§45ἐγὼ μὲν οὖν οὐκ ἀξιῶ, ὦ ἄνδρες δικασταί, οὕτω πολλὰ καὶ μεγάλα τεκμήρια παρασχομένους ἡμᾶς ἀπολέσθαι ἀδίκως.
그러므로 배심원 여러분, 저는 우리가 이처럼 많고도 중대한 증거들을 제시했음에도 억울하게 파멸해서는 안 된다고 생각합니다.
ἀκήκοα γὰρ ἔγωγε καὶ τοῦ πατρὸς καὶ ἄλλων πρεσβυτέρων, ὅτι οὐ νῦν μόνον ἀλλὰ καὶ ἐν τῷ ἔμπροσθεν χρόνῳ πολλῶν ἐψεύσθητε τῆς οὐσίας, οἳ ζῶντες μὲν πλουτεῖν ἐδόκουν, ἀποθανόντες δὲ πολὺ παρὰ τὴν δόξαν τὴν ὑμετέραν ἐφάνησαν.
저는 제 아버지와 다른 연장자들로부터, 지금뿐만 아니라 과거에도 여러분이 많은 사람들의 재산에 대해 잘못 판단하곤 했다는 이야기를 들었기 때문입니다. 그들은 살아 있을 때는 부유하다고 여겨졌으나, 죽은 후에는 여러분의 예상과 크게 다른 것으로 밝혀졌습니다.
§46αὐτίκα Ἰσχομάχῳ, ἕως ἔζη, πάντες ᾤοντο εἶναι πλεῖν ἢ ἑβδομήκοντα τάλαντα, ὡς ἐγὼ ἀκούω.
예를 들어 이스코마코스의 경우, 살아 있을 때는 누구나 그가 70탈란톤 이상의 재산을 가지고 있다고 생각했다고 저는 들었습니다.
ἐνειμάσθην δὲ τὼ ὑεῖ οὐδὲ δέκα τάλαντα ἑκάτερος ἀποθανόντος.
그러나 그가 죽었을 때 두 아들은 각각 10탈란톤도 채 나누어 가지지 못했습니다.
στεφάνῳ δὲ τῷ Θάλλου ἐλέγετο εἶναι πλεῖν ἢ πεντήκοντα τάλαντα, ἀποθανόντος δʼ ἡ οὐσία ἐφάνη περὶ ἕνδεκα τάλαντα.
또한 탈로스의 아들 스테파노스는 50탈란톤 이상을 가졌다고 전해졌으나, 죽었을 때 그의 재산은 약 11탈란톤으로 밝혀졌습니다.
§47ὁ τοίνυν Νικίου οἶκος προσεδοκᾶτο εἶναι οὐκ ἔλαττον ἢ ἑκατὸν ταλάντων, καὶ τούτων τὰ πολλὰ ἔνδον.
게다가 니키아스 집안의 재산은 100탈란톤보다 적지 않을 것이라 예상되었고, 그중 대부분은 집 안에 있다고 여겨졌습니다.
Νικήρατος δὲ ὅτʼ ἀπέθνῃσκεν, ἀργύριον μὲν ἢ χρυσίον οὐδʼ αὐτὸς ἔφη καταλείπειν οὐδέν, ἀλλὰ τὴν οὐσίαν ἣν κατέλιπε τῷ ὑεῖ, οὐ πλείονος ἀξία ἐστὶν ἢ τεττάρων καὶ δέκα ταλάντων.
하지만 니케라토스가 죽어갈 때, 자신도 은이나 금을 전혀 남기지 않는다고 말했으며, 그가 아들에게 남긴 재산은 14탈란톤 이상의 가치가 없었습니다.
§48Καλλίας τοίνυν ὁ Ἱππονίκου, ὅτε νεωστὶ ἐτεθνήκει ὁ πατήρ, πλεῖστα τῶν Ἑλλήνων ἐδόκει κεκτῆσθαι, καὶ ὥς φασι, διακοσίων ταλάντων ἐτιμήσατο τὰ αὑτοῦ ὁ πάππος, τὸ δὲ τούτου νῦν τίμημα οὐδὲ δυοῖν ταλάντοιν ἐστί.
또한 히포니코스의 아들 칼리아스는 그의 아버지가 갓 죽었을 때 그리스인 중에서 가장 많은 재산을 소유하고 있는 것으로 여겨졌습니다. 실제로 소문에 따르면 그의 할아버지는 자신의 재산을 200탈란톤으로 평가했다고 하지만, 현재 이 사람의 평가액은 2탈란톤조차 되지 않습니다.
Κλεοφῶντα δὲ πάντες ἴστε, ὅτε, ὅτι πολλὰ ἔτη διεχείρισε τὰ τῆς πόλεως πάντα καὶ προσεδοκᾶτο πάνυ πολλὰ ἐκ τῆς ἀρχῆς ἔχειν·
그리고 클레오폰에 대해서는 여러분 모두가 아시다시피, 그는 오랫동안 시의 모든 재정을 관리했기에 그 직무를 통해 아주 많은 재산을 가졌을 것이라 예상되었습니다.
