§82οὐδεὶς ἦν ἐκείνων μείζων αὐτοῦ.
그들 중 아무도 그보다 더 위대하지 않았다.
καὶ μὴν οἱ μὲν ἄλλοι τῶν μεγάλων ὀρεγόμενοι τὰ μικρὰ παριᾶσιν, ὁ δὲ ἀρξάμενος ἐκ τῶν βραχυτάτων ἄχρι τῶν τελεωτάτων διεξῆλθεν, ὥσπερ φασὶ καὶ μυεῖσθαι θεμιτὸν εἶναι τὰ μικρὰ πρῶτον.
실로 다른 이들은 큰 것을 갈망하여 작은 것을 간과하지만, 그는 가장 사소한 것에서 시작하여 가장 완성된 것에 이르기까지 완수하였으니, 이는 사람들이 먼저 소지혜(작은 신비의식)에 입문하는 것이 법에 맞는다고 말하는 것과 같다.
ἕτεροι δὲ τὰ μὲν ἴχνη καὶ τὰς ἀρχὰς μέχρι πολλοῦ διηρευνήσαντο, μᾶλλον δὲ καὶ κατέτριψαν ἐν τούτοις τὸν ἑαυτῶν βίον, ὧν δὲ ἕνεκα ταῦτα ἐξευρεῖν ἄξιον οἱ μὲν ὅλως οὐκ εἶδον, οἱ δʼ οὐκ ἐφίκοντο, ὡς ἔοικεν·
또 다른 이들은 흔적과 단초들을 오랫동안 탐구했고, 더 나아가 그 안에서 자신들의 평생을 허비하기도 했으나, 그것들을 위해 이것들을 발견해낼 가치가 있는 바로 그 목적을 어떤 이들은 전혀 보지 못했고, 다른 이들은 도달하지 못한 것으로 보인다.
ὁ δʼ ὥσπερ ὁδόν τινα ἐξ ἀρχῆς εἰς τέλος ἠρευνήσατο, οὐδὲν οὐδαμοῦ παριεὶς τῶν σχολῆς καὶ ὁποσηστινοσοῦν ἀξίων.
그러나 그는 마치 하나의 길을 처음부터 끝까지 탐색하듯 하여, 배움에 조금이라도 가치가 있는 것이라면 어디서든 단 하나도 간과하지 않았다.
καὶ γάρ τοι κατέστη τοῖς Ἕλλησιν ἀντὶ ταμιείου κοινοῦ·
그리하여 참으로 그는 그리스인들에게 공동의 보물창고 같은 존재가 되었다.
ἦν γὰρ ὅτου τις δέοιτο τῶν εἰς παιδείαν παρʼ ἐκείνου λαμβάνειν, ὥσπερ ἐκ πηγῶν ἀρυόμενον.
왜냐하면 교양에 관한 일에서 누구나 필요한 것이 있으면, 마치 샘에서 길어 올리듯 그에게서 얻을 수 있었기 때문이다.
τὸ δὲ δὴ μέγιστον τῶν ἐκείνου καὶ μάλιστα ἄξιον ἐπισημήνασθαι, ὃ καὶ πρὸς αὐτὸν ἔγωγέ ποτε εἶπον διαλεγόμενος· πάντα γὰρ ὥσπερ λέγω διεξελθὼν τὰ μαθήματα καὶ οὐδὲν ἔσθʼ ὅ τι οὐκ ἀκριβέστερον τῶν ἐφʼ ἑκάστῳ καθημένων, οὔτε τὸ σοβαρώτατον αὑτῷ τῶν ὀνομάτων ἐπεγράψατο, ἀλλʼ ἔμεινεν ἐπὶ τοῦ ἀρχαίου, καὶ τοὺς ἄλλους οὐκ ἀπεστέρει τῶν διατριβῶν, ἀλλὰ συμπράττων ἑκάστοις ἦν φανερὸς καὶ συναύξων κατὰ δύναμιν ἀεί.
그리고 그의 특징 중에서 가장 위대하고 가장 언급할 만한 것(이것은 나 자신도 언젠가 대화 중에 그에게 직접 말했던 바이다)은, 내가 말한 것처럼 그가 모든 학문을 섭렵하고 각 분야에 종사하는 전문가들보다 더 정확하게 터득하지 않은 것이 하나도 없었음에도, 자신에게 가장 오만한 명칭을 부여하지 않고 옛 명칭에 머물렀으며, 다른 이들의 연구 활동 기회를 빼앗지 않고 도리어 매 순간 각 사람을 도우며 힘닿는 데까지 함께 드높이고자 노력하는 모습이 분명했다는 점이다.
καὶ γὰρ οὖν οἱ μὲν ἄλλοι μείζους διὰ τὰς τέχνας γίγνονται, ὁ δὲ καὶ τὴν τέχνην αὐτὴν μείζω τῷ παρʼ ἑαυτοῦ μέρει κατέστησε·
그러므로 참으로 다른 이들은 기술을 통해 더 위대해지지만, 그는 자기 자신의 기여를 통해 기술 자체마저도 더 위대하게 만들었다.
