§2.69.1ἅμα δὲ τούτοις ὁ περὶ τοὺς ἱππεῖς συνετελεῖτο κίνδυνος, ἐκπρεπῆ ποιουμένων τὴν χρείαν τῶν Ἀχαϊκῶν ἱππέων ἁπάντων, μάλιστα δὲ Φιλοποίμενος, διὰ τὸ περὶ τῆς αὐτῶν ἐλευθερίας συνεστάναι τὸν ὅλον ἀγῶνα. §2.69.2καθʼ ὃν καιρὸν τῷ προειρημένῳ συνέβη τὸν μὲν ἵππον πεσεῖν πληγέντα καιρίως, αὐτὸν δὲ πεζομαχοῦντα περιπεσεῖν τραύματι βιαίῳ διʼ ἀμφοῖν τοῖν μηροῖν. §2.69.3οἱ δὲ βασιλεῖς κατὰ τὸν Ὄλυμπον τὸ μὲν πρῶτον ἐποιοῦντο διὰ τῶν εὐζώνων καὶ μισθοφόρων τὴν συμπλοκήν, παρʼ ἑκατέροις σχεδὸν ὑπαρχόντων τούτων εἰς πεντακισχιλίους. §2.69.4ὧν ποτὲ μὲν κατὰ μέρη, ποτὲ δʼ ὁλοσχερῶς συμπιπτόντων, διαφέρουσαν συνέβαινε γίνεσθαι τὴν ἐξ ἀμφοῖν χρείαν, ὁμοῦ τῶν τε βασιλέων καὶ τῶν στρατοπέδων ἐν συνόψει ποιουμένων τὴν μάχην. §2.69.5ἡμιλλῶντο δὲ πρὸς ἑαυτοὺς καὶ κατʼ ἄνδρα καὶ κατὰ τάγμα ταῖς εὐψυχίαις. §2.69.6ὁ δὲ Κλεομένης ὁρῶν τοὺς μὲν περὶ τὸν ἀδελφὸν πεφευγότας, τοὺς δʼ ἐν τοῖς ἐπιπέδοις ἱππεῖς ὅσον οὔπω κλίνοντας, καταπλαγὴς ὢν μὴ πανταχόθεν προσδέξηται τοὺς πολεμίους, ἠναγκάζετο διασπᾶν τὰ προτειχίσματα καὶ πᾶσαν τὴν δύναμιν ἐξάγειν μετωπηδὸν κατὰ μίαν πλευρὰν τῆς στρατοπεδείας. §2.69.7ἀνακληθέντων δὲ τῶν παρʼ ἑκατέροις εὐζώνων ἐκ τοῦ μεταξὺ τόπου διὰ τῆς σάλπιγγος, συναλαλάξασαι καὶ καταβαλοῦσαι τὰς σαρίσας συνέβαλλον αἱ φάλαγγες ἀλλήλαις. §2.69.8ἀγῶνος δὲ γενομένου κραταιοῦ, καὶ ποτὲ μὲν ἐπὶ πόδα ποιουμένων τὴν ἀναχώρησιν καὶ πιεζομένων ἐπὶ πολὺ τῶν Μακεδόνων ὑπὸ τῆς τῶν Λακώνων εὐψυχίας, ποτὲ δὲ τῶν Λακεδαιμονίων ἐξωθουμένων ὑπὸ τοῦ βάρους τῆς τῶν Μακεδόνων τάξεως, §2.69.9τέλος οἱ περὶ τὸν Ἀντίγονον συμφράξαντες τὰς σαρίσας καὶ χρησάμενοι τῷ τῆς ἐπαλλήλου φάλαγγος ἰδιώματι, βίᾳ προσπεσόντες ἐξέωσαν ἐκ τῶν ὀχυρωμάτων τοὺς Λακεδαιμονίους. §2.69.10τὸ μὲν οὖν ἄλλο πλῆθος ἔφευγε προτροπάδην φονευόμενον· ὁ δὲ Κλεομένης ἱππεῖς τινας ἔχων περὶ ἑαυτὸν ἀπεχώρησε μετὰ τούτων ἀσφαλῶς εἰς τὴν Σπάρτην. §2.69.11ἐπιγενομένης δὲ τῆς νυκτὸς καταβὰς εἰς Γύθιον, ἡτοιμασμένων αὐτῷ τῶν πρὸς τὸν πλοῦν ἐκ πλείονος χρόνου πρὸς τὸ συμβαῖνον, ἀπῆρε μετὰ τῶν φίλων εἰς Ἀλεξάνδρειαν.
이와 동시에 기병들의 전투도 결말을 향해 가고 있었는데, 아카이아의 모든 기병들, 특히 필로포이멘이 자신들의 자유를 두고 전투 전체가 치러지고 있었기에 대단한 활약을 펼치고 있었기 때문이다. 그 와중에 앞서 언급한 자에게는, 타고 있던 말이 급소를 맞아 쓰러지고, 자신은 보병으로 싸우는 중에 양쪽 허벅지를 관통하는 심한 부상을 입는 일이 발생했다. 올륌포스 산 쪽의 왕들은 처음에는 가벼운 무장을 한 병사들과 용병들을 통해 충돌을 벌였는데, 양측에 이들이 각각 약 오천 명씩 있었다. 이들이 때로는 부분적으로, 때로는 전면적으로 격돌하면서 양측 모두의 역할이 뛰어났는데, 왕들과 군대 전체가 동시에 전투를 훤히 지켜보는 가운데 치러졌기 때문이다. 그들은 개인으로서도 부대 단위로서도 서로의 용맹을 겨루었다. 한편 클레오메네스는 형제의 부하들이 패주하고 평지의 기병들도 당장이라도 무너지기 직전인 것을 보고, 사방에서 적들을 맞이하게 될까 봐 두려워한 나머지, 전방의 방벽을 허물고 캠프의 한쪽 면을 통해 전 군대를 횡대로 밖으로 끌어내지 않을 수 없었다. 양측의 경장보병들이 트럼펫 소리로 중간 지대에서 퇴각해 돌아오자, 양측 팔랑크스들은 일제히 함성을 지르고 사리사를 내리며 서로 격돌했다. 격렬한 전투가 벌어じ면서, 어떤 때는 마케도니아인들이 라코니아인들의 용맹에 크게 압박을 받아 한 걸음씩 물러섰고, 다른 때는 라케다이몬인들이 마케도니아인들 대열의 무게에 밀려 밀려나기도 했다. 마침내 안티고노스와 그의 부하들은 사리사를 밀착시키고 밀집 팔랑크스의 특성을 활용하여 강력한 힘으로 덮치며 라케다이몬인들을 방벽 밖으로 밀어냈다. 그리하여 나머지 대다수의 무리는 살육당하며 정신없이 도망쳤으나, 클레오메네스는 자신의 주위에 약간의 기병들을 거느리고 그들과 함께 안전하게 스파르타로 퇴각했다. 밤이 되자 그는 귀티온으로 내려갔고, 어떤 상황에 대비해 이전부터 그를 위해 항해 준비가 갖추어져 있었으므로, 친구들과 함께 알렉산드리아를 향해 출항했다.