§4.4.1ἐπὶ δὲ Φίντα τοῦ Συβότα πρῶτον Μεσσήνιοι τότε τῷ Ἀπόλλωνι ἐς Δῆλον θυσίαν καὶ ἀνδρῶν χορὸν ἀποστέλλουσι·
쉬보타스의 아들 핀타스 시대에, 메세니아인들은 이때 처음으로 델로스 섬의 아폴론에게 희생 제물과 남성 합창단을 파견했다.
τὸ δέ σφισιν ᾆσμα προσόδιον ἐς τὸν θεὸν ἐδίδαξεν Εὔμηλος, εἶναί τε ὡς ἀληθῶς Εὐμήλου νομίζεται μόνα τὰ ἔπη ταῦτα.
신에게 바치는 그 행진가를 가르친 것은 에우멜로스이며, 이 시 구절들만이 진정으로 에우멜로스의 작으로 여겨진다.
ἐγένετο δὲ καὶ πρὸς Λακεδαιμονίους ἐπὶ τῆς Φίντα βασιλείας διαφορὰ πρῶτον, ἀπὸ αἰτίας ἀμφισβητουμένης μὲν καὶ ταύτης, γενέσθαι δὲ οὕτω λεγομένης.
또한 핀타스의 치세 하에 라케다이몬인들과의 사이에 처음으로 불화가 생겼는데, 이 원인 역시 논란이 있으나 다음과 같이 일어났다고 전해진다.
§4.4.2ἔστιν ἐπὶ τοῖς ὅροις τῆς Μεσσηνίας ἱερὸν Ἀρτέμιδος καλουμένης Λιμνάτιδος, μετεῖχον δὲ αὐτοῦ μόνοι Δωριέων οἵ τε Μεσσήνιοι καὶ οἱ Λακεδαιμόνιοι.
메세니아의 국경에는 림나티스라 불리는 아르테미스의 성역이 있었는데, 도리스인 중에서는 오직 메세니아인과 라케다이몬인만이 여기에 참여했다.
Λακεδαιμόνιοι μὲν δή φασιν ὡς παρθένους αὑτῶν παραγενομένας ἐς τὴν ἑορτὴν αὐτάς τε βιάσαιντο ἄνδρες τῶν Μεσσηνίων καὶ τὸν βασιλέα σφῶν ἀποκτείναιεν πειρώμενον κωλύειν, Τήλεκλον Ἀρχελάου τοῦ Ἀγησιλάου τοῦ Δορύσσου τοῦ Λαβώτα τοῦ Ἐχεστράτου τοῦ Ἄγιδος, πρός τε δὴ τούτοις τὰς βιασθείσας τῶν παρθένων διεργάσασθαι λέγουσιν αὑτὰς ὑπὸ αἰσχύνης·
라케다이몬인들은 자신들의 처녀들이 축제에 참가하러 왔을 때 메세니아의 남성들이 그들을 습격하여 난폭하게 굴었고, 이를 저지하려던 그들의 왕 텔레클로스(아르케라오스의 아들, 아게실라오스의 아들, 도리소스의 아들, 라보타스의 아들, 에케스트라토스의 아들, 아기스의 아들)를 살해했다고 주장한다. 또한 여기에 더해, 난폭한 짓을 당한 처녀들이 수치심을 이기지 못해 스스로 목숨을 끊었다고 그들은 말한다.
