§10.9.7Λακεδαιμονίων δὲ ἀπαντικρὺ τούτων ἀναθήματά ἐστιν ἀπʼ Ἀθηναίων Διόσκουροι καὶ Ζεὺς καὶ Ἀπόλλων τε καὶ Ἄρτεμις, ἐπὶ δὲ αὐτοῖς Ποσειδῶν τε καὶ Λύσανδρος ὁ Ἀριστοκρίτου στεφανούμενος ὑπὸ τοῦ Ποσειδῶνος, Ἀγίας τε ὃς τῷ Λυσάνδρῳ τότε ἐμαντεύετο καὶ Ἕρμων ὁ τὴν ναῦν τοῦ Λυσάνδρου τὴν στρατηγίδα κυβερνῶν.
이것들의 맞은편에는 아테네인들에게 거둔 승리로 바친 라케다이몬인들의 봉헌물이 있는데, 디오스쿠로이, 제우스, 아폴론, 아르테미스가 있고, 이들에 더해 포세이돈과 포세이돈에게 관을 받고 있는 아리스토크리토스의 아들 뤼산드로스, 당시 뤼산드로스를 위해 예언을 하던 하기아스, 그리고 뤼산드로스의 기함을 지휘하던 키잡이 헤르몬이 있다.
§10.9.8τοῦτον μὲν δὴ τὸν Ἕρμωνα Θεόκοσμος ποιήσειν ἔμελλεν ὁ Μεγαρεὺς ἅτε ὑπὸ τῶν Μεγαρέων ἐγγραφέντα ἐς τὴν πολιτείαν·
이 헤르몬은 메가라인들이 그를 시민으로 등록해 주었기 때문에 메가라의 테오코스모스가 제작하기로 되어 있었다.
οἱ δὲ Διόσκουροι Ἀντιφάνους εἰσὶν Ἀργείου καὶ ὁ μάντις τέχνη Πίσωνος ἐκ Καλαυρείας τῆς Τροιζηνίων·
한편 디오스쿠로이는 아르고스의 안티파네스의 작품이며, 예언자는 트로이젠 영토 내 칼라우리아 출신 피손의 솜씨이다.
Ἀθηνόδωρος δὲ καὶ Δαμέας, ὁ μὲν τὴν Ἄρτεμίν τε καὶ Ποσειδῶνα εἰργάσατο, ἔτι δὲ τὸν Λύσανδρον, Ἀθηνόδωρος δὲ τὸν Ἀπόλλωνα ἐποίησε καὶ τὸν Δία·
또한 아테노도로스와 다메아스 중에서 후자가 아르테미스와 포세이돈, 그리고 뤼산드로스를 제작했고, 아테노도로스는 아폴론과 제우스를 만들었다.
§10.9.9οὗτοι δὲ Ἀρκάδες εἰσὶν ἐκ Κλείτορος.
이들은 클레이토르 출신의 아르카디아인들이다.
ἀνάκεινται δὲ καὶ ὄπισθεν τῶν κατειλεγμένων ὅσοι συγκατειργάσαντο τῷ Λυσάνδρῳ τὰ ἐν Αἰγὸς ποταμοῖς ἢ αὐτῶν Σπαρτιατῶν ἢ τῶν συμμαχησάντων, εἰσὶ δὲ οἵδε·
또한, 이미 열거된 조각상들 뒤편에는 아이고스포타모이에서의 전투에서 스파르타인 자신이든 동맹군이든 뤼산드로스를 도와 공을 세운 이들이 모두 봉헌되어 있는데, 이들은 다음과 같다.
Ἄρακος μὲν καὶ Ἐριάνθης, ὁ μὲν αὐτῶν ἐκ Λακεδαίμονος, ὁ δὲ Ἐριάνθης Βοιώτιος ὑπὲρ τοῦ Μίμαντος, ἐντεῦθεν μὲν Ἀστυκράτης, Χῖοι δὲ Κηφισοκλῆς καὶ Ἑρμόφαντός τε καὶ Ἱκέσιος, Τίμαρχος δὲ καὶ Διαγόρας Ῥόδιοι, Κνίδιος δὲ Θεόδαμος, ἐκ δὲ Ἐφέσου Κιμμέριος, καὶ Μιλήσιος Αἰαντίδης.
아라코스와 에리안테스, 이들 중 아라코스는 라케다이몬 출신이고 에리안테스는 보이오티아인이다. 미마스 산 너머 출신인 아스튀크라테스, 키오스인 케피소클레스, 헤르모판토스, 히케시우스, 로도스인 티마르코스와 디아고라스, 크니도스인 테오다모스, 에페소스 출신 키메리오스, 그리고 밀레토스인 아이안티데스이다.
§10.9.10τούτους μὲν δὴ ἐποίησε Τίσανδρος, τοὺς δὲ ἐφεξῆς Ἄλυπος Σικυώνιος, Θεόπομπον Μύνδιον καὶ Κλεομήδην Σάμιον καὶ ἐξ Εὐβοίας Ἀριστοκλέα τε Καρύστιον καὶ Αὐτόνομον Ἐρετριέα καὶ Ἀριστόφαντον Κορίνθιον καὶ Ἀπολλόδωρον Τροιζήνιον καὶ ἐξ Ἐπιδαύρου Δίωνα τῆς ἐν τῇ Ἀργολίδι.
