§7.8.1τότε δὲ ἥκων ὁ Φλαμίνιος Ἐρέτριάν τε διήρπασε, τοὺς φρουροῦντας Μακεδόνων μάχῃ νικήσας, καὶ αὖθις ἐλάσας ἐπὶ Κόρινθον κατεχομένην ὑπὸ Φιλίππου φρουρᾷ αὐτός τε προσεκάθητο πολιορκῶν καὶ παρὰ Ἀχαιοὺς ἅμα ἀποστέλλων ἐπήγγελλέ σφισιν ἀφικνεῖσθαι πρὸς Κόρινθον στρατιᾷ, συμμάχους τε ἀξιωθησομένους καλεῖσθαι Ῥωμαίων καὶ ἅμα εὐνοίᾳ τῇ ἐς τὸ Ἑλληνικόν.
그러나 그때 도착한 플라미니누스는 수비에 임하고 있던 마케도니아인들을 전투에서 격파하고 에레트리아를 약탈하였으며, 다시 필립포스의 수비대에 의해 장악되어 있던 코린토스로 진격하여 친히 그곳에 진을 치고 포위 공격을 행하는 동시에, 아카이아인들에게 전령을 보내 군대를 이끌고 코린토스로 오도록 지시하였다. 이는 그들이 로마인의 동맹자로 불릴 자격이 있다고 여겨지게 될 것임과 동시에 그리스인들에 대한 호의 때문이었다.
§7.8.2Ἀχαιοὶ δὲ ἐποιοῦντο μὲν μεγάλως καὶ αὐτὸν ἐν αἰτίᾳ Φλαμίνιον καὶ ἔτι πρότερον Ὀτίλιον, οἳ μετεχειρίσαντο ὠμῶς οὕτω πόλεις Ἑλληνίδας καὶ ἀρχαίας, ἀναμαρτήτους τε οὔσας πρὸς Ῥωμαίους καὶ οὐ κατὰ γνώμην ὑπὸ Μακεδόνων ἀρχομένας·
아카이아인들은 로마인들에게 아무런 잘못도 범하지 않았고 본의 아니게 마케도니아인들의 지배를 받고 있던 유서 깊은 그리스 도시들을 이토록 잔인하게 다룬 플라미니누스 자신과 그 이전의 오틸리우스를 크게 비난하고 있었다.
προεωρῶντο δὲ καὶ ὡς ἀντὶ Φιλίππου καὶ Μακεδόνων Ῥωμαῖοι σφίσι τε ἥκοιεν καὶ τῷ Ἑλληνικῷ δεσπόται προστάττειν.
또한 그들은 필립포스와 마케도니아인들 대신 로마인들이 자신들과 그리스인 전체에게 명령을 내리는 주인으로 다가올 것임을 예견하고 있었다.
ῥηθέντων δὲ ἐν τῷ συνεδρίῳ πολλῶν καὶ ἐναντίων ἀλλήλοις, τέλος οἱ εὖνοι Ῥωμαίοις ἐνίκησαν καὶ Ἀχαιοὶ Φλαμινίῳ Κόρινθον συνεπολιόρκησαν.
그러나 의회에서 서로 상반되는 많은 의견들이 개진된 끝에, 마침내 로마인들에게 호의적인 이들이 승리하여 아카이아인들은 플라미니누스와 함께 코린토스를 공동으로 포위 공격하였다.
§7.8.3Κορίνθιοι δὲ ἀπὸ Μακεδόνων ἐλευθερωθέντες μετέσχον αὐτίκα συνεδρίου τοῦ Ἀχαιῶν, μετασχόντες καὶ πρότερον, ὅτε Ἄρατος καὶ Σικυώνιοι φρουρὰν ἐκ τοῦ Ἀκροκορίνθου τὴν πᾶσαν ἐξήλασαν καὶ ἀπέκτειναν Περσαῖον ὑπὸ Ἀντιγόνου ταχθέντα ἐπὶ τῇ φρουρᾷ.
코린토스인들은 마케도니아인들로부터 해방되자마자 즉시 아카이아인들의 의회에 참여하였는데, 그들은 이전에도 참여한 적이 있었다. 그때는 아라투스와 시큐온인들이 아크로코린토스로부터 수비대 전체를 몰아내고, 안티고노스에 의해 수비대장으로 임명되었던 페르사이를 죽였을 때였다.
Ἀχαιοὶ δὲ τὸ ἀπὸ τούτου σύμμαχοί τε ὠνομάζοντο Ῥωμαίων καὶ ἐς τὰ πάντα ἦσαν πρόθυμοι·
이 일 이후로 아카이아인들은 로마인의 동맹자로 불렸으며 모든 일에 열성적이었다.
καί σφισιν εἵποντο μὲν ἐς Μακεδονίαν καὶ ἐπὶ Φίλιππον, μετέσχον δὲ καὶ στρατείας ἐς Αἰτωλούς, τρίτα δὲ ὁμοῦ Ῥωμαίοις ἐμαχέσαντο ἐναντία Ἀντιόχου καὶ Σύρων.
