§18.45.1τούτου δὲ τοῦ δόγματος διαδοθέντος εἰς τοὺς Ἕλληνας οἱ μὲν ἄλλοι πάντες εὐθαρσεῖς ἦσαν καὶ περιχαρεῖς, μόνοι δʼ Αἰτωλοί, δυσχεραίνοντες ἐπὶ τῷ μὴ τυγχάνειν ὧν ἤλπιζον, κατελάλουν τὸ δόγμα, φάσκοντες οὐ πραγμάτων, ἀλλὰ γραμμάτων μόνον ἔχειν αὐτὸ διάθεσιν.
이 결의가 그리스인들에게 널리 알려지자 다른 모든 이들은 용기를 얻고 크게 기뻐했으나, 에이톨리아인들만은 자신들이 기대했던 바를 얻지 못해 불만을 품고 그 결의를 비방하며, 그것은 실질이 아니라 단지 문자상의 배열에 불과하다고 주장했다.
§18.45.2καί τινας ἐλάμβανον πιθανότητας ἐξ αὐτῶν τῶν ἐγγράπτων πρὸς τὸ διασείειν τοὺς ἀκούοντας τοιαύτας.
그리고 그들은 듣는 이들을 동요시키기 위해 그 문서 자체로부터 다음과 같은 설득력 있는 근거들을 찾아냈다.
§18.45.3ἔφασκον γὰρ εἶναι δύο γνώμας ἐν τῷ δόγματι περὶ τῶν ὑπὸ Φιλίππου φρουρουμένων πόλεων, τὴν μὲν μίαν ἐπιτάττουσαν ἐξάγειν τὰς φρουρὰς τὸν Φίλιππον, τὰς δὲ πόλεις παραδιδόναι Ῥωμαίοις, τὴν δʼ ἑτέραν ἐξάγοντα τὰς φρουρὰς ἐλευθεροῦν τὰς πόλεις.
그들의 주장에 따르면, 결의안에는 필리포스가 수비대를 두고 있는 도시들에 관해 두 가지 규정이 있었다. 하나는 필리포스가 수비대를 철수하고 도시들을 로마인들에게 인도하라는 명령이었고, 다른 하나는 수비대를 철수시킨 후 도시들을 자유롭게 하라는 것이었다.
§18.45.4τὰς μὲν οὖν ἐλευθερουμένας ἐπʼ ὀνόματος δηλοῦσθαι, ταύτας δʼ εἶναι τὰς κατὰ τὴν Ἀσίαν, τὰς δὲ παραδιδομένας Ῥωμαίοις φανερὸν ὅτι τὰς κατὰ τὴν Εὐρώπην.
그리하여 자유를 얻는 도시들은 지명되어 밝혀져 있으며 이들은 아시아의 도시들인 반면, 로마인들에게 인도되는 도시들은 분명히 유럽에 있는 도시들이라는 것이었다.
εἶναι δὲ ταύτας Ὠρεόν, §18.45.5Ἐρέτριαν, Χαλκίδα, Δημητριάδα, Κόρινθον.
그리고 이 도시들은 오레오스, 에레트리아, 칼키스, 데메트리아스, 코린토스였다.
§18.45.6ἐκ δὲ τούτων εὐθεώρητον ὑπάρχειν πᾶσιν ὅτι μεταλαμβάνουσι τὰς Ἑλληνικὰς πέδας παρὰ Φιλίππου Ῥωμαῖοι, καὶ γίνεται μεθάρμοσις δεσποτῶν, οὐκ ἐλευθέρωσις τῶν Ἑλλήνων.
이로부터 로마인들이 필리포스로부터 '그리스의 족쇄'를 넘겨받는 것이며, 이는 지배자의 교체이지 그리스인들의 해방이 아니라는 사실을 누구나 쉽게 알아볼 수 있다는 것이었다.
ταῦτα μὲν οὖν ὑπʼ Αἰτωλῶν ἐλέγετο κατακόρως.
이러한 주장이 에이톨리아인들에 의해 집요하게 되풀이되었다.
§18.45.7ὁ δὲ Τίτος ὁρμήσας ἐκ τῆς Ἐλατείας μετὰ τῶν δέκα καὶ κατάρας εἰς τὴν Ἀντίκυραν, παραυτίκα διέπλευσεν εἰς τὸν Κόρινθον, κἀκεῖ παραγενόμενος συνήδρευε μετὰ τούτων καὶ διελάμβανε περὶ τῶν ὅλων.
