§2.70.1Ἀντίγονος δʼ ἐγκρατὴς γενόμενος ἐξ ἐφόδου τῆς Σπάρτης τά τε λοιπὰ μεγαλοψύχως καὶ φιλανθρώπως ἐχρήσατο τοῖς Λακεδαιμονίοις, τό τε πολίτευμα τὸ πάτριον αὐτοῖς ἀποκαταστήσας ἐν ὀλίγαις ἡμέραις ἀνέζευξε μετὰ τῶν δυνάμεων ἐκ τῆς πόλεως, προσαγγελθέντος αὐτῷ τοὺς Ἰλλυριοὺς εἰσβεβληκότας εἰς Μακεδονίαν πορθεῖν τὴν χώραν.
안티고노스는 단숨에 스파르타를 장악했으나, 라케다이몬인들에게 다른 모든 면에서 관대하고 인도적으로 대하였고, 그들에게 조상 전래의 국제를 복원해 준 뒤 몇 일 안에 군대를 이끌고 도시에서 철수했는데, 일리리아인들이 마케도니아에 침입하여 영토를 약탈하고 있다는 소식이 그에게 전해졌기 때문이다.
§2.70.2οὕτως ἀεί ποθʼ ἡ τύχη τὰ μέγιστα τῶν πραγμάτων παρὰ λόγον εἴωθε κρίνειν.
이처럼 운명은 언제나 가장 중대한 일들을 예상과 다르게 결정하는 법이다.
§2.70.3καὶ γὰρ τότε Κλεομένης, εἴτε τὰ κατὰ τὸν κίνδυνον παρείλκυσε τελέως ὀλίγας ἡμέρας, εἴτʼ ἀναχωρήσας ἀπὸ τῆς μάχης εἰς τὴν πόλιν ἐπὶ βραχὺ τῶν καιρῶν ἀντεποιήσατο, διακατέσχεν ἂν τὴν ἀρχήν.
왜냐하면 그때 역시 클레오메네스가 만약 전투에 관한 상황을 단 몇 일만이라도 끌었거나, 혹은 전투에서 도시로 퇴각한 뒤 아주 짧은 기간만이라도 버텨냈다면, 그는 지배권을 유지할 수 있었을 것이기 때문이다.
§2.70.4οὐ μὴν ἀλλʼ ὅ γʼ Ἀντίγονος παραγενόμενος εἰς Τεγέαν καὶ τούτοις ἀποδοὺς τὴν πάτριον πολιτείαν δευτεραῖος ἐντεῦθεν εἰς Ἄργος ἐπʼ αὐτὴν ἦλθε τὴν τῶν Νεμέων πανήγυριν.
어쨌든 안티고노스는 테게아에 도착하여 그들에게도 조상 전래의 국제를 돌려준 뒤, 그곳에서 이틀째 되는 날 아르고스에 이르렀는데, 마침 네메아 축제가 한창일 때 도착했다.
§2.70.5ἐν ᾗ τυχὼν πάντων τῶν πρὸς ἀθάνατον δόξαν καὶ τιμὴν ἀνηκόντων ὑπό τε τοῦ κοινοῦ τῶν Ἀχαιῶν καὶ κατʼ ἰδίαν ἑκάστης τῶν πόλεων ὥρμησε κατὰ σπουδὴν εἰς Μακεδονίαν.
이 축제에서 그는 아카이아 연맹과 각 도시 개별적으로부터 불멸의 영광과 명예에 걸맞은 모든 대접을 받은 뒤, 서둘러 마케도니아로 향했다.
§2.70.6καταλαβὼν δὲ τοὺς Ἰλλυριοὺς ἐν τῇ χώρᾳ καὶ συμβαλὼν ἐκ παρατάξεως τῇ μὲν μάχῃ κατώρθωσε, τῇ δὲ παρακλήσει καὶ κραυγῇ τῇ κατʼ αὐτὸν τὸν κίνδυνον ἐκθύμως χρησάμενος εἰς αἵματος ἀναγωγὴν καί τινα τοιαύτην διάθεσιν ἐμπεσὼν μετʼ οὐ πολὺ νόσῳ τὸν βίον μετήλλαξε,
그는 영토 내에서 일리리아인들을 발견하고 회전을 벌여 격퇴했으나, 전투의 실제 위험 속에서 격렬하게 부하들을 격려하고 소리를 지른 탓에 피를 토하게 되었고, 이와 같은 병세에 빠져 얼마 지나지 않아 병으로 세상을 떠났다.
§2.70.7καλὰς ἐλπίδας ὑποδείξας ἐν αὑτῷ πᾶσι τοῖς Ἕλλησιν, οὐ μόνον κατὰ τὴν ἐν τοῖς ὑπαίθροις χρείαν, ἔτι δὲ μᾶλλον κατὰ τὴν ὅλην αἵρεσιν καὶ καλοκἀγαθίαν.
그는 모든 그리스인들에게 자신에 대한 커다란 기대를 보여주었는데, 야전에서의 군사적 활약뿐만 아니라 그의 전반적인 뜻과 고결한 덕성 덕분에 더욱 그러했다.
§2.70.8τὴν δὲ Μακεδόνων βασιλείαν ἀπέλιπε Φιλίππῳ τῷ Δημητρίου.
그리고 마케도니아의 왕위를 데메트리오스의 아들 필리포스에게 남겼다.