ἀποθανόντος δʼ αὐτοῦ οὐδαμοῦ δῆλα τὰ χρήματα, ἀλλὰ καὶ οἱ προσήκοντες καὶ οἱ κηδεσταί, §49παρʼ οἷς ἂν κατέλιπεν, ὁμολογουμένως πένητές εἰσι.
하지만 그가 죽었을 때 그의 돈은 어디에서도 보이지 않았고, 그의 친척들과 사돈들은, ――만약 그가 재산을 남겼다면 그들이 보관하고 있었을 텐데 말입니다―― 누구나 인정하는 가난한 처지입니다.
φαινόμεθα δὴ καὶ τῶν ἀρχαιοπλούτων πολὺ ἐψευσμένοι καὶ τῶν νεωστὶ ἐν δόξῃ γεγενημένων.
이처럼 우리는 옛날부터 부유했던 이들에 대해서도, 최근에 명성을 얻은 이들에 대해서도 크게 잘못 생각했음이 분명합니다.
αἴτιον δέ μοι δοκεῖ εἶναι, ὅτι ῥαδίως τινὲς τολμῶσι λέγειν ὡς ὁ δεῖνα ἔχει τάλαντα πολλὰ ἐκ τῆς ἀρχῆς.
그 원인은 누군가가 자신의 직무로부터 많은 탈란톤을 가졌다고 일부 사람들이 쉽게 떠들어대기 때문이라고 저는 생각합니다.
καὶ ὅσα μὲν περὶ τεθνεώτων λέγουσιν, οὐ πάνυ θαυμάζω (οὐ γὰρ ὑπό γε ἐκείνων ἐξελεγχθεῖεν ἄν), ἀλλʼ ὅσα ζώντων ἐπιχειροῦσι καταψεύδεσθαι.
죽은 이들에 대해 떠도는 소문에 대해서는 그리 놀라지 않습니다(그들이 그것을 반박할 리는 없으니까요). 하지만 살아 있는 사람들에 대해 거짓으로 모함하려 드는 것에는 정말 놀라지 않을 수 없습니다.
αὐτοὶ γὰρ ἔναγχος ἠκούετε ἐν τῇ ἐκκλησίᾳ, §50ὡς Διότιμος ἔχοι τάλαντα τετταράκοντα πλείω ἢ ὅσα αὐτὸς ὡμολόγει παρὰ τῶν ναυκλήρων καὶ ἐμπόρων·
실제로 여러분 자신도 최근 민회에서 들으셨을 것입니다, 디오티모스가 선주들과 상인들로부터 받았다고 스스로 인정한 액수보다 40탈란톤이나 더 많이 가지고 있다는 소문을 말입니다.
καὶ ταῦτα, ἐπειδὴ ἦλθεν, ἐκείνου ἀπογράφοντος καὶ χαλεπῶς φέροντος ὅτι ἀπὼν διεβάλλετο, οὐδεὶς ἐξήλεγξε, δεομένης μὲν τῆς πόλεως χρημάτων, §51ἐθέλοντος δὲ ἐκείνου λογίσασθαι.
그리고 그가 돌아와, 부재중에 자신이 모함을 받은 것에 분개하며 직접 장부를 제출했을 때, 시는 자금이 필요했고, 그 자신도 소명하기를 원했음에도 불구하고, 그 사실을 입증한 사람은 아무도 없었습니다.
ἐνθυμεῖσθε τοίνυν οἷον ἂν ἐγένετο, εἰ Ἀθηναίων ἁπάντων ἀκηκοότων ὅτι τετταράκοντα τάλαντα ἔχοι Διότιμος, εἶτα ἔπαθέ τι πρὶν καταπλεῦσαι δεῦρο.
그러니 모든 아테네인이 디오티모스가 40탈란톤을 가졌다고 듣고 있던 바로 그때, 만약 그가 이곳으로 항해해 돌아오기 전에 변고를 당했다면 어떤 일이 벌어졌을지 생각해 보십시오.
εἶτα οἱ προσήκοντες ἂν αὐτοῦ ἐν κινδύνῳ ἦσαν τῷ μεγίστῳ, εἰ ἔδει αὐτοὺς πρὸς τοσαύτην διαβολὴν ἀπολογεῖσθαι, μὴ εἰδότας μηδὲν τῶν πεπραγμένων.
그렇다면 그의 친척들은 무슨 일이 일어났는지 전혀 알지도 못한 채, 그 엄청난 모함에 맞서 변명해야 했으므로 극단적인 위험에 처했을 것입니다.
