§10.13.1βίσωνος δὲ ταύρου τῶν Παιονικῶν χαλκοῦ πεποιημένην κεφαλὴν Δρωπίων Λέοντος ἔπεμψεν ἐς Δελφοὺς βασιλεὺς Παιόνων.
페오니아의 왕이자 레온의 아들인 드로피온이 페오니아의 황소인 바이손의 청동 머리를 델포이에 보냈다.
οὗτοι οἱ βίσωνες χαλεπώτατοι θηρίων εἰσὶν ἁλίσκεσθαι ζῶντες, καὶ δίκτυα οὐκ ἂν οὕτω γένοιτο ἰσχυρὰ ὡς ἀντισχεῖν τῇ ἐμβολῇ.
이 바이손들은 살아있는 채로 잡기가 야생동물 중에서 가장 까다로우며, 그 돌진을 버텨낼 만큼 튼튼한 그물은 있을 수 없다.
θηρεύονται δὲ οὗτοι τρόπον τοιόνδε.
그들은 다음과 같은 방식으로 사냥된다.
ἐπειδὰν χωρίον οἱ ἀγρεύοντες πρανὲς εὕρωσι καθῆκον ἐς κοιλότητα, πρῶτα μὲν φράγματι ἰσχυρῷ πέριξ ὠχυρώσαντο, δεύτερον δὲ τὸ κάταντες καὶ τὸ περὶ τῷ πέρατι ὁμαλὸν αὐτοῦ νεοδάρτοις βύρσαις κατεστόρεσαν·
사냥꾼들이 골짜기로 내려가는 경사지를 발견하면, 먼저 주변을 튼튼한 울타리로 굳건히 둘러싸고, 다음으로 그 내리막길과 끝부분의 평탄한 곳에 방금 벗겨낸 가죽을 깔아놓는다.
ἢν δὲ τύχωσιν ἀποροῦντες βυρσῶν, τότε καὶ τὰ αὖα τῶν δερμάτων ὑπὸ ἐλαίου σφίσιν ὀλισθηρὰ ποιεῖται.
만약 가죽이 부족하면 마른 가죽이라도 기름을 발라 미끄럽게 만든다.
§10.13.2τὸ δὲ ἐντεῦθεν οἱ μάλιστα ἱππεύειν ἀγαθοὶ συνελαύνουσιν ἐς τὸ εἰρημένον χωρίον τοὺς βίσωνας·
그 다음에는 승마를 가장 잘하는 자들이 앞서 말한 장소로 바이손들을 몰아넣는다.
οἱ δὲ εὐθὺς ἐν ταῖς πρώταις τῶν βυρσῶν ὀλισθόντες κατὰ τοῦ πρανοῦς κυλίνδονται, ἕως κατενεχθῶσιν ἐς τὸ ὁμαλόν.
그러면 그들은 가죽의 초입에서 곧바로 미끄러져 내리막길로 굴러떨어지며, 평탄한 곳까지 휩쓸려 내려간다.
ἐρριμμένοι δὲ ἐνταῦθα ἠμέληνται κατʼ ἀρχάς·
그곳에 쓰러진 채로 처음에는 방치된다.
τετάρτῃ δὲ ἢ πέμπτῃ μάλιστα ἡμέρᾳ τῶν μὲν ἤδη τοῦ θυμοῦ τὸ πολὺ ὁ λιμὸς ἀφαιρεῖ καὶ ἡ ταλαιπωρία, οἱ δέ σφισιν, οἷς §10.13.3τέχνη τιθασεύειν, προσφέρουσιν ἔτι κειμένοις πίτυος τῆς ἡμέρου καρπὸν προεκλέξαντες ἐκ τῶν ἐλαχίστων ἐλύτρων·
그러나 대략 나흘이나 닷새째가 되면 굶주림과 피로가 이미 그들의 거친 기세 대부분을 앗아가고, 길들이는 기술을 가진 자들이 아직 누워 있는 그들에게 재배된 소나무 열매를 가장 작은 껍질에서 미리 골라내어 건넨다.
ἑτέρας δὲ οὐκ ἂν τροφῆς τό γε παραυτίκα ἅψαιτο τὰ θηρία·
적어도 당분간은 그 야수들이 다른 먹이에는 손을 대지 않으려 한다.
