§1.36.1ἐν Σαλαμῖνι δὲ—ἐπάνειμι γὰρ ἐς τὸν προκείμενον λόγον—τοῦτο μὲν Ἀρτέμιδός ἐστιν ἱερόν, τοῦτο δὲ τρόπαιον ἕστηκεν ἀπὸ τῆς νίκης ἣν Θεμιστοκλῆς ὁ Νεοκλέους αἴτιος ἐγένετο γενέσθαι τοῖς Ἕλλησι·
살라미스에는—내가 계획했던 이야기로 돌아가기 때문인데—한편으로는 아르테미스의 신전이 있고, 다른 한편으로는 네오클레스의 아들 테미스토클레스가 그리스인들을 위해 원인이 되어 쟁취한 승리의 기념비가 세워져 있다.
καὶ Κυχρέως ἐστὶν ἱερόν.
또한 키크레우스의 신전도 있다.
ναυμαχούντων δὲ Ἀθηναίων πρὸς Μήδους δράκοντα ἐν ταῖς ναυσὶ λέγεται φανῆναι·
아테네인들이 메디아인들과 해전을 벌이고 있을 때 배들 사이에 뱀이 나타났다고 전해진다.
τοῦτον ὁ θεὸς ἔχρησεν Ἀθηναίοις Κυχρέα εἶναι τὸν ἥρωα.
신은 아테네인들에게 이 뱀이 영웅 키크레우스라고 신탁을 내렸다.
§1.36.2νῆσος δὲ πρὸ Σαλαμῖνός ἐστι καλουμένη Ψυττάλεια·
살라미스 앞에는 프쉬탈레이아라 불리는 섬이 있다.
ἐς ταύτην τῶν βαρβάρων ὅσον τετρακοσίους ἀποβῆναι λέγουσιν, ἡττωμένου δὲ τοῦ Ξέρξου ναυτικοῦ καὶ τούτους ἀπολέσθαι φασὶν ἐπιδιαβάντων ἐς τὴν Ψυττάλειαν τῶν Ἑλλήνων.
이 섬에 야만인들 중 약 사백 명이 상륙했다고 전해지며, 크세르크세스의 해군이 패배했을 때 그리스인들이 프쉬탈레이아로 건너가 이들 또한 멸망시켰다고 한다.
ἄγαλμα δὲ ἐν τῇ νήσῳ σὺν τέχνῃ μέν ἐστιν οὐδέν, Πανὸς δὲ ὡς ἕκαστον ἔτυχε ξόανα πεποιημένα.
섬 안에는 예술적인 기술로 만들어진 조각상은 전혀 없고, 되는 대로 거칠게 만들어진 판의 목상들이 있을 뿐이다.
§1.36.3ἰοῦσι δὲ ἐπʼ Ἐλευσῖνα ἐξ Ἀθηνῶν ἣν Ἀθηναῖοι καλοῦσιν ὁδὸν ἱεράν, Ἀνθεμοκρίτου πεποίηται μνῆμα.
아테네에서 엘레우시스로 향하는, 아테네인들이 '신성한 길'이라 부르는 길을 가는 이들에게는 안테모크리토스의 무덤이 세워져 있다.
ἐς τοῦτον Μεγαρεῦσίν ἐστιν ἀνοσιώτατον ἔργον, οἳ κήρυκα ἐλθόντα, ὡς μὴ τοῦ λοιποῦ τὴν χώραν ἐπεργάζοιντο, κτείνουσιν Ἀνθεμόκριτον·
그에 대해 메가라인들은 가장 경건하지 못한 악행을 저질렀다. 그들은 장차 자신들의 영토를 경작하지 말라는 경고를 전하러 전령으로 온 안테모크리토스를 죽인 것이다.
καί σφισι ταῦτα δράσασι παραμένει καὶ ἐς τόδε μήνιμα ἐκ τοῖν θεοῖν, οἷς οὐδὲ Ἀδριανὸς ὁ βασιλεὺς ὥστε καὶ ἐπαυξηθῆναι μόνοις ἐπήρκεσεν Ἑλλήνων.
이 일을 저지른 그들에게는 오늘날까지 두 여신으로부터의 분노가 지속되고 있으며, 하드리아누스 황제조차 그리스인들 중에서 유독 그들만은 번영하도록 도와줄 수 없었다.
§1.36.4μετὰ δὲ τοῦ Ἀνθεμοκρίτου τὴν στήλην Μολοττοῦ τε τάφος ἐστὶν ἀξιωθέντος Ἀθηναίων καὶ τούτου στρατηγεῖν, ὅτε Πλουτάρχῳ βοηθοῦντες διέβησαν ἐς Εὔβοιαν, καὶ χωρίον Σκῖρον ἐπὶ τοιῷδε καλούμενον.
안테모크리토스의 비석 다음에는 모롯토스의 무덤이 있는데, 그 역시 아테네인들이 플루타르코스를 돕기 위해 에우보이아로 건너갔을 때 장군으로 임명될 영예를 얻었던 인물이다. 또한 다음과 같은 이유로 스키론이라 불리는 장소가 있다.
