§16.33.1πεσόντος γὰρ τοῦ διατειχίσματος, ἐπιβάντες ἐπὶ τὸ πτῶμα κατὰ τοὺς ὅρκους διεμάχοντο τοῖς πολεμίοις οὕτω τετολμηκότως ὥστε τὸν Φίλιππον, καίπερ ἐκ διαδοχῆς προβαλόμενον τοὺς Μακεδόνας ἕως νυκτός, τέλος ἀποστῆναι τῆς μάχης, δυσελπιστήσαντα καὶ περὶ τῆς ὅλης ἐπιβολῆς. §16.33.2οὐ γὰρ μόνον ἐπὶ τοὺς θνήσκοντας τῶν πολεμίων ἐπιβαίνοντες ἠγωνίζοντο μετὰ παραστάσεως οἱ προκινδυνεύοντες τῶν Ἀβυδηνῶν, οὐδὲ τοῖς ξίφεσι καὶ τοῖς δόρασιν αὐτοῖς ἐμάχοντο παραβόλως, §16.33.3ἀλλʼ ὅτε τι τούτων ἀχρειωθὲν ἀδυνατήσειεν ἢ μετὰ βίας προοῖντʼ ἐκ τῶν χειρῶν, συμπλεκόμενοι τοῖς Μακεδόσιν οὓς μὲν ἀνέτρεπον ὁμοῦ τοῖς ὅπλοις, ὧν δὲ συντρίβοντες τὰς σαρίσας αὐτοῖς τοῖς ἐκείνων κλάσμασιν ἐκ διαλήψεως τύπτοντες αὐτῶν ταῖς ἐπιδορατίσι τὰ πρόσωπα καὶ τοὺς γυμνοὺς τόπους εἰς ὁλοσχερῆ διατροπὴν ἦγον. §16.33.4ἐπιγενομένης δὲ τῆς νυκτὸς καὶ διαλυθείσης τῆς μάχης, τῶν μὲν πλείστων τεθνεώτων ἐπὶ τοῦ πτώματος, τῶν δὲ λοιπῶν ὑπὸ τοῦ κόπου καὶ τῶν τραυμάτων ἀδυνατούντων, συναγαγόντες ὀλίγους τινὰς τῶν πρεσβυτέρων Γλαυκίδης καὶ Θεόγνητος κατέβαλον τὸ σεμνὸν καὶ θαυμάσιον τῆς τῶν πολιτῶν προαιρέσεως διὰ τὰς ἰδίας ἐλπίδας· §16.33.5ἐβουλεύσαντο γὰρ τὰ μὲν τέκνα καὶ τὰς γυναῖκας ζωγρεῖν, ἅμα δὲ τῷ φωτὶ τοὺς ἱερεῖς καὶ τὰς ἱερείας ἐκπέμπειν μετὰ στεμμάτων πρὸς τὸν Φίλιππον, δεησομένους καὶ παραδιδόντας αὐτῷ τὴν πόλιν.
내벽이 무너지자, 아비도스인들은 맹세에 따라 그 붕괴지 위에 올라서서 적들과 지극히 대담하게 맞서 싸웠기에, 필리포스는 밤이 될 때까지 마케도니아인들을 차례로 교대시키며 내세웠음에도 결국 전투를 중단했고, 계획 전체에 대해서도 희망을 잃을 정도였다.\n 왜냐하면 아비도스인들 중 최전선에서 싸우는 자들은 쓰러져 가는 적들의 시신을 밟고 넘어가며 필사의 각오로 투쟁했을 뿐만 아니라, 검과 창 그 자체만으로 무모하게 싸운 것도 아니었기 때문이다.\n 오히려 이 무기들 중 어떤 것이 망가져 무용지물이 되거나 손에서 강제로 빼앗겼을 때에는, 마케도니아인들과 육탄전을 벌여 어떤 이들은 무구와 함께 밀어 넘어뜨렸고, 다른 이들의 사리사를 부러뜨리고는 그 부러진 창의 파편 자체를 단단히 거머쥐고 창의 뒷부분으로 그들의 얼굴과 무방비한 부위를 찔러 완전히 패주시켰다.\n 그러나 밤이 찾아와 전투가 중단되고, 대부분이 붕괴지 위에서 전사했으며, 생존자들도 피로와 부상으로 움직일 수 없게 되자, 글라우키데스와 테오그네토스는 장로들 중 몇 사람을 모아 자신들의 개인적인 생존의 희망을 위해 시민들의 그 숭고하고 경이로운 결의를 무너뜨렸다.\n 즉 그들은 아이들과 아내들을 살려두기로 하고, 날이 밝는 대로 사제들과 여사제들에게 장식띠를 지녀 필리포스에게 보내어, 그에게 간청하고 도시를 그에게 인도하기로 결의했던 것이다.