§10.21.1προελθὼν οὖν ἀπὸ τῆς Ἡρακλείας—ἐπυνθάνετο γὰρ παρὰ αὐτομόλων τοὺς συνειλεγμένους ἐς Πύλας ἀπὸ ἑκάστης πόλεως— ὑπερεφρόνει τε τοῦ Ἑλληνικοῦ καὶ ἦρχεν ἐς τὴν ἐπιοῦσαν μάχης ἅμα ἀνίσχοντι τῷ ἡλίῳ, οὔτε Ἕλληνα ἔχων μάντιν οὔτε ἱεροῖς ἐπιχωρίοις χρώμενος, εἰ δὴ ἔστι γε μαντεία Κελτική.
그리하여 헤라클레아로부터 진군하면서,――각 도시에서 필레로 집결한 이들에 대해 탈영병들로부터 전해 들었기 때문인데,――그는 그리스군을 얕잡아 보았고, 다음 날 해가 뜰 무렵에 전투를 개시했다. 그는 그리스인 예언자를 동행하지도 않았고, 켈트의 예언술이라는 것이 정말로 존재한다면 모르겠으나 고향의 제의를 행하지도 않았다.
ἐνταῦθα οἱ Ἕλληνες ἐν σιγῇ τε ἐπῄεσαν καὶ ἐν κόσμῳ·
여기서 그리스인들은 침묵 속에서 질서정연하게 전진했다.
καὶ ὡς ἀφίκοντο ἐς χεῖρας, οὔτε σφίσιν οἱ πεζοὶ τοσοῦτο ἀπὸ τῆς τάξεως ἐξέθεον ὥστε τὴν φάλαγγα ἐπιταράσσειν τὴν οἰκείαν καὶ οἱ ψιλοὶ μένοντες κατὰ χώραν τά τε ἀκόντια ἔπεμπον καὶ ὅσα ἀπὸ τῶν τόξων ἢ σφενδονῶν.
그리고 백병전이 벌어졌을 때, 보병들은 자신들의 방진을 혼란에 빠뜨릴 만큼 대열에서 멀리 돌출하지 않았고, 경장병들은 제자리를 지키며 투창을 던지거나 활과 투석기로 쏠 수 있는 모든 것을 쏘아 보냈다.
§10.21.2τὰ δὲ ἱππικὰ ἀμφοτέροις ἀχρεῖα ἐγένετο ἅτε οὐ στενοῦ μόνον χωρίου τοῦ μετὰ τὰς Πύλας ὄντος ἀλλὰ καὶ ὑπὸ αὐτοφυοῦς πέτρας λείου καὶ διὰ τῶν ῥευμάτων τὸ συνεχὲς τὰ πλείονα καὶ ὀλισθηροῦ.
기병은 양측 모두에게 무용지물이 되었는데, 필레 뒤쪽의 장소가 좁을 뿐만 아니라 자연적인 암석 때문에 매끄러웠고, 물줄기로 인해 대부분의 구역이 계속 미끄러웠기 때문이다.
τοῖς δὲ Γαλάταις τὰ μὲν τῆς σκευῆς ἀσθενέστερα ἦν—θυρεοὺς γὰρ τοὺς ἐπιχωρίους εἶχον, καὶ ἄλλο σφίσιν οὐκ ἦν ὅπλον σκέπη σώματος—, πλέον δὲ ἔτι ἐμπειρίᾳ τῇ ἐς τὰ πολεμικὰ ἀπέδεον.
갈라티아인들에게는 무구의 대비가 비교적 취약했다. 그들은 고향의 방패만을 가지고 있었고, 몸을 보호할 다른 방어구는 없었기 때문이다. 그러나 그보다도 그들은 군사적인 경험이 더욱 결여되어 있었다.
§10.21.3οἱ δὲ ἐν ὀργῇ τε ἐπὶ τοὺς ἐναντίους καὶ θυμῷ μετὰ οὐδενὸς λογισμοῦ καθάπερ τὰ θηρία ἐχώρουν·
그러나 그들은 적에 대해 아무런 이성도 없는 분노와 열정 속에서 마치 야수처럼 돌격했다.