Ἐλευσινίοις πολεμοῦσι πρὸς Ἐρεχθέα ἀνὴρ μάντις ἦλθεν ἐκ Δωδώνης ὄνομα Σκῖρος, ὃς καὶ τῆς Σκιράδος ἱδρύσατο Ἀθηνᾶς ἐπὶ Φαληρῷ τὸ ἀρχαῖον ἱερόν·
엘레우시스인들이 에레크테우스와 전쟁을 벌이고 있을 때 도도나에서 스키로스라는 이름의 예언자가 찾아왔다. 그는 팔레론에 아테나 스키라스의 고대 신전을 건립한 인물이기도 하다.
πεσόντα δὲ αὐτὸν ἐν τῇ μάχῃ θάπτουσιν Ἐλευσίνιοι πλησίον ποταμοῦ χειμάρρου, καὶ τῷ τε χωρίῳ τὸ ὄνομα ἀπὸ τοῦ ἥρωός ἐστι καὶ τῷ ποταμῷ.
그가 전투에서 전사하자 엘레우시스인들은 그를 급류 근처에 묻었고, 그 장소와 강 모두 그 영웅의 이름을 따서 명명되었다.
§1.36.5πλησίον δὲ πεποίηται Κηφισοδώρου μνῆμα δήμου προστάντος καὶ Φιλίππῳ τῷ Δημητρίου Μακεδόνων βασιλεύοντι ἐς τὰ μάλιστα ἐναντιωθέντος·
그 근처에는 민중의 지도자이자 데메트리오스의 아들로 마케도니아를 지배하던 필리포스에게 극력 대항했던 케피소도로스의 무덤이 세워져 있다.
συμμάχους δὲ ἐπήγετο Κηφισόδωρος Ἀθηναίοις γενέσθαι βασιλεῖς μὲν Ἄτταλον τὸν Μυσὸν καὶ Πτολεμαῖον τὸν Αἰγύπτιον, ἔθνη δὲ αὐτόνομα Αἰτωλοὺς καὶ νησιωτῶν Ῥοδίους καὶ Κρῆτας.
케피소도로스는 아테네인들의 동맹자로서, 한편으로는 뮈시아의 왕 아탈로스와 에집트의 왕 프톨레마이오스를, 다른 한편으로는 자치 민족인 아이톨리아인들과 섬나라 사람들 중에서는 로도스인들과 크레타인들을 끌어들였다.
§1.36.6ὡς δὲ καὶ ἐξ Αἰγύπτου καὶ Μυσίας καὶ παρὰ τῶν Κρητῶν τὰ πολλὰ ὑστέριζον αἱ βοήθειαι, Ῥόδιοι δὲ μόναις ναυσὶν ἰσχύοντες πρὸς ὁπλίτας τοὺς Μακεδόνας οὐ μεγάλα ὠφέλουν, ἐνταῦθα Κηφισόδωρος ἐς Ἰταλίαν σὺν ἄλλοις Ἀθηναίων πλεύσας ἱκέτευεν ἀμῦναι Ῥωμαίους·
그러나 에집트와 뮈시아, 그리고 크레타인들로부터의 지원의 대부분은 뒤늦게 도착했고, 로도스인들은 배의 힘에만 의존했기 때문에 마케도니아의 중장보병들을 상대로 큰 도움이 되지 못했다. 그리하여 케피소도로스는 다른 아테네인들과 함께 이탈리아로 항해하여 로마인들에게 구원을 청했다.
οἱ δέ σφισι δύναμιν καὶ στρατηγὸν πέμπουσιν, οἳ τὰ Φιλίππου καὶ Μακεδόνων ἐς τοσοῦτο καθεῖλον ὡς ὕστερον Περσέα τὸν Φιλίππου τήν τε ἀρχὴν ἀποβαλεῖν καὶ αὐτὸν αἰχμάλωτον ἐς Ἰταλίαν ἀχθῆναι.
그들은 군대와 장군을 보내주었고, 이들은 필리포스와 마케도니아인들의 세력을 철저히 꺾어놓았기 때문에, 훗날 필리포스의 아들 페르세우스는 지배권을 잃고 자신도 포로가 되어 이탈리아로 압송되었다.
Φίλιππος δὲ ἦν οὗτος ὁ Δημητρίου·
이 필리포스는 데메트리오스의 아들이었다.
πρῶτος γὰρ ταύτης τῆς οἰκίας ἔσχε Δημήτριος τὴν Μακεδόνων ἀρχὴν ἀποκτείνας Ἀλέξανδρον τὸν Κασσάνδρου παῖδα, ὡς τὰ πρότερον ἔχει μοι τοῦ λόγου.
왜냐하면 이 가문에서 최초로 마케도니아의 지배권을 차지한 것은 카산드로스의 아들 알렉산드로스를 죽인 데메트리오스였기 때문이며, 이는 내 이야기의 앞부분에서 밝힌 바와 같다.