§7.3.1τὸ δὲ νότιον μέρος τῆς Γερμανίας τὸ πέραν τοῦ Ἄλβιος τὸ μὲν συνεχὲς ἀκμὴν ὑπὸ τῶν Σοήβων κατέχεται·
알비스강 너머 게르마니아의 남부 지역에 관해서는, 인접한 부분은 여전히 수에비족에 의해 점유되어 있다.
εἶτʼ εὐθὺς ἡ τῶν Γετῶν συνάπτει γῆ, κατʼ ἀρχὰς μὲν στενή, παρατεταμένη τῷ Ἴστρῳ κατὰ τὸ νότιον μέρος, κατὰ δὲ τοὐναντίον τῇ παρωρείᾳ τοῦ Ἑρκυνίου δρυμοῦ, μέρος τι τῶν ὀρῶν καὶ αὐτὴ κατέχουσα, εἶτα πλατύνεται πρὸς τὰς ἄρκτους μέχρι Τυρεγετῶν·
그리고 바로 이어서 게타이족의 땅이 접하고 있는데, 처음에는 좁아서 남쪽으로는 이스트로스강을 따라, 반대쪽으로는 헤르키니아 삼림의 산기슭을 따라 뻗어 있으며 그 자체로도 산지의 일부를 차지하고 있으나, 그 후 북쪽으로 넓어져 티레게타이족에 이른다.
τοὺς δὲ ἀκριβεῖς ὅρους οὐκ ἔχομεν φράζειν.
그러나 정확한 경계를 우리는 말할 수 없다.
διὰ δὲ τὴν ἄγνοιαν τῶν τόπων τούτων οἱ τὰ Ῥιπαῖα ὄρη καὶ τοὺς Ὑπερβορείους μυθοποιοῦντες λόγου ἠξίωνται, καὶ ἃ Πυθέας ὁ Μασσαλιώτης κατεψεύσατο ταῦτα τῆς παρωκεανίτιδος, προσχήματι χρώμενος τῇ περὶ τὰ οὐράνια καὶ τὰ μαθηματικὰ ἱστορίᾳ.
이 지역들에 대한 무지 때문에, 리파이 산맥과 히페르보레오스인에 대해 신화를 지어내는 자들이 신빙성 있는 것으로 여겨졌으며, 마살리아의 피테아스가 천문과 수학에 관한 탐구를 구실로 삼아 대양 연안에 관해 꾸며낸 거짓말들 또한 그러했다.
ἐκεῖνοι μὲν οὖν ἐάσθωσαν·
그러므로 그 사람들은 제쳐두기로 하자.
οὐδὲ γὰρ εἴ τινα Σοφοκλῆς τραγῳδεῖ περὶ τῆς Ὠρειθυίας λέγων ὡς ἀναρπαγεῖσα ὑπὸ Βορέου κομισθείη
"
ὑπέρ τε πόντον πάντʼ ἐπʼ ἔσχατα χθονὸς
νυκτός τε πηγὰς οὐρανοῦ τʼ ἀναπτυχάς,
Φοίβου παλαιὸν κῆπον,
"
οὐδὲν ἂν εἴη πρὸς τὰ νῦν, ἀλλʼ ἐατέον, ὥσπερ καὶ ἐν τῷ Φαίδρῳ ὁ Σωκράτης.
왜냐하면 소포클레스가 오레이티이아에 대해 그녀가 보레아스에게 납치되어 "온 바다를 넘어 대지의 끝자락과 밤의 원천과 하늘의 열린 곳, 포이보스의 오래된 정원으로" 실려 갔다고 비극적으로 노래하더라도, 현재의 일에는 아무런 상관이 없을 것이므로, 『파이도루스』에서 소크라테스가 하듯 내버려 두어야 하기 때문이다.
ἃ δὲ ἔκ τε τῆς παλαιᾶς ἱστορίας καὶ τῆς νῦν παρειλήφαμεν, ταῦτα λέγωμεν.
하지만 우리가 고대 역사와 현대의 정보 양쪽으로부터 전해 받은 것들, 이것들을 이야기하도록 하자.
§7.3.2οἱ τοίνυν Ἕλληνες τοὺς Γέτας Θρᾷκας ὑπελάμβανον·
그런데 그리스인들은 게타이족을 트라키아인으로 여겼다.
ᾤκουν δʼ ἐφʼ ἑκάτερα τοῦ Ἴστρου καὶ οὗτοι καὶ οἱ Μυσοὶ Θρᾷκες ὄντες καὶ αὐτοὶ καὶ οὓς νῦν Μοισοὺς καλοῦσιν, ἀφʼ ὧν ὡρμήθησαν καὶ οἱ νῦν μεταξὺ Λυδῶν καὶ Φρυγῶν καὶ Τρώων οἰκοῦντες Μυσοί.
이들도, 그리고 역시 스스로 트라키아인이면서 현재 모이시아인이라 불리는 미시아인들도 이스트로스강 양안에 살고 있었는데, 현재 리디아인과 프리기아인과 트로이아인 사이에 살고 있는 미시아인들 역시 이들에게서 유래하여 출발한 것이다.
