§7.5.3ἔθνη δʼ ἐστὶ τῶν Παννονίων Βρεῦκοι καὶ Ἀνδιζήτιοι καὶ Διτίωνες καὶ Πειροῦσται καὶ Μαζαῖοι καὶ Δαισιτιᾶται, ὧν Βάτων ἡγεμών, καὶ ἄλλα ἀσημότερα μικρά, ἃ διατείνει μέχρι Δαλματίας σχεδὸν δέ τι καὶ Ἀρδιαίων ἰόντι πρὸς νότον·
판노니아인의 부족으로는 브레우코이, 안디제티오이, 디티오네스, 페이루스타이, 마자이오이, 그리고 바톤이 지도자였던 다이시티아타이가 있으며, 그 외에 덜 알려진 소규모 부족들이 있는데, 이들은 달마티아까지, 그리고 남쪽으로 향하는 이들에게는 거의 아르디아이오이인의 땅까지 뻗어 있다.
ἅπασα δʼ ἡ ἀπὸ τοῦ μυχοῦ τοῦ Ἀδρίου παρήκουσα ὀρεινὴ μέχρι τοῦ Ῥιζονικοῦ κόλπου καὶ τῆς Ἀρδιαίων γῆς μεταξὺ πίπτουσα τῆς τε θαλάττης καὶ τῶν Παννονίων ἐθνῶν.
아드리아 해의 가장 깊은 곳에서 시작하여 리조니코스 만과 아르디아이오이인의 땅에 이르는 모든 산지는 바다와 판노니아인 부족들 사이에 위치한다.
σχεδὸν δέ τι καὶ ἐντεῦθεν τὴν ἀρχὴν ποιητέον τῆς συνεχοῦς περιοδείας ἀναλαβοῦσι μικρὰ τῶν λεχθέντων πρότερον.
그리고 이전에 말한 것들을 조금 돌이켜보면서 대략 이 지점부터 연속적인 순례를 다시 시작해야 한다.
ἔφαμεν δʼ ἐν τῇ περιοδείᾳ τῆς Ἰταλίας Ἴστρους εἶναι πρώτους τῆς Ἰλλυρικῆς παραλίας συνεχεῖς τῇ Ἰταλίᾳ καὶ τοῖς Κάρνοις, καὶ διότι μέχρι Πόλας, Ἰστρικῆς πόλεως, προήγαγον οἱ νῦν ἡγεμόνες τοὺς τῆς Ἰταλίας ὅρους.
이탈리아 순례에서 우리는 이스트로이인이 이탈리아 및 카르니인과 인접한 일리리아 해안의 첫 사람들이며, 현재의 통치자들이 이탈리아의 국경을 이스트리아의 도시 폴라까지 전진시켰다고 말했다.
οὗτοι μὲν οὖν περὶ ὀκτακοσίους σταδίους εἰσὶν ἀπὸ τοῦ μυχοῦ.
따라서 이들은 가장 깊은 곳에서 약 800스타디온 거리에 있다.
τοσοῦτοι δʼ εἰσὶ καὶ ἀπὸ τῆς ἄκρας τῆς πρὸ τῶν Πολῶν ἐπὶ Ἀγκῶνα ἐν δεξιᾷ ἔχοντι τὴν Ἑνετικήν.
또한 폴라 앞의 곶에서 안콘까지도 같은 거리인데, 오른쪽에 헤네티인의 땅을 두고 가는 이들에게 그러하다.
ὁ δὲ πᾶς Ἰστρικὸς παράπλους χίλια τριακόσια.
이스트리아 전체의 연안 항로는 1300스타디온이다.
§7.5.4ἑξῆς δʼ ἐστὶν ὁ Ἰαποδικὸς παράπλους χιλίων σταδίων·
다음은 1000스타디온에 이르는 이아포데스인의 연안 항로이다.
ἵδρυνται γὰρ οἱ Ἰάποδες ἐπὶ τῷ Ἀλβίῳ ὄρει τελευταίῳ τῶν Ἄλπεων ὄντι ὑψηλῷ σφόδρα, τῇ μὲν ἐπὶ τοὺς Παννονίους καὶ τὸν Ἴστρον καθήκοντες τῇ δʼ ἐπὶ τὸν Ἀδρίαν, ἀρειμάνιοι μὲν ἐκπεπονημένοι δὲ ὑπὸ τοῦ Σεβαστοῦ τελέως·
이아포데스인은 알프스 산맥의 마지막이자 매우 높은 산인 알비오스 산에 거주하며, 한편으로는 판노니아인과 이스트로스 강에 접하고 다른 한편으로는 아드리아 해에 임하기 때문이다. 이들은 호전적이지만 아우구스투스에 의해 완전히 평정되었다.
