§2.11.1κατὰ δὲ τοὺς αὐτοὺς καιροὺς τῶν τὰς ὑπάτους ἀρχὰς ἐχόντων Γνάιος μὲν Φόλουιος ἐξέπλει ναυσὶ διακοσίαις ἐκ τῆς Ῥώμης, Αὖλος δὲ Ποστόμιος τὰς πεζικὰς ἔχων δυνάμεις ἐξώρμα.
거의 같은 시기, 집정관직에 있는 자들의 임기 중에, 그나이우스 풀비우스는 이백 척의 배와 함께 로마에서 출항했고, 아울루스 포스투미우스는 보병 부대를 이끌고 출발했다.
§2.11.2τὴν μὲν οὖν πρώτην ἐπιβολὴν ἔσχε πλεῖν ὁ Γνάιος ἐπὶ τῆς Κερκύρας, ὑπολαμβάνων ἔτι καταλήψεσθαι τὴν πολιορκίαν ἄκριτον·
그리하여 그나이우스는 첫 계획으로 코르키라로 항해하기로 결정했는데, 포위 공격이 아직 승패가 나지 않은 상태로 남아 있을 것이라 생각했기 때문이다.
§2.11.3ὑστερήσας δὲ τῶν καιρῶν ὅμως ἐπὶ τὴν νῆσον ἔπλει, βουλόμενος ἅμα μὲν ἐπιγνῶναι σαφῶς τὰ γεγονότα περὶ τὴν πόλιν, ἅμα δὲ πεῖραν λαβεῖν τῶν παρὰ τοῦ Δημητρίου προσαγγελλομένων.
비록 기회를 놓쳤으나 그는 그럼에도 그 섬으로 항해했는데, 도시 주변에서 일어난 일을 명확히 파악하는 동시에 데메트리오스가 전해온 통보의 진위를 시험해 보고자 했기 때문이다.
§2.11.4ὁ γὰρ Δημήτριος ἐν διαβολαῖς ὢν καὶ φοβούμενος τὴν Τεύταν διεπέμπετο πρὸς τοὺς Ῥωμαίους, ἐπαγγελλόμενος τήν τε πόλιν ἐγχειριεῖν καὶ τὰ λοιπὰ πράγματα παραδώσειν, ὧν ἦν αὐτὸς κύριος.
데메트리오는 의심을 받는 상황에서 테우타를 두려워했기 때문에 로마인들에게 사절을 보내어, 도시를 인도하고 자신이 지배하고 있는 나머지 다른 사정들도 양도하겠다고 약속하고 있었던 것이다.
§2.11.5οἱ δὲ Κερκυραῖοι τὴν παρουσίαν τῶν Ῥωμαίων ἀσμένως ἰδόντες, τήν τε φρουρὰν παρέδοσαν τῶν Ἰλλυριῶν μετὰ τῆς τοῦ Δημητρίου γνώμης, αὐτοί τε σφᾶς ὁμοθυμαδὸν ἔδωκαν παρακληθέντες εἰς τὴν τῶν Ῥωμαίων πίστιν, μίαν ταύτην ὑπολαβόντες ἀσφάλειαν αὑτοῖς ὑπάρχειν εἰς τὸν μέλλοντα χρόνον πρὸς τὴν Ἰλλυριῶν παρανομίαν.
코르키라인들은 로마인들의 등장을 기쁘게 맞이하여 데메트리오스의 뜻에 따라 일리리아인들의 수비대를 넘겨주었으며, 자신들도 일치단결하여 권유를 받아들여 로마인들의 신의에 자신들을 맡겼는데, 이것이 향후 일리리아인들의 무법 행위에 대해 자신들이 가질 수 있는 유일한 안전 보장이라고 여겼기 때문이다.
§2.11.6Ῥωμαῖοι δὲ προσδεξάμενοι τοὺς Κερκυραίους εἰς τὴν φιλίαν ἔπλεον ἐπὶ τῆς Ἀπολλωνίας, ἔχοντες εἰς τὰ κατάλοιπα τῶν πραγμάτων ἡγεμόνα τὸν Δημήτριον.
로마인들은 코르키라인들을 우방으로 받아들이고, 남은 사정들에 대한 인도자로 데메트리오스를 동반한 채 아폴로니아로 항해했다.
§2.11.7κατὰ δὲ τὸν αὐτὸν καιρὸν καὶ Ποστόμιος τὰς πεζικὰς διεβίβαζε δυνάμεις ἐκ τοῦ Βρεντεσίου, πεζοὺς μὲν εἰς δισμυρίους, ἱππεῖς δὲ περὶ δισχιλίους.
거의 같은 시기에 포스투미우스도 브렌테시움에서 보병 부대를 건네고 있었는데, 보병은 약 이만 명, 기병은 약 이천 명이었다.
§2.11.8ἅμα δὲ τῷ προσέχειν ἑκατέρας ὁμοῦ τὰς δυνάμεις πρὸς τὴν Ἀπολλωνίαν ὁμοίως καὶ τούτων ἀποδεξαμένων καὶ δόντων ἑαυτοὺς εἰς τὴν ἐπιτροπὴν παραχρῆμα πάλιν ἀνήχθησαν, ἀκούοντες πολιορκεῖσθαι τὴν Ἐπίδαμνον.
