§4.28.1κατελθοῦσι δὲ αὐτοῖς κατʼ ἀρχὰς μὲν ἀπὸ Λακεδαιμονίων δεινὸν ἦν οὐδέν·
그들이 귀환했을 때, 처음에는 라케다이몬인들로부터 두려워할 만한 것이 아무것도 없었다.
κατεχόμενοι γὰρ οἱ Λακεδαιμόνιοι φόβῳ τῷ Θηβαίων Μεσσήνης τε ἠνείχοντο ἐποικιζομένης καὶ Ἀρκάδων ἐς μίαν ἠθροισμένων πόλιν.
라케다이몬인들은 테바이인들에 대한 두려움에 사로잡혀 있었기에, 메세네가 재건되는 것과 아르카디아인들이 하나의 도시로 모이는 것을 용인하고 있었기 때문이다.
ὡς δὲ ὁ πόλεμος ὁ Φωκικός, καλούμενος δὲ ὁ αὐτὸς οὗτος καὶ ἱερός, ἀπήγαγεν ἐκ Πελοποννήσου Θηβαίους, ἀνεθάρρησάν τε οἱ Λακεδαιμόνιοι καὶ τῶν Μεσσηνίων οὐκέτι ἐδύναντο ἀπέχεσθαι.
그러나 포키스 전쟁(동일한 이 전쟁은 신성 전쟁이라고도 불린다)이 테바이인들을 펠로폰네소스에서 떠나게 만들자, 라케다이몬인들은 다시 용기를 얻어 더 이상 메세니아인들에 대한 공격을 삼갈 수 없게 되었다.
§4.28.2Μεσσήνιοι δὲ αὐτοί τε μετὰ Ἀργείων καὶ Ἀρκάδων ἀντεῖχον τῷ πολέμῳ καὶ Ἀθηναίων ἀμῦναί σφισιν ἐδεήθησαν·
메세니아인들 자신은 아르고스인 및 아르카디아인들과 함께 전쟁을 버텨내며 아테네인들에게 자신들을 구원해 달라고 요청했다.
οἱ δὲ ἐς μὲν τὴν Λακωνικὴν οὔποτε μετὰ ἐκείνων ἐσβαλεῖν ἔφασαν, ἀρχόντων δὲ Λακεδαιμονίων πολέμου καὶ ἐπιστρατευόντων τῇ Μεσσηνίᾳ παρέσεσθαι καὶ αὐτοί σφισιν ἐπηγγέλλοντο.
아테네인들은 라코니케로는 결코 그들과 함께 침입하지 않겠다고 말했으나, 라케다이몬인들이 전쟁을 일으켜 메세니아로 원정을 온다면 자신들도 구원하러 가겠다고 약속했다.
τέλος δὲ οἱ Μεσσήνιοι Φιλίππῳ σύμμαχοι τῷ Ἀμύντου καὶ Μακεδόσιν ἐγένοντο, καὶ τοῦτο σφᾶς λέγουσιν ἀποκωλῦσαι τοῦ συμβάντος τοῖς Ἕλλησιν ἀγῶνος ἐν Χαιρωνείᾳ μὴ μετασχεῖν·
결국 메세니아인들은 아민타스의 아들 필리포스 및 마케도니아인들의 동맹국이 되었고, 이것이 카이로네이아에서 그리스인들에게 일어난 전투에 그들이 참여하는 것을 막았다고 사람들은 말한다.
οὐ μὴν οὐδὲ τοῖς Ἕλλησιν ἐναντία θέσθαι τὰ ὅπλα ἠθέλησαν.
그렇다고 해서 그들이 그리스인들을 적으로 돌려 무기를 들기를 원치도 않았다.
§4.28.3Ἀλεξάνδρου δὲ ἀποθανόντος καὶ τῶν Ἑλλήνων πόλεμον δεύτερον τότε ἀνῃρημένων πρὸς Μακεδόνας, μετέσχον καὶ οἱ Μεσσήνιοι τοῦ πολέμου, καθὰ καὶ πρότερον ἐδήλωσα ἐν τῇ Ἀτθίδι συγγραφῇ.