πόλεις δʼ αὐτῶν Μέτουλον Ἀρουπῖνοι Μονήτιον Ὀυένδων·
그들의 도시로는 메툴론, 아루피노이, 모네티온, 웬돈이 있다.
λυπρὰ δὲ τὰ χωρία, καὶ ζειᾷ καὶ κέγχρῳ τὰ πολλὰ τρεφομένων·
그 영토는 척박하여 사람들은 대부분 이립밀과 기장으로 연명한다.
ὁ δʼ ὁπλισμὸς Κελτικός· κατάστικτοι δʼ ὁμοίως τοῖς ἄλλοις Ἰλλυριοῖς καὶ Θρᾳξί.
무장은 켈트식이며, 다른 일리리아인 및 트라키아인과 마찬가지로 문신을 새겼다.
μετὰ δὲ τὸν τῶν Ἰαπόδων ὁ Λιβυρνικὸς παράπλους ἐστί, μείζων τοῦ προτέρου σταδίοις, ἐν δὲ τῷ παράπλῳ ποταμὸς φορτίοις ἀνάπλουν ἔχων μέχρι Δαλματέων, καὶ Σκάρδων Λιβυρνὴ πόλις.
이아포데스인의 땅 다음으로는 리부르니아 연안 항로가 있는데, 이는 이전 것보다 [몇] 스타디온 더 길다. 이 항로에는 화물선이 달마티아인들의 땅까지 거슬러 올라갈 수 있는 강과 리부르니아 도시 스카르돈이 있다.
§7.5.5παρʼ ὅλην δʼ ἣν εἶπον παραλίαν νῆσοι μὲν αἱ Ἀψυρτίδες, περὶ ἃς ἡ Μήδεια λέγεται διαφθεῖραι τὸν ἀδελφὸν Ἄψυρτον διώκοντα αὐτήν.
내가 말한 전체 해안을 따라 섬들이 있는데, 우선 압쉬르티데스 제도가 있으며, 그 주변에서 메데이아가 자신을 추격하던 남동생 압쉬르토스를 죽였다고 전해진다.
ἔπειτα ἡ Κυρικτικὴ κατὰ τοὺς Ἰάποδας· εἶθʼ αἱ Λιβυρνίδες περὶ τετταράκοντα τὸν ἀριθμόν·
다음은 이아포데스인들 앞바다에 있는 키리크티케 섬이며, 그 다음으로 그 수가 약 40개에 달하는 리부르니데스 제도가 있다.
εἶτʼ ἄλλαι νῆσοι, γνωριμώταται δʼ Ἴσσα, Τραγούριον, Ἰσσέων κτίσμα, Φάρος ἡ πρότερον Πάρος, Παρίων κτίσμα, ἐξ ἧς Δημήτριος ὁ Φάριος.
그 후 다른 섬들이 있는데, 가장 잘 알려진 것은 이사, 이사인의 식민 도시인 트라구리온, 그리고 예전에 파로스라 불렸으며 파로스인의 식민 도시였던 파로스이며, 이 파로스 섬에서 파로스의 데메트리오스가 나왔다.
εἶτα ἡ τῶν Δαλματέων παραλία καὶ τὸ ἐπίνειον αὐτῶν Σάλων.
그 다음은 달마티아인들의 해안과 그들의 항구 살론이다.
ἔστι δὲ τῶν πολὺν χρόνον πολεμησάντων πρὸς Ῥωμαίους τὸ ἔθνος τοῦτο·
이 부족은 로마인들과 오랫동안 싸운 부족 중 하나이다.
κατοικίας δʼ ἔσχεν ἀξιολόγους εἰς πεντήκοντα, ὧν τινὰς καὶ πόλεις, Σάλωνά τε καὶ Πρώμωνα καὶ Νινίαν καὶ Σινώτιον τό τε νέον καὶ τὸ παλαιόν, ἃς ἐνέπρησεν ὁ Σεβαστός.
이들은 약 50개의 주목할 만한 거주지를 가지고 있었는데, 그 중 일부는 도시이기도 했으니, 살로나, 프로모나, 니니아, 그리고 아우구스투스가 불태운 신구 시노티온이다.
ἔστι δὲ καὶ Ἀνδήτριον ἐρυμνὸν χωρίον, Δέλμιον δὲ μεγάλη πόλις, ἧς ἐπώνυμον τὸ ἔθνος·
요새화된 지역인 안데트리온도 있고, 이 부족의 이름의 유래가 된 큰 도시 델미온도 있다.
μικρὰν δʼ ἐποίησε Νασικᾶς καὶ τὸ πεδίον μηλόβοτον διὰ τὴν πλεονεξίαν τῶν ἀνθρώπων.
