§10.11.1πλησίον δὲ τοῦ ἀναθήματος τοῦ Ταραντίνων Σικυωνίων ἐστὶ θησαυρός·
타라스인들의 봉헌물 근처에는 시큐온인들의 보물창고가 있다.
χρήματα δὲ οὔτε ἐνταῦθα ἴδοις ἂν οὔτε ἐν ἄλλῳ τῶν θησαυρῶν.
그러나 여기에서도 다른 보물창고에서도 금품은 찾아볼 수 없을 것이다.
Κνίδιοι δὲ ἐκόμισαν ἀγάλματα ἐς Δελφοὺς Τριόπαν οἰκιστὴν τῆς Κνίδου παρεστῶτα ἵππῳ καὶ Λητὼ καὶ Ἀπόλλωνά τε καὶ Ἄρτεμιν ἀφιέντας τῶν βελῶν ἐπὶ Τιτυόν·
크니도스인들은 크니도스의 식민 지도자이며 말 옆에 서 있는 트리오파스, 그리고 티튀오스를 향해 활을 쏘고 있는 레토, 아폴론, 아르테미스의 조각상들을 델포이로 가져왔다.
ὁ δὲ καὶ τετρωμένος ἐστὶν ἤδη τὸ σῶμα.
티튀오스는 이미 몸에 상처를 입은 상태이다.
§10.11.2ταῦτα ἕστηκε παρὰ τὸν Σικυωνίων θησαυρόν·
이것들은 시큐온인의 보물창고 옆에 서 있다.
ἐποιήθη δὲ καὶ ὑπὸ Σιφνίων ἐπὶ αἰτίᾳ τοιᾷδε θησαυρός.
시프노스인들 역시 다음과 같은 이유로 보물창고를 지었다.
Σιφνίοις ἡ νῆσος χρυσοῦ μέταλλα ἤνεγκε, καὶ αὐτοὺς τῶν προσιόντων ἐκέλευσεν ὁ θεὸς ἀποφέρειν δεκάτην ἐς Δελφούς·
시프노스인들에게 그들의 섬은 금광을 선사했고, 신은 그들에게 수입의 1/10을 델포이로 바치라고 명령했다.
οἱ δὲ τὸν θησαυρὸν ᾠκοδομήσαντο καὶ ἀπέφερον τὴν δεκάτην.
이에 그들은 보물창고를 건설하고 1/10을 바쳤다.
ὡς δὲ ὑπὸ ἀπληστίας ἐξέλιπον τὴν φοράν, ἐπικλύσασα ἡ θάλασσα ἀφανῆ τὰ μέταλλά σφισιν ἐποίησεν.
그러나 탐욕 때문에 그들이 납부를 그만두자, 바다가 범람하여 그들의 광산을 쓸어가 보이지 않게 만들었다.
§10.11.3ἀνέθεσαν δὲ καὶ ἀνδριάντας Λιπαραῖοι ναυμαχίᾳ κρατήσαντες Τυρρηνῶν.
리파라 인들 역시 티레니아인들과의 해전에서 승리하여 입상들을 봉헌했다.
οἱ δὲ Λιπαραῖοι οὗτοι Κνιδίων μὲν ἦσαν ἄποικοι, τῆς δὲ ἀποικίας ἡγεμόνα γενέσθαι φασὶν ἄνδρα Κνίδιον·
이 리파라 인들은 크니도스인들의 식민 이주자들이었는데, 식민의 지도자가 된 것은 크니도스 사람이라고 한다.
ὄνομα δὲ εἶναί οἱ Πένταθλον Ἀντίοχος ὁ Ξενοφάνους Συρακούσιος ἐν τῇ Σικελιώτιδι συγγραφῇ φησι.
크세노파네스의 아들인 시라쿠사의 안티오코스는 그의 『시케리아 역사』에서 그의 이름이 펜타틀로스였다고 전한다.
