물들을 에우메네스에게 주었으나, 팜필리아에 관해서는 에우메네스가 타우로스 산맥의 이편에 있다고 주장하고 안티오코스의 사절들은 저편에 있다고 주장하여, 결정을 내리지 못하고 이 사안을 원로원에 위임했다.
§21.46.12σχεδὸν δὲ τῶν ἀναγκαιοτάτων καὶ πλείστων αὐτοῖς διῳκημένων, ἀναζεύξαντες προῆγον ἐφʼ Ἑλλήσποντον, βουλόμενοι κατὰ τὴν πάροδον ἔτι τὰ πρὸς τοὺς Γαλάτας ἀσφαλίσασθαι. —
거의 가장 필요하고 많은 일들이 그들에 의해 처리되자, 그들은 진을 거두어 헬레스폰토스로 진군하였는데, 지나가는 길에 갈라티아인들과의 관계를 더욱 안전하게 다져두고자 했기 때문이다.