§1.19.1μετὰ δὲ τὸν ναὸν τοῦ Διὸς τοῦ Ὀλυμπίου πλησίον ἄγαλμά ἐστιν Ἀπόλλωνος Πυθίου·
올림피아 제우스 신전 다음으로, 근처에 피티아 아폴론의 조각상이 있다.
ἔστι δὲ καὶ ἄλλο ἱερὸν Ἀπόλλωνος ἐπίκλησιν Δελφινίου.
또한 델피니오스라는 별칭을 가진 아폴론의 다른 성역도 있다.
λέγουσι δὲ ὡς ἐξειργασμένου τοῦ ναοῦ πλὴν τῆς ὀροφῆς ἀγνὼς ἔτι τοῖς πᾶσιν ἀφίκοιτο Θησεὺς ἐς τὴν πόλιν·
그들의 말에 따르면, 신전이 지붕을 제외하고 완성되었을 때, 아직 모든 이에게 알려지지 않은 테세우스가 도시에 도착했다.
οἷα δὲ χιτῶνα ἔχοντος αὐτοῦ ποδήρη καὶ πεπλεγμένης ἐς εὐπρεπές οἱ τῆς κόμης, ὡς ἐγίνετο κατὰ τὸν τοῦ Δελφινίου ναόν, οἱ τὴν στέγην οἰκοδομοῦντες ἤροντο σὺν χλευασίᾳ, ὅ τι δὴ παρθένος ἐν ὥρᾳ γάμου πλανᾶται μόνη·
그는 발까지 내려오는 키톤을 입고 머리를 단정하게 땋고 있었기에, 그가 델피니오스 신전 근처에 이르렀을 때 지붕을 짓던 자들이 혼인할 나이의 처녀가 왜 혼자 돌아다니느냐고 조롱하듯 물었다.
Θησεὺς δὲ ἄλλο μὲν αὐτοῖς ἐδήλωσεν οὐδέν, ἀπολύσας δὲ ὡς λέγεται τῆς ἁμάξης τοὺς βοῦς, ἥ σφισι παρῆν, ἀνέρριψεν ἐς ὑψηλότερον ἢ τῷ ναῷ τὴν στέγην ἐποιοῦντο.
테세우스는 그들에게 다른 것은 아무것도 보여주지 않았으나, 전해지는 바에 따르면 그들 곁에 있던 수레의 황소들을 풀어서 그들이 신전 지붕을 만들고 있던 높이보다 더 높이 던져 올렸다.
§1.19.2—ἐς δὲ τὸ χωρίον, ὃ Κήπους ὀνομάζουσι, καὶ τῆς Ἀφροδίτης τὸν ναὸν οὐδεὶς λεγόμενός σφισίν ἐστι λόγος·
――하지만 '정원(케포이)'이라 부르는 곳과 아프로디테의 신전에 대해서는 그들에게 전해지는 이야기가 아무것도 없다.
οὐ μὴν οὐδὲ ἐς τὴν Ἀφροδίτην, ἣ τοῦ ναοῦ πλησίον ἕστηκε.
신전 근처에 서 있는 아프로디테에 대해서도 마찬가지다.
ταύτης γὰρ σχῆμα μὲν τετράγωνον κατὰ ταὐτὰ καὶ τοῖς Ἑρμαῖς, τὸ δὲ ἐπίγραμμα σημαίνει τὴν Οὐρανίαν Ἀφροδίτην τῶν καλουμένων Μοιρῶν εἶναι πρεσβυτάτην.
그녀의 형상은 헤르메스 기둥들과 마찬가지로 사각형이며, 명문은 천상의 아프로디테가 이른바 운명의 여신들(모이라이) 중 가장 맏이임을 나타낸다.
τὸ δὲ ἄγαλμα τῆς Ἀφροδίτης τῆς ἐν Κήποις ἔργον ἐστὶν Ἀλκαμένους καὶ τῶν Ἀθήνῃσιν ἐν ὀλίγοις θέας ἄξιον.
그리고 '정원'에 있는 아프로디테의 조각상은 알카메네스의 작품이며, 아테네에 있는 몇 안 되는 볼 만한 것 중 하나이다.
§1.19.3ἔστι δὲ Ἡρακλέους ἱερὸν καλούμενον Κυνόσαργες·
또한 키노사르게스라 불리는 헤라클레스의 성역이 있다.
