§10.44.1Αἰνείας δὲ βουληθεὶς διορθώσασθαι τὴν τοιαύτην ἀπορίαν, ὁ τὰ περὶ τῶν Στρατηγικῶν ὑπομνήματα συντεταγμένος, βραχὺ μέν τι προεβίβασε, τοῦ γε μὴν δέοντος ἀκμὴν πάμπολυ τὸ κατὰ τὴν ἐπίνοιαν ἀπελείφθη.
이에 대해 장술에 관한 비망록을 저술한 아이네이아스는 이러한 난점을 시정하고자 하여 약간의 진전을 이루었으나, 그의 고안은 정작 필요로 하는 수준에는 여전히 크게 미치지 못했다.
§10.44.2γνοίη δʼ ἄν τις ἐκ τούτων.
이는 다음과 같은 사실에서 알 수 있다.
φησὶ γὰρ δεῖν τοὺς μέλλοντας ἀλλήλοις διὰ τῶν πυρσῶν δηλοῦν τὸ κατεπεῖγον ἀγγεῖα κατασκευάσαι κεραμεᾶ, κατά τε τὸ πλάτος καὶ κατὰ τὸ βάθος ἰσομεγέθη πρὸς ἀκρίβειαν·
그는 봉화를 통해 서로 긴급한 상황을 알리려는 자들이 너비와 깊이가 엄밀하게 같은 도기 그릇을 제작해야 한다고 말한다.
εἶναι δὲ μάλιστα τὸ μὲν βάθος τριῶν πηχῶν, τὸ δὲ πλάτος πήχεος.
그 깊이는 가급적 3페키스, 너비는 1페키스로 해야 한다.
§10.44.3εἶτα παρασκευάσαι φελλοὺς βραχὺ κατὰ πλάτος ἐνδεεῖς τῶν στομάτων, ἐν δὲ τούτοις μέσοις ἐμπεπηγέναι βακτηρίας διῃρημένας εἰς ἴσα μέρη τριδάκτυλα, καθʼ ἕκαστον δὲ μέρος εἶναι περιγραφὴν εὔσημον.
그런 다음 그릇의 아가리보다 너비가 약간 좁은 코르크 마개를 준비하고, 그 중앙에 세 손가락 너비의 같은 크기로 분할된 막대를 꽂아 두며, 각각의 칸마다 명확한 표시 선을 그어 둔다.
§10.44.4ἐν ἑκάστῳ δὲ μέρει γεγράφθαι τὰ προφανέστατα καὶ καθολικώτατα τῶν ἐν τοῖς πολεμικοῖς συμβαινόντων, οἷον εὐθέως ἐν τῷ πρώτῳ, διότι"
그리고 각각의 칸에는 전쟁에서 일어나는 가장 명백하고 일반적인 사건들을 적어 둔다.
§10.44.5πάρεισιν ἱππεῖς εἰς τὴν χώραν," ἐν δὲ τῷ δευτέρῳ διότι "πεζοὶ βαρεῖς," ἐν δὲ τῷ τρίτῳ "ψιλοί," τούτων δʼ ἑξῆς" §10.44.6πεζοὶ μεθʼ ἱππέων," εἶτα "πλοῖα," μετὰ δὲ ταῦτα "σῖτος," καὶ κατὰ τὸ συνεχὲς οὕτω, μέχρις ἂν ἐν πάσαις γραφῇ ταῖς χώραις τὰ μάλιστʼ ἂν ἐκ τῶν εὐλόγων προνοίας τυγχάνοντα καὶ συμβαίνοντα κατὰ τοὺς ἐνεστῶτας καιροὺς ἐκ τῶν πολεμικῶν.
예를 들어 첫 번째 칸에는 즉시 "기병이 영내로 침입했다", 두 번째 칸에는 "중장보병", 세 번째 칸에는 "경장병", 이어서 "기병을 동반한 보병", 다음에는 "선박", 그 뒤에는 "식량"과 같이 연속해서 적으며, 현재의 전쟁 상황에서 상식적으로 가장 예측 가능하고 발생하기 쉬운 사건들이 모든 칸에 다 채워질 때까지 그렇게 한다.
