§7.7.6ἐφεξῆς δὲ τὸ στόμα τοῦ Ἀμβρακικοῦ κόλπου·
이어서 암브라키아만의 입구가 있다.
τούτου δὲ τοῦ κόλπου τὸ μὲν στόμα μικρῷ τοῦ τετρασταδίου μεῖζον, ὁ δὲ κύκλος καὶ τριακοσίων σταδίων, εὐλίμενος δὲ πᾶς.
이 만의 입구는 4스타디온보다 약간 더 크며, 그 둘레는 300스타디온에 달하고, 전체가 항구로 쓰기에 좋다.
οἰκοῦσι δὲ τὰ μὲν ἐν δεξιᾷ εἰσπλέουσι τῶν Ἑλλήνων Ἀκαρνᾶνες·
(만 안으로) 배를 타고 들어가는 이에게 오른편에는 그리스인들 중에서 아카르나니아인들이 거주한다.
καὶ ἱερὸν τοῦ Ἀκτίου Ἀπόλλωνος ἐνταῦθά ἐστι πλησίον τοῦ στόματος, λόφος τις ἐφʼ ᾧ ὁ νεώς, καὶ ὑπʼ αὐτῷ πεδίον ἄλσος ἔχον καὶ νεώρια, ἐν οἷς ἀνέθηκε Καῖσαρ τὴν δεκαναΐαν ἀκροθίνιον, ἀπὸ μονοκρότου μέχρι δεκήρους·
그리고 이곳 입구 근처에는 악티움의 아폴론 신전이 있는데, 신전이 서 있는 어떤 언덕과, 그 아래에 성스러운 숲과 선창을 가진 평원이 있으며, 이 선창에 카이사르는 단층선에서 10단선에 이르는 열 척의 전함들을 전리품으로 봉헌했다.
ὑπὸ πυρὸς δʼ ἠφανίσθαι καὶ οἱ νεώσοικοι λέγονται καὶ τὰ πλοῖα·
하지만 선창과 배들 모두 화재로 소실되었다고 전해진다.
ἐν ἀριστερᾷ δὲ ἡ Νικόπολις καὶ τῶν Ἠπειρωτῶν οἱ Κασσωπαῖοι μέχρι τοῦ μυχοῦ τοῦ κατὰ Ἀμβρακίαν·
왼편에는 니코폴리스와, 에페이로스인들 중에서 카소파이오이인들이 암브라키아 쪽 만의 가장 깊숙한 곳까지 거주한다.
ὑπέρκειται δὲ αὕτη τοῦ μυχοῦ μικρόν, Γόργου τοῦ Κυψέλου κτίσμα·
이 도시는 만의 가장 안쪽에서 약간 위쪽에 자리 잡고 있으며, 킵셀로스의 아들 고르고스가 세운 도시이다.
παραρρεῖ δʼ αὐτὴν ὁ Ἄρατθος ποταμὸς ἀνάπλουν ἔχων ἐκ θαλάττης εἰς αὐτὴν ὀλίγων σταδίων, ἀρχόμενος ἐκ Τύμφης ὄρους καὶ τῆς Παρωραίας.
아라토스강이 그 옆을 흐르는데, 바다에서 이 도시까지 불과 몇 스타디온의 가강이 가능하며, 이 강은 팀페산과 파로라이아 지방에서 발원한다.
ηὐτύχει μὲν οὖν καὶ πρότερον ἡ πόλις αὕτη διαφερόντως (τὴν γοῦν ἐπωνυμίαν ἐντεῦθεν ἔσχηκεν ὁ κόλπος), μάλιστα δʼ ἐκόσμησεν αὐτὴν Πύρρος βασιλείῳ χρησάμενος τῷ τόπῳ·
이 도시는 이전에도 특별히 번성했으며(어쨌든 만의 이름이 이 도시에서 유래했다), 특히 피로스가 이곳을 왕성으로 삼아 가장 훌륭하게 꾸몄다.
Μακεδόνες δʼ ὕστερον καὶ Ῥωμαῖοι καὶ ταύτην καὶ τὰς ἄλλας κατεπόνησαν τοῖς συνεχέσι πολέμοις διὰ τὴν ἀπείθειαν, ὥστε τὸ τελευταῖον ὁ Σεβαστὸς ὁρῶν ἐκλελειμμένας τελέως τὰς πόλεις εἰς μίαν συνῴκισε τὴν ὑπʼ αὐτοῦ κληθεῖσαν Νικόπολιν ἐν τῷ κόλπῳ τούτῳ, ἐκάλεσε δʼ ἐπώνυμον τῆς νίκης, ἐν ᾗ κατεναυμάχησεν Ἀντώνιον πρὸ τοῦ στόματος τοῦ κόλπου καὶ τὴν Αἰγυπτίων βασίλισσαν Κλεοπάτραν παροῦσαν ἐν τῷ ἀγῶνι καὶ αὐτήν.
그러나 나중에 마케도니아인들과 로마인들이 그들의 불복종 때문에 지속적인 전쟁으로 이 도시와 다른 도시들을 피폐하게 만들었고, 결국 마지막에 아우그스투스는 도시들이 완전히 황폐해진 것을 보고 그것들을 이 만에 있는, 자신이 니코폴리스라 부른 하나의 도시로 통합시켰다. 그리고 만의 입구 앞에서 안토니우스와, 이 전투에 스스로도 참여했던 이집트의 여왕 클레오파트라를 해전에서 격파한 그 승리의 이름을 따서 명명했다.
