§1.30.1οἱ δὲ Καρχηδόνιοι θεωροῦντες τὴν τῶν πολεμίων παρασκευὴν χρονιωτέραν οὖσαν, πρῶτον μὲν στρατηγοὺς ἑαυτῶν εἵλοντο δύο, τόν τʼ Ἄννωνος Ἀσδρούβαν καὶ Βώσταρον, μετὰ δὲ ταῦτα πρὸς τὸν Ἀμίλκαν ἔπεμπον εἰς τὴν Ἡράκλειαν, καλοῦντες κατὰ τάχος αὐτόν.
카르타고인들은 적들의 준비가 장기화될 것임을 보고, 우선 자신들의 장군으로 한논의 아들 하스드루발과 보스타르 두 사람을 선출했고, 그 뒤 헤라클레아에 있는 하밀카르에게 사절을 보내 그를 급히 소환했다.
§1.30.2ὁ δʼ ἀναλαβὼν ἱππεῖς πεντακοσίους καὶ πεζοὺς πεντακισχιλίους παρῆν εἰς τὴν Καρχηδόνα·
그는 기병 500명과 보병 5,000명을 거느리고 카르타고에 도착했다.
καὶ κατασταθεὶς στρατηγὸς τρίτος ἐβουλεύετο μετὰ τῶν περὶ τὸν Ἀσδρούβαν πῶς δεῖ χρῆσθαι τοῖς παροῦσιν.
그리고 세 번째 장군으로 임명되어 하스드루발 일행과 함께 현재의 사태에 어떻게 대처해야 할지 논의했다.
§1.30.3ἔδοξεν οὖν αὐτοῖς βοηθεῖν τῇ χώρᾳ καὶ μὴ περιορᾶν αὐτὴν ἀδεῶς πορθουμένην.
그리하여 그들은 영토를 구원하기로 하고, 그것이 아무런 방해 없이 약탈당하는 것을 묵인하지 않기로 결정했다.
§1.30.4ὁ δὲ Μάρκος μετά τινας ἡμέρας ἐπεπορεύετο, τὰ μὲν ἀτείχιστα τῶν ἐρυμάτων ἐξ ἐφόδου διαρπάζων, τὰ δὲ τετειχισμένα πολιορκῶν.
한편 마르쿠스는 며칠 후 진군하여, 성벽이 없는 요새들은 습격하여 약탈하고, 성벽이 있는 요새들은 포위 공격했다.
§1.30.5ἀφικόμενος δὲ πρὸς πόλιν Ἀδὺν ἀξιόχρεω, περιστρατοπεδεύσας ταύτην συνίστατο μετὰ σπουδῆς ἔργα καὶ πολιορκίαν.
그리고 아두스라는 상당한 규모의 도시에 도착하자, 그 주변에 진을 치고 열성적으로 공성 작업과 포위 공격에 착수했다.
§1.30.6οἱ δὲ Καρχηδόνιοι τῇ τε πόλει σπουδάζοντες βοηθῆσαι καὶ τῶν ὑπαίθρων ἀντιποιεῖσθαι κρίνοντες ἐξῆγον τὴν δύναμιν.
카르타고인들은 그 도시를 구원하기 위해 힘쓰는 한편, 야외 영토의 지배권을 다투기 위해 군대를 이끌고 나갔다.
§1.30.7καὶ καταλαβόμενοι λόφον ὑπερδέξιον μὲν τῶν πολεμίων, ἀφυῆ δὲ ταῖς ἑαυτῶν δυνάμεσιν, ἐν τούτῳ κατεστρατοπέδευσαν.
그리고 적들보다 높은 곳에 위치해 있지만 자신들의 군대에는 부적합한 언덕을 점령하고 그곳에 진을 쳤다.
§1.30.8λοιπὸν ἔχοντες μὲν τὰς πλείστας ἐλπίδας ἐν τοῖς ἱππεῦσιν καὶ τοῖς θηρίοις, ἀφέμενοι δὲ τῶν ἐπιπέδων χωρίων καὶ συγκλείσαντες σφᾶς αὐτοὺς εἰς τόπους ἐρυμνοὺς καὶ δυσβάτους, ἔμελλον διδάξειν τοὺς πολεμίους ὃ δέον ἦν πράττειν κατʼ αὐτῶν.
