§9.3.1Ἥραν ἐφʼ ὅτῳ δὴ πρὸς τὸν Δία ὠργισμένην ἐς Εὔβοιάν φασιν ἀναχωρῆσαι, Δία δέ, ὡς οὐκ ἔπειθεν αὐτήν, παρὰ Κιθαιρῶνα λέγουσιν ἐλθεῖν δυναστεύοντα ἐν Πλαταιαῖς τότε·
헤라가 무슨 이유에서인지 제우스에게 화가 나 에우보이아로 물러났다고 전해진다. 한편 제우스는 그녀를 설득할 수 없었기에, 당시 플라타이아이에서 권력을 잡고 있던 키타이론을 찾아갔다고 한다.
εἶναι γὰρ τὸν Κιθαιρῶνα οὐδενὸς σοφίαν ὕστερον.
키타이론은 지혜에 있어서 그 누구에게도 뒤지지 않았기 때문이다.
οὗτος οὖν κελεύει τὸν Δία ἄγαλμα ξύλου ποιησάμενον ἄγειν ἐπὶ βοῶν ζεύγους ἐγκεκαλυμμένον, λέγειν δὲ ὡς ἄγοιτο γυναῖκα Πλάταιαν τὴν Ἀσωποῦ.
그리하여 그는 제우스에게 나무로 조각상을 만들어 옷을 입힌 뒤 황소 한 쌍이 끄는 수레에 싣고 가면서, 아소포스의 딸 플라타이아이를 아내로 맞이하러 가는 중이라고 말하라고 권했다.
§9.3.2καὶ ὁ μὲν ἔπρασσε κατὰ τὴν παραίνεσιν τοῦ Κιθαιρῶνος·
제우스는 키타이론의 권고대로 행했다.
Ἥρα δὲ ἐπέπυστό τε αὐτίκα καὶ αὐτίκα ἀφίκετο.
헤라는 즉시 그 사실을 전해 듣고 즉시 달려왔다.
ὡς δὲ ἐπλησίαζε τῇ ἁμάξῃ καὶ τοῦ ἀγάλματος τὴν ἐσθῆτα περιέρρηξεν, ἥσθη τε τῇ ἀπάτῃ ξόανον εὑροῦσα ἀντὶ νύμφης γυναικὸς καὶ διαλλαγὰς ποιεῖται πρὸς τὸν Δία.
그녀가 수레에 다가가 조각상의 옷을 찢어 발겼을 때, 신부인 여인 대신 나무 조각상을 발견하고는 그 기만에 기뻐하며 제우스와 화해했다.
ἐπὶ ταύταις ταῖς διαλλαγαῖς Δαίδαλα ἑορτὴν ἄγουσιν, ὅτι οἱ πάλαι τὰ ξόανα ἐκάλουν δαίδαλα·
이 화해를 기념하여 사람들은 '다이다라'라는 축제를 치르는데, 옛사람들이 나무 조각상을 '다이다라'라고 불렀기 때문이다.
ἐκάλουν δὲ ἐμοὶ δοκεῖν πρότερον ἔτι ἢ Δαίδαλος ὁ Παλαμάονος ἐγένετο Ἀθήνῃσι, τούτῳ δὲ ὕστερον ἀπὸ τῶν δαιδάλων ἐπίκλησιν γενέσθαι δοκῶ καὶ οὐκ ἐκ γενετῆς τεθῆναι τὸ ὄνομα.
내 생각에는 팔라마온의 아들 다이다로스가 아테네에서 태어나기 전부터 그렇게 불렸던 것 같으며, 그가 나중에 '다이다라(나무 조각상)'에서 그 별칭을 얻은 것이지, 태어날 때부터 그 이름이 주어진 것은 아니라고 본다.
§9.3.3Δαίδαλα οὖν ἄγουσιν οἱ Πλαταιεῖς ἑορτὴν διʼ ἔτους ἑβδόμου μέν, ὡς ἔφασκεν ὁ τῶν ἐπιχωρίων ἐξηγητής, ἀληθεῖ μέντοι λόγῳ διʼ ἐλάσσονος καὶ οὐ τοσούτου χρόνου·
그리하여 플라타이아이인들은 '다이다라' 축제를 지내는데, 현지 안내인의 말에 따르면 7년마다 치른다고 하지만, 실제로는 그보다 짧고 그리 길지 않은 간격으로 치러진다.
ἐθελήσαντες δὲ ἀπὸ Δαιδάλων ἐς Δαίδαλα ἕτερα ἀναριθμῆσαι τὸν μεταξὺ χρόνον ἐς τὸ ἀκριβέστατον οὐκ ἐγενόμεθα οἷοί τε.