양측의 부대가 아폴로니아에 동시에 가닿자마자, 이곳 주민들도 마찬가지로 그들을 영접하고 그 보호에 자신들을 맡겼으므로, 에피담누스가 포위되어 있다는 소식을 듣고 즉시 다시 출항했다.
§2.11.9οἱ δʼ Ἰλλυριοὶ συνέντες τὴν ἔφοδον τῶν Ῥωμαίων, οὐδενὶ κόσμῳ λύσαντες τὴν πολιορκίαν ἔφυγον.
일리리아인들은 로마인들의 진격을 알아차리고서 아무런 질서도 없이 포위를 풀고 도망쳤다.
§2.11.10Ῥωμαῖοι δὲ καὶ τοὺς Ἐπιδαμνίους παραλαβόντες εἰς τὴν πίστιν προῆγον εἰς τοὺς εἴσω τόπους τῆς Ἰλλυρίδος, ἅμα καταστρεφόμενοι τοὺς Ἀρδιαίους.
로마인들은 에피담누스인들까지도 신의에 받아들인 후 일리리아 내륙 지방으로 진군했으며, 동시에 아르디아이인들을 굴복시켰다.
§2.11.11συμμιξάντων δὲ πρεσβευτῶν αὐτοῖς καὶ πλειόνων, ὧν οἱ παρὰ τῶν Παρθίνων ἧκον ἐπιτρέποντες τὰ καθʼ αὑτούς, δεξάμενοι τούτους εἰς τὴν φιλίαν, παραπλησίως δὲ καὶ τοὺς παρὰ τῶν Ἀτιντάνων προσεληλυθότας προῆγον ὡς ἐπὶ τὴν Ἴσσαν διὰ τὸ καὶ ταύτην ὑπὸ τῶν Ἰλλυριῶν πολιορκεῖσθαι τὴν πόλιν.
그들에게 여러 사절단이 합류했는데, 그중 파르티노이인들의 사절단은 자신들의 일을 위임하기 위해 찾아왔고, 로마인들은 이들을 우방으로 받아들였으며, 마찬가지로 아틴타네스인들로부터 찾아온 사절들도 영접한 후 이사로 진군했는데, 이 도시 역시 일리리아인들에게 포위되어 있었기 때문이다.
§2.11.12ἀφικόμενοι δὲ καὶ λύσαντες τὴν πολιορκίαν προσεδέξαντο καὶ τοὺς Ἰσσαίους εἰς τὴν ἑαυτῶν πίστιν.
그들은 도착하여 포위를 풀고 이사인들도 자신들의 신의에 받아들였다.
§2.11.13εἷλον δὲ καὶ πόλεις τινὰς Ἰλλυρίδας ἐν τῷ παράπλῳ κατὰ κράτος· ἐν αἷς περὶ Νουτρίαν οὐ μόνον τῶν στρατιωτῶν ἀπέβαλον πολλούς, ἀλλὰ καὶ τῶν χιλιάρχων τινὰς καὶ τὸν ταμίαν.
또한 그들은 연안을 항해하는 동안 일부 일리리아 도시들을 무력으로 함락시켰는데, 그중 누트리아 근처에서는 많은 군사를 잃었을 뿐만 아니라, 천인대장 몇 명과 재무관도 잃었다.
§2.11.14ἐκυρίευσαν δὲ καὶ λέμβων εἴκοσι τῶν ἀποκομιζόντων τὴν ἐκ τῆς χώρας ὠφέλειαν.
그들은 또한 그 지방에서 전리품을 실어 나르던 쾌속선 이십 척을 나포했다.
§2.11.15τῶν δὲ πολιορκούντων τὴν Ἴσσαν οἱ μὲν ἐν τῇ Φάρῳ διὰ τὸν Δημήτριον ἀβλαβεῖς ἔμειναν, οἱ δʼ ἄλλοι πάντες ἔφυγον εἰς τὸν Ἄρβωνα σκεδασθέντες.
이사를 포위하던 이들 중 파로스에 있던 이들은 데메트리오스 덕분에 아무런 피해를 입지 않았으나, 다른 이들은 모두 사방으로 흩어져 아르본으로 도망쳤다.
§2.11.16ἡ δὲ Τεύτα πάνυ μετʼ ὀλίγων εἰς τὸν Ῥίζονα διεσώθη, πολισμάτιον εὖ πρὸς ὀχυρότητα κατεσκευασμένον, ἀνακεχωρηκὸς μὲν ἀπὸ τῆς θαλάττης, ἐπʼ αὐτῷ δὲ κείμενον τῷ Ῥίζονι ποταμῷ.
테우타는 극소수의 추종자들과 함께 리존으로 탈출했는데, 그곳은 방어에 유리하게 잘 구축된 소도시로, 바다로부터 물러나 있었으나 리존강 바로 옆에 위치하고 있었다.
§2.11.17ταῦτα δὲ πράξαντες καὶ τῷ Δημητρίῳ τοὺς πλείστους ὑποτάξαντες τῶν Ἰλλυριῶν καὶ μεγάλην αὐτῷ περιθέντες δυναστείαν ἀνεχώρησαν εἰς τὴν Ἐπίδαμνον ἅμα τῷ στόλῳ καὶ τῇ πεζικῇ δυνάμει.
이러한 일들을 행하고 일리리아인들의 대부분을 데메트리오스에게 복속시키고 그에게 큰 권세를 부여한 후, 그들은 함대와 보병 부대를 동반하고 에피담누스로 철수했다.