그들은 로마인들을 따라 마케도니아로 그리고 필립포스를 상대로 한 원정에 나섰고, 아이톨리아인들을 향한 원정에도 참여했으며, 세 번째로는 로마인들과 힘을 합쳐 안티오코스와 시리아인들에 맞서 싸웠다.
§7.8.4ὅσα μὲν δὴ Ἀχαιοὶ Μακεδόσιν ἢ στρατιᾷ τῇ Σύρων ἐναντία ἐτάξαντο, φιλίᾳ τῇ πρὸς Ῥωμαίους ἔπραξαν· ἐς δὲ Αἰτωλοὺς ἐκ παλαιοῦ σφισιν ἦν οἰκεῖα ἐγκλήματα.
참으로 아카이아인들이 마케도니아인들이나 시리아인들의 군대에 맞서 대오를 갖춘 모든 일들은 로마인들에 대한 우정에서 행한 것이었으나, 아이톨리아인들에 대해서는 옛날부터 그들 자신의 사적인 원한이 있었다.
ἐπεὶ δὲ ἡ Νάβιδος ἐν Σπάρτῃ τυραννὶς κατελέλυτο, ἐς πλείστην ὠμότητα ἀνδρὸς ἀφικομένου, τὰ ἐς τοὺς Λακεδαιμονίους αὐτίκα ἐνεπεπτώκει·
그리고 극도의 잔학함에 도달했던 인물인 나비스의 스파르타 참주 정치가 타도되자, 라케다이몬인들에 관한 사정은 즉시 아카이아인들의 손에 귀속되었다.
§7.8.5καὶ σφᾶς ὑπὸ τὸν χρόνον οἱ Ἀχαιοὶ τοῦτον ἐς σύλλογον ὑπάγονται τὸν Ἀχαϊκὸν καὶ δίκας τε ἐδίκαζόν σφισιν ἐς τὸ ἀκριβέστατον καὶ τὰ τείχη τῆς Σπάρτης καταβάλλουσιν ἐς ἔδαφος, οἰκοδομηθέντα μὲν καὶ πρότερον ἔτι αὐτοσχεδίως ἐπί τε τῆς Δημητρίου καὶ ὕστερον τῆς Πύρρου καὶ Ἠπειρωτῶν στρατείας, ἐπὶ δὲ τῆς τυραννίδος τῆς Νάβιδος καὶ ἐς τὸ ἀσφαλέστατον ὀχυρωθέντα.
이 시기에 아카이아인들은 그들을 아카이아 연맹으로 끌어들여 그들에게 가장 엄격하게 판결을 내렸고 스파르타의 성벽을 완전히 허물어뜨렸다. 그 성벽은 예전 데메트리오스의 원정기 및 나중 피로스와 에페이로스인들의 원정기에 임시변통으로 건설되었던 것이나, 나비스의 참주정 시절에 가장 안전하게 요새화되어 있었던 것이다.
τά τε οὖν τείχη τῆς Σπάρτης οἱ Ἀχαιοὶ καθεῖλον καὶ τὰ ἐς μελέτην τοῖς ἐφήβοις ἐκ τῶν Λυκούργου νόμων καταλύσαντες ἐπέταξαν τοῖς Ἀχαιῶν ἐφήβοις τὰ αὐτὰ ἐπιτηδεύειν.
이처럼 아카이아인들은 스파르타의 성벽을 철거하고, 리쿠르고스의 법률에 따른 청년들의 훈련 제도를 폐지한 뒤, 아카이아 청년들의 그것과 동일한 일을 행하도록 그들에게 명령했다.
§7.8.6ταῦτα μὲν δὴ καὶ ἐς πλέον ἐπέξεισιν αὖθίς μοι τὰ ἐς Ἀρκάδας·
이 아카디아인들에 관한 일들은 나중에 내 서술이 다시 더 자세히 다루게 될 것이다.
Λακεδαιμόνιοι δὲ ἅτε μεγάλως τοῖς ἐπιτάγμασιν ἀχθόμενοι τοῖς Ἀχαιῶν καταφεύγουσιν ἐπὶ Μέτελλον καὶ ὅσοι σὺν Μετέλλῳ κατὰ πρεσβείαν ἧκον ἐκ Ῥώμης.
그러나 라케다이몬인들은 아카이아인들의 명령에 크게 분개하여 메텔루스 및 메텔루스와 함께 사절로서 로마에서 온 이들에게 구원을 청했다.
ἀφίκοντο δὲ οὗτοι Φιλίππῳ καὶ Μακεδόσι πόλεμον μὲν οὐδένα ἐπάξοντες ἅτε εἰρήνης πρότερον ἔτι Φιλίππῳ καὶ Ῥωμαίοις ὀμωμοσμένης, ὁπόσα δὲ ἢ Θεσσαλοῖς ἢ τῶν ἐξ Ἠπείρου τισὶν ἐγκλήματα ἦν ἐς Φίλιππον, ταῦτα ἧκον οἱ ὁμοῦ Μετέλλῳ κρινοῦντες.
이들은 필립포스와 로마인들 사이에 이미 전에 평화가 맹세되어 있었기에 필립포스와 마케도니아인들에게 어떠한 전쟁도 걸기 위해서가 아니라, 테살리아인들이나 에페이로스인들 중 일부가 필립포스에 대해 품고 있던 불만들을 판단하기 위해 왔던 것이다.
