§2.15.1Φλιασίοις μὲν δὴ τοσαῦτα λόγου μάλιστα ἦν ἄξια·
플리우스인들에 관해서는 이상의 사실들이 특히 기록할 만한 가치가 있다.
ἐκ Κορίνθου δʼ ἐς Ἄργος ἐρχομένῳ Κλεωναὶ πόλις ἐστὶν οὐ μεγάλη.
코린토스에서 아르고스로 가는 길에는 클레오나이라는 크지 않은 도시가 있다.
παῖδα δὲ εἶναι Πέλοπος Κλεώνην λέγουσιν, οἱ δὲ τῷ παρὰ Σικυῶνα ῥέοντι Ἀσωπῷ θυγατέρα ἐπὶ ταῖς ἄλλαις Κλεώνην γενέσθαι·
클레오네가 펠롭스의 자식이라고 말하는 이들도 있고, 시큐온 옆을 흐르는 아소포스의 딸들 중 하나가 클레오네였다고 말하는 이들도 있다.
τὸ δʼ οὖν ὄνομα ἀπὸ τοῦ ἑτέρου τούτων ἐτέθη τῇ πόλει.
어쨌든 도시의 이름은 이 둘 중 하나에서 유래하여 붙여졌다.
ἐνταῦθά ἐστιν ἱερὸν Ἀθηνᾶς, τὸ δὲ ἄγαλμα Σκύλλιδος τέχνη καὶ Διποίνου·
그곳에는 아테나 신전이 있으며, 그 신상은 스킬리스와 디포이노스의 작품이다.
μαθητὰς δὲ εἶναι Δαιδάλου σφᾶς, οἱ δὲ καὶ γυναῖκα ἐκ Γόρτυνος ἐθέλουσι λαβεῖν Δαίδαλον καὶ τὸν Δίποινον καὶ Σκύλλιν ἐκ τῆς γυναικός οἱ ταύτης γενέσθαι.
그들은 다이달로스의 제자였다고도 하고, 어떤 이들은 다이달로스가 고르틴 출신의 아내를 맞이하기를 원하여 디포이노스와 스킬리스가 이 아내에게서 태어난 다이달로스의 아들이라고도 한다.
ἐν Κλεωναῖς δὲ τοῦτό ἐστι τὸ ἱερὸν καὶ μνῆμα Εὐρύτου καὶ Κτεάτου·
클레오나이에는 이 신전과 에우뤼토스 및 크테아토스의 기념비가 있다.
θεωροὺς γὰρ ἐξ Ἤλιδος ἐς τὸν ἀγῶνα ἰόντας τῶν Ἰσθμίων αὐτοὺς ἐνταῦθα Ἡρακλῆς κατετόξευσεν, ἔγκλημα ποιούμενος ὅτι οἱ πρὸς Αὐγείαν πολεμοῦντι ἀντετάχθησαν.
헤라클레스는 그들이 엘리스에서 이스트미아 제전에 참관하러 가는 길에 이곳에서 그들을 활로 쏘아 죽였는데, 그들이 아우게이아스와 전쟁을 벌일 때 자신에게 맞섰다는 것을 불만으로 삼았기 때문이다.
§2.15.2ἐκ Κλεωνῶν δέ εἰσιν ἐς Ἄργος ὁδοὶ δύο, ἡ μὲν ἀνδράσιν εὐζώνοις καὶ ἔστιν ἐπίτομος, ἡ δὲ ἐπὶ τοῦ καλουμένου Τρητοῦ, στενὴ μὲν καὶ αὐτὴ περιεχόντων ὀρῶν, ὀχήμασι δέ ἐστιν ὅμως ἐπιτηδειοτέρα.
클레오나이에서 아르고스로 가는 길은 두 갈래가 있는데, 하나는 가벼운 차림의 도보 여행자들을 위한 지름길이고, 다른 하나는 '트레토스'라고 불리는 고개를 지나는 길로, 산들로 둘러싸여 역시 좁기는 하지만 마차가 다니기에는 더 적합하다.
