§7.21.1καὶ Διονύσου κατὰ τοῦτο τῆς πόλεώς ἐστιν ἱερὸν ἐπίκλησιν Καλυδωνίου·
그리고 도시의 이 부근에 칼리돈의(칼리도니오스)라는 칭호의 디오니소스 신전이 있다.
μετεκομίσθη γὰρ καὶ τοῦ Διονύσου τὸ ἄγαλμα ἐκ Καλυδῶνος.
왜냐하면 디오니소스의 그 조각상 역시 칼리돈에서 옮겨왔기 때문이다.
ὅτε δὲ ᾠκεῖτο ἔτι Καλυδών, ἄλλοι τε Καλυδωνίων ἐγένοντο ἱερεῖς τῷ θεῷ καὶ δὴ καὶ Κόρεσος, ὃν ἀνθρώπων μάλιστα ἐπέλαβεν ἄδικα ἐξ ἔρωτος παθεῖν.
칼리돈에 아직 사람이 살고 있었을 때, 다른 칼리돈인들도 그 신의 사제가 되었는데, 특히 코레소스도 그러했으며, 그는 사람들 중에서 가장 지극히 사랑으로 인해 부당한 고통을 겪게 되었다.
ἤρα μὲν Καλλιρόης παρθένου·
그는 칼리로에라는 처녀를 사랑했다.
ὁπόσον δὲ ἐς Καλλιρόην ἔρωτος Κορέσῳ μετῆν, τοσοῦτο εἶχεν ἀπεχθείας ἐς αὐτὸν ἡ παρθένος.
그러나 코레소스가 칼리로에에게 품은 사랑의 크기만큼, 그 처녀는 그에 대해 그만큼의 혐오를 품고 있었다.
§7.21.2ὡς δὲ τοῦ Κορέσου δεήσεις τε ποιουμένου πάσας καὶ δώρων ὑποσχέσεις παντοίας οὐκ ἐνετρέπετο ἡ γνώμη τῆς παρθένου, ἐκομίζετο ἱκέτης ἤδη παρὰ τοῦ Διονύσου τὸ ἄγαλμα.
코레소스가 온갖 간청을 하고 만방의 선물을 약속했음에도 처녀의 마음이 전혀 돌아서지 않자, 그는 마침내 탄원자가 되어 디오니소스의 조각상 앞으로 나아갔다.
ὁ δὲ ἤκουσέ τε εὐχομένου τοῦ ἱερέως καὶ οἱ Καλυδώνιοι τὸ παραυτίκα ὥσπερ ὑπὸ μέθης ἐγίνοντο ἔκφρονες καὶ ἡ τελευτὴ σφᾶς παραπλῆγας ἐπελάμβανε.
신은 기도하는 사제의 말을 들어주었고, 칼리돈인들은 즉시 마치 술에 취한 것처럼 미쳐버렸으며, 죽음이 그들을 광란 상태 속에서 덮쳤다.
καταφεύγουσιν οὖν ἐπὶ τὸ χρηστήριον τὸ ἐν Δωδώνῃ·
그리하여 그들은 도도나의 신탁소로 피신했다.
τοῖς γὰρ τὴν ἤπειρον ταύτην οἰκοῦσι, τοῖς τε Αἰτωλοῖς καὶ τοῖς προσχώροις αὐτῶν Ἀκαρνᾶσι καὶ Ἠπειρώταις, αἱ πέλειαι καὶ τὰ ἐκ τῆς δρυὸς μαντεύματα μετέχειν μάλιστα ἐφαίνετο ἀληθείας.
왜냐하면 이 본토에 사는 사람들, 즉 에톨리아인들과 그 이웃인 아카르나니아인들 및 에페이로스인들에게는 비둘기들과 참나무에서 나오는 신탁이 가장 진실을 담고 있는 것처럼 보였기 때문이다.
§7.21.3τότε δὲ τὰ χρησθέντα ἐκ Δωδώνης Διονύσου μὲν ἔλεγεν εἶναι τὸ μήνιμα, ἔσεσθαι δὲ οὐ πρότερον λύσιν πρὶν ἢ θύσῃ τῷ Διονύσῳ Κόρεσος ἢ αὐτὴν Καλλιρόην ἢ τὸν ἀποθανεῖν ἀντʼ ἐκείνης τολμήσαντα.
그때 도도나에서 내려진 신탁은 그것이 디오니소스의 분노라고 말하며, 코레소스가 디오니소스에게 칼리로에 자신이나 혹은 그녀를 대신해 죽기를 각오한 사람을 제물로 바치기 전에는 결코 풀려남(구원)이 없을 것이라고 고했다.
ὡς δὲ οὐδὲν ἐς σωτηρίαν εὑρίσκετο ἡ παρθένος, δεύτερα ἐπὶ τοὺς θρεψαμένους καταφεύγει·
하지만 처녀에게는 구원받을 길이 전혀 보이지 않았기에, 다음으로 그녀를 길러준 사람들에게 피신했다.
ἁμαρτάνουσα δὲ καὶ τούτων, ἐλείπετο οὐδὲν ἔτι ἢ αὐτὴν φονεύεσθαι.
그러나 이들에게서도 도움을 얻지 못하자, 이제 그녀 자신이 죽임을 당하는 것 외에는 아무런 길도 남지 않게 되었다.