§7.8.7ἔργῳ μὲν δὴ Φίλιππός τε αὐτὸς καὶ ἡ Μακεδόνων ἀκμὴ καθῄρητο ὑπὸ Ῥωμαίων—μαχεσάμενος γὰρ Φλαμινίου καὶ Ῥωμαίων ἐναντία Φίλιππος ἐν Κυνὸς καλουμέναις κεφαλαῖς τὸ ἧττον ἠνέγκατο, ἀλλʼ ἅτε δὴ κατὰ δύναμιν ἀγωνισάμενος αὐτὸς οὗτος ὁ Φίλιππος τοσοῦτον ἐκρατήθη τῇ συμβολῇ, ὡς στρατιᾶς τε ἣν ἦγεν ἀποβαλεῖν τὸ πολὺ καὶ ἐκ τῶν πόλεων, ὅσας εἷλεν ἐν τῇ Ἑλλάδι πολέμῳ παραστησάμενος, ἐξήγαγεν ἐξ ἁπασῶν τὰς φρουρὰς κατὰ ὁμολογίαν πρὸς Ῥωμαίους—
사실상 필립포스 자신과 마케도니아인들의 전성기는 로마인들에 의해 분쇄되어 있었다. 필립포스가 플라미니누스와 로마인들에 맞서 키노스케팔라이라 불리는 곳에서 싸워 패배를 겪었기 때문인데, 다만 전력을 다해 싸웠던 이 필립포스 자신이 그 교전에서 너무나 압도당했기에 그 결과 이끌고 있던 군대의 대부분을 잃었고, 그리스에서 전쟁을 통해 굴복시켜 점령했던 모든 도시들로부터 로마인들과의 합의에 따라 수비대를 철수시켰던 것이다.
§7.8.8κατὰ μέντοι τοῦ λόγου τὸ εὐπρεπὲς παρὰ Ῥωμαίων εὕρητο εἰρήνην δεήσεσί τε παντοίαις καὶ δαπάναις χρημάτων μεγάλαις.
그럼에도 불구하고 겉으로 드러나는 체면을 차리기 위해 필립포스는 온갖 간청과 막대한 금전적 비용을 들여 로마인들로부터 평화를 얻어냈다.
τὰ δὲ ἐς Μακεδόνας δύναμίν τε, ἣν ἐπὶ Φιλίππου περιεβάλοντο τοῦ Ἀμύντου, καὶ ὡς ἐπὶ Φιλίππου τοῦ ὑστέρου τὰ πράγματά σφισιν ἐφθάρη, Σίβυλλα οὐκ ἄνευ θεοῦ προεθέσπισεν·
마케도니아인들의 운명, 즉 그들이 아묀타스의 아들 필립포스 치하에서 획득한 세력과 후대의 필립포스 치하에서 그들의 국운이 어떻게 파멸에 이르렀는가에 대해서는 시뷜라가 신의 뜻에 따라 미리 예언한 바 있었다.
ἔχει δὲ οὕτω τὰ χρησθέντα·
그 신탁의 내용은 다음과 같다.
§7.8.9"
αὐχοῦντες βασιλεῦσι Μακεδόνες Ἀργεάδῃσιν,
ὑμῖν κοιρανέων ἀγαθὸν καὶ πῆμα Φίλιππος.
"아르게아스 왕가를 자랑하는 마케도니아인들이여, 그대들을 지배하는 필립포스는 그대들에게 득이 되며 또한 화가 되리라.
ἤτοι ὁ μὲν πρότερος πόλεσιν λαοῖσί τʼ ἄνακτας
θήσει· ὁ δʼ ὁπλότερος τιμὴν ἀπὸ πᾶσαν ὀλέσσει,
δμηθεὶς ἑσπερίοισιν ὑπʼ ἀνδράσιν ἠῴοις τε.
진정 전자는 도시들과 민족들에게 지배자들을 세울 것이나, 후자는 모든 명예를 잃을 것이니, 서방의 전사들과 동방의 전사들에게 굴복당하여.
"
Ῥωμαῖοί τε δὴ τὰ πρὸς ἑσπέραν νεμόμενοι τῆς Εὐρώπης καθεῖλον τὴν Μακεδόνων ἀρχὴν καὶ τῶν ἐς τὸ συμμαχικὸν ταχθέντων Ἄτταλος τῆς ἐκ Περγάμου συλλεχθείσης ἡγεμὼν καὶ ἔτι ἐκ Μυσίας στρατιᾶς· πρὸς δὲ ἀνίσχοντα ἥλιον μᾶλλόν τι ἡ Μυσία τέτραπται.
"그리하여 유럽의 서쪽에 거주하는 로마인들이 마케도니아인들의 지배를 타도하였고, 동맹군에 배치된 이들 중에서는 페르가몬 및 다시 뮈시아에서 모집된 군대의 지휘관 아탈로스가 힘을 보탰는데, 뮈시아는 오히려 태양이 떠오르는 방향으로 향해 있는 곳이다.