§10.17.7ὕστερον μέντοι πολλοῖς ἔτεσιν οἱ Λίβυες ἐπεραιώθησάν τε αὖθις ἐς τὴν νῆσον στόλῳ μείζονι καὶ ἦρξαν ἐς τὸ Ἑλληνικὸν πολέμου.
그러나 오랜 세월이 지난 후에 리비아인들이 다시 더 큰 함대를 이끌고 이 섬으로 건너와 그리스인들을 상대로 전쟁을 시작했다.
τὸ μὲν δὴ Ἑλληνικὸν ἐς ἅπαν ἐπέλαβε φθαρῆναι, ἢ ὀλίγον ἐγένετο ἐξ αὐτοῦ τὸ ὑπολειφθέν·
그리스인들은 완전히 파멸에 이르렀거나, 혹은 그들 중 살아남은 자는 아주 소수에 불과했다.
οἱ δὲ Τρῶες ἐς τῆς νήσου τὰ ὑψηλὰ ἀναφεύγουσι, καταλαβόντες δὲ ὄρη δύσβατα ὑπὸ σκολόπων τε καὶ κρημνῶν Ἰλιεῖς μὲν ὄνομα καὶ ἐς ἐμὲ ἔτι ἔχουσι, Λίβυσι μέντοι τὰς μορφὰς καὶ τῶν ὅπλων τὴν σκευὴν καὶ ἐς τὴν πᾶσαν δίαιταν ἐοίκασιν.
트로이아인들은 섬의 고지대로 도망쳤고, 험준한 바위와 절벽으로 인해 접근하기 어려운 산들을 차지했다. 그들은 내 시대에 이르러서도 여전히 일리온인이라는 이름을 유지하고 있으나, 외모와 무기 장비, 그리고 전반적인 생활 방식에 있어서는 리비아인들과 닮았다.
§10.17.8ἔστι δὲ νῆσος οὐ πολὺ ἀπέχουσα τῆς Σαρδοῦς, Κύρνος ὑπὸ Ἑλλήνων, ὑπὸ δὲ Λιβύων τῶν ἐνοικούντων καλουμένη Κορσική.
사르디니아에서 그리 멀지 않은 곳에 섬이 하나 있는데, 그리스인들에게는 퀴르노스라 불리고, 그곳에 사는 리비아인들에게는 코르시카라고 불린다.
ἐκ ταύτης μοῖρα οὐκ ἐλαχίστη στάσει πιεσθεῖσα ἀφίκετο ἐς τὴν Σαρδώ, καὶ ᾤκησαν τῆς χώρας ἀποτεμόμενοι τῆς ἐν τοῖς ὄρεσιν·
이 섬에서 내란에 시달리던 적지 않은 한 부류가 사르디니아에 도착하여, 산악 지대의 땅을 나누어 차지하고 정착했다.
ὑπὸ μέντοι τῶν ἐν τῇ Σαρδοῖ τῷ ὀνόματι ὀνομάζονται τῷ οἴκοθεν Κορσοί.
그러나 그들은 사르디니아인들에 의해 고향의 이름을 따서 코르시인들이라고 불린다.
§10.17.9Καρχηδόνιοι δὲ ὅτε ναυτικῷ μάλιστα ἴσχυσαν, κατεστρέψαντο μὲν καὶ ἅπαντας τοὺς ἐν τῇ Σαρδοῖ πλὴν Ἰλιέων τε καὶ Κορσῶν—τούτοις δὲ μὴ ἐς δουλείαν ὑπαχθῆναι τὸ ἐχυρὸν ἤρκεσε τῶν ὀρῶν—, ᾤκισαν δὲ ἐν τῇ νήσῳ καὶ αὐτοὶ πόλιν οἱ Καρχηδόνιοι Κάραλίν τε καὶ Σύλκους.
카르타고인들은 해군력에 있어서 가장 강력해졌을 때, 일리온인들과 코르시인들을 제외하고 사르디니아의 모든 이들을 정복했다. 후자들에게는 산의 요새가 노예 상태로 전락하지 않기에 충분했다. 그리고 카르타고인들 자신도 이 섬에 카랄리스와 술쿠스라는 도시를 건설했다.