λέγει δὲ καὶ ὡς ἐπὶ Παχύνῳ τῇ ἄκρᾳ τῇ ἐν Σικελίᾳ κτίσαντες πόλιν αὐτοὶ μὲν ἐκπίπτουσιν ὑπὸ Ἐλύμων καὶ Φοινίκων πολέμῳ πιεσθέντες, τὰς νήσους δὲ ἔσχον ἐρήμους ἔτι ἢ ἀναστήσαντες τοὺς ἐνοικοῦντας, ἃς κατὰ τὰ τὰ ἔπη τὰ Ὁμήρεια Αἰόλου καὶ ἐς ἡμᾶς ἔτι ὀνομάζουσι.
그는 또한 그들이 시케리아의 파퀴노스 곶에 도시를 세웠으나 엘리모스인들과 페니키아인들의 공격을 받아 전쟁에서 밀려나 쫓겨났고, 당시 아직 비어 있거나 혹은 주민들을 쫓아내고서 섬들을 차지했다고 말한다. 이 섬들은 호메로스의 서사시에 따르면 아이올로스의 섬들이라 불리며 우리 시대에 이르기까지 여전히 그렇게 불린다.
§10.11.4τούτων Λιπάραν μὲν κτίσαντες πόλιν ἐνταῦθα οἰκοῦσιν, Ἱέραν δὲ καὶ Στρογγύλην καὶ Διδύμας γεωργοῦσι διαβαίνοντες ναυσὶν ἐς αὐτάς.
이 섬들 중에서 리파라에 도시를 건설하여 그곳에 살고 있으며, 히에라, 스트롱길레, 디디마는 배를 타고 건너가 농사를 짓는다.
ἐν δὲ τῇ Στρογγύλῃ καὶ πῦρ δῆλόν ἐστιν ἀνιὸν ἐκ τῆς γῆς· καὶ ἐν Ἱέρᾳ δὲ πῦρ τε αὐτόματον ἐπὶ ἄκρας ἀνακαίεται τῆς νήσου καὶ ἐπὶ θαλάσσῃ λουτρά ἐστιν ἐπιτήδεια, εἰ δέξεταί σε ἠπίως τὸ ὕδωρ, ἐπεὶ ἄλλως γε χαλεπὸν ὑπὸ ζεστότητός ἐστιν ἐμβαίνεσθαι.
스트롱길레에서는 땅에서 불이 솟아오르는 것이 분명히 보이며, 히에라에서도 섬의 곶에서 자연적으로 불이 타오르고 해변에는 적당한 온천욕장이 있다. 단, 물이 당신을 부드럽게 받아들여 줄 때의 이야기로, 그렇지 않다면 뜨거움 때문에 들어가는 것이 몹시 어렵다.
§10.11.5οἱ δὲ θησαυροὶ Θηβαίων ἀπὸ ἔργου τῶν ἐς πόλεμον, καὶ Ἀθηναίων ἐστὶν ὡσαύτως·
테바이인들의 보물창고는 전쟁에서의 공적으로 인한 것이며, 아테네인들의 것도 마찬가지이다.
Κνιδίους δὲ οὐκ οἶδα εἰ ἐπὶ νίκῃ τινὶ ἢ ἐς ἐπίδειξιν εὐδαιμονίας ᾠκοδομήσαντο, ἐπεὶ Θηβαίοις γε ἀπὸ ἔργου τοῦ ἐν Λεύκτροις καὶ Ἀθηναίοις ἀπὸ τῶν ἐς Μαραθῶνα ἀποβάντων ὁμοῦ Δάτιδί εἰσιν οἱ θησαυροί.
그러나 크니도스인들의 것에 대해서는 그들이 어떤 승리를 기념하여 지은 것인지 아니면 부를 과시하기 위해 지은 것인지 나는 알지 못한다. 왜냐하면 테바이인들의 것은 레우크트라 전투의 공적으로 인한 것이고 아테네인들의 것은 다티스와 함께 마라톤에 상륙한 자들에 대한 공적으로 인한 보물창고이기 때문이다.
