§1.81.1οἱ δὲ Καρχηδόνιοι τοῦ δυστυχήματος αὐτοῖς ἀναγγελθέντος ποιεῖν μὲν οὐδὲν εἶχον, ἐσχετλίαζον δὲ καὶ περιπαθεῖς γινόμενοι τῇ συμφορᾷ πρὸς μὲν Ἀμίλκαν καὶ τὸν ἕτερον τῶν στρατηγῶν Ἄννωνα πρεσβευτὰς ἐξέπεμπον, δεόμενοι βοηθεῖν καὶ τιμωρεῖν τοῖς ἠτυχηκόσι. §1.81.2πρὸς δὲ τοὺς ἠσεβηκότας κήρυκας ἐξαπέστελλον περὶ τῆς τῶν νεκρῶν ἀναιρέσεως. §1.81.3οἱ δʼ οὔτʼ ἔδοσαν, προεῖπόν τε τοῖς παροῦσιν μήτε κήρυκα πέμπειν πρὸς σφᾶς μήτε πρεσβευτήν, ὡς τῆς αὐτῆς κολάσεως ὑπομενούσης τοὺς παραγενομένους ἧς νῦν Γέσκων τέτευχε. §1.81.4πρὸς δὲ τὸ λοιπὸν ἐδογματοποίησαν καὶ παρῄνεσαν αὑτοῖς, ὃν μὲν ἂν λάβωσιν Καρχηδονίων, τιμωρησαμένους ἀποκτείνειν· ὃν δʼ ἂν τῶν συμμαχούντων αὐτοῖς, ἀποκόψαντας τὰς χεῖρας αὖθις εἰς Καρχηδόνʼ ἀποπέμπειν.
카르타고인들은 이 불행한 소식을 보고받고서 할 수 있는 일이 아무것도 없었지만, 그 재앙에 분개하고 깊이 애통해하며, 아밀카르와 또 다른 장군인 한노에게 사절을 보내 도움을 청하고 불행을 당한 이들의 원수를 갚아줄 것을 간청했다. 그리고 불경한 짓을 저지른 자들에게는 전사자들의 시신 수습에 관한 일로 전령들을 파견했다. 그러나 그들은 이를 허락하지 않았을 뿐만 아니라, 그 자리에 있던 이들에게 자신들에게 전령이나 사절을 보내지 말라고 경고하며, 오는 자들에게는 게스코가 이번에 당한 것과 똑같은 형벌이 기다리고 있을 것이라고 말했다. 나아가 향후에 관해 그들은 결의하고 서로에게 권고하기를, 카르타고인 중에서 사로잡는 자는 누구든 고문하여 죽이고, 그들의 동맹국 사람 중에서 사로잡는 자는 누구든 양손을 잘라 다시 카르타고로 돌려보내기로 했다.
ὃ δὴ καὶ διετέλεσαν ἐπιμελῶς ποιοῦντες. §1.81.5διόπερ εἰς ταῦτα βλέπων οὐκ ἄν τις εἰπεῖν ὀκνήσειεν ὡς οὐ μόνον τὰ σώματα τῶν ἀνθρώπων καί τινα τῶν ἐν αὐτοῖς γεννωμένων ἑλκῶν καὶ φυμάτων ἀποθηριοῦσθαι συμβαίνει καὶ τελέως ἀβοήθητα γίνεσθαι, πολὺ δὲ μάλιστα τὰς ψυχάς. §1.81.6ἐπί τε γὰρ τῶν ἑλκῶν, ἐὰν μὲν θεραπείαν τοῖς τοιούτοις προσάγῃ τις, ὑπʼ αὐτῆς ἐνίοτε ταύτης ἐρεθιζόμενα θᾶττον ποιεῖται τὴν νομήν· ἐὰν δὲ πάλιν ἀφῇ, κατὰ τὴν ἐξ αὑτῶν φύσιν φθείροντα τὸ συνεχὲς οὐκ ἴσχει παῦλαν, ἕως ἂν