그러나 티투스는 10인 위원회와 함께 엘라테이아를 출발하여 안티키라에 입항한 뒤, 즉시 코린토스로 배를 타고 건너갔으며, 그곳에 도착하여 그들과 함께 회의를 열고 시국 전반에 대해 논의했다.
§18.45.8πλεοναζούσης δὲ τῆς τῶν Αἰτωλῶν διαβολῆς καὶ πιστευομένης παρʼ ἐνίοις, πολλοὺς καὶ ποικίλους ἠναγκάζετο ποιεῖσθαι λόγους ὁ Τίτος ἐν τῷ συνεδρίῳ,
에이톨리아인들의 비방이 확산되고 일부 사람들 사이에서 신빙성을 얻게 되자, 티투스는 회의에서 많고도 다양한 변명을 해야만 했다.
§18.45.9διδάσκων ὡς εἴπερ βούλονται καὶ τὴν τῶν Ἑλλήνων εὔκλειαν ὁλόκληρον περιποιήσασθαι, καὶ καθόλου πιστευθῆναι παρὰ πᾶσι διότι καὶ τὴν ἐξ ἀρχῆς ἐποιήσαντο διάβασιν οὐ τοῦ συμφέροντος ἕνεκεν, ἀλλὰ τῆς τῶν Ἑλλήνων ἐλευθερίας, ἐκχωρητέον εἴη πάντων τῶν τόπων καὶ πάσας ἐλευθερωτέον τὰς πόλεις τὰς νῦν ὑπὸ Φιλίππου φρουρουμένας.
그는 만약 자신들이 그리스인들로부터 얻은 명성을 완벽하게 보존하고, 자신들이 애초에 도해를 감행한 것이 사리사욕 때문이 아니라 그리스인들의 자유를 위해서였다는 사실을 모든 이에게 널리 신뢰받기를 원한다면, 모든 지역에서 철수해야 하며 현재 필리포스의 수비대가 주둔하고 있는 모든 도시들을 해방해야 한다고 설명했다.
§18.45.10ταύτην δὲ συνέβαινε γίνεσθαι τὴν ἀπορίαν ἐν τῷ συνεδρίῳ διὰ τὸ περὶ μὲν τῶν ἄλλων ἐν τῇ Ῥώμῃ προδιειλῆφθαι καὶ ῥητὰς ἔχειν τοὺς δέκα παρὰ τῆς συγκλήτου τὰς ἐντολάς, περὶ δὲ Χαλκίδος καὶ Κορίνθου καὶ Δημητριάδος ἐπιτροπὴν αὐτοῖς δεδόσθαι διὰ τὸν Ἀντίοχον, ἵνα βλέποντες πρὸς τοὺς καιροὺς βουλεύωνται περὶ τῶν προειρημένων πόλεων κατὰ τὰς αὑτῶν προαιρέσεις·
회의에서 이와 같은 난처한 상황이 발생한 것은, 다른 사안에 대해서는 로마에서 미리 결정되어 10인 위원회가 원로원으로부터 명확한 지시를 받고 있었던 반면, 칼키스와 코린토스, 데메트리아스에 관해서는 안티오코스를 경계하여 그들이 정세를 관망하면서 자신들의 판단에 따라 앞서 언급한 도시들에 대해 심의할 수 있도록 재량권이 부여되어 있었기 때문이었다.
§18.45.11ὁ γὰρ προειρημένος βασιλεὺς δῆλος ἦν ἐπέχων πάλαι τοῖς κατὰ τὴν Εὐρώπην πράγμασιν.
왜냐하면 앞서 언급한 왕이 이전부터 유럽의 정세에 주목하고 있음이 분명했기 때문이다.
§18.45.12οὐ μὴν ἀλλὰ τὸν μὲν Κόρινθον ὁ Τίτος ἔπεισε τὸ συνέδριον ἐλευθεροῦν παραχρῆμα καὶ τοῖς Ἀχαιοῖς ἐγχειρίζειν διὰ τὰς ἐξ ἀρχῆς ὁμολογίας, τὸν δʼ Ἀκροκόρινθον καὶ Δημητριάδα καὶ Χαλκίδα παρακατέσχεν.
그럼에도 불구하고 티투스는 코린토스를 즉시 해방하고 당초의 합의에 따라 아카이아인들에게 양도하도록 위원회를 설득했으나, 아크로코린토스와 데메트리아스, 칼키스는 계속 장악해 두었다.