τέλος δὲ διαλαβόντες δεσμοῖς ἄγουσι.
마침내 사슬로 묶어서 끌고 간다.
§10.13.4καὶ τοὺς μὲν τρόπον αἱροῦσι τὸν εἰρημένον, τοῦ βίσωνος δὲ τῆς κεφαλῆς καταντικρὺ τῆς χαλκῆς ἀνδριάς ἐστι θώρακά τε ἐνδεδυκὼς καὶ χλαμύδα ἐπὶ τῷ θώρακι·
그들은 말한 방식으로 잡힌다. 바이손의 청동 머리 맞은편에는 흉갑을 입고 그 위에 클라미스를 걸친 조각상이 있다.
Ἀνδρίων δὲ ἀνάθημα οἱ Δελφοὶ λέγουσιν Ἀνδρέα εἶναι τὸν οἰκιστήν.
델포이인들은 이것이 안드로스인들의 봉헌물이며 그들의 개척자 안드레우스의 상이라고 말한다.
τό τε ἄγαλμα τοῦ Ἀπόλλωνος καὶ Ἀθηνᾶς τε καὶ Ἀρτέμιδος Φωκέων ἀναθήματά ἐστιν ἀπὸ Θεσσαλῶν ὁμόρων τε—πλὴν ὅσον οἱ Λοκροὶ σφᾶς οἱ Ἐπικνημίδιοι διείργουσι—καὶ ἀεὶ πολεμίων ὄντων.
아폴론과 아테나, 아르테미스의 조각상은 포키스인들의 봉헌물로, 이웃이자—에피크네미디오스 로크리스인들이 그들 사이를 갈라놓고 있는 것을 제외하면—늘 적대 관계에 있는 테살리아인들에게서 얻은 전리품으로 만든 것이다.
§10.13.5ἀνέθεσαν δὲ καὶ οἱ ἐν Φαρσάλῳ Θεσσαλοὶ καὶ Μακεδόνων οἱ ὑπὸ τῇ Πιερίᾳ πόλιν Δῖον οἰκοῦντες Κυρηναῖοί τε τοῦ Ἑλληνικοῦ τοῦ ἐν Λιβύῃ, οὗτοι μὲν τὸ ἅρμα καὶ ἐπὶ τῷ ἅρματι ἄγαλμα Ἄμμωνος, Μακεδόνες δὲ οἱ ἐν Δίῳ τὸν Ἀπόλλωνα ὃς εἰλημμένος ἐστὶ τῆς ἐλάφου, Φαρσάλιοι δὲ Ἀχιλλέα τε ἐπὶ ἵππῳ καὶ ὁ Πάτροκλος συμπαραθεῖ οἱ τῷ ἵππῳ.
파르살로스의 테살리아인들과 피에리아 아래의 디온 도시에 사는 마케도니아인들, 그리고 리비아의 그리스인인 키레네인들도 봉헌물을 바쳤다. 키레네인들은 전차와 그 전차 위의 암몬 상을, 디온의 마케도니아인들은 암사슴을 붙잡고 있는 아폴론을, 파르살로스인들은 말에 탄 아킬레우스와 그 말 곁을 나란히 달리는 파트로클로스를 바쳤다.
Κορίνθιοι δὲ οἱ Δωριεῖς ᾠκοδόμησαν θησαυρὸν καὶ οὗτοι·
도리스인인 코린토스인들도 마찬가지로 보물창고를 지었다.
§10.13.6καὶ ὁ χρυσὸς ὁ ἐκ Λυδῶν ἀνέκειτο ἐνταῦθα.
그리고 리디아인들이 보낸 황금이 그곳에 보관되어 있었다.
τὸ δὲ ἄγαλμα τοῦ Ἡρακλέους ἀνάθημά ἐστι Θηβαίων, ὅτε Φωκεῦσιν ἐπολέμησαν τὸν ἱερὸν καλούμενον πόλεμον.
헤라클레스의 조각상은 테베인들이 이른바 신성 전쟁에서 포키스인들과 싸웠을 때 바친 봉헌물이다.