καὶ τὰ μὲν ἐς τὴν κύνα εἰδέναι τὴν λευκὴν ἐπιλεξαμένοις ἔστι τὸν χρησμόν, βωμοὶ δέ εἰσιν Ἡρακλέους τε καὶ Ἥβης, ἣν Διὸς παῖδα οὖσαν συνοικεῖν Ἡρακλεῖ νομίζουσιν·
흰 개에 관한 일에 대해서는 신탁을 읽어보면 알 수 있다. 그곳에는 헤라클레스와 헤베의 제단이 있는데, 헤베는 제우스의 딸로서 헤라클레스와 함께 산다고 사람들은 생각한다.
Ἀλκμήνης τε βωμὸς καὶ Ἰολάου πεποίηται, ὃς τὰ πολλὰ Ἡρακλεῖ συνεπόνησε τῶν ἔργων.
알크메네의 제단과 헤라클레스의 업적 중 대부분을 함께 고생하며 도운 이올라오스의 제단도 만들어져 있다.
Λύκειον δὲ ἀπὸ μὲν Λύκου τοῦ Πανδίονος ἔχει τὸ ὄνομα, Ἀπόλλωνος δὲ ἱερὸν ἐξ ἀρχῆς τε εὐθὺς καὶ καθʼ ἡμᾶς ἐνομίζετο, Λύκειός τε ὁ θεὸς ἐνταῦθα ὠνομάσθη πρῶτον·
리케이온은 판디온의 아들 리코스에게서 이름을 따왔으나, 태초부터 우리 시대에 이르기까지 아폴론의 성역으로 여겨졌으며, 그 신은 여기서 처음으로 리케이오스라 이름 붙여졌다.
λέγεται δὲ ὅτι καὶ Τερμίλαις, ἐς οὓς ἦλθεν ὁ Λύκος φεύγων Αἰγέα, καὶ τούτοις αἴτιός ἐστι Λυκίους ἀπʼ αὐτοῦ καλεῖσθαι.
또한 리코스가 아이게우스를 피해 달아났던 테르밀라이인들에게도 그가 자신을 따서 리키아인이라 불리게 된 원인이 되었다고 전해진다.
§1.19.4ἔστι δὲ ὄπισθεν τοῦ Λυκείου Νίσου μνῆμα, ὃν ἀποθανόντα ὑπὸ Μίνω βασιλεύοντα Μεγάρων κομίσαντες Ἀθηναῖοι ταύτῃ θάπτουσιν.
리케이온 뒤쪽에는 니소스의 무덤이 있는데, 그가 메가라를 다스리던 시절 미노스에 의해 죽임을 당하자 아테네인들이 시신을 거두어 이곳에 묻었다.
ἐς τοῦτον τὸν Νῖσον ἔχει λόγος τρίχας ἐν τῇ κεφαλῇ οἱ πορφυρᾶς εἶναι, χρῆναι δὲ αὐτὸν τελευτᾶν ἐπὶ ταύταις ἀποκαρείσαις·
이 니소스에 대해서는 그의 머리에 자줏빛 머리카락이 있어 그것이 잘려 나갈 때 그가 죽어야 했다는 전설이 있다.
ὡς δὲ οἱ Κρῆτες ἦλθον ἐς τὴν γῆν, τὰς μὲν ἄλλας ἐξ ἐπιδρομῆς ᾕρουν τὰς ἐν τῇ Μεγαρίδι πόλεις, ἐς δὲ τὴν Νίσαιαν καταφεύγοντα τὸν Νῖσον ἐπολιόρκουν·
크레타인들이 그 땅에 들어왔을 때, 그들은 메가리스의 다른 도시들을 기습하여 점령하고 니사이에 피신해 있던 니소스를 포위했다.
ἐνταῦθα τοῦ Νίσου λέγεται θυγατέρα ἐρασθῆναι Μίνω καὶ ὡς ἀπέκειρε τὰς τρίχας τοῦ πατρός.
여기서 니소스의 딸이 미노스를 사랑하게 되어 아버지의 머리카락을 잘라냈다다고 전해진다.
§1.19.5ταῦτα μὲν οὕτω γενέσθαι λέγουσι·
이 일들은 이와 같이 일어났다고 전해진다.