Κλεωναῖοι δὲ ἐπιέσθησαν μὲν κατὰ τὸ αὐτὸ Ἀθηναίοις ὑπὸ νόσου τῆς λοιμώδους, κατὰ δὲ μάντευμα ἐκ Δελφῶν ἔθυσαν τράγον ἀνίσχοντι ἔτι τῷ ἡλίῳ, καὶ—εὕραντο γὰρ λύσιν τοῦ κακοῦ—τράγον χαλκοῦν ἀποπέμπουσι τᾷ Ἀπόλλωνι.
클레오나이인들은 아테네인들과 동시에 역병으로 고통받았으나, 델포이의 신탁에 따라 아직 해가 뜨고 있을 때 염소를 제물로 바쳤고, 재앙의 해결책을 얻었기에 청동 염소를 아폴론에게 보냈다.
Ποτιδαιατῶν δὲ τῶν ἐν Θρᾴκῃ καὶ Συρακουσίων, τῶν μέν ἐστιν ὁ θησαυρὸς ἀπὸ τοῦ Ἀττικοῦ τοῦ μεγάλου πταίσματος, Ποτιδαιᾶται δὲ εὐσεβείας τῆς ἐς τὸν θεὸν ἐποίησαν.
트라키아의 포티다이아인들과 시라쿠사인들의 보물창고 중, 시라쿠사인의 보물창고는 아티카인들의 대패배로부터 얻은 것이며, 포티다이아인들은 신을 향한 경외심에서 보물창고를 지었다.
§10.11.6ᾠκοδόμησαν δὲ καὶ Ἀθηναῖοι στοὰν ἀπὸ χρημάτων ἃ ἐν τῷ πολέμῳ σφίσιν ἐγένετο ἀπό τε Πελοποννησίων καὶ ὅσαι Πελοποννησίοις ἦσαν τοῦ Ἑλληνικοῦ σύμμαχοι.
아테네인들 역시 전쟁에서 펠로폰네소스인 및 펠로폰네소스인들의 그리스 동맹국들로부터 얻은 전리품으로 주랑을 건설했다.
ἀνάκειται δὲ καὶ πλοίων τὰ ἄκρα κοσμήματα καὶ ἀσπίδες χαλκαῖ·
그곳에는 배의 선수 장식들과 청동 방패들이 봉헌되어 있다.
τὸ δὲ ἐπίγραμμα τὸ ἐπʼ αὐτοῖς ἀριθμεῖ τὰς πόλεις ἀφʼ ὧν οἱ Ἀθηναῖοι τὰ ἀκροθίνια ἀπέστειλαν, τήν τε Ἠλείων καὶ Λακεδαιμονίων Σικυῶνά τε καὶ Μέγαρα καὶ Πελληνέας Ἀχαιῶν Ἀμβρακίαν τε καὶ Λευκάδα καὶ αὐτὴν Κόρινθον·
그것들에 새겨진 비문은 아테네인들이 첫 전리품을 보낸 도시들을 열거하고 있다. 즉 엘리스인들과 라케다이몬인들의 영토, 시큐온, 메가라, 아카이아인 중 펠레네인들, 암브라키아, 레우카스, 그리고 코린토스 자체이다.
γενέσθαι δὲ ἀπὸ τῶν ναυμαχιῶν τούτων καὶ θυσίαν Θησεῖ καὶ τῷ Ποσειδῶνι ἐπὶ τῷ ὀνομαζομένῳ Ῥίῳ.
이 해전들로부터 리온이라 불리는 곳에서 테세우스와 포세이돈을 위한 제사도 지내졌다.
καί μοι φαίνεται τὸ ἐπίγραμμα ἐς Φορμίωνα τὸν Ἀσωπίχου ἔχειν καὶ ἐς τοῦ Φορμίωνος τὰ ἔργα.
내가 보기에 이 비문은 아소피코스의 아들 포르미온과 포르미온의 공적들을 가리키는 것으로 보인다.