우리는 한 다이다라 축제에서 다른 다이다라 축제 사이의 시간을 아주 정확하게 계산해 보고자 했으나 그렇게 할 수 없었다.
ἄγουσι δὲ οὕτω τὴν ἑορτήν.
그들은 다음과 같은 방식으로 축제를 지낸다.
§9.3.4δρυμός ἐστιν Ἀλαλκομενῶν οὐ πόρρω·
그리 멀지 않은 곳에 알랄코메나이의 참나무 숲이 있다.
μέγιστα τῶν ἐν Βοιωτίᾳ στελέχη δρυῶν ἐστιν ἐνταῦθα.
이곳에는 보이오티아에서 가장 큰 참나무 줄기들이 있다.
ἐς τοῦτον οἱ Πλαταιεῖς ἀφικόμενοι τὸν δρυμὸν προτίθενται μοίρας κρεῶν ἑφθῶν.
플라타이아이인들은 이 숲에 이르러 삶은 고기 조각들을 내놓는다.
ὄρνιθες δὲ οἱ μὲν ἄλλοι σφίσιν ἥκιστά εἰσι διʼ ὄχλου, τῶν κοράκων δὲ—οὗτοι γάρ σφισιν ἐπιφοιτῶσιν—ἔχουσιν ἀκριβῆ τὴν φρουράν.
다른 새들은 그들에게 거의 번거로움을 주지 않지만, 까마귀들에 대해서는――까마귀들이 그들에게 날아오기 때문에――엄격하게 감시한다.
τὸν δὲ αὐτῶν ἁρπάσαντα κρέας, ἐφʼ ὅτῳ τῶν δένδρων καθεδεῖται, φυλάσσουσιν.
그들은 고기를 낚아챈 까마귀가 나무들 중 어디에 앉는지를 지켜본다.
ἐφʼ οὗ δʼ ἂν καθεσθῇ, τεμόντες ποιοῦσιν ἀπὸ τούτου τὸ δαίδαλον·
그리고 까마귀가 앉은 나무를 베어내어 그것으로 '다이다론'을 만든다.
δαίδαλον γὰρ δὴ καὶ τὸ ξόανον αὐτὸ ὀνομάζουσι.
그들은 나무 조각상 자체도 '다이다론'이라고 부르기 때문이다.
§9.3.5ταύτην μὲν ἰδίᾳ οἱ Πλαταιεῖς ἑορτὴν ἄγουσι, Δαίδαλα μικρὰ ὀνομάζοντες·
플라타이아이인들은 이 축제를 자신들만 따로 지내며 '소(小) 다이다라'라고 부른다.
Δαιδάλων δὲ ἑορτὴν τῶν μεγάλων καὶ Βοιωτοί σφισι συνεορτάζουσι, διʼ ἑξηκοστοῦ δὲ ἄγουσιν ἔτους·
그러나 '대(大) 다이다라' 축제에는 보이오티아인들도 그들과 함께 축하하며, 60년마다 축제를 지낸다.
ἐκλιπεῖν γὰρ τοσοῦτον χρόνον τὴν ἑορτήν φασιν, ἡνίκα οἱ Πλαταιεῖς ἔφευγον.
플라타이아이인들이 망명해 있던 동안 그토록 오랜 시간 축제가 중단되었었다고 그들이 말하기 때문이다.
ξόανα δὲ τεσσαρεσκαίδεκα ἕτοιμά σφισίν ἐστι κατʼ ἐνιαυτὸν ἕκαστον παρασκευασθέντα ἐν Δαιδάλοις τοῖς μικροῖς.
그들에게는 14개의 나무 조각상이 준비되어 있는데, 이는 매회 소 다이다라 축제 때 만들어진 것들이다.
§9.3.6ταῦτα ἀναιροῦνται κλήρῳ Πλαταιεῖς Κορωναῖοι Θεσπιεῖς Ταναγραῖοι Χαιρωνεῖς Ὀρχομένιοι Λεβαδεῖς Θηβαῖοι·
이 조각상들을 플라타이아이인, 코로네이아인, 테스피아이인, 타나그라인, 카이로네이아인, 오르코메노스인, 레바데이아인, 테베인들이 제비뽑기로 나누어 가진다.
διαλλαγῆναι γὰρ καὶ οὗτοι Πλαταιεῦσιν ἠξίωσαν καὶ συλλόγου μετασχεῖν κοινοῦ καὶ ἐς Δαίδαλα θυσίαν ἀποστέλλειν, ὅτε Κάσσανδρος ὁ Ἀντιπάτρου τὰς Θήβας ἀνῴκισε.
왜냐하면 안티파트로스의 아들 카산드로스가 테베를 재건했을 때, 이들 또한 플라타이아이인들과 화해하고 공동 집회에 참여하며 다이다라 축제에 제물을 보내기로 합의했기 때문이다.