§10.44.7τούτων δὲ γενομένων ἀμφότερα κελεύει τρῆσαι τὰ ἀγγεῖα πρὸς ἀκρίβειαν, ὥστε τοὺς αὐλίσκους ἴσους εἶναι καὶ κατʼ ἴσον ἀπορρεῖν·
이것이 완료되면 그는 두 그릇에 엄밀하게 구멍을 뚫어 배수관의 크기가 같고 같은 속도로 물이 흘러나오도록 하라고 지시한다.
εἶτα πληρώσαντας ὕδατος ἐπιθεῖναι τοὺς φελλοὺς ἔχοντας τὰς βακτηρίας, κἄπειτα τοὺς αὐλίσκους ἀφεῖναι ῥεῖν ἅμα.
그런 다음 물을 채우고 막대가 달린 코르크 마개를 띄운 뒤, 동시에 배수관을 열어 물이 흐르게 한다.
§10.44.8τούτου δὲ συμβαίνοντος δῆλον ὡς ἀνάγκη πάντων ἴσων καὶ ὁμοίων ὄντων, καθʼ ὅσον ἂν ἀπορρέῃ τὸ ὑγρόν, κατὰ τοσοῦτον τοὺς φελλοὺς καταβαίνειν καὶ τὰς βακτηρίας κρύπτεσθαι κατὰ τῶν ἀγγείων.
이 경우 모든 조건이 같고 동일하므로 액체가 흘러나오는 만큼 코르크 마개가 내려앉고 막대가 그릇 속으로 숨어 들어가는 것은 당연한 이치이다.
§10.44.9ὅταν δὲ τὰ προειρημένα γένηται κατὰ τὸν χειρισμὸν ἰσοταχῆ καὶ σύμφωνα, τότε κομίσαντας ἐπὶ τοὺς τόπους, ἐν οἷς ἑκάτεροι μέλλουσι συντηρεῖν τὰς πυρσείας, ἑκάτερον θεῖναι τῶν ἀγγείων.
상기 조작이 등속으로 일치하는 것이 확인되면, 양측이 각각 봉화를 감시하기로 되어 있는 장소로 그릇들을 옮겨 설치한다.
§10.44.10εἶτʼ ἐπὰν ἐμπέσῃ τι τῶν ἐν τῇ βακτηρίᾳ γεγραμμένων, πυρσὸν ἆραι κελεύει, καὶ μένειν, ἕως ἂν ἀνταίρωσιν οἱ συντεταγμένοι·
그런 다음 막대에 적힌 일들 중 하나가 발생하면 봉화를 올리라고 지시하며, 상대방이 맞대응하여 봉화를 올릴 때까지 기다린다.
γενομένων δὲ φανερῶν ἀμφοτέρων ἅμα τῶν πυρσῶν καθελεῖν.
양측의 봉화가 동시에 확인되면 봉화를 내린다.
εἶτʼ εὐθέως ἀφεῖναι τοὺς αὐλίσκους ῥεῖν.
그러고 나서 즉시 배수관을 열어 물이 흐르게 한다.
§10.44.11ὅταν δὲ καταβαίνοντος τοῦ φελλοῦ καὶ τῆς βακτηρίας ἔλθῃ τῶν γεγραμμένων ὃ βούλει δηλοῦν κατὰ τὸ χεῖλος τοῦ τεύχους, ἆραι κελεύει τὸν πυρσόν·
코르크 마개와 막대가 내려가면서 알리고자 하는 글귀가 그릇의 테두리에 도달했을 때, 그는 다시 봉화를 올리라고 지시한다.
§10.44.12τοὺς δʼ ἑτέρους ἐπιλαβεῖν εὐθέως τὸν αὐλίσκον, καὶ σκοπεῖν τί κατὰ τὸ χεῖλός ἐστι τῶν ἐν τῇ βακτηρίᾳ γεγραμμένων·
그러면 상대방은 즉시 배수관을 막고 막대에 적힌 글귀 중 무엇이 그릇의 테두리에 와 있는지를 살핀다.
§10.44.13ἔσται δὲ τοῦτο τὸ δηλούμενον πάντων ἰσοταχῶς παρʼ ἀμφοτέροις κινουμένων.
양측에서 모든 동작이 등속으로 이루어지므로 이것이 전달하고자 하는 신호가 된다.