§9.31.1καὶ Ἀρσινόης ἐστὶν ἐν Ἑλικῶνι εἰκών, ἣν Πτολεμαῖος ἔγημεν ἀδελφὸς ὤν.
또한 헬리콘산에는 자신의 형제이면서 그녀를 아내로 맞이한 프톨레마이오스의 아내 아르시노에의 상이 있다.
τὴν δὲ Ἀρσινόην στρουθὸς φέρει χαλκῆ τῶν ἀπτήνων·
날지 못하는 새의 일종인 청동 타조가 아르시노에를 태우고 있다.
πτερὰ μέν γε καὶ αὗται κατὰ ταὐτὰ ταῖς ἄλλαις φύουσιν, ὑπὸ δὲ βάρους καὶ διὰ μέγεθος οὐχ οἷά τέ ἐστιν ἀνέχειν σφᾶς ἐς τὸν ἀέρα τὰ πτερά.
타조 역시 다른 새들과 마찬가지로 깃털이 나지만, 무게와 크기 때문에 그 깃털이 몸을 공중에 지탱하지 못한다.
§9.31.2ἐνταῦθα καὶ Τηλέφῳ τῷ Ἡρακλέους γάλα ἐστὶν ἔλαφος παιδὶ μικρῷ διδοῦσα καὶ βοῦς τε παρʼ αὐτὸν καὶ ἄγαλμα Πριάπου θέας ἄξιον.
그곳에는 또한 헤라클레스의 아들인 어린 텔레포스에게 젖을 먹이는 암사슴, 그 곁에 있는 황소, 그리고 볼 만한 가치가 있는 프리아포스의 조각상이 있다.
τούτῳ τιμαὶ τῷ θεῷ δέδονται μὲν καὶ ἄλλως, ἔνθα εἰσὶν αἰγῶν νομαὶ καὶ προβάτων ἢ καὶ ἑσμοὶ μελισσῶν· Λαμψακηνοὶ δὲ ἐς πλέον ἢ θεοὺς τοὺς ἄλλους νομίζουσι, Διονύσου τε αὐτὸν παῖδα εἶναι καὶ Ἀφροδίτης λέγοντες.
이 신에 대한 숭배는 염소나 양의 방목지가 있는 곳, 혹은 벌떼가 있는 곳에서 일반적으로도 행해지지만, 람프사코스 인들은 그를 다른 신들보다 더 숭상하며 그가 디오니소스와 아프로디테의 아들이라고 말한다.
§9.31.3ἐν δὲ τῷ Ἑλικῶνι καὶ ἄλλοι τρίποδες κεῖνται καὶ ἀρχαιότατος, ὃν ἐν Χαλκίδι λαβεῖν τῇ ἐπʼ Εὐρίπῳ λέγουσιν Ἡσίοδον νικήσαντα ᾠδῇ.
헬리콘에는 다른 삼각솥들도 놓여 있는데, 그중 가장 오래된 것은 헤시오도스가 에우리포스 연안의 칼키스에서 시 경연에 우승하여 얻었다고 전해지는 것이다.
περιοικοῦσι δὲ καὶ ἄνδρες τὸ ἄλσος, καὶ ἑορτήν τε ἐνταῦθα οἱ Θεσπιεῖς καὶ ἀγῶνα ἄγουσι Μουσεῖα·
또한 성소 주변에는 사람들이 거주하고 있으며, 테스피아이 인들은 그곳에서 '무세이아'라는 축제와 경연을 개최한다.
ἄγουσι δὲ καὶ τῷ Ἔρωτι, ἆθλα οὐ μουσικῆς μόνον ἀλλὰ καὶ ἀθληταῖς τιθέντες.
그들은 에로스를 위해서도 경연을 개최하며, 음악뿐만 아니라 체육 경기자들을 위해서도 부상을 내건다.
ἐπαναβάντι δὲ στάδια ἀπὸ τοῦ ἄλσους τούτου ὡς εἴκοσιν ἔστιν ἡ τοῦ Ἵππου καλουμένη κρήνη·
이 성소에서 약 이십 스타디온 올라간 곳에는 '말의 샘'이라 불리는 샘이 있다.
ταύτην τὸν Βελλεροφόντου ποιῆσαί φασιν ἵππον ἐπιψαύσαντα ὁπλῇ τῆς γῆς.
이는 벨레로폰의 말이 말굽으로 땅을 두드려 만든 것이라고 전한다.
§9.31.4Βοιωτῶν δὲ οἱ περὶ τὸν Ἑλικῶνα οἰκοῦντες παρειλημμένα δόξῃ λέγουσιν ὡς ἄλλο Ἡσίοδος ποιήσειεν οὐδὲν ἢ τὰ Ἔργα·
헬리콘 주변에 사는 보이오티아 인들은 전해 내려오는 전승에 따라 헤시오도스가 『일과 날』 외에는 아무것도 짓지 않았다고 말한다.