ἐν τούτοις τοῖς ὄρεσι τὸ σπήλαιον ἔτι δείκνυται τοῦ λέοντος, καὶ ἡ Νεμέα τὸ χωρίον ἀπέχει σταδίους πέντε που καὶ δέκα.
이 산들 속에는 사자의 동굴이 아직도 남아 있으며, 네메아라는 곳은 그곳에서 약 15스타디온 떨어져 있다.
ἐν δὲ αὐτῇ Νεμείου Διὸς ναός ἐστι θέας ἄξιος, πλὴν ὅσον κατερρυήκει τε ὁ ὄροφος καὶ ἄγαλμα οὐδὲν ἔτι ἐλείπετο·
네메아 자체에는 볼 만한 가치가 있는 네메아의 제우스 신전이 있으나, 지붕이 무너져 내렸고 신상도 더 이상 남아 있지 않다.
κυπαρίσσων τε ἄλσος ἐστὶ περὶ τὸν ναόν, καὶ τὸν Ὀφέλτην ἐνταῦθα ὑπὸ τῆς τροφοῦ τεθέντα ἐς τὴν πόαν διαφθαρῆναι λέγουσιν ὑπὸ τοῦ δράκοντος.
신전 주변에는 편백나무 성림이 있으며, 오펠테스가 유모에 의해 이곳 풀밭에 놓여 있을 때 뱀에게 물려 죽었다고 전해진다.
§2.15.3θύουσι δὲ Ἀργεῖοι τῷ Διὶ καὶ ἐν τῇ Νεμέᾳ καὶ Νεμείου Διὸς ἱερέα αἱροῦνται, καὶ δὴ καὶ δρόμου προτιθέασιν ἀγῶνα ἀνδράσιν ὡπλισμένοις Νεμείων πανηγύρει τῶν χειμερινῶν.
아르고스인들은 네메아에서 제우스에게 희생 제물을 바치고 네메아의 제우스 제관을 선출하며, 겨울 네메아 제전의 집회에서는 무장한 남자들의 달리기 경주를 개최하기도 한다.
ἐνταῦθα ἔστι μὲν Ὀφέλτου τάφος, περὶ δὲ αὐτὸν θριγκὸς λίθων καὶ ἐντὸς τοῦ περιβόλου βωμοί·
이곳에는 오펠테스의 무덤이 있는데, 그 주위에는 돌담이 둘러쳐져 있고 구역 안에는 제단들이 있다.
ἔστι δὲ χῶμα γῆς Λυκούργου μνῆμα τοῦ Ὀφέλτου πατρός.
또한 오펠테스의 아버지인 리쿠르고스의 무덤인 흙더미도 있다.
τὴν δὲ πηγὴν Ἀδράστειαν ὀνομάζουσιν εἴτε ἐπʼ ἄλλῃ τινὶ αἰτίᾳ εἴτε καὶ ἀνευρόντος αὐτὴν Ἀδράστου·
그 샘물은 다른 어떤 이유에서인지, 혹은 아드라스토스가 그것을 찾아냈기 때문인지 아드라스테이아라고 불린다.
τὸ δὲ ὄνομα λέγουσι τῇ χώρᾳ Νεμέαν δοῦναι θυγατέρα Ἀσωποῦ καὶ ταύτην.
그리고 이 지방의 이름은 아소포스의 딸인 네메아가 부여한 것이라고 한다.
καὶ ὄρος Ἀπέσας ἐστὶν ὑπὲρ τὴν Νεμέαν, ἔνθα Περσέα πρῶτον Διὶ θῦσαι λέγουσιν Ἀπεσαντίῳ.
그리고 네메아 위에는 아페사스 산이 있는데, 그곳에서 페르세우스가 처음으로 아페산티오스 제우스에게 희생 제물을 바쳤다고 한다.
— §2.15.4ἀνελθοῦσι δὲ ἐς τὸν Τρητὸν καὶ αὖθις τὴν ἐς Ἄργος ἰοῦσίν ἐστι Μυκηνῶν ἐρείπια ἐν ἀριστερᾷ.