εἰσὶ καὶ εἰκόνες χαλκαῖ Φωκέων ἀναθέντων, ἡνίκα δευτέρᾳ συμβολῇ τὸ ἱππικὸν ἐτρέψαντο τὸ ἐκ Θεσσαλίας.
포키스인들이 두 번째 격돌에서 테살리아의 기병대를 패주시켰을 때 바친 청동 조각상들도 있다.
Φλιάσιοι δὲ ἐκόμισαν ἐς Δελφοὺς Δία τε χαλκοῦν καὶ ὁμοῦ τῷ Διὶ ἄγαλμα Αἰγίνης.
플리아소스인들은 청동 제우스 상과 그 제우스와 함께 아이기나의 조각상을 델포이로 가져왔다.
ἐκ δὲ Μαντινείας τῆς Ἀρκάδων Ἀπόλλων χαλκοῦς ἐστιν ἀνάθημα·
아르카디아의 만티네이아에서 온 청동 아폴론 상도 봉헌물이다.
οὗτος οὐ πόρρω τοῦ Κορινθίων ἐστὶ θησαυροῦ.
이것은 코린토스인의 보물창고에서 그리 멀지 않은 곳에 있다.
§10.13.7Ἡρακλῆς δὲ καὶ Ἀπόλλων ἔχονται τοῦ τρίποδος καὶ ἐς μάχην περὶ αὐτοῦ καθίστανται·
헤라클레스와 아폴론은 삼각대를 붙잡고 있으며 그것을 두고 싸움을 벌이려 한다.
Λητὼ μὲν δὴ καὶ Ἄρτεμις Ἀπόλλωνα, Ἀθηνᾶ δὲ Ἡρακλέα ἐπέχουσι τοῦ θυμοῦ.
레토와 아르테미스는 아폴론을, 아테나는 헤라클레스를 붙잡아 그들의 분노를 가라앉히고 있다.
Φωκέων καὶ τοῦτό ἐστιν ἀνάθημα, ὅτε σφίσιν ἐπὶ τοὺς Θεσσαλοὺς Τελλίας ἡγήσατο Ἠλεῖος.
이것 또한 포키스인들의 봉헌물로, 엘리스인 텔리아스가 그들을 이끌고 테살리아인들에 맞서 싸웠을 때 바친 것이다.
τὰ μὲν δὴ ἄλλα ἀγάλματα Δίυλλός τε ἐν κοινῷ καὶ Ἀμυκλαῖος, τὴν δὲ Ἀθηνᾶν καὶ Ἄρτεμιν Χίονίς ἐστιν εἰργασμένος·
다른 조각상들은 디일로스와 아미클라이오스가 공동으로 만들었고, 아테나와 아르테미스 상은 키오니스가 제작했다.
Κορινθίους δὲ εἶναί φασιν αὐτούς.
이들은 코린토스인들이라고 전해진다.
§10.13.8λέγεται δὲ ὑπὸ Δελφῶν Ἡρακλεῖ τῷ Ἀμφιτρύωνος ἐλθόντι ἐπὶ τὸ χρηστήριον τὴν πρόμαντιν Ξενόκλειαν οὐκ ἐθελῆσαί οἱ χρᾶν διὰ τοῦ Ἰφίτου τὸν φόνον·
델포이인들에 따르면, 암피트리온의 아들 헤라클레스가 신탁소에 왔을 때 무녀 크세노클레이아는 이피토스를 살해한 일 때문에 그에게 신탁을 내리기를 거부했다.
τὸν δὲ ἀράμενον τὸν τρίποδα ἐκ τοῦ ναοῦ φέρειν ἔξω, εἰπεῖν τε δὴ τὴν πρόμαντιν·
그러자 그는 삼각대를 들어 신전 밖으로 가지고 나갔고, 이에 무녀가 이렇게 말했다고 한다.
"
ἄλλος ἄρʼ Ἡρακλέης Τιρύνθιος, οὐχὶ Κανωβεύς·
"과연 또 다른 티린스의 헤라클레스요, 카노보스의 자가 아니로다.
"
πρότερον γὰρ ἔτι ὁ Αἰγύπτιος Ἡρακλῆς ἀφίκετο ἐς Δελφούς.