καὶ τούτων δὲ τὸ ἐς τὰς Μούσας ἀφαιροῦσι προοίμιον, ἀρχὴν τῆς ποιήσεως εἶναι τὸ ἐς τὰς Ἔριδας λέγοντες·
게다가 그들은 이 시에서 뮤즈들에게 바치는 서시를 제거하고, 시의 시작은 '쟁투'에 관한 대목이라고 주장한다.
καί μοι μόλυβδον ἐδείκνυσαν, ἔνθα ἡ πηγή, τὰ πολλὰ ὑπὸ τοῦ χρόνου λελυμασμένον·
그들은 내게 샘이 있는 곳에서 세월로 인해 대부분이 훼손된 납판을 보여주었다.
§9.31.5ἐγγέγραπται δὲ αὐτῷ τὰ Ἔργα.
거기에는 『일과 날』이 새겨져 있었다.
ἔστι δὲ καὶ ἑτέρα κεχωρισμένη τῆς προτέρας, ὡς πολύν τινα ἐπῶν ὁ Ἡσίοδος ἀριθμὸν ποιήσειεν, ἐς γυναῖκάς τε ᾀδόμενα καὶ ἃς μεγάλας ἐπονομάζουσιν Ἠοίας, καὶ Θεογονίαν τε καὶ ἐς τὸν μάντιν Μελάμποδα, καὶ ὡς Θησεὺς ἐς τὸν Ἅιδην ὁμοῦ Πειρίθῳ καταβαίη παραινέσεις τε Χίρωνος ἐπὶ διδασκαλίᾳ δὴ τῇ Ἀχιλλέως, καὶ ὅσα ἐπὶ Ἔργοις τε καὶ Ἡμέραις.
그러나 이전의 의견과 구별되는 또 다른 설도 있는데, 헤시오도스가 아주 많은 수의 시구를 지었으며, 여성들을 칭송하는 노래들과 『대 에호이아이』라고 부르는 것, 『신통기』, 예언자 멜람포스에 관한 시, 테세우스가 페이리토오스와 함께 하데스로 내려간 이야기, 아킬레우스의 교육을 위한 『케이론의 권고』, 그리고 『일과 날』에 덧붙여진 모든 시들이 그의 작이라는 것이다.
οἱ δὲ αὐτοὶ οὗτοι λέγουσι καὶ ὡς μαντικὴν Ἡσίοδος διδαχθείη παρὰ Ἀκαρνάνων·
또한 이 같은 사람들은 헤시오도스가 아카르나니아 인들로부터 예언술을 배웠다고도 말한다.
καὶ ἔστιν ἔπη Μαντικά, ὁπόσα τε ἐπελεξάμεθα καὶ ἡμεῖς, καὶ ἐξηγήσεις ἐπὶ τέρασιν.
그리고 우리 자신도 읽어본 『예언시』와 징조에 대한 해설서들이 실제로 존재한다.
§9.31.6ἐναντία δὲ καὶ ἐς τοῦ Ἡσιόδου τὴν τελευτήν ἐστιν εἰρημένα.
헤시오도스의 죽음에 대해서도 서로 상반되는 이야기들이 전해진다.
ὅτι μὲν γὰρ οἱ παῖδες τοῦ Γανύκτορος Κτίμενος καὶ Ἄντιφος ἔφυγον ἐς Μολυκρίαν ἐκ Ναυπάκτου διὰ τοῦ Ἡσιόδου τὸν φόνον καὶ αὐτόθι ἀσεβήσασιν ἐς Ποσειδῶνα ἐγένετο σφίσιν ἡ δίκη, τάδε μὲν καὶ οἱ πάντες κατὰ ταὐτὰ εἰρήκασι·
가닉토르의 아들들인 크티메노스와 안티포스가 헤시오도스를 살해한 일로 나우팍토스에서 몰리크리아로 도망쳤고, 그곳에서 포세이돈에게 불경을 저질러 처벌을 받았다는 사실에 대해서는 모든 이들이 똑같이 말한다.
τὴν δὲ ἀδελφὴν τῶν νεανίσκων οἱ μὲν ἄλλου τού φασιν αἰσχύναντος Ἡσίοδον λαβεῖν οὐκ ἀληθῆ τὴν τοῦ ἀδικήματος δόξαν, οἱ δὲ ἐκείνου γενέσθαι τὸ ἔργον.
그러나 그 청년들의 누이를 더럽힌 것은 다른 어떤 이였으며 헤시오도스는 죄에 대한 억울한 누명을 썼다고 주장하는 이들도 있고, 그 일은 헤시오도스가 한 짓이었다고 말하는 이들도 있다.
τὰ μὲν δὴ ἐς Ἡσίοδον καὶ αὐτὸν καὶ ἐς τὰ ἔπη διάφορα ἐπὶ τοσοῦτο εἴρηται·
헤시오도스 자신과 그의 시에 관해서는 이처럼 서로 다른 설들이 주장되고 있다.
§9.31.7ἐπὶ δὲ ἄκρᾳ τῇ κορυφῇ τοῦ Ἑλικῶνος ποταμὸς οὐ μέγας ἐστὶν ὁ Λάμος.
헬리콘산의 가장 높은 꼭대기에는 라모스라는 그리 크지 않은 강이 있다.
