§7.1.3ἔστι δὲ τὰ μὲν πρῶτα μέρη τῆς χώρας ταύτης τὰ πρὸς τῷ Ῥήνῳ μέχρι τῶν ἐκβολῶν ἀπὸ τῆς πηγῆς ἀρξαμένοις·
이 지방의 첫 번째 부분은 수원지에서 시작하여 하구에 이르기까지 라인강에 인접한 지역이다.
σχεδὸν δέ τι καὶ τοῦτʼ ἔστι τὸ ἑσπέριον τῆς χώρας πλάτος, ἡ ποταμία πᾶσα.
그리고 강변의 온 땅은 거의 이 지방의 서쪽 너비(동서 폭)를 형성한다.
ταύτης δὲ τὰ μὲν εἰς τὴν Κελτικὴν μετήγαγον Ῥωμαῖοι, τὰ δʼ ἔφθη μεταστάντα εἰς τὴν ἐν βάθει χώραν, καθάπερ Μαρσοί·
이 지역 중 일부는 로마인들이 켈트 지방(갈리아)으로 이주시켰고, 다른 일부는 마르시인들처럼 내륙 깊숙한 곳으로 먼저 이주해 가버렸다.
λοιποὶ δʼ εἰσὶν ὀλίγοι καὶ τῶν Σουγάμβρων μέρος.
남아 있는 이들은 소수이며 스감브리인들의 일부도 그러하다.
μετὰ δὲ τοὺς παραποταμίους τἆλλά ἐστιν ἔθνη τὰ μεταξὺ τοῦ Ῥήνου καὶ τοῦ Ἄλβιος ποταμοῦ, ὃς παράλληλός πως ἐκείνῳ ῥεῖ πρὸς τὸν ὠκεανόν, οὐκ ἐλάττω χώραν διεξιὼν ἤπερ ἐκεῖνος.
강변에 사는 이들 다음으로는 라인강과 알비스강 사이에 있는 다른 부족들이 있다. 알비스강은 라인강과 대략 평행하게 대양을 향해 흐르며, 라인강 못지않게 넓은 지역을 관통한다.
εἰσὶ δὲ μεταξὺ καὶ ἄλλοι ποταμοὶ πλωτοὶ (ὧν ἐν τῷ Ἀμασίᾳ Δροῦσος Βρουκτέρους κατεναυμάχησε), ῥέοντες ὡσαύτως ἀπὸ νότου πρὸς βορρᾶν καὶ τὸν ὠκεανόν.
그 사이에는 항해 가능한 다른 강들도 있으며(그중 아마시아강에서 드루수스가 브루크테리인들을 해전으로 격파했다), 이 강들 역시 남쪽에서 북쪽 및 대양으로 흐른다.
ἐξῆρται γὰρ ἡ χώρα πρὸς νότον καὶ συνεχῆ ταῖς Ἄλπεσι ποιεῖ ῥάχιν τινὰ πρὸς ἕω τεταμένην, ὡς ἂν μέρος οὖσαν τῶν Ἄλπεων·
이 지방은 남쪽으로 갈수록 높아져 알프스산맥에 연이어 동쪽으로 뻗은 어떤 산등성이를 형성하고 있으며, 마치 알프스의 일부인 것처럼 보인다.
καὶ δὴ καὶ ἀπεφήναντό τινες οὕτως διά τε τὴν λεχθεῖσαν θέσιν καὶ διὰ τὸ τὴν αὐτὴν ὕλην ἐκφέρειν·
실제로 어떤 이들은 앞서 말한 위치와 동일한 목재를 산출한다는 점 때문에 이와 같이 주장하기도 했다.
οὐ μὴν ἐπὶ τοσοῦτό γε ὕψος ἀνίσχει τὰ ταύτῃ ὄρη.
다만 이 지역의 산들이 그 정도로 높은 고도까지 솟아 있는 것은 아니다.
ἐνταῦθα δʼ ἐστὶν ὁ Ἑρκύνιος δρυμὸς καὶ τὰ τῶν Σοήβων ἔθνη, τὰ μὲν οἰκοῦντα ἐντὸς τοῦ δρυμοῦ, ἐν οἷς ἐστι καὶ τὸ Βουίαιμον τὸ τοῦ Μαροβόδου βασίλειον, εἰς ὃν ἐκεῖνος τόπον ἄλλους τε μετανέστησε πλείους καὶ δὴ καὶ τοὺς ὁμοεθνεῖς ἑαυτῷ Μαρκομμάνους.
이곳에는 헤르키니아 삼림과 수에비인의 부족들이 있는데, 그중 일부는 삼림 내부에 살고 있으며, 그 안에는 마로보두스의 왕궁인 부이아이몬도 있다. 그는 이곳으로 다른 여러 부족들과 특히 자신과 동족인 마르코만니인들을 이주시켰다.
ἐπέστη γὰρ τοῖς πράγμασιν οὗτος ἐξ ἰδιώτου μετὰ τὴν ἐκ Ῥώμης ἐπάνοδον·
이 인물은 로마에서 돌아온 뒤 일개 사인의 신분에서 권력의 자리에 올랐기 때문이다.
νέος γὰρ ἦν ἐνθάδε καὶ εὐεργετεῖτο ὑπὸ τοῦ Σεβαστοῦ, ἐπανελθὼν δὲ ἐδυνάστευσε καὶ κατεκτήσατο πρὸς οἷς εἶπον Λουγίους τε, μέγα ἔθνος, καὶ Ζούμους καὶ Γούτωνας καὶ Μουγίλωνας καὶ Σιβίνους καὶ τῶν Σοήβων αὐτῶν μέγα ἔθνος, Σέμνωνας.
