§2.56.1ἐπεὶ δὲ τῶν κατὰ τοὺς αὐτοὺς καιροὺς Ἀράτῳ γεγραφότων παρʼ ἐνίοις ἀποδοχῆς ἀξιοῦται Φύλαρχος, ἐν πολλοῖς ἀντιδοξῶν καὶ τἀναντία γράφων αὐτῷ, §2.56.2χρήσιμον ἂν εἴη, μᾶλλον δʼ ἀναγκαῖον ἡμῖν, Ἀράτῳ προῃρημένοις κατακολουθεῖν περὶ τῶν Κλεομενικῶν, μὴ παραλιπεῖν ἄσκεπτον τοῦτο τὸ μέρος, ἵνα μὴ τὸ ψεῦδος ἐν τοῖς συγγράμμασιν ἰσοδυναμοῦν ἀπολείπωμεν πρὸς τὴν ἀλήθειαν.
하지만 아라토스와 동시대에 역사를 기술한 이들 중에서 퓔라르코스가 여러 면에서 그와 의견을 달리하고 반대되는 내용을 쓰고 있음에도 일부 사람들에게 인정받을 만한 인물로 여겨지고 있으므로, 클레오메네스 전쟁에 관하여 아라토스를 따르기로 선택한 우리로서는, 역사서 속의 거짓이 진실과 대등한 영향력을 지닌 채 남겨지지 않도록 하기 위해, 이 부분을 검토하지 않은 채 버려두지 않는 것이 유익하며 오히려 필수적인 일일 것이다.
§2.56.3καθόλου μὲν οὖν ὁ συγγραφεὺς οὗτος πολλὰ παρʼ ὅλην τὴν πραγματείαν εἰκῇ καὶ ὡς ἔτυχεν εἴρηκεν.
대체로 말해서, 이 역사가(필자)는 저작 전체에 걸쳐 수많은 일들을 근거 없이 마구잡이로 서술했다.
§2.56.4πλὴν περὶ μὲν τῶν ἄλλων ἴσως οὐκ ἀναγκαῖον ἐπιτιμᾶν κατὰ τὸ παρὸν οὐδʼ ἐξακριβοῦν· ὅσα δὲ συνεπιβάλλει τοῖς ὑφʼ ἡμῶν γραφομένοις καιροῖς — ταῦτα δʼ ἔστιν τὰ περὶ τὸν Κλεομενικὸν πόλεμον — ὑπὲρ τούτων ἀναγκαῖόν ἐστιν ἡμῖν διευκρινεῖν.
그렇기는 하나, 다른 일들에 대해서는 현재로서 비판하거나 낱낱이 밝혀내는 것이 필요하지 않을지 모르나, 우리가 기술하는 시대와 겹치는 부분, 즉 클레오메네스 전쟁에 관한 부분에 대해서만큼은 우리가 명백히 규명하는 것이 필수적이다.
§2.56.5ἔσται δὲ πάντως ἀρκοῦντα ταῦτα πρὸς τὸ καὶ τὴν ὅλην αὐτοῦ προαίρεσιν καὶ δύναμιν ἐν τῇ πραγματείᾳ καταμαθεῖν.
그리고 이 사실들만으로도 그의 저작 전체에 나타난 그의 집필 의도와 역량을 파악하는 데는 전적으로 충분할 것이다.
§2.56.6βουλόμενος δὴ διασαφεῖν τὴν ὠμότητα τὴν Ἀντιγόνου καὶ Μακεδόνων, ἅμα δὲ τούτοις τὴν Ἀράτου καὶ τῶν Ἀχαιῶν, φησὶ τοὺς Μαντινέας γενομένους ὑποχειρίους μεγάλοις περιπεσεῖν ἀτυχήμασι, καὶ τὴν ἀρχαιοτάτην καὶ μεγίστην πόλιν τῶν κατὰ τὴν Ἀρκαδίαν τηλικαύταις παλαῖσαι συμφοραῖς ὥστε πάντας εἰς ἐπίστασιν καὶ δάκρυα τοὺς Ἕλληνας ἀγαγεῖν.