καὶ οὔτε πελέκεσι διαιρουμένους ἢ ὑπὸ μαχαιρῶν ἡ ἀπόνοια τοὺς ἔτι ἐμπνέοντας ἀπέλειπεν, οὔτε ὅσοι βέλεσι καὶ ἀκοντίοις διεπείροντο, ὑφῄρουν τοῦ θυμοῦ, μέχρι οὗ παρέμενεν ἡ ψυχή·
도끼나 칼에 의해 몸이 갈라지면서도 아직 숨이 붙어 있는 자들에게서 그 광포함이 떠나지 않았고, 화살과 투창에 꿰뚫린 자들도 목숨이 붙어 있는 한 그 투지를 꺾지 않았다.
οἱ δὲ καὶ ἐκ τῶν τραυμάτων τὰ δόρατα οἷς ἐβέβληντο ἀνασπῶντες ἠφίεσάν τε ἐς τοὺς Ἕλληνας καὶ ἐχρῶντο ἐκ χειρός.
어떤 이들은 자신들을 찌른 창을 상처에서 뽑아내어 그리스인들에게 던지거나 백병전에서 사용하기도 했다.
§10.21.4ἐν τούτῳ δὲ οἱ ἐπὶ τῶν τριήρων Ἀθηναῖοι μόγις μὲν καὶ οὐκ ἄνευ κινδύνου, παραπλεύσαντες δὲ ὅμως διὰ τῆς ἰλύος, ἣ ἐπὶ πλεῖστον ἐπέχει τῆς θαλάσσης, καὶ τὰς ναῦς ὅτι ἐγγύτατα τῶν βαρβάρων σχόντες, βέλεσί τε παντοίοις ἐς τὰ πλάγια καὶ τοξεύμασιν ἐς αὐτοὺς ἐχρῶντο.
그동안 삼단노선에 탑승한 아테네인들은 간신히, 그리고 위험을 무릅쓰고서도, 바다의 대부분을 차지하고 있는 진흙펄을 뚫고 연안을 따라 항해했고, 배를 야만인들에게 최대한 가까이 대어 그들의 측면에 온갖 종류의 발사무기와 화살을 퍼부었다.
καμνόντων δὲ λόγου μειζόνως τῶν Κελτῶν καὶ ἅτε ἐν στενοχωρίᾳ μικρὰ μὲν δρώντων, διπλάσια δὲ καὶ τετραπλάσια πασχόντων, ἀναχωρεῖν ἐς τὸ στρατόπεδον ἐσήμαινόν σφισιν οἱ ἡγεμόνες.
켈트인들은 말할 수 없을 정도로 고통을 받았고, 협소한 공간에서 자신들은 거의 타격을 주지 못한 채 두 배, 네 배의 피해를 입고 있었기에, 지휘관들은 그들에게 진영으로 퇴각하라는 신호를 보냈다.
οἱ δὲ ἀτάκτως καὶ σὺν οὐδενὶ ἀναστρέφοντες κόσμῳ πολλοὶ μὲν συνεπατήθησαν ὑπὸ ἀλλήλων, πολλοὶ δὲ ἐς τὸ τέλμα ἐμπεσόντες ἠφανίσθησαν κατὰ τοῦ πηλοῦ, καὶ ἀπώλεια οὐκ ἐλάσσων ἀναχωροῦσιν αὐτοῖς ἢ ἐν τοῦ ἀγῶνος συνέβη τῇ ἀκμῇ.
그러나 그들이 무질서하고 아무런 대열도 없이 회군하면서 많은 이들이 서로에게 밟혔고, 많은 이들이 습지에 빠져 진흙 속으로 사라졌다. 그리하여 그들이 퇴각할 때 발생한 손실은 전투의 절정기에 일어난 피해 못지않았다.
§10.21.5τοὺς μὲν δὴ Ἕλληνας τὸ Ἀττικὸν ὑπερεβάλετο ἀρετῇ τὴν ἡμέραν ταύτην·
이날 그리스인들 중 아티카인들이 용맹함에 있어 가장 뛰어났다.
αὐτῶν δὲ Ἀθηναίων Κυδίας μάλιστα ἐγένετο ἀγαθός, νέος τε ἡλικίαν καὶ τότε ἐς ἀγῶνα ἐλθὼν πολέμου πρῶτον.
그 아테네인들 중에서도 특히 키디아스가 가장 용감했는데, 그는 나이가 젊어 당시 처음으로 전쟁에 나선 참이었다.
