§2.10.1κύρας, ἐλπίζοντες λύσειν τὴν πολιορκίαν.
키라로 향해 나아갔는데, 이는 포위를 풀기 위함이었다.
οἱ δʼ Ἰλλυριοὶ συμπαραλαβόντες Ἀκαρνάνων ναῦς κατὰ τὴν συμμαχίαν, οὔσας ἑπτὰ καταφράκτους, ἀνταναχθέντες συνέβαλλον τοῖς τῶν Ἀχαιῶν σκάφεσιν περὶ τοὺς καλουμένους Παξούς.
한편 일리리아인들은 동맹 관계에 따라 일곱 척의 유갑선으로 이루어진 아카르나니아인들의 배를 인도받아, 바다로 출항하여 팍소이라 불리는 섬들 근처에서 아카이아인들의 배와 맞서 싸웠다.
§2.10.2οἱ μὲν οὖν Ἀκαρνᾶνες καὶ τῶν Ἀχαϊκῶν νεῶν αἱ κατὰ τούτους ταχθεῖσαι πάρισον ἐποίουν τὸν ἀγῶνα καὶ διέμενον ἀκέραιοι κατὰ τὰς συμπλοκὰς πλὴν τῶν εἰς αὐτοὺς τοὺς ἄνδρας γινομένων τραυμάτων.
아카르나니아인들과 그들에 맞서 배치된 아카이아인들의 배는 대등한 전투를 벌였으며, 승무원들 자체에 발생한 부상자들을 제외하고는 충돌 중에도 온전한 상태를 유지했다.
§2.10.3οἱ δʼ Ἰλλυριοὶ ζεύξαντες τοὺς παρʼ αὑτῶν λέμβους ἀνὰ τέτταρας συνεπλέκοντο τοῖς πολεμίοις.
그러나 일리리아인들은 자신들의 쾌속선을 네 척씩 연결하여 적들과 교전했다.
καὶ τῶν μὲν ἰδίων ὠλιγώρουν καὶ παραβάλλοντες πλαγίους συνήργουν ταῖς ἐμβολαῖς τῶν ὑπεναντίων.
그들은 자신들의 배를 아끼지 않고 옆구리를 댄 채 접근하여 적들의 충돌(공격)을 도왔다.
§2.10.4ὅτε δὲ τρώσαντα καὶ δεθέντα κατὰ τὰς ἐμβολὰς δυσχρήστως διέκειτο πρὸς τὸ παρὸν τὰ τῶν ἀντιπάλων σκάφη, προσκρεμαμένων αὐτοῖς περὶ τοὺς ἐμβόλους τῶν ἐζευγμένων λέμβων, τότʼ ἐπιπηδῶντες ἐπὶ τὰ καταστρώματα τῶν Ἀχαϊκῶν νεῶν κατεκράτουν διὰ τὸ πλῆθος τῶν ἐπιβατῶν.
충돌로 인해 손상을 입고 묶인 적들의 배가, 연결된 쾌속선들이 그 충각 주위에 매달려 있었기 때문에 당장 대처하기 어려운 곤경에 처했을 때, 그들은 아카이아인들 배의 갑판 위로 뛰어올라 탑승한 병력의 수적인 우세를 통해 제압했다.
§2.10.5καὶ τούτῳ τῷ τρόπῳ τεττάρων μὲν πλοίων ἐκυρίευσαν τετρηρικῶν, μίαν δὲ πεντήρη σὺν αὐτοῖς τοῖς ἀνδράσιν ἐβύθισαν, ἐφʼ ἧς ἔπλει Μάργος ὁ Καρυνεύς, ἀνὴρ πάντα τὰ δίκαια τῷ κοινῷ τῶν Ἀχαιῶν πολιτεύματι πεποιηκὼς μέχρι τῆς καταστροφῆς.
이러한 방식으로 그들은 사단노선 네 척을 장악하고, 한 척의 오단노선을 승무원들과 함께 침몰시켰는데, 그 배에는 최후의 파멸에 이르기까지 아카이아인들의 공동체 체제를 위해 모든 의무를 다했던 인물인 카뤼네이아의 마르고스가 타고 있었다.
§2.10.6οἱ δὲ πρὸς τοὺς Ἀκαρνᾶνας διαγωνιζόμενοι, συνιδόντες τὸ κατὰ τοὺς Ἰλλυριοὺς προτέρημα καὶ πιστεύοντες τῷ ταχυναυτεῖν, ἐπουρώσαντες ἀσφαλῶς τὴν ἀποχώρησιν εἰς τὴν οἰκείαν ἐποιήσαντο.
한편 아카르나니아인들과 맞서 싸우던 이들은 일리리아인들이 거둔 승세를 알아차리고 자국의 배가 지닌 빠른 속도를 믿고서, 순풍을 타고 안전하게 자국으로 퇴각했다.
§2.10.7τὸ δὲ τῶν Ἰλλυριῶν πλῆθος φρονηματισθὲν ἐπὶ τῷ προτερήματι λοιπὸν ἤδη ῥᾳδίως ἐχρήσατο τῇ πολιορκίᾳ καὶ τεθαρρηκότως.
일리리아인들의 대군은 이 승리로 기세가등등해져서 이후로는 포위 공격을 한결 수월하고 자신감 있게 전개했다.
§2.10.8οἱ δὲ Κερκυραῖοι δυσελπιστήσαντες τοῖς ὅλοις ἐκ τῶν συμβεβηκότων, βραχὺν ἔτι χρόνον ὑπομείναντες τὴν πολιορκίαν συνέθεντο τοῖς Ἰλλυριοῖς καὶ παρεδέξαντο φρουρὰν καὶ μετὰ τῆς φρουρᾶς Δημήτριον τὸν Φάριον.
코르키라인들은 벌어진 사태로 인해 전반적인 상황에 대해 절망에 빠졌고, 조금 더 포위를 견뎌내다가 일리리아인들과 협정을 맺고서 수비대와 함께 파로스의 데메트리오스를 받아들였다.
§2.10.9τούτων δὲ πραχθέντων εὐθέως οἱ τῶν Ἰλλυριῶν προεστῶτες ἀνήγοντο· καὶ κατάραντες εἰς τὴν Ἐπίδαμνον ταύτην πάλιν ἐπεβάλοντο πολιορκεῖν τὴν πόλιν.
이 일이 끝난 직후 일리리아인들의 지휘관들은 출항하여 에피담노스에 도달했고, 다시 이 도시를 포위하기 위해 공격을 시작했다.