καὶ αὐτοὶ δʼ οἱ Φρύγες Βρίγες εἰσί, Θρᾴκιόν τι ἔθνος, καθάπερ καὶ Μυγδόνες καὶ Βέβρυκες καὶ Μαιδοβιθυνοὶ καὶ Βιθυνοὶ καὶ Θυνοὶ, δοκῶ δὲ καὶ τοὺς Μαριανδυνούς.
그리고 프리기아인들 자신도 뮈그도네스인, 베브뤼케스인, 마이도비티니인, 비티니인, 티니인, 그리고 내가 생각하기에는 마리안디니인들과 마찬가지로, 트라키아계 부족인 브리게스인이다.
οὗτοι μὲν οὖν τελέως ἐκλελοίπασι πάντες τὴν Εὐρώπην, οἱ δὲ Μυσοὶ συνέμειναν.
그리하여 이들은 모두 유럽을 완전히 떠났으나, 미시아인들은 잔류했다.
καὶ Ὅμηρον δʼ ὀρθῶς εἰκάζειν μοι δοκεῖ Ποσειδώνιος τοὺς ἐν τῇ Εὐρώπῃ Μυσοὺς κατονομάζειν (λέγω δὲ τοὺς ἐν τῇ Θρᾴκῃ) ὅταν φῇ
"
αὐτὸς δὲ πάλιν τρέπεν ὄσσε φαεινώ,
νόσφιν ἐφʼ ἱπποπόλων Θρῃκῶν καθορώμενος αἶαν
Μυσῶν τʼ ἀγχεμάχων.
또한 포세이도니우스가, 호메로스가 다음 시구에서 유럽(즉 트라키아)에 있는 미시아인들을 지칭하고 있다고 추측하는 것은 옳다고 나에게 생각된다.
"
ἐπεὶ εἴ γε τοὺς κατὰ τὴν Ἀσίαν Μυσοὺς δέχοιτό τις, ἀπηρτημένος ἂν εἴη ὁ λόγος.
"그러나 그는 스스로 빛나는 두 눈을 다시 돌려, 말 기르는 트라키아인들의 땅과 접근전을 벌이는 미시아인들의 땅을 멀리 바라보았다." 왜냐하면 만약 누군가가 아시아에 있는 미시아인들로 받아들인다면, 그 서술은 앞뒤가 맞지 않게 될 것이기 때문이다.
τὸ γὰρ ἀπὸ τῶν Τρώων τρέψαντα τὴν ὅρασιν ἐπὶ τὴν Θρᾳκῶν γῆν συγκαταλέγειν ταύτῃ τὴν τῶν Μυσῶν, τῶν οὐ νόσφιν ὄντων ἀλλʼ ὁμόρων τῇ Τρῳάδι καὶ ὄπισθεν αὐτῆς ἱδρυμένων καὶ ἑκατέρωθεν, διειργομένων δʼ ἀπὸ τῆς Θρᾴκης πλατεῖ Ἑλλησπόντῳ, συγχέοντος ἂν εἴη τὰς ἠπείρους καὶ ἅμα τῆς φράσεως οὐκ ἀκούοντος.
트로이아인들로부터 트라키아인들의 땅으로 시선을 돌리면서, 여기에 미시아인들의 땅을 함께 열거하는 것은 — 그들은 멀리 떨어져 있는 것이 아니라 트로아스 지방에 인접하여 그 뒤편과 양옆에 위치해 있으며, 트라키아로부터는 넓은 헬레스폰토스 해협에 의해 가로막혀 있으므로 — 대륙들을 혼동하는 자이자 동시에 그 어구를 잘못 이해하는 자의 처사일 것이기 때문이다.
τὸ γὰρ πάλιν τρέπεν μάλιστα μέν ἐστιν εἰς τοὐπίσω· ὁ δʼ ἀπὸ τῶν Τρώων μεταφέρων τὴν ὄψιν ἐπὶ τοὺς μὴ ὄπισθεν αὐτῶν ἢ ἐκ πλαγίων ὄντας προσωτέρω μὲν μεταφέρει, εἰς τοὐπίσω δʼ οὐ πάνυ.
왜냐하면 "다시 돌리다"는 것은 가장 먼저 "뒤쪽으로"라는 뜻인데, 트로이아인들로부터 그들의 뒤나 옆에 있지 않은 이들에게로 시선을 옮기는 자는 시선을 더 앞쪽으로 옮기는 것이지 뒤쪽으로는 전혀 옮기는 것이 아니기 때문이다.
καὶ τὸ ἐπιφερόμενον δʼ αὐτοῦ τούτου μαρτύριον, ὅτι τοὺς ἱππημολγοὺς καὶ γαλακτοφάγους καὶ ἀβίους συνῆψεν αὐτοῖς, οἵπερ εἰσὶν οἱ ἁμάξοικοι Σκύθαι καὶ Σαρμάται.