"이보다 이전에 이미 이집트의 헤라클레스가 델포이에 온 적이 있었기 때문이다.
τότε δὲ ὁ Ἀμφιτρύωνος τόν τε τρίποδα ἀποδίδωσι τῷ Ἀπόλλωνι καὶ παρὰ τῆς Ξενοκλείας ὁπόσα ἐδεῖτο ἐδιδάχθη.
그때 암피트리온의 아들은 삼각대를 아폴론에게 돌려주었고, 크세노클레이아로부터 필요한 것들을 전해 들었다.
παραδεξάμενοι δὲ οἱ ποιηταὶ τὸν λόγον μάχην Ἡρακλέους πρὸς Ἀπόλλωνα ὑπὲρ τρίποδος ᾄδουσιν.
시인들은 이 이야기를 받아들여 삼각대를 둘러싼 헤라클레스와 아폴론의 싸움을 노래한다.
§10.13.9ἐν κοινῷ δὲ ἀνέθεσαν ἀπὸ ἔργου τοῦ Πλαταιᾶσιν οἱ Ἕλληνες χρυσοῦν τρίποδα δράκοντι ἐπικείμενον χαλκῷ.
그리스인들은 플라타이아이에서의 전공을 기려 공동으로, 청동 뱀 위에 놓인 황금 삼각대를 바쳤다.
ὅσον μὲν δὴ χαλκὸς ἦν τοῦ ἀναθήματος, σῶον καὶ ἐς ἐμὲ ἔτι ἦν·
봉헌물 중 청동으로 된 부분만큼은 내 시대까지도 온전히 남아 있었다.
οὐ μέντοι κατὰ τὰ αὐτὰ καὶ τὸν χρυσὸν οἱ Φωκέων ὑπελίποντο ἡγεμόνες.
하지만 포키스인들의 지도자들은 황금에 대해서는 똑같이 온전히 남겨두지 않았다.
§10.13.10Ταραντῖνοι δὲ καὶ ἄλλην δεκάτην ἐς Δελφοὺς ἀπὸ βαρβάρων Πευκετίων ἀπέστειλαν·
타렌툼인들은 야만인 페우케티오스인들에게서 얻은 또 다른 십분의 일(전리품)을 델포이에 보냈다.
τέχνη μὲν τὰ ἀναθήματα Ὀνάτα τοῦ Αἰγινήτου καὶ Ἀγελάδα ἐστὶ τοῦ Ἀργείου, εἰκόνες δὲ καὶ πεζῶν καὶ ἱππέων, βασιλεὺς Ἰαπύγων Ὦπις ἥκων τοῖς Πευκετίοις σύμμαχος.
이 봉헌물들은 아이기나의 오나타스와 아르고스의 아겔라다스의 작품으로, 보병과 기병의 조각상들이며, 페우케티오스인들의 동맹군으로 왔던 이아피기아인들의 왕 오피스도 있다.
οὗτος μὲν δὴ εἴκασται τεθνεῶτι ἐν τῇ μάχῃ, οἱ δὲ αὐτῷ κειμένῳ ἐφεστηκότες ὁ ἥρως Τάρας ἐστὶ καὶ Φάλανθος ὁ ἐκ Λακεδαίμονος, καὶ οὐ πόρρω τοῦ Φαλάνθου δελφίς·
오피스는 전투에서 전사한 모습으로 표현되어 있고, 누워 있는 그의 곁에 서 있는 이들은 영웅 타라스와 라케다이몬 출신의 팔란토스이며, 팔란토스 근처에는 돌고래가 있다.
πρὶν γὰρ δὴ ἐς Ἰταλίαν ἀφικέσθαι, ναυαγίᾳ τε ἐν τῷ πελάγει τῷ Κρισαίῳ τὸν Φάλανθον χρήσασθαι καὶ ὑπὸ δελφῖνος ἐκκομισθῆναί φασιν ἐς τὴν γῆν.
팔란토스가 이탈리아에 도착하기 전에 크리사 해만에서 난파를 당했는데 돌고래 덕분에 육지로 구조되었다고 전해지기 때문이다.