§3.4.6εἴη δʼ ἂν καὶ τὰ μηνίματα ἔκ τε ἡρώων ὁμοῦ καὶ θεῶν ἐς τὸ αὐτὸ τῷ Κλεομένει συνεληλυθότα, ἐπεί τοι καὶ ἰδίᾳ Πρωτεσίλαος ἐν Ἐλαιοῦντι οὐδὲν ἥρως Ἄργου φανερώτερος ἄνδρα Πέρσην ἐτιμωρήσατο Ἀρταΰκτην καὶ Μεγαρεῦσιν οὔ ποτε θεῶν τῶν ἐν Ἐλευσῖνι ὄντων ἐξεγένετο ἱλάσασθαι τὸ μήνιμα γῆν ἐπεργασαμένοις τὴν ἱεράν.
영웅들과 신들 모두의 분노가 동시에 클레오메네스에게 겹쳤던 것인지도 모른다. 개별적인 경우에서도, 엘라이우스의 영웅 프로테실라오스는 아르고스 영웅에 못지않게 분명하게 페르시아인 아르타윅테스를 처벌했으며, 엘레우시스에 있는 신들의 성지를 경작한 메가라인들에게는 그 분노를 달래는 일이 결코 허락되지 않았기 때문이다.
τὰ δὲ ἐς τοῦ μαντείου τὴν διάπειραν οὐδὲ τὸ παράπαν ἄλλον γε οὐδένα ὅτι μὴ μόνον Κλεομένην τολμήσαντα ἴσμεν.
그러나 신탁소를 시험하는 대담한 짓에 관해서는, 오직 클레오메네스 한 사람 외에는 다른 그 누구도 결코 감행하지 않았음을 우리는 알고 있다.
§3.4.7Κλεομένει δὲ οὐκ ὄντων ἀρρένων παίδων ἐς Λεωνίδαν τὸν Ἀναξανδρίδου, Δωριέως δὲ ἀπʼ ἀμφοτέρων ἀδελφόν, κατέβαινεν ἡ ἀρχή.
클레오메네스에게는 남자 아이가 없었으므로, 아낙산드리데스의 아들이자 도리에우스와는 양친이 같은 형제인 레오니다스에게 왕위가 내려갔다.
καὶ Ξέρξης τε τηνικαῦτα ἐπὶ τὴν Ἑλλάδα ἤγαγε τὸν λαὸν καὶ Λεωνίδας τριακοσίοις ὁμοῦ Λακεδαιμονίων ἀπήντησεν ἐς Θερμοπύλας.
그때 크세르크세스가 그리스로 군대를 이끌고 왔고, 레오니다스는 약 삼백 명의 라케다이몬인들과 함께 테르모필레로 맞서 나갔다.
γεγόνασι μὲν δὴ πόλεμοι καὶ Ἑλλήνων πολλοὶ καὶ ἐς ἀλλήλους βαρβάρων, εὐαρίθμητοι δὲ ὁπόσους ἀνδρὸς ἑνὸς μάλιστα ἀρετὴ προήγαγεν ἐς πλέον δόξης, ὡς Ἀχιλλεύς τε τὸν πρὸς Ἰλίῳ πόλεμον καὶ Μιλτιάδης τὸ Μαραθῶνι ἔργον.
그리스인들 사이에서도, 이민족들 사이에서도 참으로 많은 전쟁이 일어났으나, 단 한 사람의 탁월함 덕분에 더 큰 명성을 얻게 된 전쟁은 손에 꼽을 정도이다. 아킬레우스가 일리온에서의 전쟁을, 밀티아데스가 마라톤에서의 위업을 그렇게 만들었듯이 말이다.
ἀλλὰ γὰρ τὸ Λεωνίδου κατόρθωμα ὑπερεβάλετο ἐμοὶ δοκεῖν τά τε ἀνὰ χρόνον συμβάντα καὶ τὰ ἔτι πρότερον.
하지만 내가 보기에 레오니다스의 위업은 그 후에 일어난 일들과 그보다 훨씬 이전에 일어난 일들 모두를 능가한다.