결국 그들은 기병과 코끼리에 가장 큰 기대를 걸고 있으면서도, 평탄한 지형을 버리고 험준하고 접근하기 힘든 곳에 스스로를 가둠으로써, 적들에게 자신들을 상대로 어떻게 해야 하는지를 가르쳐 주게 될 참이었다.
ὃ δὴ καὶ συνέβη γενέσθαι.
그리고 실제로 그러한 일이 일어났다.
§1.30.9συννοήσαντες γὰρ οἱ τῶν Ῥωμαίων ἡγεμόνες ἐμπείρως ὅτι τὸ πρακτικώτατον καὶ φοβερώτατον τῆς τῶν ὑπεναντίων δυνάμεως ἠχρείωται διὰ τοὺς τόπους, οὐκ ἀνέμειναν ἕως ἐκεῖνοι καταβάντες εἰς τὰ πεδία παρετάξαντο, §1.30.10χρώμενοι δὲ τοῖς ἰδίοις καιροῖς ἅμα τῷ φωτὶ προσέβαινον ἐξ ἑκατέρου τοῦ μέρους πρὸς τὸν λόφον.
로마의 지휘관들은 적들의 군대 중 가장 효과적이고 무서운 전력이 그 지형 때문에 무력화되었다는 것을 경험으로 간파하고, 그들이 평원으로 내려와 전열을 가다듬을 때까지 기다리지 않았으며, 자신들에게 유리한 기회를 이용하여 여명과 함께 양쪽에서 언덕을 향해 진격했다.
§1.30.11οἱ μὲν οὖν ἱππεῖς καὶ τὰ θηρία τοῖς Καρχηδονίοις ἦν ἄχρηστα τελέως·
그리하여 기병과 코끼리는 카르타고인들에게 전혀 쓸모가 없었다.
οἱ δὲ μισθοφόροι πάνυ γενναίως καὶ προθύμως ἐκβοηθήσαντες τὸ μὲν πρῶτον στρατόπεδον ἠνάγκασαν ἐκκλῖναι καὶ φυγεῖν·
그러나 용병들은 매우 용감하고 기세 좋게 맞서 싸우며 처음에는 첫 번째 군단을 후퇴시키고 도망치게 만들었다.
§1.30.12ἐπεὶ δὲ προπεσόντες καὶ κυκλωθέντες ὑπὸ τῶν ἐκ θατέρου μέρους προσβαινόντων ἐτράπησαν, μετὰ ταῦτα πάντες εὐθὺς ἐκ τῆς στρατοπεδείας ἐξέπεσον.
그러나 그들이 너무 깊이 나아갔다가 반대편에서 올라온 자들에게 포위되어 패주하자, 그 뒤에는 모두가 즉시 진영에서 쫓겨나 도망쳤다.
§1.30.13τὰ μὲν οὖν θηρία μετὰ τῶν ἱππέων, ἐπεὶ τάχιστα τῶν ὁμαλῶν ἥψατο, μετʼ ἀσφαλείας ἐποιοῦντο τὴν ἀποχώρησιν·
그리하여 코끼리들은 기병과 함께 평지에 도달하자마자 안전하게 퇴각했다.
§1.30.14οἱ δὲ Ῥωμαῖοι τοὺς πεζοὺς βραχὺν ἐπιδιώξαντες τόπον καὶ τὸν χάρακα διαρπάσαντες, μετὰ δὲ ταῦτα πᾶσαν ἐπιπορευόμενοι τὴν χώραν καὶ τὰς πόλεις ἀδεῶς ἐπόρθουν.
한편 로마인들은 보병을 짧은 거리 동안 추격하고 목책을 약탈한 뒤, 그 뒤로는 영토 전역을 돌아다니며 아무런 방해 없이 도시들을 약탈했다.
§1.30.15γενόμενοι δὲ τῆς προσαγορευομένης πόλεως Τύνητος ἐγκρατεῖς, εὐφυοῦς ὑπαρχούσης πρὸς τὰς προκειμένας ἐπιβολάς, ἔτι δὲ κειμένης εὐκαίρως κατά τε τῆς πόλεως καὶ τῆς σύνεγγυς ταύτῃ χώρας, κατεστρατοπέδευσαν εἰς αὐτήν.
그리고 당면한 계획에 유리할 뿐만 아니라, 도시 및 그 인근 지역에 대해서도 편리한 위치에 자리 잡고 있는, 튀네스라 불리는 도시를 장악한 뒤 그곳에 진을 쳤다.