§321ἔτει δεκάτῳ περιήκοντι τῆς ἀσθενείας ἐπελθὸν φάσμα ἔλεγε τοιάδε, ἐγὼ τὴν αὐτὴν νόσον νοσήσας περιιόντι τῷ δεκάτῳ ἔτει, βουλομένου τοῦ Ἀσκληπιοῦ πορευθεὶς ἐπὶ τοὺς τόπους, ἐν οἷς ἡ νόσος ἤρξατο συλλέγεσθαι, ἀπηλλάγην. τοιαῦτʼ ἦν τὰ λεχθέντα καὶ ἐδόκει γεγράφθαι·
내 병의 열 번째 해가 돌아왔을 때, 나타난 환영이 다음과 같이 말하였다. "나 역시 돌아오는 열 번째 해에 같은 병을 앓았으나, 아스클레피오스의 뜻에 따라 병이 시작되고 쌓이기 시작한 장소들로 여행하여 그 병에서 벗어났다." 전해진 말은 이러하였고, 기록된 것처럼 보였다.
διήγομεν δὴ καὶ τότε περὶ τὸ ἱερὸν τοῦ Διὸς τοῦ Ὀλυμπίου.
그때 우리는 올림피아 제우스 신전 근처에 머물고 있었다.
χειμὼν δʼ ἦν ὀλίγον μετὰ τροπὰς, ὁ δʼ ἀὴρ ἤπιος.
겨울이었고 동지에서 얼마 지나지 않은 때였으나 공기는 온화했다.
χρησθέντων δὲ τούτων ἦν οἷον εἰκὸς χαρά τε καὶ ὁρμὴ θαυμαστὴ πρὸς τὴν ἔξοδον.
이 신탁들이 내려지자, 당연하게도 출발을 향한 기쁨과 놀라운 충동이 일어났다.
ἀπέχει δὲ ὁ Αἴσηπός τε καὶ τὰ ἐπʼ αὐτῷ θερμὰ ὕδατα δυοῖν ἡμερῶν ὁδὸν τοῦ περὶ τὸ ἱερὸν τόπου τούτου.
아이세포스 강과 그 강가에 있는 온천은 이 신전 주변의 땅에서 이틀 길의 거리에 있다.
καί μοι τὸ σῶμα ἐκεῖ πρῶτον ὑπώλισθε, χειμῶνος ὥρᾳ ψυγὲν, ὑσθέντι λαμπρῶς ἐπὶ λουτροῖς πολλοῖς, ἑσπέρας ἤδη πρὸς τὸ χωρίον καὶ τὴν ἔπαυλιν ἀπελαύνοντι τὴν ἐμαυτοῦ πλησίον οὖσαν, ὥς γʼ οὑτωσὶ φάναι.
그리고 내 몸이 거기서 처음으로 무너져 내렸다. 겨울철에, 여러 번 목욕을 한 후 세찬 비를 맞아 몸이 식은 채로, 저녁에 내 근처에 있는 나의 영지와 별장으로 차를 몰고 가던 중의 일이었다, 말하자면 그렇게 표현할 수 있겠다.
πρὸς μέντοι τὸν παρόντα καιρὸν καὶ ἀφʼ ὧν ἐπανῄειν καὶ πλείω ἦν τοῦ δέοντος καὶ τούτοις δὴ ἐπιγίγνεται ἡ εἰς Ἰταλίαν δυσχερὴς ἔξοδος ὀλίγαις ὕστερον ἡμέραις.
그러나 당시의 상황과 내가 돌아왔을 때의 일들에 비추어 보면, 그것들은 도를 넘는 것이었고, 이에 더하여 며칠 뒤에 이탈리아로의 고된 출발이 일어났다.
ταῦτα μὲν δὴ προεγεγόνει πρότερον ἔτει δεκάτῳ·
이것들은 십 년 전에 이미 일어났던 일들이었다.
τότε δʼ ὡς εἰς θεωρίαν ἐστελλόμεθα ὑπʼ εὐθυμίας αἰθρίας τε οὔσης θαυμαστῆς καὶ τῆς ὁδοῦ δεχομένης.
그러나 그때 우리는 훌륭한 즐거움과 맑은 날씨, 그리고 우리를 맞아주는 길 덕분에 축제 사절단처럼 활기차게 출발했다.