§4.4.3Μεσσήνιοι δὲ τοῖς ἐλθοῦσι σφῶν ἐς τὸ ἱερὸν πρωτεύουσιν ἐν Μεσσήνῃ κατὰ ἀξίωμα, τούτοις φασὶν ἐπιβουλεῦσαι Τήλεκλον, αἴτιον δὲ εἶναι τῆς χώρας τῆς Μεσσηνίας τὴν ἀρετήν, ἐπιβουλεύοντα δὲ ἐπιλέξαι Σπαρτιατῶν ὁπόσοι πω γένεια οὐκ εἶχον, τούτους δὲ ἐσθῆτι καὶ κόσμῳ τῷ λοιπῷ σκευάσαντα ὡς παρθένους ἀναπαυομένοις τοῖς Μεσσηνίοις ἐπεισαγαγεῖν, δόντα ἐγχειρίδια·
반면 메세니아인들은 성역에 온 이들 중 메세니아에서 지위가 가장 높은 자신들의 유력자들을 상대로 텔레클로스가 음모를 꾸몄다고 주장한다. 그 원인은 메세니아 땅의 비옥함에 있었으며, 텔레클로스가 음모를 꾸며 스파르타인들 중 아직 수염이 나지 않은 청년들을 골라, 그들에게 의복과 그 밖의 장식을 입혀 처녀처럼 꾸민 뒤 휴식을 취하고 있던 메세니아인들에게 단검을 쥐여 보내 침투시켰다는 것이다.
καὶ τοὺς Μεσσηνίους ἀμυνομένους τούς τε ἀγενείους νεανίσκους καὶ αὐτὸν ἀποκτεῖναι Τήλεκλον, Λακεδαιμονίους δὲ—οὐ γὰρ ἄνευ τοῦ κοινοῦ ταῦτα βουλεῦσαι σφῶν τὸν βασιλέα—συνειδότας ὡς ἄρξαιεν ἀδικίας, τοῦ φόνου σφᾶς τοῦ Τηλέκλου δίκας οὐκ ἀπαιτῆσαι.
그리하여 메세니아인들이 자구책으로 그 수염 없는 청년들과 텔레클로스 자신을 살해하게 되었다고 한다. 또한 라케다이몬인들은――그들의 왕이 공동체의 동의 없이 이런 일을 꾸몄을 리 없고, 자신들이 먼저 불의를 시작했음을 자각했기 때문에――텔레클로스의 살해에 대해 처벌을 요구하지 않았다고 한다.
ταῦτα μὲν ἑκάτεροι λέγουσι, πειθέσθω δὲ ὡς ἔχει τις ἐς τοὺς ἑτέρους σπουδῆς.
양측은 이와 같이 말하니, 어느 한쪽에 대한 호의의 정도에 따라 각자 믿는 바대로 따를 일이다.
§4.4.4γενεᾷ δὲ ὕστερον βασιλεύοντος ἐν Λακεδαίμονι Ἀλκαμένους τοῦ Τηλέκλου, τῆς δὲ οἰκίας τῆς ἑτέρας Θεοπόμπου τοῦ Νικάνδρου τοῦ Χαρίλλου τοῦ Πολυδέκτου τοῦ Εὐνόμου τοῦ Πρυτάνιδος τοῦ Εὐρυπῶντος, Μεσσηνίων δὲ Ἀντιόχου καὶ Ἀνδροκλέους τῶν Φίντα, Λακεδαιμονίων καὶ Μεσσηνίων ἐξήρθη τὸ ἐς ἀλλήλους μῖσος·
한 세대 뒤, 라케다이몬에서는 텔레클로스의 아들 알카메네스가 다스리고, 다른 왕가에서는 테오폼포스(니칸드로스의 아들, 카릴로스의 아들, 폴리덱테스의 아들, 에우노모스의 아들, 프리타니스의 아들, 에우뤼폰의 아들)가 다스렸으며, 메세니아에서는 핀타스의 아들 안티오코스와 안드로클레스가 다스릴 때, 라케다이몬인과 메세니아인의 서로에 대한 증오가 격렬하게 타올랐다.
καὶ ἦρξαν οἱ Λακεδαιμόνιοι πολέμου, ἐπιγενομένης ἀφορμῆς σφισιν ἐθελέχθρως μὲν ἔχουσι καὶ πολεμῆσαι πάντως ἐγνωκόσιν οὐ μόνον ἀποχρώσης ἀλλὰ καὶ τὰ μάλιστα εὐπροσώπου, μετὰ δὲ εἰρηνικωτέρας γνώμης κἂν διελύθη δικαστηρίου γνώσει.