αἴτιοι οὖν εἰσι καὶ ὑμῖν πολλῶν ἤδη ψευσθῆναι καὶ δὴ ἀδίκως γέ τινας ἀπολέσθαι οἱ ῥαδίως τολμῶντες ψεύδεσθαι καὶ συκοφαντεῖν ἀνθρώπους ἐπιθυμοῦντες.
그러므로 쉽게 거짓말을 일삼고 사람들을 무고하고자 하는 자들이야말로, 여러분이 이미 많은 일들에 대해 잘못 판단하게 만들고, 실제로 어떤 이들을 억울하게 파멸하게 만드는 원인입니다.
§52ἐπεὶ οἴομαι ὑμᾶς εἰδέναι ὅτι Ἀλκιβιάδης τέτταρα ἢ πέντε ἔτη ἐφεξῆς ἐστρατήγει ἐπικρατῶν καὶ νενικηκὼς Λακεδαιμονίους, καὶ διπλάσια ἐκείνῳ ἠξίουν αἱ πόλεις διδόναι ἢ ἄλλῳ τινὶ τῶν στρατηγῶν, ὥστʼ ᾤοντο εἶναί τινες αὐτῷ πλεῖν ἢ ἑκατὸν τάλαντα.
여러분도 아시다시피, 알키비아데스는 4, 5년 연속으로 장군직을 맡아 지휘권을 장악하고 라케다이몬인들에게 승리를 거두었으며, 여러 도시들은 그에게 다른 어떤 장군보다 두 배나 많은 액수를 주는 것을 당연하게 여겼습니다. 그래서 어떤 이들은 그에게 100탈란톤 이상의 재산이 있을 것이라 생각했습니다.
ὁ δʼ ἀποθανὼν ἐδήλωσεν ὅτι οὐκ ἀληθῆ ταῦτα ἦν·
하지만 그가 죽었을 때 그것이 사실이 아님이 밝혀졌습니다.
ἐλάττω γὰρ οὐσίαν κατέλιπε τοῖς παισὶν ἢ αὐτὸς παρὰ τῶν ἐπιτροπευσάντων παρέλαβεν.
그가 자녀들에게 남긴 재산은 자신이 후견인들로부터 물려받았던 것보다 더 적었기 때문입니다.
§53ὅτι μὲν οὖν καὶ ἐν τῷ ἔμπροσθεν χρόνῳ τοιαῦτα ἐγίγνετο, ῥᾴδιον γνῶναι·
그러므로 과거에도 이러한 일들이 일어났음을 쉽게 알 수 있습니다.
φασὶ δὲ καὶ τοὺς ἀρίστους καὶ σοφωτάτους μάλιστα ἐθέλειν μεταγιγνώσκειν.
또한 가장 훌륭하고 현명한 사람들일수록 가장 기꺼이 생각을 바꾸려 한다고들 합니다.
εἰ οὖν δοκοῦμεν εἰκότα λέγειν καὶ ἱκανὰ τεκμήρια παρέχεσθαι, ὦ ἄνδρες δικασταί, πάσῃ τέχνῃ καὶ μηχανῇ ἐλεήσατε·
그러니 배심원 여러분, 만약 우리가 이치에 맞는 말을 하고 충분한 증거를 제시하는 것으로 보인다면, 온갖 수단과 방법을 다해 우리를 가엾게 여겨 주십시오.
ὡς ἡμεῖς τῆς μὲν διαβολῆς οὕτω μεγάλης οὔσης ἀεὶ προσεδοκῶμεν κρατήσειν μετὰ τοῦ ἀληθοῦς·
우리는 모함이 이처럼 클지라도 진실과 함께라면 언제나 극복할 수 있으리라 기대했습니다.
ὑμῶν δὲ μηδενὶ τρόπῳ ἐθελησάντων πεισθῆναι οὐδʼ ἐλπὶς οὐδεμία σωτηρίας ἐδόκει ἡμῖν εἶναι.
하지만 여러분이 어떤 방식으로도 설득되려 하지 않으신다면, 우리에게는 구원의 희망이 전혀 없는 것처럼 보였습니다.
§54ἀλλὰ πρὸς θεῶν Ὀλυμπίων, ὦ ἄνδρες δικασταί, βούλεσθε ἡμᾶς δικαίως σῶσαι μᾶλλον ἢ ἀδίκως ἀπολέσαι, καὶ πιστεύετε τούτοις ἀληθῆ λέγειν, οἳ ἂν καὶ σιωπῶντες ἐν ἅπαντι τῷ βίῳ παρέχωσι σώφρονας σφᾶς αὐτοὺς καὶ δικαίους.
그러니 올림포스의 신들에 걸고, 배심원 여러분, 우리를 부당하게 파멸시키기보다 정당하게 구해 주기를 원해 주십시오. 그리고 온 평생 동안 침묵을 지키고 있을 때조차 스스로를 절제 있고 올바른 사람으로 증명하는 이들이야말로 진실을 말하고 있다고 믿어 주십시오.