알렉산드로스가 사망하고 그리스인들이 마케도니아인들을 상대로 당시 두 번째 전쟁을 일으켰을 때, 메세니아인들도 그 전쟁에 참여했으니, 내가 앞서 『아티카 전기』에서 밝힌 바와 같다.
Γαλάταις δὲ μεθʼ Ἑλλήνων οὐκ ἐμαχέσαντο, Κλεωνύμου καὶ Λακεδαιμονίων σπείσασθαι σπονδάς σφισιν οὐ θελησάντων.
그러나 갈라티아인들과는 그리스인들과 함께 싸우지 않았는데, 클레오뉘모스와 라케다이몬인들이 그들과 조약을 맺기를 원치 않았기 때문이다.
§4.28.4οὐ πολλῷ δὲ ὕστερον ἔσχον Ἦλιν Μεσσήνιοι, σοφίᾳ τε ὁμοῦ χρησάμενοι καὶ τολμήματι.
그로부터 얼마 지나지 않아 메세니아인들은 지혜와 대담함을 동시에 발휘하여 엘리스를 차지했다.
Ἠλεῖοι γὰρ τὰ μὲν παλαιότατα εὐνομώτατοι Πελοποννησίων ἦσαν· Φιλίππου δὲ τοῦ Ἀμύντου τά τε ἄλλα ὁπόσα εἴρηται κακουργήσαντος τὴν Ἑλλάδα καὶ Ἠλείων τοὺς δυνατοὺς διαφθείραντος χρήμασι, στασιάζουσι πρῶτον τότε Ἠλεῖοι καὶ ἐς ὅπλα, ὡς λέγουσι, χωροῦσι.
엘리스인들은 아주 옛날에는 펠로폰네소스인들 중에서 가장 훌륭한 법질서를 유지하고 있었으나, 아민타스의 아들 필리포스가 이미 언급한 다른 모든 방식으로 그리스에 해를 끼치고 엘리스의 권력자들을 돈으로 매수하자, 엘리스인들은 그때 처음으로 내분에 휩싸였고, 사람들이 말하듯 무력을 행사하기에 이르렀기 때문이다.
§4.28.5τὸ δὲ ἀπὸ τούτου ῥᾷον ἔτι ἔμελλον ἀπεχθήσεσθαι πρὸς ἀλλήλους, οἷς γε καὶ Λακεδαιμονίων ἕνεκα διέστη τὰ βουλεύματα, καὶ ἐς ἔμφυλον προῆλθον πόλεμον.
그 이후로 그들은 서로 더 쉽게 반목하게 될 수밖에 없었는데, 라케다이몬인들 때문에 그들의 결의마저 갈라져 내전으로 치달았기 때문이다.
πυνθανόμενοι δὲ ταῦτα οἱ Λακεδαιμόνιοι παρεσκευάζοντο ὡς Ἠλείων τοῖς φρονοῦσι τὰ σφέτερα ἀμυνοῦντες.
라케다이몬인들은 이를 전해 듣고 엘리스인들 중 자신들의 편을 드는 자들을 돕고자 준비했다.
καὶ οἱ μὲν κατὰ τέλη τε ἐτάσσοντο καὶ διενέμοντο ἐς τοὺς λόχους· τῶν δὲ Μεσσηνίων λογάδες χίλιοι φθάνουσιν ἀφικόμενοι πρὸς τὴν Ἦλιν, σημεῖα ἐπὶ ταῖς ἀσπίσι Λακωνικὰ ἔχοντες.
그리하여 그들이 부대별로 전열을 정비하고 대대별로 배치되는 동안, 메세니아인들의 정예병 천 명이 방패에 라코니아의 표식을 그려 넣은 채 엘리스에 먼저 도착했다.
§4.28.6ὡς δὲ τὰς ἀσπίδας ἐθεάσαντο ὅσοι τοῖς Σπαρτιάταις εὖνοι τῶν Ἠλείων ἦσαν, συμμαχίαν τε ἀφῖχθαί σφισιν ἤλπισαν καὶ τοὺς ἄνδρας ἐδέχοντο ἐς τὸ τεῖχος·
엘리스인들 중 스파르타인들에게 우호적이었던 자들이 그 방패를 보았을 때, 자신들을 도울 동맹군이 도착했다고 기대하며 그 사람들을 성벽 안으로 맞아들였다.