그리고 라케다이몬인들이 전쟁을 일으켰다. 그들에게 계기가 생겼는데, 적의를 품고 반드시 전쟁을 하겠다고 결심한 자들에게는 충분할 뿐만 아니라 더할 나위 없이 그럴듯한 핑계였으나, 더 평화적인 생각을 지녔더라면 법정의 판결로도 해결될 수 있었을 일이었다.
τὰ δὲ συμβάντα ἔσχεν οὕτω.
일어난 일은 다음과 같았다.
§4.4.5Πολυχάρης Μεσσήνιος τά τε ἄλλα οὐκ ἀφανὴς καὶ νίκην Ὀλυμπίασιν ἀνῃρημένος —τετάρτην Ὀλυμπιάδα ἦγον Ἠλεῖοι καὶ ἀγώνισμα ἦν σταδίου μόνον, ὅτε ὁ Πολυχάρης ἐνίκησεν—, τούτῳ τῷ ἀνδρὶ ἐγένοντο βοῦς·
메세니아인 폴리카레스는 다른 면에서도 이름이 알려진 인물이었고 올림피아에서 우승을 거둔 적도 있었는데――엘리스인들이 제4회 올림피아를 개최하고 경기 종목은 스타디온 달리기뿐이었을 때 폴리카레스가 우승했다――이 남성에게는 소들이 있었다.
καὶ—οὐ γὰρ ἐκέκτητο ἰδίαν γῆν ὡς νομὰς ταῖς βουσὶν ἱκανὰς εἶναι—Σπαρτιάτῃ σφᾶς δίδωσιν Εὐαίφνῳ βόσκεσθαί τε ἐν ἐκείνου καὶ μοῖραν εἶναι καὶ Εὐαίφνῳ τοῦ καρποῦ τῶν βοῶν.
그리고――그는 소들에게 충분한 목초지가 될 사유지를 갖고 있지 못했기 때문에――스파르타인 에우아이프노스에게 소들을 맡겨 그의 땅에서 방목하게 하고, 에우아이프노스에게도 소에게서 나오는 이득의 몫을 나누어 주기로 했다.
§4.4.6ἦν δὲ ἄρα τοιόσδε τις ὁ Εὔαιφνος, κέρδη τε ἄδικα ἐπίπροσθεν ἢ πιστὸς εἶναι ποιούμενος καὶ ἄλλως αἱμύλος·
그러나 에우아이프노스는 실로 이러한 자였으니, 신의를 지키기보다 불의한 이익을 우선시하고 그 밖에도 간사한 인물이었다.
ὃς καὶ τότε καταπλεύσασιν ἐς τὴν Λακωνικὴν ἐμπόροις ἀποδόμενος βοῦς τὰς Πολυχάρους ἦλθεν αὐτὸς ὡς Πολυχάρην ἄγγελος, ἐλθὼν δὲ ἀποβάντας ἔλεγεν ἐς τὴν χώραν λῃστὰς καὶ βιασαμένους αὐτὸν λείαν βοῦς τε ἄγεσθαι καὶ βουκόλους.
그는 그때 라코니아에 기항한 상인들에게 폴리카레스의 소들을 팔아넘기고, 스스로 사자가 되어 폴리카레스에게 왔다. 그리고 와서는 해적들이 땅에 상륙하여 자신에게 난폭한 짓을 저지르고 소들과 소몰이꾼들을 약탈품으로 끌고 갔다고 말했다.
ἕως δὲ οὗτος παρέπειθεν, ἐν τούτῳ τῶν τις βουκόλων ἀποδιδράσκει τοὺς ἐμπόρους, ἐπανήκων δὲ καταλαμβάνει τε αὐτοῦ παρὰ τῷ δεσπότῃ τὸν Εὔαιφνον καὶ Πολυχάρους ἐναντίον ἤλεγχεν.
그가 이렇게 속여 넘기고 있는 동안, 소몰이꾼 중 한 명이 상인들에게서 탈출하여 돌아와, 주인의 곁에 에우아이프노스가 있는 것을 발견하고 폴리카레스 앞에서 그의 거짓을 폭로했다.
