§3.25.1προελθόντι δὲ ἀπὸ τοῦ μνήματος ἐκδίδωσιν ἐς θάλασσαν ποταμός, ὄνομα δέ οἱ Σκύρας, ὅτι κατὰ τοῦτον ἀνώνυμον τέως ὄντα Πύρρος ὁ Ἀχιλλέως ἔσχε ταῖς ναυσίν, ἡνίκα ἐπὶ τὸν Ἑρμιόνης γάμον ἔπλευσεν ἐκ Σκύρου.
이 무덤으로부터 나아간 사람에게는 바다로 흘러드는 강이 있는데, 그 이름은 스퀴라스라고 한다. 왜냐하면 이 강가에서, 그때까지는 이름이 없었으나, 아킬레우스의 아들 퓌로스가 스퀴로스 섬으로부터 헤르미오네와의 결혼을 위해 항해했을 때 배를 정박시켰기 때문이다.
διαβάντων δὲ τὸν ποταμὸν ἔστιν ἱερὸν ἀρχαῖον ἀπωτέρω Διὸς βωμοῦ.
강을 건너면 제우스의 제단으로부터 조금 떨어진 곳에 오래된 성역이 있다.
τοῦ ποταμοῦ δὲ σταδίους τεσσαράκοντα ἀπέχει Πύρριχος ἐν μεσογαίᾳ.
이 강으로부터 내륙으로 40스타디온 떨어진 곳에 퓌리코스가 있다.
τὸ δὲ ὄνομα τῇ πόλει γενέσθαι φασὶν ἀπὸ Πύρρου τοῦ Ἀχιλλέως, οἱ δὲ εἶναι θεὸν Πύρριχον τῶν καλουμένων §3.25.2Κουρήτων·
이 도시의 이름은 아킬레우스의 아들 퓌로스로부터 유래했다고 말하지만, 다른 이들은 이른바 쿠레테스라 불리는 자들의 신인 퓌리코스로부터 유래한 것이라고 한다.
εἰσὶ δὲ οἳ Σιληνὸν ἐκ Μαλέας ἐλθόντα ἐνταῦθα λέγουσιν οἰκῆσαι.
또한 실레노스가 말레아로부터 이곳으로 와서 살았다고 말하는 사람들도 있다.
τραφῆναι μὲν δὴ τὸν Σιληνὸν ἐν τῇ Μαλέᾳ δηλοῖ καὶ τάδε ἐξ ᾄσματος Πινδάρου
"
ὁ ζαμενὴς δὲ ὁ χοροιτύπος, ὃν Μαλέας ὄρος
ἔθρεψε, Ναΐδος ἀκοίτας, Σιληνός·
실레노스가 말레아에서 자랐다는 것은 핀다로스의 노래에 나오는 다음 구절에서도 분명히 드러난다. "사납고 춤 장단을 맞추는 자, 말레아의 산이 길렀으며, 나이아스의 남편인 실레노스여.
"
ὡς δὲ καὶ Πύρριχος ὄνομα ἦν αὐτῷ, Πινδάρῳ μὲν οὐκ ἔστιν εἰρημένον, λέγουσι δὲ οἱ περὶ τὴν Μαλέαν οἰκοῦντες.
"그러나 그에게 퓌리코스라는 이름도 있었다는 것은 핀다로스에 의해 언급되지는 않았지만, 말레아 주변에 사는 사람들이 그렇게 말한다.
§3.25.3ἔστι δὲ ἐν τῇ Πυρρίχῳ φρέαρ ἐν τῇ ἀγορᾷ, δοῦναι δέ σφισι τὸν Σιληνὸν νομίζουσι·
퓌리코스에는 광장에 우물이 있어, 사람들이 그것을 실레노스가 그들에게 준 것이라 믿는다.
σπανίζοιέν τʼ ἂν ὕδατος, εἰ τὸ φρέαρ τοῦτο ἐπιλείποι.
만일 이 우물이 마른다면 그들은 물이 부족해질 것이다.
θεῶν δὲ ἐν τῇ γῇ σφισιν ἱερά ἐστιν Ἀρτέμιδός τε ἐπίκλησιν Ἀστρατείας, ὅτι τῆς ἐς τὸ πρόσω στρατείας ἐνταῦθα ἐπαύσαντο Ἀμαζόνες, καὶ Ἀπόλλων Ἀμαζόνιος·
그들의 땅에 있는 신들의 성역으로는 '아스트라테이아'라는 이칭을 가진 아르테미스의 성역이 있는데, 이는 아마존들이 더 이상의 원정을 이곳에서 멈추었기 때문이다. 또한 아마조니오스 아폴론의 성역도 있다.
ξόανα μὲν ἀμφότερα, ἀναθεῖναι δὲ λέγουσιν αὐτὰ τὰς ἀπὸ Θερμώδοντος γυναῖκας.
둘 다 목조 신상이며, 테르모돈 강에서 온 여성들이 이것들을 봉헌했다고 전해진다.
§3.25.4ἀπὸ δὲ Πυρρίχου καταβάντι ἐς θάλασσαν ἔστι Τευθρώνη·
퓌리코스로부터 바다로 내려가는 사람에게는 테우트로네가 있다.