τοῦ δὲ ἐπικουρικοῦ τῶν Καρχηδονίων Λίβυες ἢ Ἴβηρες ἐς ἀμφισβήτησιν λαφύρων ἀφικόμενοι καὶ ὡς εἶχον ὀργῆς ἀποστάντες ἐσῳκίσαντο ἐς τὰ ὑψηλὰ καὶ οὗτοι τῆς νήσου.
카르타고인의 용병대 중 리비아인들과 이베리아인들이 전리품 분배를 두고 다툼을 벌이다가, 극심한 분노 속에 반란을 일으키고 이들 역시 섬의 고지대로 이주하여 정착했다.
Βαλαροὶ τὸ ὄνομά ἐστιν αὐτοῖς κατὰ γλῶσσαν τὴν Κυρνίων·
그들의 이름은 퀴르노스인들의 언어로 발라로이이다.
Βαλαροὺς γὰρ τοὺς φυγάδας καλοῦσιν οἱ Κύρνιοι.
왜냐하면 퀴르노스인들은 망명자들을 '발라로이'라고 부르기 때문이다.
§10.17.10γένη μὲν τοσαῦτα τὴν Σαρδὼ καὶ ἐσῳκισμένα οὕτω νέμεται, τῆς δὲ νήσου τὰ πρὸς τῆς ἄρκτου καὶ ἠπείρου τῆς κατὰ Ἰταλίαν ἐστὶν ὄρη δύσβατα τὰ πέρατα συνάπτοντα ἀλλήλοις·
이처럼 많은 종족이 사르디니아에 이주하여 살아가고 있다. 그러나 이 섬의 북쪽이자 이탈리아 쪽 본토와 마주보는 부분은 산들의 끝자락이 서로 연결되어 있어 접근하기 어려운 산악 지대이다.
καὶ ἢν παραπλέῃς, ναυσὶν οὔτε ὅρμους παρέχεται κατὰ τοῦτο ἡ νῆσος πνεύματά τε ἄτακτα καὶ ἰσχυρὰ αἱ ἄκραι τῶν ὀρῶν καταπέμπουσιν ἐς τὴν θάλασσαν.
그리고 그 연안을 항해할 때, 이 부근에서는 섬이 배들에게 항구를 제공하지 않으며, 산봉우리들이 바다를 향해 불규칙하고 강한 바람을 내려보낸다.
§10.17.11ἔστι δὲ καὶ ἄλλα διὰ μέσης αὐτῆς ὄρη χθαμαλώτερα.
섬의 한가운데를 가로질러 다른 더 낮은 산들도 존재한다.
ὁ δὲ ἀὴρ ὁ ἐνταῦθα θολερός τε ὡς ἐπίπαν ἐστὶ καὶ νοσώδης·
이곳의 공기는 대개 탁하고 건강에 해롭다.
αἴτιοι δὲ οἵ τε ἅλες οἱ πηγνύμενοι καὶ ὁ νότος βαρὺς καὶ βίαιος ἐγκείμενος, οἱ ἄνεμοί τε οἱ ἀπὸ τῆς ἄρκτου διὰ τὸ ὑψηλὸν τῶν ὀρῶν τῶν πρὸς τῆς Ἰταλίας κωλύονται πνέοντες θέρους ὥρᾳ τόν τε ἀέρα τὸν ταύτῃ καὶ τὴν γῆν ἀναψύχειν.
그 원인은 결정화되는 소금과 무겁고 맹렬하게 불어오는 남풍이며, 이탈리아 쪽에 면한 산들의 높이 때문에 북쪽에서 불어오는 바람이 여름철에 불어와 이 지역의 공기와 땅을 식히는 것을 방해받기 때문이다.
οἱ δὲ τὴν Κύρνον σταδίους φασὶν οὐ πλέονας ἀπὸ τῆς Σαρδοῦς ἢ ὀκτὼ τῇ θαλάσσῃ διείργεσθαι, ὀρεινήν τε οὖσαν καὶ ἐς ὕψος διὰ πάσης ἀνήκουσαν·
사람들은 퀴르노스 섬이 사르디니아 섬으로부터 바다를 사이에 두고 겨우 8스타디온 이하로 떨어져 있으며, 온통 산악 지대이고 전역에 걸쳐 높이 솟아 있다고 말한다.