ἔστι δὲ Ποιμανηνὸς χωρίον τῆς Μυσίας καὶ ἐν αὐτῷ ἱερὸν Ἀσκληπιοῦ ἅγιόν τε καὶ ὀνομαστὸν, ἐνταῦθα ἐτελέσαμεν σταδίους ἑξήκοντα μάλιστα καὶ ἑκατόν·
뮈시아에는 포이마네노스라는 곳이 있는데, 그곳에는 성스럽고 유명한 아스클레피오스 신전이 있다. 우리는 그곳까지 대략 백육십 스타디온의 길을 나아갔다.
καὶ τούτων τοὺς ἑξήκοντα σχεδὸν νυκτὸς, ἅτε καὶ προηκούσης τῆς ἡμέρας κινηθέντες, καί τινι καὶ πηλῷ περὶ τοῦτον ἤδη τὸν τόπον ἐνετύχομεν ἐξ ὄμβρων προτέρων οὐ ῥᾳδίῳ διεξελθεῖν·
이 중 약 육십 스타디온은 밤이었는데, 해가 이미 많이 저문 뒤에 움직였기 때문이었고, 이 장소 주변에서는 이전의 비로 인해 통과하기 쉽지 않은 진흙탕도 만났다.
ἡ δὲ πορεία ἐγίγνετο ὑπὸ λαμπάδων.
행진은 횃불 아래에서 이루어졌다.
ἐνταῦθα δὴ παντελῶς οἱονεὶ καθιερώμην τε καὶ εἰχόμην, καί μοι πολλὰ μὲν εἰς
거기서 나는 완전히 신에게 헌신된 듯이 되었고 사로잡혔으며, 나에게는 많은...
§322αὐτὸν τὸν σωτῆρα ἐποιήθη μέλη, ὡς ἔτυχον καθήμενος ἐπὶ τοῦ ζεύγους·
구주 자신을 향한 노래들이 내가 마침 마차에 앉아 있는 동안 지어졌다.
πολλὰ δὲ εἴς τε τὸν Αἴσηπον καὶ Νύμφας καὶ τὴν Θερμαίαν Ἄρτεμιν, ἣ τὰς πηγὰς τὰς θερμὰς ἔχει, δοῦναι λύσιν ἁπάντων ἤδη τῶν δυσχερῶν, καὶ καταστῆσαι πάλιν εἰς τὸ ἐξ ἀρχῆς.
또한 많은 노래가 아이세포스 강과 님프들, 그리고 온천을 지배하는 테르마이아 아르테미스에게 바쳐졌으며, 그들이 이제는 모든 고난으로부터의 해방을 주시고 다시 처음의 상태로 돌려놓아 주기를 기원했다.
ὡς δὲ ἐγενόμην ἐν τῷ Ποιμανηνῷ, χρηματίζει τε ὁ θεὸς καὶ ἐπίσχει τινὰς ἡμέρας·
포이마네노스에 이르렀을 때, 신은 신탁을 내리고 며칠 동안 머물게 했다.
καὶ καθαίρει τὴν ἄνω, καὶ σχεδὸν οὐκ εἰσάπαξ.
그리고 위쪽(상부 소화관)을 정화하게 했는데, 그것도 단 한 번에 끝난 것이 아니었다.
καὶ γίγνεται ὄναρ ἀνθρώπῳ γεωργῷ, ὃς ἐμὲ οὐκ ᾔδει πω, πλὴν ὅσον ἤκουεν·
그리고 나를 소문으로만 알 뿐 아직 알지 못하던 어떤 농부에게 꿈이 나타났다.
ἐδόκει τινὰ αὑτῷ λέγειν ὅτι Ἀριστείδης ἐχίδνης κεφαλὴν ἐξεμημεκὼς εἴη.
그는 누군가가 자신에게 아리스티데스가 독사의 머리를 토해냈다고 말하는 것을 보았다.
ταύτην δὲ ἰδὼν τὴν ὄψιν φράζει τῶν ἐμῶν τινὶ, ὁ δʼ ἐμοί.
이 환영을 본 그는 내 지인 중 한 명에게 말했고, 그 사람은 나에게 전했다.
καὶ τοῦτο μὲν δὴ τοιοῦτον.
이 일은 참으로 그러했다.
ὡς δʼ ἀπέπεμπεν ἐπὶ τὸν Αἴσηπον, λουτρῶν μὲν ἐκείνων αὐτόθεν προσέταξεν ἀπέχεσθαι, τὴν δʼ ἄλλην δίαιταν ἔφραζεν ἐφʼ ἡμέρᾳ.
그리고 신이 나를 아이세포스 강으로 보낼 때, 그곳의 목욕은 피하도록 명하고 다른 일상 요법은 매일매일 지시했다.