나시카는 이 사람들의 탐욕 때문에 이 도시를 작게 만들고 그 평원을 양들의 방목지로 만들었다.
ἴδιον δὲ τῶν Δαλματέων τὸ διὰ ὀκταετηρίδος χώρας ἀναδασμὸν ποιεῖσθαι·
달마티아인들에게 독특한 점은 8년마다 토지를 재분배한다는 것이다.
τὸ δὲ μὴ χρῆσθαι νομίσμασι πρὸς μὲν τοὺς ἐν τῇ παραλίᾳ ταύτῃ ἴδιον, πρὸς ἄλλους δὲ τῶν βαρβάρων πολλοὺς κοινόν.
또한 화폐를 사용하지 않는 것은 이 해안에 사는 이들에게는 독특하지만, 다른 많은 야만인들에게는 공통된 특징이다.
Ἄδριον δὲ ὄρος ἐστὶ μέσην τέμνον τὴν Δαλματικήν, τὴν μὲν ἐπιθαλάττιον τὴν δʼ ἐπὶ θάτερα.
아드리온 산은 달마티아를 바다 쪽과 다른 한쪽의 두 부분으로 가르는 산이다.
εἶθʼ ὁ Νάρων ποταμὸς καὶ οἱ περὶ αὐτὸν Δαόριζοι καὶ Ἀρδιαῖοι καὶ Πληραῖοι, ὧν τοῖς μὲν πλησιάζει νῆσος ἡ μέλαινα Κόρκυρα καλουμένη καὶ πόλις, Κνιδίων κτίσμα, τοῖς δὲ Ἀρδιαίοις ἡ Φάρος, Πάρος λεγομένη πρότερον· Παρίων γάρ ἐστι κτίσμα.
그 다음은 나론 강과 그 주변의 다오리조이인, 아르디아이오이인, 플레라이오이인이 있는데, 이들 중 일부에게는 '검은 코르키라'라 불리는 섬과 도시(크니도스인의 식민 도시)가 가까이 있고, 아르디아이오이인에게는 이전에 파로스라 불렸던 파로스 섬이 가까이 있으니, 이는 파로스인의 식민 도시이기 때문이다.
§7.5.6Ὀυαρδαίους δʼ οἱ ὕστερον ἐκάλεσαν τοὺς Ἀρδιαίους·
후대 사람들은 아르디아이오이인을 우아르다이오이인이라 불렀다.
ἀπέωσαν δʼ αὐτοὺς εἰς τὴν μεσόγαιαν ἀπὸ τῆς θαλάττης Ῥωμαῖοι, λυμαινομένους αὐτὴν διὰ τῶν λῃστηρίων, καὶ ἠνάγκασαν γεωργεῖν.
로마인들은 그들이 해적 행위로 바다를 어지럽히자 그들을 해안에서 내륙으로 쫓아내고 농경을 하도록 강제했다.
τραχεῖα δὲ χώρα καὶ λυπρὰ καὶ οὐ γεωργῶν ἀνθρώπων, ὥστʼ ἐξέφθαρται τελέως, μικροῦ δὲ καὶ ἐκλέλοιπε.
그러나 땅이 험하고 척박하여 농경에 적합한 사람들이 아니었으므로 그들은 완전히 쇠퇴하여 거의 사라졌다.
τοῦτο δὲ καὶ τοῖς ἄλλοις ἔθνεσι τοῖς ταύτῃ συνέβη·
이 일은 이 지역의 다른 부족들에게도 일어났다.
οἱ γὰρ πλεῖστον δυνάμενοι πρότερον τελέως ἐταπεινώθησαν καὶ ἐξέλιπον, Γαλατῶν μὲν Βοῖοι καὶ Σκορδίσται, Ἰλλυριῶν δὲ Αὐταριᾶται καὶ Ἀρδιαῖοι καὶ Δαρδάνιοι, Θρᾳκῶν δὲ Τριβαλλοί, ὑπʼ ἀλλήλων μὲν ἐξ ἀρχῆς, ὕστερον δʼ ὑπὸ Μακεδόνων καὶ Ῥωμαίων ἐκπολεμούμενοι.
예전에 가장 강력했던 부족들이 완전히 몰락하여 사라진 것이다. 갈라티아인 중에는 보이인과 스코르디스타이, 일리리아인 중에는 아우타리아타이인, 아르디아이오이인, 다르다니아인, 트라키아인 중에는 트리발로이인인데, 이들은 처음에는 서로 싸웠고 나중에는 마케도니아인과 로마인들에 의해 전쟁으로 파멸에 이르렀다.