§7.16.1Μόμμιος δὲ Ὀρέστην ἅμα ἀγόμενος, τὸν πρότερον ἐπὶ τῇ Λακεδαιμονίων διαφορᾷ καὶ Ἀχαιῶν ἐλθόντα, ἀφίκετο μὲν περὶ ὄρθρον ἐς τὸ τῶν Ῥωμαίων στράτευμα, ἀποπέμψας δὲ ἐς Μακεδονίαν Μέτελλον καὶ ὅσον εἵπετο ἐκείνῳ, ἀνέμενεν αὐτὸς ἐν τῷ ἰσθμῷ τὴν πᾶσαν ἀθροισθῆναι παρασκευήν.
뭄미우스는 이전에 라케다이몬인들과 아카이아인들의 분쟁을 조율하기 위해 파견되었던 오레스테스를 동반하고 새벽녘에 로마군 진영에 도착했다. 그는 메텔루스와 그를 따르던 이들을 마케도니아로 돌려보낸 뒤, 자신은 지협에 머물며 모든 군비가 집결하기를 기다렸다.
ἀφίκετο δὲ ἱππικὸν μὲν πεντακόσιοί τε καὶ τρισχίλιοι, τοῦ πεζοῦ δὲ ἀριθμὸς ἐγένετο ἐς μυριάδας δύο προσόντων καὶ τούτοις τρισχιλίων·
도착한 군세는 기병이 삼천오백 명이었고, 보병의 수는 이만 삼천 명에 달했다.
ἐπῆλθον δὲ καὶ τοξόται Κρῆτες καὶ ἐκ Περγάμου τῆς ὑπὲρ Καΐκου Φιλοποίμην στρατιώτας ἄγων παρὰ Ἀττάλου.
또한 크레타인 궁수들과, 카이코스강 상류의 페르가몬으로부터 아탈로스의 군대를 이끌고 온 필로포이멘도 합류했다.
§7.16.2Μόμμιος μὲν δὴ τῶν τε ἐξ Ἰταλίας τινὰς καὶ τὰ ἐπικουρικὰ ἀπωτέρω δύο τε καὶ δέκα ἔταξε σταδίοις, πρὸ τοῦ παντὸς εἶναι στρατεύματος φυλακήν·
뭄미우스는 이탈리아에서 온 일부 병사들과 보조 부대를 십이 스타디온 떨어진 곳에 배치하여 전군의 전위 수비대로 삼았다.
Ἀχαιοὶ δέ, ἐχόντων ἀφυλακτότερον ὑπὸ φρονήματος τῶν Ῥωμαίων, ἐπιτίθενται ἐπὶ φυλακῆς αὐτοῖς τῆς πρώτης, καὶ τοὺς μὲν φονεύουσι, πλείονας δὲ ἔτι ἐς τὸ στρατόπεδον κατεῖρξαν, καὶ ἀσπίδας ὅσον τε πεντακοσίας εἷλον.
그러나 아카이아인들은 로마인들이 자만심 때문에 방비를 소홀히 하고 있는 틈을 타, 이 첫 번째 수비대를 공격하여 일부를 죽이고 더 많은 이들을 진영 안으로 몰아넣었으며, 방패를 오백 개가량 노획했다.
ἀπὸ τούτου δὲ τοῦ ἔργου καὶ ἐπήρθησαν οἱ Ἀχαιοὶ ποιήσασθαι τὴν ἔξοδον πρότερον πρὶν ἢ Ῥωμαίους ἄρχειν μάχης·
이 성과로 고무된 아카이아인들은 로마군이 전투를 시작하기 전에 먼저 출격하기로 결심했다.
§7.16.3ὡς δὲ ἀντεπῆγε καὶ ὁ Μόμμιος, οἱ μὲν ἐς τὸ ἱππικὸν τῶν Ἀχαιῶν ταχθέντες αὐτίκα ᾤχοντο φεύγοντες, τῆς Ῥωμαίων ἵππου μηδὲ τὴν πρώτην ἔφοδον ὑπομείναντες·
뭄미우스 역시 반격에 나서자, 아카이아인들의 기병에 배치되었던 자들은 로마 기병의 첫 번째 돌격조차 버텨내지 못하고 즉시 도망쳤다.