§7.21.4προεξεργασθέντων δὲ ὁπόσα ἐς τὴν θυσίαν ἄλλα ἐκ Δωδώνης μεμαντευμένα ἦν, ἡ μὲν ἱερείου τρόπον ἦκτο ἐπὶ τὸν βωμόν, Κόρεσος δὲ ἐφειστήκει μὲν τῇ θυσίᾳ, τῷ δὲ ἔρωτι εἴξας καὶ οὐ τῷ θυμῷ ἑαυτὸν ἀντὶ Καλλιρόης διεργάζεται.
도도나로부터 신탁으로 지시받은 제사에 필요한 다른 모든 준비가 미리 끝나자, 그녀는 제물처럼 제단으로 끌려왔고, 코레소스는 제사를 집행하기 위해 서 있었으나, 분노가 아니라 사랑에 굴복하여 칼리로에 대신 자기 자신을 찔러 죽였다.
ὁ μὲν δὴ ἀπέδειξεν ἔργον ἀνθρώπων ὧν ἴσμεν διατεθεὶς ἐς ἔρωτα ἀπλαστότατα·
이리하여 그는 우리가 아는 사람들 중에서, 가장 순수하게 사랑에 사로잡힌 자의 행동을 보여주었던 것이다.
§7.21.5Καλλιρόη τε ὡς Κόρεσον τεθνεῶτα εἶδεν, μετέπεσε τῇ παιδὶ ἡ γνώμη, καὶ—ἐσῄει γὰρ αὐτὴν Κορέσου τε ἔλεος καὶ ὅσα ἐς αὐτὸν εἴργασται αἰδώς—ἀπέσφαξέ τε αὑτὴν ἐς τὴν πηγήν, ἣ ἐν Καλυδῶνί ἐστιν οὐ πόρρω τοῦ λιμένος, καὶ ἀπʼ ἐκείνης οἱ ἔπειτα ἄνθρωποι Καλλιρόην τὴν πηγὴν καλοῦσι.
칼리로에는 코레소스가 죽은 것을 보자 처녀의 마음이 일변하였고, —코레소스에 대한 연민과 그에게 자신이 저지른 일에 대한 부끄러움이 그녀의 마음에 찾아들었기 때문인데— 칼리돈의 항구에서 멀지 않은 곳에 있는 샘에 몸을 던져 스스로 목을 베어 죽었다. 그리고 그때부터 후세 사람들은 그 샘을 칼리로에의 샘이라 부른다.
§7.21.6τοῦ θεάτρου δὲ ἐγγὺς πεποίηται Πατρεῦσι γυναικὸς ἐπιχωρίας τέμενος.
극장 근처에는 파트라이인들을 위해 이 지역 여인의 성역이 만들어져 있다.
Διονύσου δέ ἐστιν ἐνταῦθα ἀγάλματα, ἴσοι τε τοῖς ἀρχαίοις πολίσμασι καὶ ὁμώνυμοι·
그곳에는 디오니소스의 조각상들이 있는데, 고대의 읍락들과 동수이며 이름도 같다.
Μεσατεὺς γὰρ καὶ Ἀνθεύς τε καὶ Ἀροεύς ἐστιν αὐτοῖς τὰ ὀνόματα.
그 조각상들의 이름은 메사테우스, 안테우스, 아로에우스이다.
ταῦτα τὰ ἀγάλματα ἐν τῇ Διονύσου ἑορτῇ κομίζουσιν ἐς τὸ ἱερὸν τοῦ Αἰσυμνήτου·
이 조각상들을 그들은 디오니소스 축제 때 아이쉼네테스의 신전으로 실어 나른다.
τὸ δὲ ἱερὸν τοῦτο ἐς τὰ ἐπὶ θαλάσσῃ τῆς πόλεως ἐρχομένοις ἔστιν ἐκ τῆς ἀγορᾶς ἐν δεξιᾷ τῆς ὁδοῦ.
이 신전은 광장에서 도시의 해변 쪽으로 가는 이들에게 길 오른편에 있다.
§7.21.7ἀπὸ δὲ τοῦ Αἰσυμνήτου κατωτέρω ἰόντι ἄλλο ἱερὸν καὶ ἄγαλμα λίθου·
아이쉼네테스의 신전에서 더 아래로 내려가는 이들에게는 또 다른 신전과 돌 조각상이 있다.
καλεῖται μὲν Σωτηρίας, ἱδρύσασθαι δὲ αὐτὸ ἐξ ἀρχῆς ἀποφυγόντα φασὶ τὴν μανίαν Εὐρύπυλον.
그것은 소테리아의 신전이라 불리며, 미쳐버린 상태에서 벗어난 에우리퓔로스가 처음에 그것을 세웠다고 전해진다.
πρὸς δὲ τῷ λιμένι Ποσειδῶνός τε ναὸς καὶ ἄγαλμά ἐστιν ὀρθὸν λίθου.
항구 근처에는 포세이돈 신전과 직립한 돌 조각상이 있다.
Ποσειδῶνι δὲ παρὲξ ἢ ὁπόσα ὀνόματα ποιηταῖς πεποιημένα ἐστὶν ἐς ἐπῶν κόσμον καὶ ἰδίᾳ σφίσιν ἐπιχώρια ὄντα ἕκαστοι τίθενται, τοσαίδε ἐς ἅπαντας γεγόνασιν ἐπικλήσεις αὐτῷ, Πελαγαῖος καὶ Ἀσφάλιός τε καὶ Ἵππιος.
포세이돈에게는 시인들이 시를 장식하기 위해 만든 온갖 이름들과, 각 지역 사람들이 자신들 고유의 방언으로 개별적으로 붙인 이름들을 제외하면, 모든 사람들에게 통용되는 칭호로서 펠라가이오스, 아스팔리오스, 히피오스라는 이만큼의 것들이 그에게 있다.