그리고 뒤이어 나오는 구절도 바로 이 사실의 증거이다. 왜냐하면 그는 그들과, 말 젖을 짜고 젖을 먹으며 사는 아비오이인들을 결부시켰는데, 이들이야말로 마차에 사는 스키타이인들과 사르마타이인들이기 때문이다.
καὶ γὰρ νῦν ἀναμέμικται ταῦτα τὰ ἔθνη τοῖς Θρᾳξὶ καὶ τὰ Βασταρνικά, μᾶλλον μὲν τοῖς ἐκτὸς Ἴστρου, ἀλλὰ καὶ τοῖς ἐντός.
실제로 오늘날에도 이 부족들은 트라키아인들과 뒤섞여 있으며 바스타르나이계 부족들도 그러한데, 이스트로스강 바깥쪽에 있는 이들에게 더 그러하지만 안쪽의 이들에게도 마찬가지이다.
τούτοις δὲ καὶ τὰ Κελτικά, οἵ τε Βόιοι καὶ Σκορδίσκοι καὶ Ταυρίσκοι.
또한 이들에게는 켈트계 부족들, 즉 보이오이족과 스코르디스코이족과 타우리스코이족도 섞여 있다.
τοὺς δὲ Σκορδίσκους ἔνιοι Σκορδίστας καλοῦσι· καὶ τοὺς Ταυρίσκους δὲ Τευρίσκους καὶ Ταυρίστας φασί.
한편 스코르디스코이족을 '스코르디스타이'라고 부르는 이들도 있으며, 타우리스코이족을 '테우리스코이'나 '타우리스타이'라고도 말한다.
§7.3.3λέγει δὲ τοὺς Μυσοὺς ὁ Ποσειδώνιος καὶ ἐμψύχων ἀπέχεσθαι κατʼ εὐσέβειαν, διὰ δὲ τοῦτο καὶ θρεμμάτων·
포세이도니우스는 또한 미시아인들이 경건함 때문에 살아 있는 생물을 먹는 것을 멀리하며, 따라서 가축을 먹는 것도 멀리한다고 말한다.
μέλιτι δὲ χρῆσθαι καὶ γάλακτι καὶ τυρῷ ζῶντας καθʼ ἡσυχίαν, διὰ δὲ τοῦτο καλεῖσθαι θεοσεβεῖς τε καὶ καπνοβάτας·
그리고 그들은 꿀과 우유와 치즈를 이용해 조용히 살아가고 있으며, 이 때문에 그들은 '신을 경외하는 자들'이자 '카프노바타이'라고 불린다는 것이다.
εἶναι δέ τινας τῶν Θρᾳκῶν οἳ χωρὶς γυναικὸς ζῶσιν, οὓς κτίστας καλεῖσθαι, ἀνιερῶσθαί τε διὰ τιμὴν καὶ μετὰ ἀδείας ζῆν·
나아가 트라키아인들 중에는 여성 없이 사는 자들이 있으며 이들은 '크티스타이'라고 불리고, 존경을 받아 신에게 봉헌되어 아무런 두려움 없이 살아간다는 것이다.
τούτους δὴ συλλήβδην ἅπαντας τὸν ποιητὴν εἰπεῖν ἀγαυοὺς ἱππημολγοὺς γλακτοφάγους ἀβίους τε, δικαιοτάτους ἀνθρώπους.
바로 이들 모두를 통틀어 시인이 "긍지 높은, 말 젖 짜는 자들, 젖을 먹는 자들, 아비오이인들, 가장 의로운 사람들"이라고 불렀다는 것이다.
ἀβίους δὲ προσαγορεύειν μάλιστα ὅτι χωρὶς γυναικῶν, ἡγούμενον ἡμιτελῆ τινα βίον τὸν χῆρον, καθάπερ καὶ τὸν οἶκον ἡμιτελῆ τὸν Πρωτεσιλάου διότι χῆρος·
그리고 그들을 '비행 없는 자(아비오이)'라고 부르는 것은 특히 그들이 여성 없이 살기 때문인데, 홀몸의 삶을 불완전한 삶으로 여겼기 때문이다. 이는 프로테실라오스의 집이 주인을 잃고 홀몸이 되었기 때문에 '불완전한 집'이라 불리는 것과 마찬가지라는 것이다.
ἀγχεμάχους δὲ τοὺς Μυσούς, ὅτι ἀπόρθητοι, καθὰ οἱ ἀγαθοὶ πολεμισταί· δεῖν δὲ ἐν τῷ τρισκαιδεκάτῳ γράφειν ἀντὶ τοῦ Μυσῶν τʼ ἀγχεμάχων Μοισῶν τʼ ἀγχεμάχων.
또한 미시아인들을 '접근전을 벌이는'이라고 부르는 것은 그들이 훌륭한 전사들처럼 정복되지 않기 때문이며, 『일리아스』 제13권에서는 "접근전을 벌이는 미시아인들의" 대신 "접근전을 벌이는 모이시아인들의"라고 써야 한다는 것이다.