§3.4.8Ξέρξῃ γὰρ βασιλέων, ὁπόσοι Μήδοις καὶ Πέρσαις ἐγένοντο ὕστερον, παρασχομένῳ μέγιστον φρόνημα καὶ ἀποδειξαμένῳ λαμπρὰ οὕτω, κατὰ τὴν πορείαν Λεωνίδας σὺν ὀλίγοις, οὓς ἠγάγετο ἐς Θερμοπύλας, ἐγένετο ἂν ἐμποδὼν μηδὲ ἀρχὴν τὴν Ἑλλάδα ἰδεῖν αὐτὸν μηδὲ Ἀθηναίων ποτὲ ἐμπρῆσαι τὴν πόλιν, εἰ μὴ κατὰ τὴν ἀτραπὸν τὴν διὰ τῆς Οἴτης τείνουσαν περιαγαγὼν τὴν μετὰ Ὑδάρνου στρατιὰν ὁ Τραχίνιος κυκλώσασθαί σφισι τοὺς Ἕλληνας παρέσχε καὶ οὕτω κατεργασθέντος Λεωνίδου παρῆλθον ἐς τὴν Ἑλλάδα οἱ βάρβαροι.
나중에 메디아인들과 페르시아인들의 왕이 된 모든 왕들 중에서 가장 큰 자부심을 품고 이토록 눈부신 위세를 보여주었던 크세르크세스에게, 그 진군 도중에 레오니다스가 테르모필레로 데려간 소수의 사람들과 함께 장애물이 되었더라면, 만약 트라키스 사람이 오이테산을 통과하는 지름길을 따라 휘다르네스 휘하의 군대를 이끌고 우회하여 그리스인들을 포위하도록 만들지 않았더라면, 그는 애초에 그리스를 보지도 못했을 것이고 아테네인들의 도시를 불태우지도 못했을 것이기 때문이다. 그리하여 이와 같이 레오니다스가 전사한 뒤에야 이민족들은 그리스로 넘어왔다.
§3.4.9Παυσανίας δὲ ὁ Κλεομβρότου βασιλεὺς μὲν οὐκ ἐγένετο·
클레오브로토스의 아들 파우사니아스는 왕이 되지 못했다.
ἐπιτροπεύων γὰρ Πλείσταρχον τὸν Λεωνίδου καταλειφθέντα ἔτι παῖδα ἐς Πλάταιάν τε Λακεδαιμονίους ἤγαγε καὶ ὕστερον ναυσὶν ἐς τὸν Ἑλλήσποντον.
그는 아직 아이로 남겨진 레오니다스의 아들 플레이스타르코스의 후견인으로서 라케다이몬인들을 플라타이아이로 이끌었고, 나중에는 배를 타고 헬레스폰토스로 갔기 때문이다.
Παυσανίου δὲ τὸ ἔργον τὸ ἐς τὴν Κῴαν γυναῖκα ἐν ἐπαίνῳ τίθεμαι μάλιστα, ἥντινα ἀνδρὸς οὐκ ἀδόξου παρὰ Κῴοις θυγατέρα οὖσαν Ἡγητορίδου τοῦ Ἀνταγόρου Φαρανδάτης ὁ Τεάσπιδος, ἀνὴρ Πέρσης, παλλακὴν εἶχεν ἄκουσαν·
나는 파우사니아스가 코스 섬의 여인에게 베푼 행동을 가장 칭송한다. 그녀는 코스인들 사이에서 명망 높은 인물인 안타고라스의 아들 헤게토리데스의 딸이었는데, 테아스피스의 아들인 페르시아인 파란다테스가 그녀를 억지로 첩으로 삼고 있었다.
§3.4.10ἐπεὶ δὲ Πλαταιᾶσι Μαρδόνιός τε ἔπεσεν ἐν τῇ μάχῃ καὶ ἀπώλοντο οἱ βάρβαροι, τὴν γυναῖκα ὁ Παυσανίας ἀπέστειλεν ἐς τὴν Κῶν κόσμον τε ὃν ἐποιήσατο ὁ Πέρσης αὐτῇ καὶ τὴν ἄλλην ἀγομένην κατασκευήν.
플라타이아이에서 마르도니오스가 전사하고 이민족들이 파멸하자, 파우사니아스는 그 여인을 페르시아인이 그녀를 위해 만들어 준 장신구 및 함께 운반되던 다른 집기들과 함께 코스 섬으로 돌려보냈다.
Μαρδονίου τε οὐκ ἠθέλησεν ὁ Παυσανίας αἰσχῦναι τὸν νεκρὸν κατὰ τὴν παραίνεσιν τοῦ Αἰγινήτου Λάμπωνος.
또한 파우사니아스는 아이기나인 람폰의 권유에도 불구하고 마르도니오스의 시신을 모욕하려 하지 않았다.