§1.40.1ὁ δὲ προεστὼς τῶν Καρχηδονίων Ἀσδρούβας, ὁρῶν ἀποδειλιῶντας τοὺς Ῥωμαίους ἐν ταῖς προγεγενημέναις παρατάξεσιν, πυθόμενος τὸν μὲν ἕνα τῶν στρατηγῶν μετὰ τῆς ἡμισείας δυνάμεως εἰς τὴν Ἰταλίαν ἀπηλλάχθαι, τὸν δὲ Καικίλιον ἐν τῷ Πανόρμῳ διατρίβειν τὸ λοιπὸν μέρος ἔχοντα τῆς στρατιᾶς, βουλόμενον ἐφεδρεῦσαι τοῖς τῶν συμμάχων καρποῖς ἀκμαζούσης τῆς συγκομιδῆς, §1.40.2ἀναλαβὼν ἐκ τοῦ Λιλυβαίου τὴν δύναμιν ὥρμησεν καὶ κατεστρατοπέδευσεν πρὸς τοῖς ὅροις τῆς χώρας τῆς Πανορμίτιδος.
카르타고의 지휘관 하스드루발은 로마인들이 이전의 전투들에서 두려워하고 있는 것을 보고, 또한 장군들 중 한 명은 군대의 절반을 이끌고 이탈리아로 떠났고, 카이킬리우스는 군대의 나머지 부분을 이끌고 파노르모스에 머물며 수확이 절정에 달한 동맹국들의 농작물을 지키고자 한다는 것을 알게 되자, 릴리바이온에서 군대를 이끌고 출발하여 파노르모스 영토의 경계 부근에 진을 쳤다.
ὁ δὲ Καικίλιος, §1.40.3θεωρῶν αὐτὸν κατατεθαρρηκότα, καὶ σπουδάζων ἐκκαλεῖσθαι τὴν ὁρμὴν αὐτοῦ, συνεῖχε τοὺς στρατιώτας ἐντὸς τῶν πυλῶν.
한편 카이킬리우스는, 그가 매우 대담해진 것을 보고 그의 돌격을 유인하고자 열망하며, 병사들을 성문 안에 머물게 했다.
§1.40.4οἷς ἐπαιρόμενος Ἀσδρούβας, ὡς οὐ τολμῶντος ἀντεξιέναι τοῦ Καικιλίου, θρασέως ὁρμήσας παντὶ τῷ στρατεύματι κατῆρε διὰ τῶν στενῶν εἰς τὴν Πανορμῖτιν.
이에 고무된 하스드루발은 카이킬리우스가 감히 맞서 싸우러 나오지 못한다고 생각하여, 온 군대를 이끌고 대담하게 돌진해 협곡을 지나 파노르모스 영토로 내려왔다.
§1.40.5φθείροντος δὲ τοὺς καρποὺς αὐτοῦ μέχρι τῆς πόλεως, ἔμενεν ἐπὶ τῆς ὑποκειμένης γνώμης ὁ Καικίλιος, ἕως αὐτὸν ἐξεκαλέσατο διαβῆναι τὸν πρὸ τῆς πόλεως ποταμόν.
그가 도시 바로 앞까지 이르러 농작물을 황폐화시키는 동안에도, 카이킬리우스는 그가 도시 앞을 흐르는 강을 건너도록 유인할 때까지 미리 세워둔 계획을 고수했다.
§1.40.6ἐπεὶ δὲ τὰ θηρία διεβίβασαν οἱ Καρχηδόνιοι καὶ τὴν δύναμιν, τὸ τηνικαῦτα δὲ τοὺς εὐζώνους ἐξαποστέλλων ἠρέθιζε, μέχρι πᾶν αὐτοὺς ἐκτάξαι τὸ στρατόπεδον ἠνάγκασε.
카르타고인들이 코끼리들과 군대를 강 건너로 이동시키자, 그는 그 시점에 가벼운 무장을 한 병사들을 보내 그들을 도발했고, 마침내 그들로 하여금 전 군대를 대열에 맞추어 정렬하게 만들었다.
§1.40.7συνθεασάμενος δὲ γινόμενον ὃ προέθετο, τινὰς μὲν τῶν εὐκινήτων πρὸ τοῦ τείχους καὶ τάφρου παρενέβαλε, προστάξας, ἂν ἐγγίζῃ τὰ θηρία πρὸς αὐτούς, χρῆσθαι τοῖς βέλεσιν ἀφθόνως,
자신이 의도한 바가 실현되는 것을 보고, 그는 성벽과 참호 앞에 날쌘 병사들 일부를 배치하고는, 코끼리들이 그들에게 접근하면 투사무기를 아낌없이 사용하라고 명령했다.
§1.40.8ὅταν δʼ ἐκπιέζωνται, καταφεύγειν εἰς τὴν τάφρον καὶ πάλιν ἐκ ταύτης ὁρμωμένους εἰσακοντίζειν εἰς τὰ προσπίπτοντα τῶν ζῴων·
그리고 밀려날 때에는 참호 속으로 대피했다가, 다시 참호에서 튀어나와 달려드는 짐승들을 향해 창을 던지라고 명령했다.
§1.40.9τοῖς δʼ ἐκ τῆς ἀγορᾶς βαναύσοις φέρειν προσέταξε τὰ βέλη καὶ παραβάλλειν ἔξω παρὰ τὸν θεμέλιον τοῦ τείχους.