τὸν δὲ οἰκιστὴν οἱ ταύτῃ Τεύθραντα Ἀθηναῖον ὄντα ἀποφαίνουσι, τιμῶσι δὲ θεῶν μάλιστα Ἰσσωρίαν Ἄρτεμιν, καὶ πηγή σφισίν ἐστι Ναΐα.
이곳 사람들은 건국자가 아테네인인 테우트라스라고 주장하며, 신들 중에서는 특히 이소리아 아르테미스를 숭배하고, 그들에게는 나이아라는 샘이 있다.
Τευθρώνης δὲ ἀπέχει πεντήκοντα καὶ ἑκατὸν σταδίους ἐς θάλασσαν ἀνέχουσα ἄκρα Ταίναρον, καὶ λιμένες ὅ τε Ἀχίλλειός ἐστι καὶ Ψαμαθοῦς, ἐπὶ δὲ τῇ ἄκρᾳ ναὸς εἰκασμένος σπηλαίῳ καὶ πρὸ αὐτοῦ Ποσειδῶνος ἄγαλμα.
테우트로네로부터 150스타디온 간격으로 바다로 돌출된 타이나론 곶이 있으며, 항구로는 아킬레이오스 와 프사마투스가 있고, 곶 위에는 동굴 모양으로 만들어진 신전이 있으며 그 앞에는 포세이돈의 상이 서 있다.
§3.25.5ἐποίησαν δὲ Ἑλλήνων τινὲς ὡς Ἡρακλῆς ἀναγάγοι ταύτῃ τοῦ Ἅιδου τὸν κύνα, οὔτε ὑπὸ γῆν ὁδοῦ διὰ τοῦ σπηλαίου φερούσης οὔτε ἕτοιμον ὂν πεισθῆναι θεῶν ὑπόγαιον εἶναί τινα οἴκησιν ἐς ἣν ἀθροίζεσθαι τὰς ψυχάς.
그리스인들 중 일부는 헤라클레스가 이곳에서 하데스의 개를 끌어 올렸다고 시로 썼으나, 동굴을 통해 지하로 통하는 길도 없고, 영혼들이 모이는 신들의 지하 거처가 존재한다고 믿는 것도 쉽지 않다.
ἀλλὰ Ἑκαταῖος μὲν ὁ Μιλήσιος λόγον εὗρεν εἰκότα, ὄφιν φήσας ἐπὶ Ταινάρῳ τραφῆναι δεινόν, κληθῆναι δὲ Ἅιδου κύνα, ὅτι ἔδει τὸν δηχθέντα τεθνάναι παραυτίκα ὑπὸ τοῦ ἰοῦ, καὶ τοῦτον ἔφη τὸν ὄφιν ὑπὸ Ἡρακλέους ἀχθῆναι παρʼ Εὐρυσθέα·
그러나 밀레토스의 헤카타이오스는 타이나론에서 무서운 독사가 길러졌으며, 물린 자는 그 독 때문에 즉시 죽어야 했기에 '하데스의 개'라 불렸다고 주장함으로써 그럴듯한 설명을 찾아냈다. 그리고 그는 이 독사가 헤라클레스에 의해 에우뤼스테우스에게 인도되었다고 말했다.
§3.25.6Ὅμηρος δὲ— πρῶτος γὰρ ἐκάλεσεν Ἅιδου κύνα ὅντινα Ἡρακλῆς ἦγεν —οὔτε ὄνομα ἔθετο οὐδὲν οὔτε συνέπλασεν ἐς τὸ εἶδος ὥσπερ ἐπὶ τῇ Χιμαίρᾳ·
그러나 호메로스는—헤라클레스가 데려온 짐승을 최초로 '하데스의 개'라 부른 사람인데—이에 대해 아무런 이름도 붙이지 않았고, 키마이라의 경우처럼 그 형태를 만들어 내지도 않았다.
οἱ δὲ ὕστερον Κέρβερον ὄνομα ἐποίησαν καὶ κυνὶ τἄλλα εἰκάζοντες κεφαλὰς τρεῖς φασιν ἔχειν αὐτὸν, οὐδέν τι μᾶλλον Ὁμήρου κύνα τὸν ἀνθρώπῳ σύντροφον εἰρηκότος ἢ εἰ δράκοντα ὄντα ἐκάλεσεν Ἅιδου κύνα.
그러나 후대의 사람들은 '케르베로스'라는 이름을 붙이고 다른 점들에서는 개와 비슷하게 묘사하면서 그것이 세 개의 머리를 가졌다고 말한다. 이는 호메로스가 인간과 함께 사는 개를 뜻하며 '개'라고 말했다기보다는, 그것이 대사(大蛇)였음에도 '하데스의 개'라고 부른 것과 다름없다.
§3.25.7ἀναθήματα δὲ ἄλλα τέ ἐστιν ἐπὶ Ταινάρῳ καὶ Ἀρίων ὁ κιθαρῳδὸς χαλκοῦς ἐπὶ δελφῖνος.