이들을 티산드로스가 제작했고, 그 다음에 오는 이들은 시키온의 알뤼포스가 제작했다. 즉, 뮨도스의 테오폼포스, 사모스의 클레오메데스, 에우보이아 출신 카뤼스토스의 아리스토클레스와 에레트리아의 아우토노모스, 코린토스의 아리스토판토스, 트로이젠의 아폴로도로스, 그리고 아르고리스 지방의 에피다우로스 출신 디온이다.
ἐχόμενοι δὲ τούτων Ἀξιόνικός ἐστιν Ἀχαιὸς ἐκ Πελλήνης, ἐκ δὲ Ἑρμιόνος Θεάρης, καὶ Φωκεύς τε Πυρρίας καὶ Κώμων Μεγαρεὺς καὶ Ἀγασιμένης Σικυώνιος, ἐκ δὲ Ἀμβρακίας καὶ Κορίνθου τε καὶ Λευκάδος Τηλυκράτης καὶ Πυθόδοτος Κορίνθιος καὶ Ἀμβρακιώτης Εὐαντίδας·
이들에 인접해서 펠레네 출신 아카이아인 악시오니코스, 헤르미오네 출신 테아레스, 포키스인 퓌리아스, 메가라인 코몬, 시키온의 아가시메네스, 그리고 암브라키아와 코린토스와 레우카스 출신인 테뤼크라테스, 코린토스인 퓌토도토스, 암브라키아인 에우안티다스가 있다.
τελευτᾷ δὲ Ἐπικυδίδας καὶ Ἐτεόνικος οἱ Λακεδαιμόνιοι· Πατροκλέους δὲ καὶ Κανάχου φασὶν ἔργα.
마지막으로 라케다이몬인 에피퀴디다스와 에테오니코스이며, 이들은 파트로클레스와 카나코스의 작품이라고 전해진다.
§10.9.11τὴν δὲ πληγὴν Ἀθηναῖοι τὴν ἐν Αἰγὸς ποταμοῖς οὐ μετὰ τοῦ δικαίου συμβῆναί σφισιν ὁμολογοῦσι·
아테네인들은 아이고스포타모이에서의 해전 패배가 자신들에게 정당하게 일어난 일이라고 인정하지 않는다.
προδοθῆναι γὰρ ἐπὶ χρήμασιν ὑπὸ τῶν στρατηγησάντων, Τυδέα δὲ εἶναι καὶ Ἀδείμαντον οἳ τὰ δῶρα ἐδέξαντο παρὰ Λυσάνδρου.
왜냐하면 자신들의 장군들이 돈을 받고 배신했기 때문이며, 뤼산드로스로부터 뇌물을 받은 자들은 튀데우스와 아데이만토스였다고 주장한다.
καὶ ἐς ἀπόδειξιν τοῦ λόγου Σιβύλλης παρέχονται τὸν χρησμόν·
이 주장의 증거로 그들은 시빌라의 신탁을 제시한다.
"
καὶ τότʼ Ἀθηναίοισι βαρύστονα κήδεα θήσει
Ζεὺς ὑψιβρεμέτης, οὗπερ κράτος ἐστὶ μέγιστον,
νηυσὶ φερεπτολέμοισι μάχην καὶ δηιοτῆτα
ὀλλυμέναις δολεροῖσι τρόποις, κακότητι νομήων. "
τὰ δὲ ἕτερα ἐκ Μουσαίου χρησμῶν μνημονεύουσι·
"그때 아테네인들에게 무거운 탄식을 자아낼 근심들을 가장 위대한 권능을 가진 높은 곳에서 천둥 치는 제우스가 안겨주리니, 전쟁을 나르는 배들이 우두머리들의 사악함으로 가득 찬 기만적인 방법들에 의해 파멸해 가며 겪는 전투와 도륙이로다." 또한 그들은 무사이오스의 신탁에서 따온 다른 구절들을 기억하고 있다.
"
καὶ γὰρ Ἀθηναίοισιν ἐπέρχεται ἄγριος ὄμβρος
ἡγεμόνων κακότητι, παραιφασίη δέ τις ἔσται
ἥττης· οὐ λήσουσι πόλιν, τίσουσι δὲ ποινήν. " §10.9.12ταῦτα μὲν δὴ ἐπὶ τοσοῦτον εἰρήσθω·
"진실로 아테네인들에게는 지도자들의 사악함으로 인해 거친 폭풍우가 몰려오고 있으나, 패배에 대한 어떠한 위안이 있으리니, 그들이 도성을 모르게 하지 않을 것이며 벌을 치르게 되리라." 이에 대해서는 이 정도로 말해 두자.
τὸν δὲ ὑπὲρ τῆς καλουμένης Θυρέας Λακεδαιμονίων ἀγῶνα καὶ Ἀργείων, Σίβυλλα μὲν καὶ τοῦτον προεθέσπισεν ὡς συμβήσοιτο ἐξ ἴσου ταῖς πόλεσιν, Ἀργεῖοι δὲ ἀξιοῦντες ἐσχηκέναι πλέον ἐν τῷ ἔργῳ χαλκοῦν ἵππον—τὸν δούρειον δῆθεν—ἀπέστειλαν ἐς Δελφούς·
소위 튀레아를 둘러싼 라케다이몬인들과 아르고스인들의 싸움에 관하여, 시빌라는 이 역시 양 도성에게 호각세로 끝날 것이라고 미리 예언했으나, 아르고스인들은 자신들이 그 전투에서 더 우세했다고 주장하여 청동 말, 말하자면 소위 목마를 델포이에 보냈다.
τὸ δὲ ἔργον Ἀντιφάνους ἐστὶν Ἀργείου.
이 작품은 아르고스의 안티파네스의 작품이다.