또한 광장의 기술자들에게는 투사무기를 운반하여 성벽 기둥을 따라 바깥쪽에 쌓아두라고 명령했다.
§1.40.10αὐτὸς δὲ τὰς σημείας ἔχων ἐπὶ τῆς κατὰ τὸ λαιὸν κέρας τῶν ὑπεναντίων κειμένης πύλης ἐφεστήκει, πλείους ἀεὶ καὶ πλείους ἐπαποστέλλων τοῖς ἀκροβολιζομένοις.
자신은 부대들을 이끌고 적의 좌익과 마주 보는 성문에 서서, 전초전을 벌이는 이들에게 끊임없이 더 많은 지원군을 파견했다.
§1.40.11ἅμα δὲ τῷ τούτων ὁλοσχερεστέραν γενέσθαι τὴν συμπλοκὴν ἀντιφιλοδοξοῦντες οἱ τῶν ἐλεφάντων ἐπιστάται πρὸς τὸν Ἀσδρούβαν καὶ βουλόμενοι διʼ αὑτῶν ποιῆσαι τὸ προτέρημα πάντες ὥρμησαν ἐπὶ τοὺς προκινδυνεύοντας·
이들의 교전이 한층 본격화되자마자, 코끼리의 기수들은 하스드루발에게 맞서 영광을 다투고 자신들의 힘으로 승리를 쟁취하고자 열망하며, 모두 함께 최전선에서 싸우는 이들을 향해 돌진했다.
τρεψάμενοι δὲ τούτους ῥᾳδίως συνεδίωξαν εἰς τὴν τάφρον.
그리고 그들을 쉽게 패퇴시키고 참호 속으로 몰아넣었다.
§1.40.12προσπεσόντων δὲ τῶν θηρίων καὶ τιτρωσκομένων μὲν ὑπὸ τῶν ἐκ τοῦ τείχους τοξευόντων, συνακοντιζομένων δʼ ἐνεργοῖς καὶ πυκνοῖς τοῖς ὑσσοῖς καὶ τοῖς γρόσφοις ὑπʼ ἀκεραίων τῶν πρὸ τῆς τάφρου διατεταγμένων,
그러나 짐승들이 돌진했을 때, 성벽에서 활을 쏘는 이들에게 상처를 입는 한편, 참호 앞에 대열을 정비하고 있던 온전한 군사들로부터 강력하고 빽빽하게 던져지는 필룸과 가벼운 창들을 한꺼번에 맞았다.
§1.40.13συμβελῆ γινόμενα καὶ κατατραυματιζόμενα ταχέως διεταράχθη καὶ στραφέντα κατὰ τῶν ἰδίων ἐφέρετο, τοὺς μὲν ἄνδρας καταπατοῦντα καὶ διαφθείροντα, τὰς δὲ τάξεις συγχέοντα καὶ κατασπῶντα τὰς αὑτῶν.
사방에서 투사무기를 맞고 깊은 상처를 입은 코끼리들은 금세 혼란에 빠져, 뒤돌아서서 자신들의 군대를 향해 달려들었고, 병사들을 짓밟아 죽이고 자신들의 대열을 뒤흔들며 무너뜨렸다.
§1.40.14ἃ καὶ κατιδὼν ὁ Καικίλιος ἐξῆγε τὴν δύναμιν ἐνεργῶς·
이를 목격한 카이킬리우스는 군대를 정력적으로 출격시켰다.
καὶ συμπεσὼν ἐκ πλαγίου κατὰ κέρας τεταραγμένοις τοῖς πολεμίοις ἀκεραίους ἔχων καὶ συντεταγμένους τροπὴν ἐποίει τῶν ὑπεναντίων ἰσχυρὰν καὶ πολλοὺς μὲν αὐτῶν ἀπέκτεινεν, τοὺς δὲ λοιποὺς ἠνάγκασε φεύγειν προτροπάδην.
그리고 혼란에 빠진 적의 측면을 향해, 온전하고 대오를 정비한 군대를 이끌고 덮쳐서 적들을 격렬하게 패퇴시켰고, 그들 중 많은 이들을 죽였으며 나머지는 황급히 도망치게 만들었다.
§1.40.15θηρία δὲ σὺν αὐτοῖς μὲν Ἰνδοῖς ἔλαβε δέκα, τῶν δὲ λοιπῶν τοὺς Ἰνδοὺς ἀπερριφότων μετὰ τὴν μάχην περιελασάμενος ἐκυρίευσε πάντων.
그는 인도인 기수들이 탄 채로 코끼리 열 마리를 생포했고, 나머지 코끼리들은 전투 후에 인도인 기수들을 내던지자 그 주위를 에워싸고 몰아서 모두 장악했다.
§1.40.16ταῦτα δʼ ἐπιτελεσάμενος ὁμολογουμένως αἴτιος ἐδόκει γεγονέναι τοῖς Ῥωμαίων πράγμασι τοῦ πάλιν ἀναθαρρῆσαι τὰς πεζικὰς δυνάμεις καὶ κρατῆσαι τῶν ὑπαίθρων.
이러한 일들을 완수하자, 그는 로마의 국운에 있어 육상 군대가 다시 자신감을 얻고 야전의 지배권을 장악하는 데 주도적인 역할을 했다고 이견 없이 인정받았다.