ἀφανίσῃ τὸ ὑποκείμενον· §1.81.7ταῖς τε ψυχαῖς παραπλησίως τοιαῦται πολλάκις ἐπιφύονται μελανίαι καὶ σηπεδόνες ὥστε μηδὲν ἀσεβέστερον ἀνθρώπου μηδʼ ὠμότερον ἀποτελεῖσθαι τῶν ζῴων. §1.81.8οἷς ἐὰν μὲν συγγνώμην τινὰ προσάγῃς καὶ φιλανθρωπίαν, ἐπιβουλὴν καὶ παραλογισμὸν ἡγούμενοι τὸ συμβαῖνον ἀπιστότεροι καὶ δυσμενέστεροι γίνονται πρὸς τοὺς φιλανθρωποῦντας· §1.81.9ἐὰν δʼ ἀντιτιμωρῇ, διαμιλλώμενοι τοῖς θυμοῖς οὐκ ἔστι τι τῶν ἀπειρημένων ἢ δεινῶν ὁποῖον οὐκ ἀναδέχονται, σὺν καλῷ τιθέμενοι τὴν τοιαύτην τόλμαν· τέλος δʼ ἀποθηριωθέντες ἐξέστησαν τῆς ἀνθρωπίνης φύσεως. §1.81.10τῆς δὲ διαθέσεως ἀρχηγὸν μὲν καὶ μεγίστην μερίδα νομιστέον ἔθη μοχθηρὰ καὶ τροφὴν ἐκ παίδων κακήν, συνεργὰ δὲ καὶ πλείω, μέγιστα δὲ τῶν συνεργῶν τὰς ἀεὶ τῶν προεστώτων ὕβρεις καὶ πλεονεξίας. §1.81.11ἃ δὴ τότε συνέβαινε καὶ περὶ μὲν τὸ σύστημα τῶν μισθοφόρων, ἔτι δὲ μᾶλλον περὶ τοὺς ἡγεμόνας αὐτῶν ὑπάρχειν.
그리고 실제로 그들은 이 일을 철저히 계속 수행했다. 그러므로 이러한 일들을 볼 때, 인간의 육체와 그 안에 생기는 어떤 종류의 궤양과 종양이 야수처럼 사나워져 완전히 치료할 수 없게 되는 일이 일어날 뿐만 아니라, 인간의 영혼에서는 훨씬 더 그러하다는 것을 누구나 주저 없이 말할 수 있을 것이다. 왜냐하면 궤양의 경우, 만일 누군가가 치료법을 적용하면 때로는 바로 그 치료로 인해 자극을 받아 더 빠르게 번져 나가고, 반대로 방치하면 자체의 성질에 따라 인접한 조직을 파괴하며 마침내 그 바탕이 되는 육체를 소멸시킬 때까지 멈추지 않기 때문이다. 이와 마찬가지로 영혼에도 종종 그러한 검은 얼룩과 부패가 자라나, 동물들 중에서 인간보다 더 불경하거나 잔인한 존재는 생겨나지 않을 정도가 된다. 이들에게 만일 어떤 용서와 관용을 베풀면, 그들은 일어난 일을 음모나 기만으로 여겨 관용을 베푸는 자들에게 더욱 불신을 품고 적대적으로 변한다. 그러나 만일 보복을 가하면, 그들은 분노로 서로 다투며 금지되거나 끔찍한 일 중에서 손대지 않는 것이 없게 되고, 그러한 무모한 대담함을 명예로운 일로 여기며, 결국에는 야수화되어 인간성을 잃어버리게 된다. 이러한 마음 상태의 근원이자 가장 큰 부분은 나쁜 습관과 어릴 때부터의 잘못된 양육이라고 보아야 하며, 조장하는 다른 많은 요인도 있지만 그 조장 요인 중 가장 큰 것은 지도자들의 부단한 오만과 탐욕이다. 그리고 이것이 당시 용병 집단 전체는 물론, 그들의 지도자들에게는 훨씬 더 분명하게 존재하고 있었다.