πολλαχόθεν γὰρ αὐτὴν ἦρεν, ὥστʼ ἀπʼ ἐκείνου τὸ σχῆμα ἔχειν.
왜냐하면 그가 다방면에서 기술을 고양시켜, 기술이 그로부터 형태를 갖추게 되었기 때문이다.
τοῖς μὲν γὰρ ἄλλοις ἐξαρκεῖ τῶν καθʼ αὑτοὺς ὑπερσχεῖν, ὁ δὲ συμπάσης ἁπλῶς τῆς τέχνης πρωτεύσας φαίνεται.
다른 이들에게는 자신과 동시대인들을 능가하는 것으로 충분하겠지만, 그는 문자 그대로 기술 전체에서 첫째 자리를 차지했음이 분명하다.
τῶν γὰρ ἄλλων τῶν ἐνταῦθα παιδείας ταχθέντων τῶν μὲν κρίσεως εὖ σχεῖν δοξάντων, φωνὴν δὲ οὐδένων γενομένων, τῶν δʼ εἰπεῖν μὲν ἐξικνουμένων, τῇ δʼ ἐπιστήμῃ οὐ πολλὰ ὡμιληκότων, τῶν δʼ αὖ πολυμάθειαν ἀσκησάντων, ὑπὸ δʼ αὐτῆς ταύτης εἰς τὰ κρείττω τυφλωθέντων καὶ μεθέντων τὸ βέλτιστον, πάντα δὴ συλλαβὼν εἷς ἀνὴρ εἶχε.
이 교양의 영역에 속한 다른 이들 중에서, 어떤 이들은 판단력은 뛰어난 것으로 여겨졌으나 언변은 아무것도 아니었고, 다른 이들은 말은 잘했으나 지식과는 깊이 교류하지 못했으며, 또 다른 이들은 박식을 닦았으나 바로 그 박식으로 인해 더 나은 것에 눈이 멀어 최선의 것을 놓쳐 버렸는데, 이 한 사람은 그 모든 것을 한데 모아 소유하고 있었기 때문이다.
καὶ μὴν τό γε φωνῆς οὕτως ἔχοντα μὴ εἰς συγγραφάς τε καὶ τοιοῦτον σχῆμα ἀναχωρῆσαι, ἀλλʼ ἑλέσθαι τὴν τοῖς παλαιοῖς Ἕλλησι διακονίαν, πῶς οὐχ §83ὅμοιον τῷ πρὸς τοὺς φοιτῶντας ἀφθόνῳ καὶ ἀφειδεῖ;
또한 이처럼 언변이 뛰어나면서도 저술 활동이나 그와 같은 형태(은둔)로 물러나지 않고 도리어 옛 그리스인들을 위한 봉사를 택한 것이, 어찌 배우러 찾아오는 이들을 향한 아낌없고 아량 넓은 태도와 유사하지 않겠는가?
διὸ τῶν τε μαθημάτων εὐθέως ἐνεπίμπλη καὶ ὅσους ἑώρα βίου δεομένους συστάσεις αὐτοῖς καὶ τάξεις ἐπορίζετο·
그리하여 그는 찾아오는 이들을 즉시 배움으로 채워주었고, 생활에 안정이 필요한 이들을 볼 때면 그들에게 추천장과 직책을 마련해 주었다.
ὥστε πλείστους δὴ εἷς ἀνὴρ οὗτος παιδεύσας τε καὶ διαδοὺς φαίνεται καὶ γενόμενος ἀκριβῶς τοῖς Ἕλλησιν ἀντʼ οἰκιστοῦ.
그 결과 이 한 사람이 가장 많은 사람들을 교육하고 내보낸 것이 분명해졌으며, 그리스인들에게 정확히 식민지 창설자 같은 존재가 되었다.
εἰκάσαι δὲ ἔξεστι τὸ κατʼ αὐτὸν καὶ ταῖς μητροπόλεσιν.
또한 그의 처지를 모도시들에 비유할 수도 있다.
ἄλλους γὰρ ἄλλοθι τῆς γῆς κατῴκισεν, ἐπʼ ὠφελείᾳ αὐτῶν τε ἐκείνων καὶ τῶν χρωμένων.
왜냐하면 그는 다른 이들을 대지의 여기저기에 정착시켰는데, 이는 그들 자신뿐만 아니라 그들을 받아들이는 이들의 유익을 위해서였기 때문이다.
μόνος δὲ καὶ τὸν Ἡσίοδον ἤλεγξεν ἔργῳ ψευδόμενον ποιήσαντα ὅτι καὶ ἀοιδὸς ἀοιδῷ φθονέει.
그리고 그만이 헤시오도스가 '가객도 가객을 시샘한다'라고 쓴 시구가 거짓임을 행실로써 입증했다.