타이나론에는 다른 봉헌물들도 있고, 돌고래 위에 탄 청동제 키타라 연주자 아리온의 상도 있다.
τὰ μὲν οὖν ἐς αὐτὸν Ἀρίονα καὶ τὰ ἐπὶ τῷ δελφῖνι Ἡρόδοτος εἶπεν ἀκοὴν ἐν τῇ Λυδίᾳ συγγραφῇ·
아리온 자신에 관한 일과 돌고래에 관한 일은 헤로도토스가 『뤼디아 역사』에서 전해 들은 바로 이야기했다.
τὸν δὲ ἐν Ποροσελήνῃ δελφῖνα τῷ παιδὶ σῶστρα ἀποδιδόντα, ὅτι συγκοπέντα ὑπὸ ἁλιέων αὐτὸν ἰάσατο, τοῦτον τὸν δελφῖνα εἶδον καὶ καλοῦντι τῷ παιδὶ ὑπακούοντα καὶ φέροντα, ὁπότε ἐποχεῖσθαί οἱ βούλοιτο.
그러나 나는 포로셀레네에서 어부들에게 난도질당한 자신을 치료해 준 데 대한 보답으로 소년에게 목숨을 구해 준 은혜를 갚은 돌고래를 실제로 보았다. 그 돌고래는 소년이 부르면 순종하여 나아왔고, 소년이 타고 싶어 할 때마다 언제나 그를 태우고 다녔다.
§3.25.8ἔστι δὲ ἐπὶ Ταινάρῳ καὶ πηγή, νῦν μὲν οὐδὲν ὥστε καὶ θαῦμα εἶναι παρεχομένη, πρότερον δὲ τοῖς ἐνιδοῦσιν ἐς τὸ ὕδωρ τοὺς λιμένας—φασὶ— καὶ τὰς ναῦς θεάσασθαι παρεῖχε.
타이나론에는 샘도 있는데, 지금은 경탄할 만한 것을 전혀 보여주지 않지만, 전에는 물을 들여다보는 사람들에게 항구 와 배들을 보여주었다고 한다.
τοῦτο ἔπαυσε γυνὴ τὸ ὕδωρ μὴ καὶ τοῦ λοιποῦ τοιαῦτα ἐπιδείκνυσθαι, μεμιασμένην ἐναποπλύνασα ἐσθῆτα.
어떤 여자가 그 안에서 더러워진 옷을 빠는 바람에, 이 물은 앞으로 그런 것을 보여주는 일을 멈추어 버렸다.
§3.25.9Ταινάρου δὲ τῆς ἄκρας πλοῦν ὅσον τεσσαράκοντα σταδίων ἀφέστηκε Καινήπολις·
타이나론 곶으로부터 항로로 40스타디온쯤 떨어진 곳에 카이네폴리스가 있다.
ὄνομα δὲ ἦν πάλαι καὶ ταύτῃ Ταίναρον.
이 도시의 옛 이름도 타이나론이었다.
ἐν αὐτῇ δὲ μέγαρον Δήμητρος καὶ ἐπὶ θαλάσσῃ ναός ἐστιν Ἀφροδίτης καὶ ἄγαλμα ὀρθὸν λίθου.
그곳에는 데메테르의 신전이 있고, 바닷가에는 아프로디테의 신전과 석조 직립상이 있다.
ἐντεῦθεν ἀποσχόντι τριάκοντα σταδίους Θυρίδες ἄκρα Ταινάρου καὶ πόλεως ἐρείπια Ἱππόλας ἐστίν, ἐν δὲ αὐτοῖς Ἀθηνᾶς ἱερὸν Ἱππολαΐτιδος·
그곳으로부터 30스타디온 떨어진 곳에는 타이나론의 튀리데스 곶과 히폴라라는 도시의 유적이 있으며, 그 안에는 히폴라이티스 아테나의 성역이 있다.
ὀλίγον δὲ ἀπωτέρω Μέσσα πόλις καὶ λιμήν.
그보다 조금 더 먼 곳에는 메사라는 도시와 항구가 있다.
§3.25.10ἀπὸ τούτου στάδια τοῦ λιμένος πεντήκοντά ἐστι καὶ ἑκατὸν ἐπὶ Οἴτυλον·
이 항구로부터 오이튈로스까지는 150스타디온이다.
ὁ δὲ ἥρως ἀφʼ οὗ τῇ πόλει τὸ ὄνομα ἐγένετο, Ἀργεῖος τὸ ἀνέκαθεν, Ἀμφιάνακτος υἱὸς ὢν τοῦ Ἀντιμάχου.
이 도시의 이름 유래가 된 영웅은 본래 아르고스인으로, 안티마코스의 아들인 암피아낙스의 아들이었다.
θέας δὲ ἄξια ἐν Οἰτύλῳ Σαράπιδός ἐστιν ἱερὸν καὶ ἐν τῇ ἀγορᾷ Καρνείου ξόανον Ἀπόλλωνος.
오이튈로스에서 볼 만한 것으로는 사라피스의 성역이 있고, 광장에는 카르네이오스 아폴론의 목조 신상이 있다.