ἐσελθόντες δὲ τρόπον οἱ Μεσσήνιοι τὸν εἰρημένον τοὺς τὰ Λακεδαιμονίων φρονοῦντας ἐδίωξαν, καὶ ἐπιτρέπουσι τοῖς στασιώταις τοῖς αὑτῶν τὴν πόλιν.
그러나 앞서 말한 방식으로 진입한 메세니아인들은 라케다이몬인들을 지지하는 자들을 쫓아내고, 자신들의 정파 사람들에게 도시를 위임했다.
§4.28.7ἔστι μὲν δὴ τὸ σόφισμα Ὁμήρου, φαίνονται δὲ αὐτὸ ἐν δέοντι μιμησάμενοι καὶ οἱ Μεσσήνιοι, ἐπεὶ Πάτροκλόν γε ἐποίησεν ἐν Ἰλιάδι Ὅμηρος Ἀχιλλέως τὰ ὅπλα ἐνδύντα, καὶ ἐγγενέσθαι τε ἔφη τοῖς βαρβάροις δόξαν ὡς Ἀχιλλεὺς ἐπίοι καὶ τοὺς προτεταγμένους αὐτῶν ταραχθῆναι.
이 책략은 본래 호메로스의 것인데, 메세니아인들도 그것을 적절한 때에 모방한 것으로 보인다. 호메로스는 『일리앗』에서 파트로클로스에게 아킬레우스의 무구를 입혔고, 야만인들 사이에 아킬레우스가 진격해 온다는 착각이 생겨 그들의 전위 부대가 혼란에 빠졌다고 서술했기 때문이다.
εὕρηται δὲ καὶ ἄλλα Ὁμήρῳ στρατηγήματα, δύο τε παρὰ τῶν Ἑλλήνων κατασκόπους ἐν τῇ νυκτὶ ἀνθʼ ἑνὸς ἐς τοὺς Τρῶας ἀφικέσθαι καὶ ἄνδρα ὕστερον λόγῳ μὲν αὐτόμολον, ἔργῳ δὲ τὰ ἀπόρρητα πολυπραγμονήσοντα ἐς τὸ Ἴλιον ἐσελθεῖν.
또한 호메로스에 의해 다른 지략들도 고안되었는데, 그리스인들 편에서 한 명 대신 두 명의 정찰병이 밤중에 트로이아인들에게로 간 일이나, 나중에는 겉으로는 탈영병이지만 실제로는 비밀을 캐내기 위해 일리온으로 들어간 한 남자의 이야기 등이다.
§4.28.8ἔτι δὲ τοὺς διὰ νεότητα ἐν τοῖς Τρωσὶν ἢ γῆρας οὐχ ὡραίους μάχεσθαι, τούτους μὲν τὸ τεῖχος φρουρεῖν ἔταξε, τῶν ἐν ἡλικίᾳ τοῖς Ἕλλησιν ἐπηυλισμένων· Ἑλλήνων δὲ οἱ τὰ τραύματα ἔχοντες ὁπλίζουσιν αὐτῷ τὸ μάχιμον, ἵνα μηδὲ αὐτοὶ παντάπασιν ἀργοῖεν.
나아가 트로이아인들 중 너무 어리거나 늙어서 싸우기에 적절한 연령이 아닌 자들에게는 성벽을 지키도록 명했고(이는 장성한 자들이 그리스인들을 마주하여 야영하고 있는 동안의 일이다), 그리스인들 중에서 부상을 입은 자들이 그의 묘사 속에서 전투원들을 무장시키도록 하여, 그들 자신도 결코 완전히 무위도식하지 않게 했다.
τὰ Ὁμήρου μὲν οὖν ὠφέλιμα ἐγένετο ἐς ἅπαντα ἀνθρώποις·
이처럼 호메로스의 유산은 인간에게 모든 면에서 유익한 것이 되었다.