τὸν Ζέφυρον οὖν καὶ Βορέαν ὑπὸ τῆς Κύρνου κωλύεσθαι νομίζουσι μὴ καὶ ἄχρι τῆς Σαρδοῦς ἐξικνεῖσθαι.
그리하여 제피로스와 보레아스는 퀴르노스 섬에 의해 가로막혀 사르디니아에까지 도달하지 못하는 것으로 생각된다.
§10.17.12ὄφεις δὲ οὔτε ἐπὶ συμφορᾷ τῇ ἀνθρώπων οὔτε ὅσον ἀνώλεθρον αὐτῶν, οὐδὲ οἱ λύκοι τρέφεσθαι πεφύκασιν.
사람에게 해를 끼치는 뱀도, 해가 없는 종류의 뱀도, 또한 늑대도 이 섬에서는 자생하지 않는다.
οἱ δὲ τράγοι μέγεθος μὲν τοὺς ἑτέρωθι οὐχ ὑπερβάλλουσιν, εἶδος δέ ἐστιν αὐτοῖς ὁποῖον ἐν πλαστικῇ τις ἂν τῇ Αἰγιναίᾳ ποιήσειεν ἀγρίου κριοῦ·
야생 염소들은 크기에 있어서 다른 곳의 것들을 능가하지 않지만, 그 모습은 누군가 아이기나의 조각술로 숫양을 만든 것과 같다.
τὰ μέντοι ἀμφὶ τὸ στῆθος δασύτερά ἐστιν αὐτοῖς ἢ ὡς πρὸς Αἰγιναίαν τέχνην εἰκάσαι·
그러나 가슴 주변의 털은 아이기나의 미술과 비교해 연상되는 것보다 더 무성하다.
κέρατα δὲ οὐ διεστηκότα ἀπὸ τῆς κεφαλῆς, ἀλλὰ ἐς εὐθὺ παρὰ τὰ ὦτα ἔχουσιν ἐληλιγμένα·
뿔은 머리에서 떨어져 솟아 있지 않고, 귀를 따라 곧장 뒤쪽으로 말려 있다.
ὠκύτητι δὲ ἅπαντα τὰ θηρία ὑπερήρκασι.
그들은 날램에 있어서 다른 모든 야생동물을 압도한다.
§10.17.13πλὴν δὲ ἢ βοτάνης μιᾶς καθαρεύει καὶ ἀπὸ φαρμάκων ἡ νῆσος ὅσα ἐργάζεται θάνατον·
단 한 가지 풀을 제외하면 이 섬은 죽음을 초래하는 모든 독초로부터 면해 있다.
ἡ πόα δὲ ἡ ὀλέθριος σελίνῳ μέν ἐστιν ἐμφερής, τοῖς φαγοῦσι δὲ γελῶσιν ἐπιγίνεσθαι τὴν τελευτὴν λέγουσιν.
그 치명적인 풀은 미나리와 비슷하게 생겼는데, 그것을 먹은 사람들에게는 웃으면서 죽음이 닥친다고 전해진다.
ἐπὶ τούτῳ δὲ Ὅμηρός τε καὶ οἱ ἔπειτα ἄνθρωποι τὸν ἐπὶ οὐδενὶ ὑγιεῖ Σαρδάνιον γέλωτα ὀνομάζουσι.
이로 인하여 호메로스와 그 이후의 사람들은 아무런 건강함도 없는 웃음을 '사르도니아의 웃음'이라고 부른다.
φύεται δὲ μάλιστα ἡ πόα περὶ τὰς πηγάς, οὐ μέντοι μεταδίδωσί γε καὶ τῷ ὕδατι τοῦ ἰοῦ.
이 풀은 주로 샘가 주변에서 자라나지만, 물에 독성을 나누어 주지는 않는다.
τὸν μὲν δὴ περὶ τῆς Σαρδοῦς λόγον ἐπεισηγαγόμεθα ἐς τὴν Φωκίδα συγγραφήν, ὅτι οὐχ ἥκιστα καὶ ἐς ταύτην οἱ Ἕλληνες τὴν νῆσον ἀνηκόως εἶχον·
사르디니아에 관한 이 이야기를 포키스 서술에 삽입한 것은, 그리스인들이 특히 이 섬에 대해 전혀 아는 바가 없었기 때문이다.