§2.1.1ἐν μὲν τῇ πρὸ ταύτης βύβλῳ διεσαφήσαμεν πότε Ῥωμαῖοι συστησάμενοι τὰ κατὰ τὴν Ἰταλίαν τοῖς ἐκτὸς ἐγχειρεῖν ἤρξαντο πράγμασιν, ἐπὶ δὲ τούτοις πῶς εἰς Σικελίαν διέβησαν καὶ διʼ ἃς αἰτίας τὸν περὶ τῆς προειρημένης νήσου συνεστήσαντο πόλεμον πρὸς Καρχηδονίους,
앞선 권에서 우리는 로마인들이 이탈리아의 정세를 수습한 후 언제 외국의 일들에 착수하기 시작했는지, 그리고 이에 더하여 그들이 어떻게 시켈리아로 건너갔으며 어떠한 이유로 앞서 언급한 섬을 둘러싸고 카르타고인들과 전쟁을 벌이게 되었는지를 명확히 밝혔다.
§2.1.2μετὰ δὲ ταῦτα πότε πρῶτον συνίστασθαι ναυτικὰς ἤρξαντο δυνάμεις, καὶ τὰ συμβάντα κατὰ τὸν πόλεμον ἑκατέροις ἕως τοῦ τέλους, ἐν ᾧ Καρχηδόνιοι μὲν ἐξεχώρησαν πάσης Σικελίας, Ῥωμαῖοι δʼ ἐπεκράτησαν τῆς ὅλης νήσου πλὴν τῶν ὑφʼ Ἱέρωνι ταττομένων μερῶν.
그리고 그 후로 언제 그들이 처음으로 해군력을 조직하기 시작했는지, 그리고 전쟁 동안 양측에 일어난 일들을 그 종결에 이르기까지 서술했다. 그 종결을 통해 카르타고인들은 시켈리아 전역에서 철수했고, 로마인들은 히에론의 지배하에 있는 지역들을 제외한 섬 전체를 장악하게 되었다.
§2.1.3ἑξῆς δὲ τούτοις ἐπεβαλόμεθα λέγειν πῶς στασιάσαντες οἱ μισθοφόροι πρὸς τοὺς Καρχηδονίους τὸν προσαγορευθέντα Λιβυκὸν πόλεμον ἐξέκαυσαν, καὶ τὰ συμβάντα κατὰ τοῦτον ἀσεβήματα μέχρι τίνος προύβη, καὶ τίνα διέξοδον ἔλαβεν τὰ παράλογα τῶν ἔργων ἕως τοῦ τέλους καὶ τῆς Καρχηδονίων ἐπικρατείας.
이에 이어서 우리는 용병들이 카르타고인들을 상대로 반란을 일으켜 이른바 리비아 전쟁을 어떻게 촉발했는지, 그리고 이 와중에 저질러진 불경한 악행들이 어디까지 다다랐는지, 그리고 그 예기치 못한 행위들이 종결과 카르타고인들의 승리에 이르기까지 어떻게 전개되었는지를 말하기 시작했다.
§2.1.4νυνὶ δὲ τὰ συνεχῆ τούτοις πειρασόμεθα δηλοῦν, κεφαλαιωδῶς ἑκάστων ἐπιψαύοντες κατὰ τὴν ἐξ ἀρχῆς πρόθεσιν.
이제 우리는 처음의 의도에 따라 각각의 사항들을 요약적으로 다루면서, 이 일들에 뒤이어 일어난 사건들을 밝히고자 한다.
§2.1.5Καρχηδόνιοι γὰρ ὡς θᾶττον κατεστήσαντο τὰ κατὰ τὴν Λιβύην, εὐθέως Ἀμίλκαν ἐξαπέστελλον, δυνάμεις συστήσαντες, εἰς τοὺς κατὰ τὴν Ἰβηρίαν τόπους.
카르타고인들은 리비아의 사태를 진정시키자마자, 즉시 군대를 조직하여 하밀카르를 이베리아 지방으로 파견했기 때문이다.
§2.1.6ὁ δʼ ἀναλαβὼν τὰ στρατόπεδα καὶ τὸν υἱὸν Ἀννίβαν, ὄντα τότε κατὰ τὴν ἡλικίαν ἐτῶν ἐννέα, καὶ διαβὰς κατὰ τὰς Ἡρακλέους στήλας ἀνεκτᾶτο τὰ κατὰ τὴν Ἰβηρίαν πράγματα τοῖς Καρχηδονίοις.
그는 군대와 당시 아홉 살이었던 아들 한니발을 데리고 헤라클레스의 기둥을 건너, 카르타고인들을 위해 이베리아에서의 권세를 회복해 나갔다.
§2.1.7διατρίψας δʼ ἐν τοῖς τόποις τούτοις ἔτη σχεδὸν ἐννέα καὶ πολλοὺς μὲν πολέμῳ, πολλοὺς δὲ πειθοῖ ποιήσας Ἰβήρων ὑπηκόους Καρχηδόνι κατέστρεψε τὸν βίον ἀξίως τῶν προγεγενημένων πράξεων.
그는 이 지역에서 거의 9년을 보내며, 어떤 이들은 전쟁으로, 어떤 이들은 설득으로 수많은 이베리아인들을 카르타고의 신민으로 삼았고, 그동안 이룩한 업적에 걸맞은 방식으로 생을 마감했다.
§2.1.8πρὸς γὰρ τοὺς ἀνδρωδεστάτους καὶ μεγίστην δύναμιν ἔχοντας παραταττόμενος καὶ χρώμενος τολμηρῶς καὶ παραβόλως ἑαυτῷ κατὰ τὸν τοῦ κινδύνου καιρὸν ἐρρωμένως τὸν βίον μετήλλαξεν.
가장 용맹하고 강력한 세력을 가진 자들을 상대로 대열을 정비하고, 위험한 순간에 자신을 대담하고 과감하게 내던져 분투하던 중 목숨을 잃었던 것이다.
§2.1.9τὴν δὲ στρατηγίαν οἱ Καρχηδόνιοι παρέδοσαν Ἀσδρούβᾳ, τῷ ʼκείνου κηδεστῇ καὶ τριηράρχῳ.
카르타고인들은 군사 지휘권을 그의 사위이자 삼단노선 지휘관이었던 하스드루발에게 넘겨주었다.