τῶν δὲ πολισμάτων ὁπόσα ἐστὶν ἐλάσσονος λόγου, συντέλειαν αἱροῦνται.
그리 중요하지 않은 작은 마을들은 공동 분담을 택한다.
§9.3.7τὸ δὲ ἄγαλμα κομίσαντες παρὰ τὸν Ἀσωπὸν καὶ ἀναθέντες ἐπὶ ἅμαξαν, γυναῖκα ἐφιστᾶσι νυμφεύτριαν·
그들은 조각상을 아소포스 강가로 가져가 수레에 싣고, 신부 들러리 여성을 그 옆에 세운다.
οἱ δὲ αὖθις κληροῦνται καθʼ ἥντινα τάξιν τὴν πομπὴν ἀνάξουσι·
그리고 그들은 다시 제비를 뽑아 어떤 순서로 행렬을 인도할지 결정한다.
τὸ δὲ ἐντεῦθεν τὰς ἁμάξας ἀπὸ τοῦ ποταμοῦ πρὸς ἄκρον τὸν Κιθαιρῶνα ἐλαύνουσιν.
그곳에서부터 그들은 강에서 키타이론 산 정상으로 수레를 몬다.
εὐτρέπισται δέ σφισιν ἐπὶ τῇ κορυφῇ τοῦ ὄρους βωμός, ποιοῦσι δὲ τρόπῳ τοιῷδε τὸν βωμόν·
산봉우리에는 그들을 위한 제단이 준비되어 있는데, 제단은 다음과 같은 방식으로 만든다.
ξύλα τετράγωνα ἁρμόζοντες πρὸς ἄλληλα συντιθέασι κατὰ ταὐτὰ καὶ εἰ λίθων ἐποιοῦντο οἰκοδομίαν, ἐξάραντες δὲ ἐς ὕψος φρύγανα ἐπιφέρουσιν.
사각 목재들을 서로 잘 맞추어 돌로 건축물을 지을 때와 똑같이 짜 맞추고, 높이 들어 올린 뒤 그 위에 섶나무를 얹는다.
§9.3.8αἱ μὲν δὴ πόλεις καὶ τὰ τέλη θήλειαν θύσαντες τῇ Ἥρᾳ βοῦν ἕκαστοι καὶ ταῦρον τῷ Διὶ τὰ ἱερεῖα οἴνου καὶ θυμιαμάτων πλήρη καὶ τὰ δαίδαλα ὁμοῦ καθαγίζουσιν ἐπὶ τοῦ βωμοῦ, ἰδιῶται δὲ ὁπόσα δὴ θύουσιν οἱ πλούσιοι·
그리하여 각 도시들과 관료들은 헤라에게 암소를, 제우스에게 황소를 각각 제물로 바치고, 포도주와 향으로 가득 찬 제물들을 다이다라 조각상과 함께 제단 위에서 불태워 바친다.
τοῖς δὲ οὐχ ὁμοίως δυναμένοις τὰ λεπτότερα τῶν προβάτων θύειν καθέστηκε, καθαγίζειν δὲ τὰ ἱερεῖα ὁμοίως πάντα.
부유한 개인들은 자신들이 바칠 수 있는 만큼 바치고, 그럴 능력이 없는 이들에게는 작은 양을 바치도록 정해져 있으나, 모든 제물은 똑같이 불태워 바쳐야 한다.
σὺν δέ σφισι καὶ αὐτὸν τὸν βωμὸν ἐπιλαβὸν τὸ πῦρ ἐξανήλωσε·
그리고 불길이 옮겨붙어 제단 자체도 제물들과 함께 삼켜버린다.
μεγίστην δὲ ταύτην φλόγα καὶ ἐκ μακροτάτου σύνοπτον οἶδα ἀρθεῖσαν.
나는 이 불길이 가장 거대하고 가장 먼 곳에서도 보이는 불길로 솟아오른 것임을 알고 있다.
§9.3.9ὑπὸ δὲ τῆς κορυφῆς, ἐφʼ ᾗ τὸν βωμὸν ποιοῦνται, πέντε που μάλιστα καὶ δέκα ὑποκαταβάντι σταδίους νυμφῶν ἐστιν ἄντρον Κιθαιρωνίδων, Σφραγίδιον μὲν ὀνομαζόμενον, μαντεύεσθαι δὲ τὰς νύμφας τὸ ἀρχαῖον αὐτόθι ἔχει λόγος.
제단을 만드는 봉우리 아래로 약 15스타디온쯤 내려가면 키타이론의 님프들의 동굴이 있는데, 스프라기디온이라 불린다. 옛날에 님프들이 그곳에서 신탁을 주었다는 이야기가 전해진다.