ποταμοὶ δὲ Ἀθηναίοις ῥέουσιν Ἰλισός τε καὶ Ἠριδανῷ τῷ Κελτικῷ κατὰ τὰ αὐτὰ ὄνομα ἔχων, ἐκδιδοὺς ἐς τὸν Ἰλισόν.
아테네인들에게는 일리소스 강과, 켈트인의 에리다누스와 똑같은 이름을 가졌으며 일리소스 강으로 흘러드는 에리다누스 강이 흐르고 있다.
ὁ δὲ Ἰλισός ἐστιν οὗτος, ἔνθα παίζουσαν Ὠρείθυιαν ὑπὸ ἀνέμου Βορέου φασὶν ἁρπασθῆναι·
이 일리소스 강은 오레이티이아가 놀고 있을 때 북풍 보레아스에게 납치되었다고 전해지는 곳이다.
καὶ συνοικεῖν Ὠρειθυίᾳ Βορέαν καί σφισι διὰ τὸ κῆδος ἀμύναντα τῶν τριήρων τῶν βαρβαρικῶν ἀπολέσαι τὰς πολλάς.
보레아스는 오레이티이아와 함께 살았으며, 혼인 관계 때문에 아테네인들을 도와 이방인의 삼단노선 대부분을 멸망시켰다.
ἐθέλουσι δὲ Ἀθηναῖοι καὶ ἄλλων θεῶν ἱερὸν εἶναι τὸν Ἰλισόν, καὶ Μουσῶν βωμὸς ἐπʼ αὐτῷ ἐστιν Ἰλισιάδων·
아테네인들은 일리소스 강이 다른 신들에게도 신성한 곳이기를 원하며, 강가에는 일리소스 뮤즈들의 제단이 있다.
δείκνυται δὲ καὶ ἔνθα Πελοποννήσιοι Κόδρον τὸν Μελάνθου βασιλεύοντα Ἀθηναίων κτείνουσι.
또한 펠로폰네소스인들이 당시 아테네를 다스리던 멜란토스의 아들 코드로스를 죽인 장소도 이곳에 표시되어 있다.
§1.19.6διαβᾶσι δὲ τὸν Ἰλισὸν χωρίον Ἄγραι καλούμενον καὶ ναὸς Ἀγροτέρας ἐστὶν Ἀρτέμιδος·
일리소스 강을 건너면 아그라이라 불리는 곳과 야생의 아르테미스 신전이 있다.
ἐνταῦθα Ἄρτεμιν πρῶτον θηρεῦσαι λέγουσιν ἐλθοῦσαν ἐκ Δήλου, καὶ τὸ ἄγαλμα διὰ τοῦτο ἔχει τόξον.
여기서 아르테미스가 델로스에서 와서 처음으로 사냥을 했다고 전해지며, 이 때문에 신상은 활을 쥐고 있다.
τὸ δὲ ἀκούσασι μὲν οὐχ ὁμοίως ἐπαγωγόν, θαῦμα δʼ ἰδοῦσι, στάδιόν ἐστι λευκοῦ λίθου.
그리고 들었을 때는 그다지 매력적이지 않지만 눈으로 보는 이들에게는 경이로운 것은 흰 돌로 된 경기장이다.
μέγεθος δὲ αὐτοῦ τῇδε ἄν τις μάλιστα τεκμαίροιτο·
그 크기는 특히 다음과 같이 미루어 짐작할 수 있다.
ἄνωθεν ὄρος ὑπὲρ τὸν Ἰλισὸν ἀρχόμενον ἐκ μηνοειδοῦς καθήκει τοῦ ποταμοῦ πρὸς τὴν ὄχθην εὐθύ τε καὶ διπλοῦν.
일리소스 강 위쪽에서 시작되는 산이 초승달 모양으로 강의 제방을 향해 곧고 이중으로 내려앉아 있다.
τοῦτο ἀνὴρ Ἀθηναῖος Ἡρώδης ᾠκοδόμησε, καί οἱ τὸ πολὺ τῆς λιθοτομίας τῆς Πεντελῆσιν ἐς τὴν οἰκοδομὴν ἀνηλώθη.
이것은 아테네인 헤로데스가 건설한 것인데, 펜텔리콘의 석산에서 나온 돌의 대부분이 그에 의해 건설에 사용되었다.