ὁ δὲ πεζὸς στρατὸς ἀθύμως μὲν εἶχεν ἐπὶ τῶν ἱππέων τῇ τροπῇ, δεξάμενοι δὲ τὴν ἐμβολὴν τοῦ ὁπλιτικοῦ τοῦ Ῥωμαίων βιαζόμενοί τε τῷ πλήθει καὶ ἀπαγορεύοντες τοῖς τραύμασιν ὅμως ἀντεῖχον ὑπὸ τοῦ θυμοῦ, πρίν γε δὴ Ῥωμαίων λογάδες χίλιοι προσπεσόντες κατὰ τὰ πλάγια ἐς τελέαν τοὺς Ἀχαιοὺς φυγὴν κατέστησαν.
보병 부대는 기병의 패주로 낙담했으나, 로마 중장보병의 공격을 받아내며 머릿수에서 밀리고 부상으로 지쳐가면서도 투지로 버텨냈다. 그러나 결국 로마의 정예병 천 명이 측면에서 습격해 오자 아카이아인들은 완전히 패주하고 말았다.
§7.16.4εἰ δὲ ἐτόλμησεν ἐσδραμεῖν μετὰ τὴν μάχην Δίαιος ἐς Κόρινθον καὶ ὑποδέξασθαι τῷ τείχει τοὺς διαπίπτοντας ἐκ τῆς φυγῆς, κἂν εὕρασθαί τι παρὰ Μομμίου οἱ Ἀχαιοὶ φιλάνθρωπον ἐδυνήθησαν, ἐς πολιορκίαν καὶ τριβὴν πολέμου καταστάντες·
만약 디아이오스가 전투 후에 코린토스로 달려 들어가 도망쳐 나오는 이들을 성벽 안으로 받아들이는 용기를 냈더라면, 포위전과 장기전으로 들어가 뭄미우스로부터 얼마간 관대한 처분을 얻어낼 수도 있을 것이다.
νῦν δὲ ἀρχομένων ἔτι ἐνδιδόναι τῶν Ἀχαιῶν εὐθὺ Μεγάλης πόλεως ἔφευγεν ὁ Δίαιος, οὐδέν τι γενόμενος ἐς Ἀχαιοὺς ὅμοιος ἢ καὶ Καλλίστρατος ὁ Ἐμπέδου πρὸς Ἀθηναίους.
하지만 현실은 아카이아인들이 막 무너지기 시작했을 때 디아이오스는 메갈로폴리스를 향해 곧장 도망쳤으니, 그의 행동은 엔페도스의 아들 칼리스트라토스가 아테나인들에게 보여준 모습과는 전혀 딴판이었다.
§7.16.5τούτῳ γὰρ τῷ ἀνδρὶ ἱππαρχήσαντι ἐν Σικελίᾳ, ὅτε Ἀθηναῖοι καὶ ὅσοι ἄλλοι τοῦ στόλου μετεσχήκεσαν ἀπώλλυντο πρὸς τῷ ποταμῷ τῷ Ἀσινάρῳ, τούτῳ τότε τῷ Καλλιστράτῳ παρέστη τόλμα διεκπαῖσαι διὰ τῶν πολεμίων ἄγοντι τοὺς ἱππέας·
시켈리아에서 기병대장을 지낸 칼리스트라토스는, 아테나인들과 원정에 동참했던 다른 모든 이들이 아시나로스강가에서 전멸당하고 있을 때, 기병들을 이끌고 적진을 돌파하는 용기를 보여주었다.
ὡς δὲ τὸ πολὺ ἀπέσωσεν αὐτῶν ἐς Κατάνην, ἀνέστρεφεν ὀπίσω τὴν αὐτὴν αὖθις ὁδὸν ἐς Συρακούσας, διαρπάζοντας δὲ ἔτι εὑρὼν τὸ Ἀθηναίων στρατόπεδον καταβάλλει τε ὅσον πέντε ἐξ αὐτῶν, καὶ τραύματα ἐπίκαιρα αὐτὸς καὶ ὁ ἵππος λαβόντες ἀφιᾶσι τὴν ψυχήν.
그리고 그들 대부분을 카타네로 안전하게 대피시킨 뒤, 다시 왔던 길을 되돌아 슈라쿠사이로 가 아테나군 진영을 약탈하고 있던 적들 중 다섯 명가량을 베었으나, 자신과 말 모두 치명상을 입고 숨을 거두었다.