ἡ μὲν οὖν Νικόπολις εὐανδρεῖ καὶ λαμβάνει καθʼ ἡμέραν ἐπίδοσιν, χώραν τε ἔχουσα πολλὴν καὶ τὸν ἐκ τῶν λαφύρων κόσμον, τό τε κατασκευασθὲν τέμενος ἐν τῷ προαστείῳ τὸ μὲν εἰς τὸν ἀγῶνα τὸν πεντετηρικὸν ἐν ἄλσει ἔχοντι γυμνάσιόν τε καὶ στάδιον, τὸ δʼ ἐν τῷ ὑπερκειμένῳ τοῦ ἄλσους ἱερῷ λόφῳ τοῦ Ἀπόλλωνος.
그리하여 니코폴리스는 인구가 번성하고 날로 발전을 이루고 있는데, 이는 넓은 영토와 전리품으로 만든 장식, 그리고 교외에 세워진 성역을 가지고 있기 때문이며, 이 성역은 한편으로는 체육관과 경기장을 갖춘 성스러운 숲속에서 치러지는 5년마다의 제전을 위한 것이고, 다른 한편으로는 숲 위쪽에 있는 아폴론의 신성한 언덕에 자리 잡고 있다.
ἀποδέδεικται δʼ ὁ ἀγὼν Ὀλύμπιος, τὰ Ἄκτια, ἱερὸς τοῦ Ἀκτίου Ἀπόλλωνος, τὴν δʼ ἐπιμέλειαν ἔχουσιν αὐτοῦ Λακεδαιμόνιοι.
'악티아'라 불리는 이 제전은 올림피아 제전과 동등한 것으로 선포되었고, 악티움의 아폴론에게 봉헌된 신성한 것이며, 라케다이몬인들이 그 관리를 맡고 있다.
αἱ δʼ ἄλλαι κατοικίαι περιπόλιοι τῆς Νικοπόλεώς εἰσιν.
다른 거주지들은 니코폴리스의 주변 도시들이다.
ἤγετο δὲ καὶ πρότερον τὰ Ἄκτια τῷ θεῷ, στεφανίτης ἀγών, ὑπὸ τῶν περιοίκων· νυνὶ δʼ ἐντιμότερον ἐποίησεν ὁ Καῖσαρ.
악티아 제전은 이전에도 이웃 주민들에 의해 신을 기리며 화환을 상으로 주는 제전으로 거행되었으나, 이제는 카이사르가 이를 더 명예롭게 만들었다。
§7.7.7μετὰ δὲ τὴν Ἀμβρακίαν τὸ Ἄργος ἐστὶ τὸ Ἀμφιλοχικόν, κτίσμα Ἀλκμαίωνος καὶ τῶν παίδων.
암브라키아 다음에는 알크마이온과 그의 자녀들이 세운 암필로키아의 아르고스가 있다.
Ἔφορος μὲν οὖν φησὶ τὸν Ἀλκμαίωνα μετὰ τὴν Ἐπιγόνων ἐπὶ τὰς Θήβας στρατείαν παρακληθέντα ὑπὸ Διομήδους συνελθεῖν εἰς Αἰτωλίαν αὐτῷ καὶ συγκατακτήσασθαι ταύτην τε καὶ τὴν Ἀκαρνανίαν·
에포로스에 따르면, 알크마이온은 에피고노이의 테바이 원정 이후 디오메데스의 초청을 받아 그와 함께 아이톨리아로 가서 이 땅과 아카르나니아를 공동으로 정복했다.
καλοῦντος δʼ αὐτοὺς ἐπὶ τὸν Τρωικὸν πόλεμον Ἀγαμέμνονος, τὸν μὲν Διομήδη πορευθῆναι, τὸν δʼ Ἀλκμαίωνα μείναντα ἐν τῇ Ἀκαρνανίᾳ τὸ Ἄργος κτίσαι, καλέσαι δʼ Ἀμφιλοχικὸν ἐπώνυμον τοῦ ἀδελφοῦ, Ἴναχον δὲ τὸν διὰ τῆς χώρας ῥέοντα ποταμὸν εἰς τὸν κόλπον ἀπὸ τοῦ κατὰ τὴν Ἀργείαν προσαγορεῦσαι.
아가멤논이 그들을 트로이아 전쟁으로 소집했을 때 디오메데스는 떠났으나, 알크마이온은 아카르나니아에 남아 아르고스를 세우고 그의 형제의 이름을 따서 암필로키콘이라 불렀으며, 그 지역을 흘러 만으로 들어가는 강을 아르고스 지방의 강을 본떠 이나코스강이라 불렀다고 한다.
Θουκυδίδης δέ φησιν αὐτὸν Ἀμφίλοχον μετὰ τὴν ἐκ Τροίας ἐπάνοδον δυσαρεστοῦντα τοῖς ἐν Ἄργει παρελθεῖν εἰς τὴν Ἀκαρνανίαν, διαδεξάμενον δὲ τὴν τἀδελφοῦ δυναστείαν κτίσαι τὴν πόλιν ἐπώνυμον ἑαυτοῦ.
반면 투키디데스에 따르면, 암필로코스 자신이 트로이아로부터 귀환한 후 아르고스의 상황에 불만을 품고 아카르나니아로 건너갔으며, 그의 형제의 지배권을 이어받아 자신의 이름을 따서 이 도시를 세웠다고 한다.