참으로 그는 안티고노스와 마케도니아인들, 그리고 이와 동시에 아라토스와 아카이아인들의 잔혹함을 부각시키고자 하여, 만티네이아인들이 그들의 지배하에 놓였을 때 커다란 불행을 겪었으며, 아르카디아에서 가장 오래되고 거대한 도시가 모든 그리스인들을 멈춰 서서 눈물 흘리게 할 정도로 엄청난 재난과 사투를 벌였다고 주장한다.
§2.56.7σπουδάζων δʼ εἰς ἔλεον ἐκκαλεῖσθαι τοὺς ἀναγινώσκοντας καὶ συμπαθεῖς ποιεῖν τοῖς λεγομένοις, εἰσάγει περιπλοκὰς γυναικῶν καὶ κόμας διερριμμένας καὶ μαστῶν ἐκβολάς, πρὸς δὲ τούτοις δάκρυα καὶ θρήνους ἀνδρῶν καὶ γυναικῶν ἀναμὶξ τέκνοις καὶ γονεῦσι γηραιοῖς ἀπαγομένων.
또한 그는 독자들의 연민을 자아내고 서술되는 내용에 공감하게 하려고 지나치게 애쓴 나머지, 여성들이 서로 껴안는 모습, 흐트러진 머리칼, 드러난 젖가슴, 그리고 여기에 더하여 아이들과 늙은 부모와 뒤섞여 끌려가는 남녀들의 눈물과 애곡을 도입한다.
ποιεῖ δὲ τοῦτο παρʼ ὅλην τὴν ἱστορίαν, §2.56.8πειρώμενος ἐν ἑκάστοις ἀεὶ πρὸ ὀφθαλμῶν τιθέναι τὰ δεινά.
그는 자신의 역사서 전체에 걸쳐 이런 짓을 하고 있는데, 매번 개별 사건마다 끔찍한 일들을 언제나 눈앞에 생생히 보여주려고 시도하기 때문이다.
§2.56.9τὸ μὲν οὖν ἀγεννὲς καὶ γυναικῶδες τῆς αἱρέσεως αὐτοῦ παρείσθω, τὸ δὲ τῆς ἱστορίας οἰκεῖον ἅμα καὶ χρήσιμον ἐξεταζέσθω.
그러니 그의 이러한 집필 방식의 비겁하고 여성적인 측면은 덮어두기로 하고, 역사에 고유하면서도 유익한 측면을 검토해 보도록 하자.
§2.56.10δεῖ τοιγαροῦν οὐκ ἐπιπλήττειν τὸν συγγραφέα τερατευόμενον διὰ τῆς ἱστορίας τοὺς ἐντυγχάνοντας οὐδὲ τοὺς ἐνδεχομένους λόγους ζητεῖν καὶ τὰ παρεπόμενα τοῖς ὑποκειμένοις ἐξαριθμεῖσθαι, καθάπερ οἱ τραγῳδιογράφοι, τῶν δὲ πραχθέντων καὶ ῥηθέντων κατʼ ἀλήθειαν αὐτῶν μνημονεύειν πάμπαν, κἂν πάνυ μέτρια τυγχάνωσιν ὄντα.
그러므로 역사가라면 역사를 통해 기이한 묘사로 독자들에게 충격을 주려 하거나, 비극 작가들처럼 있을 법한 대사를 꾸며내어 찾고 주제에 부수되는 상황들을 열거해서는 안 되며, 실제로 행해지고 말해진 사실 그 자체를, 비록 그것들이 지극히 평범한 것일지라도 남김없이 기록해야 한다.
§2.56.11τὸ γὰρ τέλος ἱστορίας καὶ τραγῳδίας οὐ ταὐτόν, ἀλλὰ τοὐναντίον.
왜냐하면 역사와 비극의 목적은 결코 같지 않고 오히려 정반대이기 때문이다.
ἐκεῖ μὲν γὰρ δεῖ διὰ τῶν πιθανωτάτων λόγων ἐκπλῆξαι καὶ ψυχαγωγῆσαι κατὰ τὸ παρὸν τοὺς ἀκούοντας, ἐνθάδε δὲ διὰ τῶν ἀληθινῶν ἔργων καὶ λόγων εἰς τὸν πάντα χρόνον διδάξαι καὶ πεῖσαι τοὺς φιλομαθοῦντας,
저쪽에서는 가장 그럴듯한 대사를 통해 당장 청중들을 감동시키고 매료시켜야 하지만, 이쪽에서는 진실된 행위와 말을 통해 배움을 갈구하는 자들을 영원히 가르치고 설득해야 한다.