ἦν γὰρ τῶν ὁμοτέχνων οἷον πατὴρ κοινὸς, καὶ πάντες ἐπʼ ἐκείνῳ πλείους ἐλπίδας εἶχον ἢ ἕκαστος ἑαυτῷ.
왜냐업이 그는 동업자들에게 공동의 아버지 같은 존재였으며, 모두가 자기 자신에게 갖는 것보다 그에게 더 큰 희망을 품었기 때문이다.
μόνος δʼ ἰδιώτας τε οὐκ ἤλεγχε καὶ παρὰ τοῖς δεξιοῖς εἰς τὰ πρῶτα ἐθαυμάζετο.
또한 그만이 배움이 없는 이들을 비난하지 않았고 동시에 재능 있는 이들 사이에서 으뜸가는 이로 칭송받았다.
καὶ μόνος πλήθει τε καὶ ἀκριβείᾳ μαρτύρων ἐνίκα.
그리고 그만이 증인들의 수와 확실함에 있어서 압도적이었다.
ἦν δὲ καὶ τοῖς περὶ τοὺς λόγους φιλοτιμία ἐκείνῳ συγγεγονέναι καὶ τοῖς ἄλλως ἐνδόξοις τε καὶ λαμπροῖς ἀντʼ ἄλλου τινὸς τῶν εἰς τὸ ὑπερέχειν τὸ ἐκείνῳ χρωμένους φαίνεσθαι.
또한 말에 관련된 이들에게는 그와 교류했다는 것이 영예였고, 다른 일로 저명하고 빛나는 이들에게도 뛰어남에 이르는 다른 어떤 것보다도 그와 친교가 있는 자로 보이는 것이 영예였다.
ὥστʼ ἦν ἅπασιν ἀσπαστὸς, καὶ ὁπότε μὴ δημοσιεύοι, ἢ παρὰ τοῖς δυνάσταις ἂν ἦν, ἢ ἐν αὐτῷ τῷ βασιλέως οἴκῳ.
그리하여 그는 모두에게 환영받았으며, 공적인 활동을 하지 않을 때면 유력자들의 곁에 있거나 황제의 집 바로 그곳에 머무르곤 했다.
καὶ μὴν καὶ τὰς μετὰ τῶν βασιλέων διατριβὰς ὥσπερ ὁδῷ τινι χρησάμενος οὕτως ἐποιήσατο, διὰ παντὸς γὰρ τοῦ Ἑλληνικοῦ πρωτεύσας καὶ πεῖραν ἑαυτοῦ παρασχὼν μυρίαν, οὕτως καὶ εἰς βασιλέως αὐλάς τε καὶ ἀκοὰς ἀφίκετο.
나아가 황제들과의 교류도 마치 제대로 된 길을 밟아가듯 행하였으니, 그리스 세계 전역에서 으뜸이 되고 스스로에 대해 무수한 시험을 보여준 끝에 비로소 황제의 궁전과 그의 알현에 도달했던 것이다.
ἐκ δὲ τούτου ἕτερος παρʼ ἑτέρου παραλαμβάνων αὐτὸν εἶχεν ἀντʼ ἄλλου κόσμου τῶν βασιλικῶν.
그리하여 황제들은 저마다 뒤를 이어 그를 받아들여, 황실의 다른 어떤 장식물 대신 그를 곁에 두었다.
γενόμενος τοίνυν ἐπʼ ἐξουσίας καὶ δυνάμεως τοσαύτης ὥστε καὶ τροφέως χώραν, οὐχὶ διδασκάλου μόνον τῶν παίδων ἔχειν, τὴν μὲν ἄλλην σωφροσύνην καὶ κοσμιότητα ὅσην παρέσχετο οὐ φαῦλον ἔργον διηγήσασθαι.
이처럼 큰 권세와 힘을 얻어, 아이들의 교사뿐만 아니라 양육자의 지위까지 차지하게 되었을 때, 그가 보여준 다른 절제와 단정함이 얼마나 대단했는지는 다 이야기하기가 쉽지 않은 일이다.
ἔπραττε δὲ ταυτὸν ὅπερ καὶ περὶ τὰς ἀρχαίας διατριβάς.
그러나 그는 옛 학문적 교류 때와 똑같은 행동을 보여주었다.
ἔν τε γὰρ ταῖς διατριβαῖς δυσχεροῦς μὲν οὐδενὸς οὐδενὶ πώποτε τῶν πάντων αἴτιος γενέσθαι λέγεται, ἀγαθοῦ δὲ ἀεί τινος καὶ μαθηταῖς αὐτοῖς καὶ παιδαγωγοῖς αὐτῶν.
그 학문적 교류에 있어서도 그가 누구에게든 전혀 불쾌한 일의 원인이 된 적이 없었다고 전해지며, 늘 제자들 자신에게나 그들의 인도자들에게나 어떤 좋은 일의 원인이 되어 주었기 때문이다.
καὶ γὰρ ἐλευθέρους ἀφεθῆναι καὶ
실로 자유인으로 풀려나거나...