§10.13.1ὁ δὲ Πόπλιος ἐδίδου μὲν αὑτὸν εἰς τὸν κίνδυνον, ἐποίει δὲ τοῦτο κατὰ δύναμιν ἀσφαλῶς·
푸블리우스는 한편으로 자신을 위험에 노출시켰으나, 이를 가능한 한 안전하게 행했다.
§10.13.2εἶχε γὰρ μεθʼ αὑτοῦ τρεῖς ἄνδρας θυρεοφοροῦντας, οἳ παρατιθέντες τοὺς θυρεοὺς καὶ τὴν ἀπὸ τοῦ τείχους ἐπιφάνειαν σκεπάζοντες ἀσφάλειαν αὐτῷ παρεσκεύαζον.
그가 대방패를 든 세 명의 남자를 대동하고 있었으니, 이들은 방패를 곁에 대고 성벽 쪽으로부터의 공격 범위를 가려줌으로써 그에게 안전을 제공했기 때문이다.
§10.13.3διὸ παρὰ τὰ πλάγια καὶ τοὺς ὑπερδεξίους τόπους ἐπιπαριὼν μεγάλα συνεβάλλετο πρὸς τὴν χρείαν·
그리하여 그는 측면과 고지대 옆을 지나가며 격려하며 다녔고, 전투의 실무에 크게 공여했다.
§10.13.4ἅμα μὲν γὰρ ἑώρα τὸ γινόμενον, ἅμα δʼ αὐτὸς ὑπὸ πάντων ὁρώμενος ἐνειργάζετο προθυμίαν τοῖς ἀγωνιζομένοις.
한편으로는 그가 일어나는 일을 목격하고 있었고, 동시에 그 자신도 모두에게 보임으로써 싸우는 이들에게 열의를 불어넣었기 때문이다.
§10.13.5ἐξ οὗ συνέβαινε μηδὲν ἐλλιπὲς γίνεσθαι τῶν πρὸς τὸν κίνδυνον, ἀλλʼ ὁπότε τινʼ αὐτῷ πρὸς τὸ προκείμενον ὁ καιρὸς ὑποδείξειε, πᾶν ἐκ χειρὸς ἀεὶ συνηργεῖτο πρὸς τὸ δέον.
이로 인해 위험에 맞서기 위한 일에 아무런 부족함이 없게 되었고, 상황이 그에게 목전의 과제에 대해 무언가를 제시할 때마다, 필요한 조치가 항상 즉각적으로 협력하여 취해졌다.
§10.13.6ὁρμησάντων δὲ ταῖς κλίμαξι περὶ τὴν ἀνάβασιν τῶν πρώτων τεθαρρηκότως, οὐχ οὕτως τὸ πλῆθος τῶν ἀμυνομένων ἐπικίνδυνον ἐποίει τὴν προσβολὴν ὡς τὸ μέγεθος τῶν τειχῶν.
최초의 군사들이 사다리를 타고 대담하게 기어오르기 시작했으나, 공격을 위험하게 만든 것은 수비하는 자들의 수라기보다는 성벽의 높이였다.
§10.13.7διὸ καὶ μᾶλλον ἐπερρώσθησαν οἱ κατὰ τὰ τείχη, θεωροῦντες τὴν δυσχρηστίαν τῶν συμβαινόντων.
그리하여 성벽 위의 자들은 벌어지는 일의 곤란함을 목격하고 더욱 용기를 얻었다.
§10.13.8ἔνιαι μὲν γὰρ συνετρίβοντο τῶν κλιμάκων, πολλῶν ἅμα διὰ τὸ μέγεθος συνεπιβαινόντων· ἐφʼ αἷς δʼ οἱ πρῶτοι προσβαίνοντες ἐσκοτοῦντο διὰ τὴν εἰς ὕψος ἀνάτασιν καὶ βραχείας προσδεόμενοι τῆς ἐκ τῶν ἀμυνομένων ἀντιπράξεως ἐρρίπτουν σφᾶς αὐτοὺς ἀπὸ τῶν κλιμάκων.
왜냐하면 어떤 사다리들은 그 크기 때문에 많은 이들이 동시에 오르다가 부서졌고, 또 어떤 사다리들에서는 처음 오르던 자들이 높이 치솟은 고도 때문에 현기증을 느꼈고 수비하는 자들의 가벼운 저항만으로도 사다리 위에서 몸을 던져 떨어졌기 때문이다.
§10.13.9ὅτε δὲ καὶ δοκοὺς ἤ τι τοιοῦτον ἐγχειρήσαιεν ἐπιρρίπτειν ἀπὸ τῶν ἐπάλξεων, ὁμοῦ πάντες ἀπεσύροντο καὶ κατεφέροντο πρὸς τὴν γῆν.
또한 성벽의 흉벽 위에서 대들보나 그와 유사한 것을 던지려고 할 때면, 사다리에 있던 자들이 한꺼번에 모두 쓸려 내려와 땅바닥으로 떨어졌다.
§10.13.10οὐ μὴν ἀλλὰ τοιούτων ἀπαντωμένων οὐδὲν ἱκανὸν ἦν πρὸς τὸ κωλύειν τὴν ἐπιφορὰν καὶ τὴν ὁρμὴν τῶν Ῥωμαίων, ἀλλʼ ἔτι καταφερομένων τῶν πρώτων ἐπέβαινον οἱ συνεχεῖς ἐπὶ τὴν ἐκλείπουσαν ἀεὶ χώραν.
그렇기는 하나 이와 같은 일들을 겪으면서도 로마인들의 공격 기세와 돌격을 저지하기에는 불충분했으니, 먼저 오르던 자들이 떨어지는 와중에도 뒤이어 밀려드는 자들이 늘 비는 자리를 딛고 올라갔기 때문이다.
§10.13.11ἤδη δὲ τῆς ἡμέρας προβαινούσης, καὶ τῶν στρατιωτῶν τετρυμμένων ὑπὸ τῆς κακοπαθείας, ἀνεκαλέσατο ταῖς σάλπιγξιν ὁ στρατηγὸς τοὺς προσβάλλοντας.
이미 날이 저물어 가고, 군사들이 고초로 인해 지쳐 가자, 장군은 나팔을 불어 공격하던 자들을 불러들였다.