κἀνταῦθα δὴ καθαρμοί τε ἐγίγνοντο ἐπὶ τοῦ ποταμοῦ ὑπὸ σπονδῶν καὶ καθάρσεις οἴκοι διʼ ἐμέτου.
그리고 거기서는 강가에서 헌주와 함께 정화 의식이 행해졌고, 집에서는 구토를 통한 정화가 이루어졌다.
καὶ τριῶν ἢ τεττάρων ἡμερῶν διαγενομένων γίγνεται φωνὴ διʼ ὀνείρατος, ὅτι πέρας τε ἔχοι καὶ ἐπανήκειν δεῖ.
사흘이나 나흘이 지났을 때, 꿈을 통해 이제 끝에 도달했으니 돌아가야 한다는 목소리가 들렸다.
ἦν οὖν οὐ μόνον τελετῇ τινι ἐοικὸς, οὕτω θείων τε καὶ παραδόξων τῶν δρωμένων ὄντων, ἀλλὰ καὶ συνέπιπτέ τι θαυμαστὸν ἀηθείᾳ, ἅμα μὲν γὰρ ἦν εὐθυμεῖσθαι, χαίρειν, ἐν εὐκόλοις εἶναι καὶ τῆς ψυχῆς καὶ τοῦ σώματος, ἅμα θʼ οἷον ἀπιστεῖν εἴ ποτε ταύτην ἰδεῖν ἐξέσται τὴν ἡμέραν, ἐν ᾗ τις ἐλεύθερον αὑτὸν τῶν τοσούτων πραγμάτων ὄψεται, πρὸς δὲ καὶ δεδιέναι μή πού τι τῶν εἰωθότων αὖθις συμβὰν λυμήνηται ταῖς περὶ τῶν ὅλων ἐλπίσι.
그리하여 행해지는 일들이 너무나 신성하고 예외적이었기 때문에 그것은 어떤 비의와 비슷했을 뿐만 아니라, 익숙지 않음으로 인한 놀라운 감정이 겹쳤다. 왜냐하면 한편으로는 기운이 나고, 기쁘고, 몸과 마음이 편안한 동시에, 다른 한편으로는 이토록 많은 일들로부터 자유로워진 자신을 볼 수 있는 날이 과연 올 것인지 불신하는 마음이 들기도 했고, 게다가 늘 있던 증상들이 다시 발생하여 전체에 대한 희망을 망가뜨리지 않을까 두려워하기도 했기 때문이다.
κατεσκεύαστο μὲν οὕτω τὰ τῆς γνώμης καὶ μετὰ τοιαύτης ἡδονῆς ἅμα καὶ ἀγωνίας ἡ ἀναχώρησις ἐγίγνετο·
마음속은 이와 같이 정리되었고, 그러한 기쁨과 불안이 섞인 가운데 귀환이 이루어졌다.
θεῶν δὲ οὕτω διδόντων ἐγένετο ἀπὸ τούτων ἤδη τῶν χρόνων μεταβολὴ περὶ πᾶν τὸ σῶμα καὶ τὴν δίαιταν σαφὴς, καὶ τόν τε ἀέρα ὑπῆρξε μᾶλλον φέρειν καὶ ὁδοιπορεῖν ἐπιεικῶς οὐδὲν ἔλαττον τῶν πρὸς ὑπερβολὴν ἐρρωμένων.
그러나 신들이 이와 같이 은혜를 베풀어 주셨으므로, 이때부터 온 몸과 요법에 있어 명백한 변화가 생겼고, 공기를 더 잘 견디며 극도로 건강한 사람들에 못지않게 충분히 여행할 수 있게 되었다.
καὶ τῶν σκεπασμάτων τὰ περιττὰ ἀφῃρέθη, οἵ τε ἀνώνυμοι κατάρροι καὶ σφάκελοι περὶ τὰς φλέβας καὶ τὰ νεῦρα ἀπεπαύσαντο.
여분의 덮개들은 제거되었고, 이름 없는 카타르와 혈관 및 신경 주변의 통증도 멈추었다.
τροφὴ δέ πως ἤδη διῳκεῖτο καὶ ἀγῶνας ἐντελεῖς ἠγωνιζόμεθα οἴκοι τε κἀν τοῖς δημοσίοις.
음식도 이제 어떻게든 처리되었으며, 우리는 집에서나 대중 앞에서나 완전한 경기를 치르게 되었다.
καὶ δὴ καὶ πόλεις εἰσήλθομεν ἡγουμένου τοῦ θεοῦ μετὰ τῆς ἀγαθῆς
그리고 실제로 우리는 신이 좋은 행운과 함께 인도하시는 대로 여러 도시로 들어갔다.