그는 젊은 시절 그곳에 머물며 아우구스투스로부터 은혜를 입었으나, 돌아와서는 지배권을 장악하고 내가 말한 부족들 외에 큰 부족인 루기인, 줌인, 구토네스인, 무길로네스인, 시비누스인, 그리고 수에비인 자체의 큰 부족인 셈노네스인을 정복했다.
πλὴν τά γε τῶν Σοήβων, ὡς ἔφην, ἔθνη τὰ μὲν ἐντὸς οἰκεῖ, τὰ δὲ ἐκτὸς τοῦ δρυμοῦ, ὅμορα τοῖς Γέταις.
다만 수에비인의 부족들은 내가 말한 바와 같이 일부는 삼림 내부에, 일부는 삼림 외부에 살며 게타이인들과 접경해 있다.
μέγιστον μὲν οὖν τὸ τῶν Σοήβων ἔθνος· διήκει γὰρ ἀπὸ τοῦ Ῥήνου μέχρι τοῦ Ἄλβιος·
수에비인 부족은 가장 거대한데, 라인강에서 알비스강까지 뻗어 있기 때문이다.
μέρος δέ τι αὐτῶν καὶ πέραν τοῦ Ἄλβιος νέμεται, καθάπερ Ἑρμόνδοροι καὶ Λαγκόβαρδοι·
그들 중 일부는 헤르몬도로이인과 랑코바르도이인처럼 알비스강 너머에도 거주한다.
νυνὶ δὲ καὶ τελέως εἰς τὴν περαίαν οὗτοί γε ἐκπεπτώκασι φεύγοντες.
그러나 현재에는 적어도 이들이 도망쳐 완전히 강 건너편으로 쫓겨나 버렸다.
κοινὸν δʼ ἐστὶν ἅπασι τοῖς ταύτῃ τὸ περὶ τὰς μεταναστάσεις εὐμαρὲς διὰ τὴν λιτότητα τοῦ βίου καὶ διὰ τὸ μὴ γεωργεῖν μηδὲ θησαυρίζειν, ἀλλʼ ἐν καλυβίοις οἰκεῖν ἐφήμερον ἔχουσι παρασκευήν·
이 지역의 모든 이들에게 공통적인 점은 삶의 간소함 때문에, 그리고 농경을 하지 않고 재물을 축적하지도 않으며 임시방편의 채비만을 갖추어 오두막에 살기 때문에 이주가 수월하다는 것이다.
τροφὴ δʼ ἀπὸ τῶν θρεμμάτων ἡ πλείστη καθάπερ τοῖς νομάσιν, ὥστʼ ἐκείνους μιμούμενοι τὰ οἰκεῖα ταῖς ἁρμαμάξαις ἐπάραντες ὅπῃ ἂν δόξῃ τρέπονται μετὰ τῶν βοσκημάτων.
음식은 유목민처럼 대부분 가축으로부터 얻는다. 따라서 그들을 모방하여 자신들의 가재도구를 덮개마차에 싣고 가축과 함께 마음 내키는 곳은 어디로든 향한다.
ἄλλα δʼ ἐνδεέστερά ἐστιν ἔθνη Γερμανικὰ Χηροῦσκοί τε καὶ Χάττοι καὶ Γαμαβρίουιοι καὶ Χαττουάριοι· πρὸς δὲ τῷ ὠκεανῷ Σούγαμβροί τε καὶ Χαῦβοι καὶ Βρούκτεροι καὶ Κίμβροι Καῦκοί τε καὶ Καοῦλκοι καὶ Καμψιανοὶ καὶ ἄλλοι πλείους.
다른 세력이 작은 게르만 부족들로는 케루스코이인, 하토이인, 가마브리우이오이인, 하투아리오이인이 있으며, 대양 쪽에는 스감브리인, 하우보이인, 브루크테리인, 킴브리인, 카우코이인, 카울코이인, 캄프시아노이인 및 그 밖에 많은 이들이 있다.
ἐπὶ ταὐτὰ δὲ τῷ Ἀμασίᾳ φέρονται Βίσουργίς τε καὶ Λουπίας ποταμός, διέχων Ῥήνου περὶ ἑξακοσίους σταδίους, ῥέων διὰ Βρουκτέρων τῶν ἐλαττόνων.
비수르기스강과 루피아스강도 아마시아강과 같은 방향으로 흐르는데, 루피아스강은 라인강에서 약 육백 스타디온 떨어져 있으며 소(小) 브루크테리인들의 영토를 가로질러 흐른다.
ἔστι δὲ καὶ Σάλας ποταμός, οὗ μεταξὺ καὶ τοῦ Ῥήνου πολεμῶν καὶ κατορθῶν Δροῦσος ἐτελεύτησεν ὁ Γερμανικός.
또한 살라스강도 있는데, 이 강과 라인강 사이에서 드루수스 게르마니쿠스는 전쟁을 치르며 승리를 거두던 중에 사망했다.
ἐχειρώσατο δʼ οὐ μόνον τῶν ἐθνῶν τὰ πλεῖστα, ἀλλὰ καὶ τὰς ἐν τῷ παράπλῳ νήσους, ὧν ἐστι καὶ ἡ Βυρχανίς, ἣν ἐκ πολιορκίας εἷλε.
그는 대부분의 부족들을 굴복시켰을 뿐만 아니라 연안 항로에 있는 섬들도 굴복시켰는데, 그중에는 그가 포위 공격을 통해 함락시킨 비르하니스섬도 있다.