§4.4.7ἁλισκόμενος δὲ καὶ οὐκ ἔχων ἀπαρνήσασθαι πολλὰ μὲν αὐτὸν Πολυχάρην, πολλὰ δὲ καὶ τοῦ Πολυχάρους τὸν παῖδα ἱκέτευε νεῖμαί οἱ συγγνώμην·
들통이 나서 더 이상 부인할 수 없게 되자, 그는 폴리카레스 자신과 폴리카레스의 아들에게 수없이 애원하며 용서를 빌었다.
ἐν γὰρ τῇ ἀνθρωπίνῃ φύσει καὶ ἄλλων ἐνόντων, ἐφʼ οἷς βιαζόμεθα ἄδικοι γίνεσθαι, τὰ κέρδη μεγίστην ἀνάγκην ἔχειν·
인간의 본성에는 우리가 불의를 저지르게 만드는 다른 요인들도 있지만, 이익이야말로 가장 강력한 강제력을 지닌다고 변명했다.
τιμὴν δὲ ἥντινα εἰλήφει τῶν βοῶν, λόγῳ τε ἀπέφαινε καὶ τὸν παῖδα ἠξίου τὸν Πολυχάρους ἕπεσθαί οἱ κομιούμενον.
그리고 소 값으로 자신이 받은 금액을 말로 제시하며, 폴리카레스의 아들에게 그것을 받으러 자신을 따라오라고 요청했다.
ὡς δὲ προϊόντες ἐγίνοντο ἐν τῇ Λακωνικῇ, ἔργον ἐτόλμησεν Εὔαιφνος ἀνοσιώτερον τοῦ προτέρου·
그리하여 그들이 나아가 라코니아에 들어섰을 때, 에우아이프노스는 이전보다 더 신성모독적인 행위를 감행했다.
§4.4.8φονεύει τοῦ Πολυχάρους τὸν υἱόν.
그는 폴리카레스의 아들을 살해했다.
ὁ δὲ ὡς καὶ ταῦτα ἔγνω πεπονθώς, φοιτῶν ἐς τὴν Λακεδαίμονα τοῖς βασιλεῦσιν ἦν καὶ τοῖς ἐφόροις διʼ ὄχλου, πολλὰ μὲν τὸν παῖδα ἀνακλαίων, καταριθμούμενος δὲ οἷα ὑπὸ Εὐαίφνου πεπονθὼς ἦν, ὃν αὐτὸς ξένον ἐποιήσατο καὶ πρὸ πάντων Λακεδαιμονίων ἐπίστευσεν.
그가 이러한 일까지 당했음을 알게 되자, 라케다이몬으로 거듭 찾아가 왕들과 에포로이들에게 끈질기게 매달리며, 아들의 죽음을 크게 통곡하고, 자신이 에우아이프노스에게서 당한 일들을 낱낱이 열거했다. 그는 에우아이프노스를 자신의 객우로 삼았고 모든 라케다이몬인 중에서 가장 신뢰했던 것이다.
ὡς δέ οἱ συνεχῶς ἰόντι ἐπὶ τὰς ἀρχὰς οὐδεμία ἐγίνετο τιμωρία, ἐνταῦθα παρετράπη τε ὁ Πολυχάρης ἐκ τοῦ νοῦ καὶ τῷ θυμῷ χρώμενος, ἅτε ἔχων ἀφειδῶς ἤδη καὶ αὑτοῦ, πάντα τινὰ ὃν λάβοι Λακεδαιμονίων ἐτόλμα φονεύειν.
그러나 그가 관청에 끊임없이 찾아갔음에도 아무런 처벌이 내려지지 않자, 여기서 폴리카레스는 이성을 잃고 분노에 휩싸여, 이미 자신의 목숨조차 돌보지 않게 되었으므로 붙잡은 라케다이몬인은 누구든 가리지 않고 살해하기 시작했다.