ἀποθανόντος δὲ ὑπὸ τῶν Γαλατῶν τὴν ἀσπίδα οἱ προσήκοντες ἀνέθεσαν τῷ Ἐλευθερίῳ Διί, καὶ ἦν τὸ ἐπίγραμμα·
그가 갈라티아인들에게 목숨을 잃자 친척들은 그의 방패를 자유의 제우스에게 봉헌했으며, 그 비문은 다음과 같았다.
"
†ημαρλα δὴ ποθέουσα νέαν ἔτι Κυδίου ἥβην
ἀσπὶς ἀριζήλου φωτός, ἄγαλμα Διί,
ἇς διὰ δὴ πρώτας λαιὸν τότε πῆχυν ἔτεινεν,
εὖτʼ ἐπὶ τὸν Γαλάταν ἤκμασε θοῦρος Ἄρης.
"여전히 키디아스의 젊은 청춘을 그리워하는, 저 빛나는 사내의 방패이자 제우스께 바치는 봉헌물. 사나운 아레스가 갈라티아인들을 향해 맹위를 떨쳤던 그때, 그는 처음으로 이 방패에 자신의 왼팔을 뻗어 넣었다네.
" §10.21.6τοῦτο μὲν δὴ ἐπεγέγραπτο πρὶν ἢ τοὺς ὁμοῦ Σύλλᾳ καὶ ἄλλα τῶν Ἀθήνῃσι καὶ τὰς ἐν τῇ στοᾷ τοῦ Ἐλευθερίου Διὸς καθελεῖν ἀσπίδας·
"이 비문은 실로 술라와 그 일파가 아테네의 다른 기념물들과 함께 자유의 제우스 회랑에 있던 방패들을 철거하기 전에 새겨져 있었던 것이다.
τότε δὲ ἐν ταῖς Θερμοπύλαις οἱ μὲν Ἕλληνες μετὰ τὴν μάχην τούς τε αὑτῶν ἔθαπτον καὶ ἐσκύλευον τοὺς βαρβάρους, οἱ Γαλάται δὲ οὔτε ὑπὲρ ἀναιρέσεως τῶν νεκρῶν ἐπεκηρυκεύοντο ἐποιοῦντό τε ἐπʼ ἴσης γῆς σφᾶς τυχεῖν ἢ θηρία τε αὐτῶν ἐμφορηθῆναι καὶ ὅσον τεθνεῶσι πολέμιόν ἐστιν ὀρνίθων.
당시 테르모필레에서는 전투가 끝난 뒤 그리스인들은 자신들의 죽은 자들을 묻고 야만인들의 무구를 노획하고 있었으나, 갈라티아인들은 시신 수습을 위한 사절을 보내지도 않았고, 자신들이 흙에 묻히는 일이나 야수들 및 죽은 자에게 적대적인 온갖 새들에게 뜯어 먹히는 일이나 똑같이 개의치 않았다.
§10.21.7ὀλιγώρως δὲ αὐτοὺς ἐς τῶν ἀπογινομένων ἔχειν τὰς ταφὰς δύο ἐμοὶ δοκεῖν τὰ ἀναπείθοντα ἦν, πολεμίους τε ἄνδρας ἐκπλῆξαι καὶ ὅτι ἔστι τεθνεώτων οὐ διʼ ἔθους οἶκτος αὐτοῖς.
그들이 죽은 자들의 매장에 그토록 소홀했던 것에는 내 생각에 두 가지 설득력 있는 이유가 있었다. 하나는 적들을 겁에 질리게 만들려는 것이었고, 다른 하나는 죽은 자에 대한 슬픔이 그들의 관습에 없었기 때문이다.
ἀπέθανον δὲ παρὰ τὴν μάχην τεσσαράκοντα μὲν τοῦ Ἑλληνικοῦ, τοὺς δὲ τῶν βαρβάρων οὐχ οἷόν τε ἦν ἀκριβῶς ἐξευρεῖν·
전투 중에 그리스 측에서는 40명이 전사했으나, 야만인들의 전사자 수는 정확히 알아낼 수 없었다.
πολὺ γὰρ καὶ τὸ ἀφανισθὲν κατὰ τῆς ἰλύος ἐγένετο ἐξ αὐτῶν.
그들 중 많은 수가 진흙펄 속으로 사라졌기 때문이다.