— 트레토스로 올라가 다시 아르고스로 가는 길 왼편에는 미케네의 유적이 있다.
καὶ ὅτι μὲν Περσεὺς ἐγένετο Μυκηνῶν οἰκιστής, ἴσασιν Ἕλληνες· ἐγὼ δὲ αἰτίαν τε γράψω τοῦ οἰκισμοῦ καὶ διʼ ἥντινα πρόφασιν Ἀργεῖοι Μυκηναίους ὕστερον ἀνέστησαν.
페르세우스가 미케네의 건설자였다는 것은 그리스인들도 알고 있는 사실이지만, 나는 그 건설의 이유와 나중에 어떤 구실로 아르고스인들이 미케네인들을 쫓아냈는지를 기록하겠다.
ἐν γὰρ τῇ νῦν Ἀργολίδι ὀνομαζομένῃ τὰ μὲν ἔτι παλαιότερα οὐ μνημονεύουσιν, Ἴναχον δὲ βασιλεύοντα τόν τε ποταμὸν ἀφʼ αὑτοῦ λέγουσιν ὀνομάσαι καὶ θῦσαι τῇ Ἥρᾳ.
현재 아르고리스라 불리는 지역에서는 그보다 더 오래된 일은 기억되지 않지만, 이나코스가 왕이었을 때 강에 자기 이름을 붙이고 헤라에게 희생 제물을 바쳤다고 한다.
§2.15.5λέγεται δὲ καὶ ὧδε λόγος·
이와 같은 이야기도 전해진다.
Φορωνέα ἐν τῇ γῇ ταύτῃ γενέσθαι πρῶτον, Ἴναχον δὲ οὐκ ἄνδρα ἀλλὰ τὸν ποταμὸν πατέρα εἶναι Φορωνεῖ·
포로네우스가 이 땅에서 태어난 최초의 인간이며, 이나코스는 인간이 아니라 강으로서 포로네우스의 아버지였다는 것이다.
τοῦτον δὲ Ποσειδῶνι καὶ Ἥρᾳ δικάσαι περὶ τῆς χώρας, σὺν δὲ αὐτῷ Κηφισόν τε καὶ Ἀστερίωνα ποταμόν·
이 강은 케피소스 및 아스테리온 강과 함께 포세이돈과 헤라 사이의 땅을 둘러싼 분쟁을 심판했다.
κρινάντων δὲ Ἥρας εἶναι τὴν γῆν, οὕτω σφίσιν ἀφανίσαι τὸ ὕδωρ Ποσειδῶνα.
그들이 땅이 헤라의 것이라고 판결하자, 포세이돈은 그에 따라 그들의 물을 사라지게 했다.
καὶ διὰ τοῦτο οὔτε Ἴναχος ὕδωρ οὔτε ἄλλος παρέχεται τῶν εἰρημένων ποταμῶν ὅτι μὴ ὕσαντος τοῦ θεοῦ·
이 때문에 이나코스 강이나 언급된 다른 강들도 신이 비를 내리지 않는 한 물을 대지 못한다.
θέρους δὲ αὖά σφισίν ἐστι τὰ ῥεύματα πλὴν τῶν ἐν Λέρνῃ.
여름철 그들의 물줄기는 레르나에 있는 것을 제외하고는 말라 버린다.
Φορωνεὺς δὲ ὁ Ἰνάχου τοὺς ἀνθρώπους συνήγαγε πρῶτον ἐς κοινόν, σποράδας τέως καὶ ἐφʼ ἑαυτῶν ἑκάστοτε οἰκοῦντας· καὶ τὸ χωρίον ἐς ὃ πρῶτον ἠθροίσθησαν ἄστυ ὠνομάσθη Φορωνικόν.
이나코스의 아들 포로네우스는 그전까지 흩어져 매번 따로 살던 사람들을 처음으로 공동체로 모았으며, 그들이 처음 모인 장소는 '포로니콘의 도시'라 명명되었다.