§2.56.12ἐπειδήπερ ἐν ἐκείνοις μὲν ἡγεῖται τὸ πιθανόν, κἂν ᾖ ψεῦδος, διὰ τὴν ἀπάτην τῶν θεωμένων, ἐν δὲ τούτοις τἀληθὲς διὰ τὴν ὠφέλειαν τῶν φιλομαθούντων.
전자에서는 설령 거짓일지라도 그럴듯함이 관객의 환각을 위해 주도적 역할을 하지만, 후자에서는 진실이 배우려는 자들의 유익을 위해 주도적 역할을 하기 때문이다.
§2.56.13χωρίς τε τούτων τὰς πλείστας ἡμῖν ἐξηγεῖται τῶν περιπετειῶν, οὐχ ὑποτιθεὶς αἰτίαν καὶ τρόπον τοῖς γινομένοις, ὧν χωρὶς οὔτʼ ἐλεεῖν εὐλόγως οὔτʼ ὀργίζεσθαι καθηκόντως δυνατὸν ἐπʼ οὐδενὶ τῶν συμβαινόντων.
이 일들과는 별도로, 그는 일어난 사건의 원인과 방식을 제시하지 않은 채 운명의 급변 사태들 대부분을 우리에게 설명하고 있다. 하지만 그것들이 없다면 일어난 어떤 일에 대해서도 합당하게 동정하거나 당연하게 분노하는 것이 불가능하다.
§2.56.14ἐπεὶ τίς ἀνθρώπων οὐ δεινὸν ἡγεῖται τύπτεσθαι τοὺς ἐλευθέρους;
실제로 자유인들이 매질을 당하는 것을 끔찍한 일로 여기지 않을 사람이 누가 있겠는가?
ἀλλʼ ὅμως, ἐὰν μὲν ἄρχων ἀδίκων χειρῶν πάθῃ τις τοῦτο, δικαίως κρίνεται πεπονθέναι·
그럼에도 만일 누군가 부당하게 손을 먼저 써서 이런 일을 당한다면 그가 마땅한 처벌을 받았다고 판단된다.
ἐὰν δʼ ἐπὶ διορθώσει καὶ μαθήσει ταὐτὸ τοῦτο γίνηται, προσέτι καὶ τιμῆς καὶ χάριτος οἱ τύπτοντες τοὺς ἐλευθέρους ἀξιοῦνται.
반면에 똑같은 일이 훈육과 배움을 위해 행해진다면, 자유인들을 매질하는 자들은 오히려 존경과 감사를 받을 자격이 있는 자로 여겨지기까지 한다.
§2.56.15καὶ μὴν τό γε τοὺς πολίτας ἀποκτεινύναι μέγιστον ἀσέβημα τίθεται καὶ μεγίστων ἄξιον προστίμων·
또한 시민들을 죽이는 것은 가장 큰 불경이자 가장 무거운 처벌을 받아야 마땅한 일로 간주된다.
καίτοι γε προφανῶς ὁ μὲν τὸν κλέπτην ἢ μοιχὸν ἀποκτείνας ἀθῷός ἐστιν, ὁ δὲ τὸν προδότην ἢ τύραννον τιμῶν καὶ προεδρείας τυγχάνει παρὰ πᾶσιν.
그럼에도 도둑이나 간통한 자를 죽인 자는 분명 무죄이며, 반역자나 참주를 죽인 자는 모든 이들에게서 명예와 상석을 얻는다.
§2.56.16οὕτως ἐν παντὶ τὸ τέλος κεῖται τῆς διαλήψεως ὑπὲρ τούτων οὐκ ἐν τοῖς τελουμένοις, ἀλλʼ ἐν ταῖς αἰτίαις καὶ προαιρέσεσι τῶν πραττόντων καὶ ταῖς τούτων διαφοραῖς.
이처럼 모든 사안에서, 이것들에 대한 최종 판단은 행해진 결과에 있는 것이 아니라, 행위자들의 원인과 의도, 그리고 그 의도들 사이의 차이에 달려 있다.