Θεσπιέων δὲ ἐν τῇ γῇ Δονακών ἐστιν ὀνομαζόμενος·
한편 테스피아이 인들의 영토 안에는 도나콘이라 불리는 곳이 있다.
ἐνταῦθά ἐστι Ναρκίσσου πηγή, καὶ τὸν Νάρκισσον ἰδεῖν ἐς τοῦτο τὸ ὕδωρ φασίν, οὐ συνέντα δὲ ὅτι ἑώρα σκιὰν τὴν ἑαυτοῦ λαθεῖν τε αὐτὸν ἐρασθέντα αὑτοῦ καὶ ὑπὸ τοῦ ἔρωτος ἐπὶ τῇ πηγῇ οἱ συμβῆναι τὴν τελευτήν.
그곳에는 나르키소스의 샘이 있는데, 나르키소스가 이 물을 들여다보다가 자신이 보고 있는 것이 자신의 그림자라는 사실을 깨닫지 못하고 자신도 모르게 스스로와 사랑에 빠졌으며, 그 사랑 때문에 샘가에서 최후를 맞이했다고들 말한다.
τοῦτο μὲν δὴ παντάπασιν εὔηθες, ἡλικίας ἤδη τινὰ ἐς τοσοῦτο ἥκοντα ὡς ὑπὸ ἔρωτος ἁλίσκεσθαι μηδὲ ὁποῖόν τι ἄνθρωπος καὶ ὁποῖόν τι ἀνθρώπου σκιὰ διαγνῶναι·
그러나 이미 사랑에 사로잡힐 만한 나이에 이른 이가 사람과 사람의 그림자조차 분간하지 못했다는 것은 참으로 어리석은 일이다.
§9.31.8ἔχει δὲ καὶ ἕτερος ἐς αὐτὸν λόγος, ἧσσον μὲν τοῦ προτέρου γνώριμος, λεγόμενος δὲ καὶ οὗτος, ἀδελφὴν γενέσθαι Ναρκίσσῳ δίδυμον, τά τε ἄλλα ἐς ἅπαν ὅμοιον τὸ εἶδος καὶ ἀμφοτέροις ὡσαύτως κόμην εἶναι καὶ ἐσθῆτα ἐοικυῖαν αὐτοὺς ἐνδύεσθαι καὶ δὴ καὶ ἐπὶ θήραν ἰέναι μετὰ ἀλλήλων·
하지만 그에 대해서는 또 다른 이야기도 전해지는데, 이전 이야기보다는 덜 알려졌으나 이것 역시 구버전으로 이야기되기를, 나르키소스에게 쌍둥이 누이가 있었는데 용모가 다른 모든 점에서 완전히 똑같았고 둘 다 머리 모양도 같았으며 비슷한 옷을 입었고 심지어 사냥도 함께 다녔다고 한다.
Νάρκισσον δὲ ἐρασθῆναι τῆς ἀδελφῆς, καὶ ὡς ἀπέθανεν ἡ παῖς, φοιτῶντα ἐπὶ τὴν πηγὴν συνιέναι μὲν ὅτι τὴν ἑαυτοῦ σκιὰν ἑώρα, εἶναι δέ οἱ καὶ συνιέντι ῥᾳστώνην τοῦ ἔρωτος ἅτε οὐχ ἑαυτοῦ σκιὰν δοξάζοντι ἀλλὰ εἰκόνα ὁρᾶν τῆς ἀδελφῆς.
나르키소스는 그 누이를 사랑했는데, 그 소녀가 죽은 뒤 샘가로 찾아와 비록 자신이 자신의 그림자를 보고 있다는 사실을 깨달았지만, 깨달으면서도 그것이 자신의 그림자가 아니라 누이의 모습을 보고 있다고 생각함으로써 사랑의 위안을 얻었다는 것이다.
§9.31.9νάρκισσον δὲ ἄνθος ἡ γῆ καὶ πρότερον ἔφυεν ἐμοὶ δοκεῖν, εἰ τοῖς Πάμφω τεκμαίρεσθαι χρή τι ἡμᾶς ἔπεσι·
그러나 나르키소스(수선화) 꽃은 내 생각에 대지가 그 이전부터 피워냈던 것 같다.
γεγονὼς γὰρ πολλοῖς πρότερον ἔτεσιν ἢ Νάρκισσος ὁ Θεσπιεὺς Κόρην τὴν Δήμητρός φησιν ἁρπασθῆναι παίζουσαν καὶ ἄνθη συλλέγουσαν, ἁρπασθῆναι δὲ οὐκ ἴοις ἀπατηθεῖσαν ἀλλὰ ναρκίσσοις.
만일 우리가 팜포스의 시에 근거하여 판단할 수 있다면 말이다. 왜냐하면 테스피아이의 나르키소스보다 여러 해 전에 태어난 그는 데메테르의 딸 코레가 놀면서 꽃을 꺾다가 납치되었는데, 그녀가 홀려서 유인된 것은 제비꽃이 아니라 수선화였다고 말하기 때문이다.